SOG'LIQNI SAQLASH XODIMLARI KASABA UYUSHMASI

Ўзбекистон соғлиқни сақлаш ходимлари касаба уюшмаси Республика Кенгаши Ижроия қўмитасининг 3-йиғилиши Тошкент фармацевтика институтининг мажлислар залида ўз ишини бошлади. #онлайн

Иссиқ уриши (терморегуляциянинг бузилиши) ва танадаги титраш (судорога) фонида галлюцинация (алаҳсираш, йўқ нарсаларни кўриш ёки эшитиш) пайдо бўлиши — бу бош мия шиши ва интоксикациясидан дарак берувчи ўта оғир ва ҳаётий хавфли аломатдир. Бу ҳолат тиббиётда иссиқлик делирийси ёки ўткир психоз деб аталади ва мия ҳужайраларининг қаттиқ қизиб кетгани ҳамда кислород етишмаслиги (гипоксия) оқибатида юзага келади. Зудлик билан бажарилиши керак бўлган ҳаракатлар: Тез ёрдам (103) чақиринг: Агар ҳали қўнғироқ қилмаган бўлсангиз, зудлик билан шифокорларни чақиринг ва операторга беморда иситма, титраш (судорога) ва галлюцинация борлигини айтинг. Беморни тинчлантиринг: Галлюцинация пайтида бемор қўрқиши, тажовузкор бўлиши ёки қаёққадир қочишга уриниши мумкин. У билан вазмин ва паст овозда гаплашинг, уни ҳақорат қилманг ёки у билан баҳслашманг. Хавфсизликни таъминланг: Бемор ўзига ёки атрофдагиларга шикаст етказмаслиги учун ўткир, шиша ва оғир буюмларни ундан узоқлаштиринг.

‼️ Иш жойларида тазйиқ ва зўравонликка қаршимиз 👉 NODIRA Gaibnazarova

Sayxunobod tuman tibbiyot birlashmasi Ko‘p tarmoqli poliklinikasi kichik tibbiyot xodimi Qosimova Lobar Erkabayevnaga ish vaqtida sog‘ligiga yetkazilgan shikast natijasida to‘lanishi lozim bo‘lgan bir yo‘la beriladigan nafaqa hamda oyma-oy to‘lanadigan zarar to‘lovlarini olishda amaliy yordam so‘rab murojaat qilgan. Ushbu murojaat yuzasidan o‘rganilib to‘lovlar o‘z vaqtida to‘lab berilmaganligi sababli Fuqarolik ishlari bo‘yicha Sirdaryo tumanlararo sudiga davo arizasi kiritildi sud jarayoni davomida xodimga ikki yillik ish xaqi miqdorida Bir yo‘la beriladigan 48 246 480 (qirq sakkiz million ikki yuz qirq olti ming to‘rt yuz sakson) so‘m miqdoridagi nafaqa pullari xamda 2 412 324 (ikki million to‘rt yuz o‘n ikki ming uch yuz yigirma to‘rt) so‘m ish vaqtida sog‘ligiga yetkazilgan shikast natijasida to‘lanishi lozim bo‘lgan oyma-oy zarar puli “APEX INSURANCE” AJ tomonidan to‘lab berildi. Davo arizasida so‘ralgan manaviy zarar uchun sud tomonidan 1000000 (bir million) so‘m undirib berildi.

O‘zbekiston respublikasi davlat mustaqilligining 35 yilligi munosabati bilan «Yagona Vatan, yagona xalq bo‘lib, yangi hayot va kelejak yaratamiz!» shiori ostida, Respublika tez tibbiy yordam markazi Samarqand viloyat filiali tizimida faoliyat yuritayotgan xodimlar o‘rtasida sportning mini futbol turi bo‘yicha sport musoboqasi bo‘lib o‘tdi. Sport musoboqasida Respublika tez tibbiy yordam markazi Samarqand viloyat filiali tizimidagi shahar va tumanlardan tashrif buyurgan 15 ta jamoaga o‘zaro bellashdilar. Sport musoboqasida quyidagi jamoalar g’oliblikni qo’lga kiritdi. 1-o‘rin – Paxtachi tuman tez tibbiy yordam bekati. 2-o‘rin – Samarqand shahar 2-son tez tibbiy yordam bekati. 3-o‘rin – Tayloq tuman tez tibbiy yordam bekati egaladi.

🇺🇿 ҚАШҚАДАРЁДА “РАҲБАР ВА ЁШЛАР УЧРАШУВИ” БЎЛИБ ЎТДИ Жорий йилнинг 9 июль куни Ўзбекистон касаба уюшмалари Федерациясининг Қашқадарё вилоят Кенгаши катта мажлислар залида соғлиқни сақлаш тизимида меҳнат қилаётган ёш тиббиёт ходимлари иштирокида “Раҳбар ва ёшлар учрашуви” ташкил этилди. Тадбирда Ўзбекистон касаба уюшмалари Федерациясининг Қашқадарё вилоят Кенгаши раиси Джўраев Бахтиёр Тўйчиевич , Ўзбекистон Соғлиқни сақлаш ходимлари касаба уюшмасининг Қашқадарё вилоят Кенгаши раиси Тухтаева Дилбар Алиевна, Ўзбекистон касаба уюшмалари Федерациясининг Қашқадарё вилоят Кенгаши раиси маслаҳатчиси, ёшлар масалалари бўйича масъул Исмоилова Севара Исломовна, Ўзбекистон касаба уюшмалари Федерациясининг Қашқадарё вилоят Кенгаши меҳнат ҳуқуқ инспектори Саторов Шамсиддин Болтаевич, Ўзбекистон Соғлиқни сақлаш ходимлари касаба уюшмаси Республика кенгашининг Қашқадарё вилояти бўйича меҳнат ҳуқуқ инспектори Гулмуродов Комил Дилмуродович, Ўзбекистон Соғлиқни сақлаш ходимлари касаба уюшмасининг Қашқадарё вилоят Кенгаши мутахассиси Ишмуратов Комолиддин Эргашевич ҳамда 100 нафардан ортиқ ёш тиббиёт ходимлари иштирок этдилар. Учрашув очиқ мулоқот шаклида, қизғин ва самимий муҳитда ўтди. Унда ёшларнинг меҳнат ҳуқуқлари, ижтимоий кафолатлари, касбий ривожланиши, касаба уюшмалари томонидан амалга оширилаётган ижтимоий қўллаб-қувватлаш чора-тадбирлари ҳамда ёшлар сиёсатига оид долзарб масалалар юзасидан фикр алмашилди. Иштирокчилар томонидан билдирилган таклиф ва мулоҳазалар тингланиб, барча саволларга атрофлича жавоблар берилди. Тадбир якунида ўз касбига фидойилиги, ташаббускорлиги ва фаоллиги билан ажралиб турган, шунингдек, қизиқарли саволлари билан учрашувда фаол иштирок этган бир гуруҳ ёш тиббиёт ходимлари Ўзбекистон касаба уюшмалари Федерациясининг Қашқадарё вилоят Кенгашининг ҳамда Ўзбекистон Соғлиқни сақлаш ходимлари касаба уюшмасининг Қашқадарё вилоят Кенгаши томонидан қимматбаҳо эсдалик совғалари ва китоблар билан тақдирландилар. Бундай учрашувлар ёшларнинг ҳуқуқий онги ва касбий салоҳиятини юксалтириш, уларнинг ташаббусларини қўллаб-қувватлаш ҳамда раҳбарлар билан очиқ мулоқот майдонини янада кенгайтиришга хизмат қилади.