ضي

مصير الايام .. يضحك وجهها باكر ‏و يفز غصن الرجا لعيون عصفوره

مصير القلب لو طوّل ظلامه يلتقي صبحه و شمسه ما تبقّي من ظلام البارحة طاري

‏يالعفاف المهذب، والحيا والحشيمة ‏والجمال الحقيقي والوقار المهيّب ‏كل عين ما تشبع من عيونك كريمة ‏ما لحسنك شبيه ولا لزينك معيّب ‏ماتهون المصايب والجروح الأليمة ‏لين شعرك من العود المعتق يطيّب ‏وكل فكرة تغنّى فيك فكرة عظيمة ‏ لين راسي يشيب ولين قافي يشيب

‏ماعاد خليت للأشواق صوبك مرور ‏ماتدري ان الحبايب يخلقون ابرياء ‏ٰعاملتني بإصطناع الكبرياء والغرور ‏و انا لسان الغرور و سيّد الكبرياء ‏- علي الدعيّه

ياللي ليا قفَّى من الليل ثلثين ‏أبواب عرشك للدعاء يفتحنَّا ‏يامستجيب لدعوة المستقيمين ‏متوسّلين إليك يارب اعنَّا الوتر

شيٍ نقوله بالقصايد و نرتاح وشيٍ ورا عوج الضلوع النحايل

ما يجيها صاحي القلب ويعود سليم ‏القلوب تشقها والضلوع تفرّها

‏خل الحياة تسوي اللي تسويه ‏دامك على شداد الكرامه متكّي

‏ما غايبٍ عن فرحة العِيد غير أنت عيدك عسى بين النِّبي و الصحابة

الله أكبر الله أكبر الله أكبر.. لا إله إلا الله الله أكبر الله أكبر.. ولله الحمد..

‏صلو على النبي ﷺ

ما يفك قيود الاحزان فـ الليل العتيم ‏ويطرد جيوش الطواري مع فجوج الخلا ‏غير ركعة تالي الليل والذكر الحكيم ‏ماندم من هو ركعها وفـ المصحف تلا ‏- الوتر

ماله حليٍ بالحضر والبداوي ‏ولا بالقرى يوجد ولا بالجزيرات

صبحت يامن طرا بالخير في بالي ‏ماهو صباحٍ جميع الناس يوحونه

قد قلتها من قبل والقلب كذّاب لا زلت رغم الصدّ رهن الإشارة

يا طير ما تعطيني الجنحان عاريّة؟ ‏أبطيت ما جاء خبر مدعوج الأعياني

‏( يا شناح الطول ) ( يا الظبي الجفول ) ‏( يا مليح الزول ) ( يا صافِ الجمال ) ‏حار فكري فيك مدري ويش اقول ‏يا جمال اهل الجنوب مع الشمال ‏فيك من زود البها شيٍ يهول ‏لو يشوفه عابدٍ صابه هبال

‏الشمس طلّت ثم طلّت هي ‏و تعانقن ألوان بألواني ‏ضيٍ تعثّر و أنسكب في ضي ‏مدري من الماين على الثاني