𝚂𝚒𝚗𝚐𝚞𝚕𝚊𝚛𝚒𝚝𝚢

في بعض الأحايين يهيأ لي أن الميزان قد مال، وأن أوقات هناءتي هي من الندرة والقلة بحيث تعجز التعويض عن أوقات تعاستي، ثم أجد في أحايين أخرى وعلى العكس من ذلك: أنني قد أحرزت تقدماً، فتزداد أوقات الهناءة وتنقص الأوقات المنغصة. أما الذي ما تمنيته قط، ولا حتى في أشد أحوالي سوءً، فهو تلك المنطقة المتوسطة بين السعادة والشقاء، ذلك المنتصف الفاتر الباهت غير المحتمل. إني لأفضل التطرف والغلو في الانعطاف-العذاب الممض، العذاب الذي بسببه تشتد لحظات عمري تألقاً ولمعاناً. يتلاشى اليأس من نفسي وتعود الحياة آهلة بالمسرة، ويعود إلى السماء بهاؤها وللتجوال جدواه في أيام تعويض كهذه. ينتابني إحساس بالإعياء، لكن دون شجى محدد، استسلام دون مرارة، شعور بالامتنان دون مهانة، وشيئاً فشيئاً يأخذ خط الحياة بالصعود وأراني أدندن من جديد سطراً من أغنية، وأقطف وردة، وأعاود العبث بعصاي. لقد تغلبت على الكآبة هذه المرة، وسيتوجب عليّ أن أتغلب عليها مرة اخرى، وربما مراراً عديدة. ثمة بعض العلاجات الناجعة لدحر الكآبة: الغناء، التدين، تأليف الموسيقى، كتابة القصائد، والتجول، وإني لأعيش عليها جميعاً كما يعيش الناسك على صلواته. هرمان هسّه| تجوال

اللهم رجعلي واهسي بالدراسة بس هالشهر وراها خليني أرسب بكل حياتي عادي ما أهتم، ماكو هيج سنة كاملة عبرت مجانت ثگيلة وغثيثة بگد هالفترة.

وإتكلمنا وإتحاكينا إتكلمنا ياما، ياما وإتواعدنا عالمستقبل زي الحبايب ما عم تتواعد..

بنات ديانا من أيام بس اجن للدنيا وأحس ماخذات گلبي، حبيبتي كل يوم تدزلي طن صور وفيديوهات ومشاركتني تفاصيلهن كلها عبالك ويانه بالبيت. أتمنى يطلعون بحنية أمهم وبجمالها.. آني فرحانة بيهم هواية ومتشوقة لليوم إللي أشوفهن بي بالواقع هن وأمهن حبيبتي أم شموسة أموت عليج والله ليحرمنه منج ومن أميراتج الحلوات.🫀🩷🩷

مُبارك لديانا وأمير ولادة الأميرات (شمس وقمر) هي هاي السعادة إللي مراح يضاهيها شي بأن ديانا تطلع بسلامة هي وبناتها إللي انتظرناهم هواية. سعيدة لدرجة لأول مرة أكعد بدون منبه من الصبح، بس لأن جنت متحمسة أشوفهن واسمع صوت امهن وهي بخير.. ألف الحمد لله يا رب، الله يتممها إن شاء الله ويتربون بدلالهم ♥️♥️ @dianazdiary

صلوات الصبايا إلى مريم - ريلكه

عائلتي وديانا والمقربين كلش أحبكم هواية، شگد ما أكون ضايجة ومحبطة وجودكم بحياتي يخلي كلشي سهل، ويخلي الأشياء إللي أسويها يصير إلها معنى. وإذا ممتنة للخالق على شي فآني ممتنه له لأن موجودين بحياتي وبقربني بكل اللحظات الحلوة وإللي مو حلوة.🤍♥️🫂

الحمد لله نجحت باللي امتحنتهم، مو إللي متوقعته بس راضية على كلشي ادعولي بالمرحلة الجاية مرحلة الدور الثاني ونتحرر تماماً من السادس.🤍

روايتي العظيمة والمفضلة جانت بطلة المسلسل، المصادفة الحلوة قبل يومين آني سامعتها وللمرة المدري شگد لهذا انشديت أكثر لشخصية البطل لأن هالرواية جانت رفيقة كل أيامه.

كملت مسلسل Lesson in Chemistry، وللأمانة جان دماغي بحالة من التشتت، ومشاعري مجانت صافية ومعقدة بسبب الضغط، حتى نومي وأحلامي داتتأثر بسببه. فهذا المسلسل القصير جان مؤجل، فمصادفة طرأت ببالي فكرة إكماله، لأن متعودة من أعيش مشاعر سيئة، السينما دائماً تنقذني بهيج وضع. وهالمرة ما فشلت وي هالعمل الرهيب والممتع. بي هواية أحداث ومشاعر، وكدروا الممثلين يجسدوها وكأنها بالفعل حياتهم الشخصية. هواية حبيته، واستمتعت بي، واستفدت منه بفكرة أن الإنسان يحتاج للشريك، وللحب، وللمساعدة، وللعائلة، ولكل هاي الروابط. فجان إضافة إلى رسالة المسلسل عن احترام العلم وتقديره، رسالة إنسانية تحقق كل شعور بالآخر نعيشه ويتولد بداخلنا من خلال علاقاتنا وتواصلنا. المسلسل جان سلسلة من الأحداث العشوائية، تسير ببطء إلى أن بالحلقات الأخيرة تتسارع وتيرتها، ويتضح كلشي. أنصح بي، وأتمنى تستمتعون وتعيشون شعوري تجاه أجوائه وشخصياته.

Lesson in chemistry (2023)

Lesson in chemistry (2023)

Lesson in chemistry (2023)

Lesson in chemistry (2023)