RF

60 жастан асқан жолаушыларға пойыз билеті 25%-ға арзандады Алпыс жастан асқан жолаушыларға пойыз билетін сатып алғанда жиырма бес пайыз жеңілдік беріледі. Ол үшін үш мың теңге тұратын және бір жыл жарамды QURMET дисконттық картасын алу қажет. Жас адамдар үшін он бес пен жиырма бес жас аралығында купе жоғарғы орындар мен отыратын вагондарға отыз үш пайыз жеңілдік беретін KETTİK33 картасы енгізілген. Карталарды тек теміржол вокзалдарындағы «Жолаушылар тасымалы» АҚ билет кассаларынан сатып алуға болады. https://t.me/sn_kz

«Қалжыңдайтын орын емес»: Ернар Айдар бірден 3 бап бойынша жауапқа тартылды Таразда әлеуметтік желідегі видео бойынша жол ережесін бұзған жол талғамайтын көлік жүргізушісі анықталды. Көлік иесі ӘҚБтК-нің үш бабы бойынша жауапқа тартылып, тоқтау/тұрақ қағидаларын бұзғаны, жол белгілерін сақтамағаны және белгіленбеген жерден өткені үшін айыппұл салынды. Полиция жол қауіпсіздігі әр қатысушының жеке жауапкершілігі екенін ескертті. Толығырақ https://t.me/sn_kz

🌐Бүгінгі күннің басты жаңалықтары 🔹Трамп Тоқаев пен Қазақстанды Бейбітшілік кеңесіне шақырды 🔹Солтүстік Қазақстанда 5 жасар бала үйде тірідей жанып кетті 🔹«Еліміздің мүлдем жаңа саяси тұрпаты қалыптасып жатыр» — Президент 🔹Жәнібек Әлімханұлының допинг ісі 23 қаңтарда қайта қаралатын болды 🔹Жаркентте баласын аяусыз сабаған әйелдің психоневрологиялық есепте тұрғаны анықталды 🔹200 мыңның креслосы 20 миллионға сатылған: Шымкентте бюджетке ірі көлемде залал келтірілген 🔹«Бір жылда бір миллион адам жұмыссыз қалуы мүмкін»: Сарапшы жаңа Салық кодексін сынады https://t.me/sn_kz

Kaspi.kz қосымшасында салық режимін ауыстыру 1 қаңтардан бастап Қазақстанда жаңа Салық кодексі күшіне енді. Ол бір жалпы салық тәртібін және үш арнайы салық режимін қарастырады: өзін-өзі жұмыспен қамтығандар, оңайлатылған декларация және шаруа/фермер қожалықтары үшін. Оңайлатылған декларация негізіндегі АСР-ге өтуді қалайтындар 2026 жылғы 1 наурызға дейін хабарлама беруі тиіс, әйтпесе жалпы тәртіпке ауыстырылады. Салық режимін Kaspi.kz қосымшасында «Мемлекеттік қызметтер» бөлімінде оңай әрі жылдам өзгертуге болады. Ақпарат 24 сағат ішінде жаңартылып, қолданушыға хабарлама жіберіледі. Kaspi.kz басшысы Михаил Ломтадзе сервистің жаңа Салық кодексіне толық бейімделгенін атап өтті. Ал Қаржы министрлігі өкілі Ерқанат Шыңберген оңайлатылған режимге көшу шарттары сақталған жағдайда барлық салық төлеушілердің оған құқығы бар екенін айтты. Толығырақ ақпарат Kaspi Гид-тен қолжетімді. https://t.me/sn_kz

Алматы облысында бір донор бірнеше адамның өмірін сақтап қалды 47 жастағы пациентте мидың өлімі тіркелген соң, туыстары донорлыққа келісім берді. Нәтижесінде екі бүйрек, жүрек, бауыр және мөлдір қабық алынып, медициналық көмек бірнеше науқасқа, оның ішінде балаға көрсетілді. Қазір Қазақстанда трансплантация күту тізімінде 4 506 адам, оның ішінде 123 бала бар. https://t.me/sn_kz

Астанада Президент Қасым-Жомарт Тоқаевтың қатысуымен Парламенттік реформа жөніндегі жұмыс тобының отырысы өтті Мемлекеттік кеңесші Ерлан Қарин Президентке жұмыс тобының қызметі мен Парламентті трансформациялауға арналған конституциялық өзгерістердің ауқымдылығын баяндады. Тоқаев реформаны іске асыру үшін Конституцияның бірнеше бөлімін қайта қарау қажет екенін айтып, елде сапалық жаңа саяси құрылым қалыптасып жатқанын атап өтті. Ол ертең Ұлттық құрылтайда нақты пікірін білдіретінін хабарлады. https://t.me/sn_kz

Құны 200 мың теңгеден аспайтын бір креслоны 20 млн теңгеге сатып алғаны анықталды Осы дерекке байланысты Әуезов атындағы Оңтүстік Қазақстан университетінде бюджет қаражатын жымқыру ісі сотқа жолданды. Күдіктілердің қатарында бұрынғы бірінші проректор бар. Олар жалған мемлекеттік сатып алу шарттарын жасап, тозған мүлікті қағаз жүзінде есептен шығарғанымен, іс жүзінде пайдалануды жалғастырған. Ал орнына келуі тиіс жаңа тауарлар мүлдем жеткізілмеген. Мемлекетке келтірілген залал – 321 млн теңге. Сот шешімімен 4 тұрғын үйге, 1 көлікке және 40 млн теңгеге тыйым салынды. https://t.me/sn_kz

Жаркентте баласын аяусыз ұрып-соққан 28 жастағы әйел ұсталды Оқиға Жетісу облысында болған. Полиция тексеріс барысында әйелдің кәмелетке толмаған балаға дене жарақатын салғанын анықтап, қылмыстық іс қозғады. Күдікті бөлімшеге жеткізіліп, уақытша ұстау изоляторына қамалды. Екі бала жағдайы анықталғанға дейін Отбасын қолдау орталығына орналастырылды. Қамқоршылық және қорғаншылық органдарына анасының ата-ана құқығынан айыру мәселесін қарау туралы ұсыныс жолданады. https://t.me/sn_kz

Боран мен қатты аяз: дүйсенбіге арналған ауа райы болжамы Бүгін Қазақстанның солтүстік-батысында, солтүстігінде және оңтүстігінде қар жауады. Солтүстік-батыс пен солтүстікте жаяу бұрқасын күтіледі. Елдің қалған аумағында жауын-шашынсыз, аязды ауа райы болжанады. Республика бойынша тұман түсіп, көктайғақ болып, желдің күшеюі мүмкін. Түнде Шығыс Қазақстан облысының солтүстігі мен шығысында өте қатты аяз сақталып, ауа температурасы -45°C-қа дейін төмендейді. Абай облысының шығысында -40°C-қа дейін аяз болады. Жетісу облысында -22…-27°C, Маңғыстау облысының солтүстік-шығысында -22°C-қа дейін суытады. 19 қаңтарға Қазақстанның 12 өңірінде дабылды ескерту жарияланды.

Теңіз кен орнындағы зауытта трансформаторлар жанды «ҚазМұнайГаз» өрттің таңертең болғанын және апаттық қызмет тарапынан толық сөндірілгенін растады. Зардап шеккендер жоқ. Қазір электр станциясындағы екі трансформатордағы өрттің себептері анықталуда. https://t.me/sn_kz

«Әділ жазасын алсын»: Шымкентте Нұрайды өлтірген күдікті блогердің туысы болып шықты Шымкентте қаза тапқан 21 жастағы қыздың өліміне күдікті Шерхан Аймахан блогер Мағжан Аймаханның туыс інісі болып шықты. Осыған байланысты Камила Әділхан мен Мағжан Аймахан мәлімдеме жасап, марқұм Нұрайдың ата-анасы мен жақындарына көңіл айтты. Олар күдіктінің туыстығын ашық мойындап, бұл әрекетті еш қолдамайтындарын, қанша жақын туыс болса да, әділ тергеу мен заңға сай жаза болуы керектігін атап өтті. https://t.me/sn_kz

«Тегін кітаптар»: қазақстандықтарға интернет-алаяқтықтың жаңа түрі туралы ескертілді Қазақстанның Бас прокуратурасы Telegram мессенджерінде таралып жатқан интернет-алаяқтықтың жаңа схемасы туралы ескертті. Алаяқтар «кітап боттары» деп аталатын тәсілді қолдануда. Құқықтық статистика және арнайы есепке алу комитетінің мәліметінше, олар пайдаланушыларға электронды кітапханаға тегін қолжетімділік ұсынады, алайда кітаптың орнына «арнайы қосымша» ретінде жасырылған зиянды файл жібереді. Аталған файлды орнату парольдердің және ақша қаражатының ұрлануына, хат-хабарлар мен жеке фотосуреттерге қол жеткізуге, сондай-ақ смартфонды толық бақылауға алуына әкелуі мүмкін. https://t.me/sn_kz

Атырауда жоғалған отбасының балаларын іздеу тоқтатылды Жангелдин ауылында хабар-ошарсыз кеткендер тізімінде тұрған Наурыз бен Мирамгүлді іздеу-құтқару жұмыстары аяқталды. "Полиция анықтаған барлық аумақ толық тексерілді. Қазір полиция департаментіне іздеуді жалғастыру туралы жаңа хабарламалар немесе өтініштер түскен жоқ", – деп хабарлады төтенше жағдайлар департаменті. https://t.me/sn_kz

🌐 Бүгінгі күннің басты жаңалықтары 🔹Арқалық әуежайына Мыржақып Дулатовтың есімі берілмек 🔹«Еңбек етсең – үйренесің»: Лукашенко Тоқаевты Беларусь шенеуніктеріне үлгі етті 🔹Батыс Қазақстанда автобус апатқа ұшырап, 4 адам мерт болды 🔹Қамауға алынды: Әнші Маржан Арапбаеваны азаматтық некедегі күйеуі соққыға жықты 🔹6,5 млрд теңге пайда тапқан: Қаржы пирамидасын құрған әйел Грузиядан экстрадицияланды 🔹Ел тұрғындарына Балиге көңілдесін апаруға тыйым салынды 🔹Үйіне апарып зорлаған: Шымкентте қыз алып қашқан күдікті құрықталды https://t.me/sn_kz

Шымкенттегі 21 жастағы қыз өлімі: Полиция әрекетіне қызметтік тексеру басталды Қылмыстық іс ІІМ-нің бақылауына алынды. Күдікті сот санкциясымен қамауға алынып, полиция қызметкерлерінің әрекеттеріне қызметтік тексеру басталды. Тергеу-жедел тобы құрылып, барлық деректер мен бейнежазбалар жан-жақты тексерілуде. https://t.me/sn_kz

Дінмұхаммед Қонаевтың қарындасы дүниеден өтті Қазақ КСР Компартиясы ОК-нің бірінші хатшысы болған Дінмұхаммед Қонаевтың кенже қарындасы, белгілі ғалым-биолог Рауза Қонаева 92 жасқа қараған шағында өмірден өтті. Қаралы хабарды Д.А. Қонаев атындағы Халықаралық қор растады. Рауза Қонаева 1934 жылы Алматы облысының Шілік ауылында дүниеге келген. М.В. Ломоносов атындағы Мәскеу мемлекеттік университетін тәмамдап, өмірінің басым бөлігін Қазақстан Ғылым академиясы жүйесінде өткізді. Ол биохимия және молекулалық биология саласында ұзақ жылдар ғылыми-зерттеу жұмыстарымен айналысты. Рауза Қонаева – еңбектері халықаралық деңгейде мойындалған көрнекті ғалым. Ол мәдениеті жоғары, қарапайым әрі зиялы тұлға ретінде ел есінде қалды. https://t.me/sn_kz

70 жастағы әкесін ұрып, соққыға жыққан ер адам 5 жылға сотталды Жетісай аудандық соты әкесіне балағат айтып, ұрып-соққан ер адамды ҚК-нің 110-бабы (азаптау) және 107-бабы (орташа ауырлықтағы денсаулыққа зиян келтіру) бойынша кінәлі деп танып, 5 жылға бас бостандығынан айырды. Сот оны орташа қауіпсіздіктегі мекемеге жіберді. https://t.me/sn_kz

Рәтбек қажы Нысанбайұлы дүниеден озды 16 қаңтарда Қазақстанның тұңғыш мүфтиі Рәтбек қажы Нысанбайұлы 86 жасқа қараған шағында қайтыс болды. Қаралы хабарды Қазақстан мұсылмандары діни басқармасы жариялады. Рәтбек Нысанбайұлы 1990–2000 жылдары мүфти қызметін атқарып, діни басқарманың іргетасын қалады. Оның бастамасымен елде 30-дан астам мешіт салынды. Марқұм Ливия университетінде білім алған, Қазақ КСР Жоғарғы Кеңесінің депутаты болған. Соңғы жылдары Есік қаласындағы мешіттің бас имамы қызметін атқарды. Ол «Парасат», «Шарапат» ордендерімен марапатталған. https://t.me/sn_kz

Петропавлда зейнеткер әйел аурухана маңында үсіп қайтыс болды 14 қаңтар күні 75 жастағы әйел Петропавл қаласындағы 314-ші Атқыштар дивизиясы көшесіндегі үйінен шығып, ауруханаға бет алған, бірақ қайта оралмаған. Оның ұялы телефоны өшірулі болған. Іздеу жұмыстарына 60-тан астам адам жұмылдырылды, алайда қатты аяз бен түнгі қараңғылық салдарынан әйелді табу мүмкін болмады. 15 қаңтар күні таңертең учаскелік полиция қызметкері оны аурухананың шаруашылық корпусы маңындағы қоршаудың жанынан тапты. Әйел қатты тоңып, ауыр жағдайда болған, сөйлей алмаған. Ол дереу дәрігерлерге жеткізілді, бірақ өмірін сақтап қалу мүмкін болмады. Аталған дерек бойынша қылмыстық іс қозғалды. Полиция тұрғындарды, әсіресе бағдарын жоғалтуы мүмкін қарт туыстарына мұқият қарауға шақырады. https://t.me/sn_kz

Ел аумағында антициклон: аяз бен боран 16 қаңтарда Қазақстан аумағында антициклонның әсерінен ауа райы суытады. Солтүстік және шығыс өңірлерде түнгі уақытта ауа температурасы –30…–40 градусқа дейін төмендеп, кей жерлерде –42 градусқа жетеді. Оңтүстік өңірлерде түнде –5…–13 градус, оңтүстік-шығыста –8…–17 градус, таулы аймақтарда –20…–25 градус аяз болады. Елдің оңтүстігі мен оңтүстік-шығысында қар жауып, төменгі боран, тұман және көктайғақ күтіледі. Көптеген аймақтарда жел күшейіп, екпіні 15–28 м/с-қа дейін жетеді. Астанада жауын-шашынсыз, түнде –28…–30, күндіз –21…–23 градус, Алматыда қар жауып, тұман мен көктайғақ байқалады, Шымкентте жаңбыр мен қар түрінде жауын-шашын күтіледі. https://t.me/sn_kz