O'ZBEKISTONDA SOG'LIQNI SAQLASH - ЗДРАВООХРАНЕНИЕ УЗБЕКИСТАНА газетасининг расмий канали

Maktab sumkasi: og'irlik me'yori qancha? 🎒 Farzandingizning maktab sumkasi meyoridan og'ir emasmi? Haddan tashqari og'ir sumka bolalarda umurtqa pog'onasi qiyshayishi, qomat bilish hamda bel va yelka og'riqlariga sabab bo'lishi mumkin. 👩‍⚕️ Sanepidqo'mita Toshkent shahar boshqarmasi Chilonzor tumani bo'limi mutaxassisi Dildora Mirakbarova maktab sumkasining og'irligiga qo'yiladigan sanitariya-gigiyena talablari va bolalarni asrashda nimalarga e'tibor qaratish lozimligi haqida ma'lumot berib o'tdi. ⚡️Sanepidqo'mita Axborot xizmati Telegram|Instagram|Facebook|YouTube|Veb-sayt | 🌐Emlash veb-sayt

Navbahorda bolalar salomatligi bo‘yicha amaliy tibbiy ko‘mak 🟢 Bugun 14-avgust kuni Viloyat bolalar ko‘p tarmoqli tibbiyot markazining malakali mutaxassislari Navbahor tumanida bo‘lib, bolalar salomatligini muhofaza qilish, kasalliklarni erta aniqlash va tibbiy yordam sifatini oshirishga qaratilgan amaliy tadbirlarda ishtirok etdi. 📌 Tashrif davomida jarroh, neonatolog, pediatr, pulmonolog, kardiolog, gastroenterolog, LOR, nevropatolog hamda laboratoriya mutaxassislari tomonidan bolalar tibbiy ko‘rikdan o‘tkazildi. Mutaxassislar tomonidan bolalarning sog‘lig‘i chuqur baholanib, aniqlangan holatlar bo‘yicha tegishli davolash va qo‘shimcha tekshiruvlardan o‘tkazish yuzasidan tavsiyalar berildi. 🔎 Shuningdek, alohida e’tibor talab etuvchi bemorlar holati mutaxassislar tomonidan ko‘rib chiqilib, ularni keyingi bosqichda viloyat va respublika darajasidagi ixtisoslashtirilgan tibbiyot muassasalariga yo‘naltirish bo‘yicha tavsiyalar ishlab chiqildi. 👩‍⚕️ Tuman tibbiyot muassasalarida faoliyat yuritayotgan pediatr va boshqa mutaxassislar bilan ham amaliy muloqotlar o‘tkazilib, bolalarga tibbiy yordam ko‘rsatishda kasalliklarni o‘z vaqtida aniqlash, to‘g‘ri tashxis qo‘yish va davolash samaradorligini oshirish masalalariga alohida e’tibor qaratildi. 💬 Tashrif davomida ota-onalar bilan ham suhbatlar tashkil etilib, bolalar salomatligini asrash, to‘g‘ri ovqatlantirish, kun tartibiga rioya qilish va kasalliklarning dastlabki belgilarida shifokorga murojaat qilish bo‘yicha zarur tavsiyalar berildi. ✈Telegram ✅facebook

SOG‘LOM TURMUSh  VA SALOMATLIK Insonning sog‘lom va sermazmun hayot kechirishi tasodifiy holat emas. Bu, eng avvalo, kundalik odatlar, hayotga bo‘lgan munosabat va o‘z salomatligiga mas’uliyat bilan yondashish natijasidir. Bugungi tezkor hayot sharoitida sog‘lom turmush tarziga amal qilish nafaqat uzoq umr ko‘rish, balki yuqori ish qobiliyati, mustahkam ruhiyat va oilaviy farovonlikni ta’minlashning muhim omillaridan biri hisoblanadi. Mutaxassislarning ta’kidlashicha, ko‘plab surunkali kasalliklarning oldini olishda to‘g‘ri ovqatlanish va jismoniy faollik hal qiluvchi ahamiyatga ega. Ratsionda tabiiy mahsulotlarning ustun bo‘lishi, meva-sabzavotlarni muntazam iste’mol qilish hamda ortiqcha yog‘ va shakar miqdorini cheklash organizmning normal faoliyat yuritishiga yordam beradi. Shu bilan birga, har kuni kamida bir necha o‘n daqiqa piyoda yurish yoki sport bilan shug‘ullanish inson salomatligini mustahkamlovchi eng oddiy va samarali vositalardan biridir. Sog‘lom turmush tarzi haqida so‘z borganda, zararli odatlardan voz kechish masalasi alohida o‘rin tutadi. Tamaki mahsulotlari, spirtli ichimliklar va narkotik vositalar inson organizmiga jiddiy zarar yetkazib, ko‘plab og‘ir kasalliklarning rivojlanishiga sabab bo‘ladi. Ayniqsa, yoshlar orasida sog‘lom hayot tamoyillarini keng targ‘ib qilish kelajak avlod salomatligini ta’minlashda muhim ahamiyat kasb etadi. Biroq, salomatlik faqat jismoniy holat bilan belgilanmaydi. Ruhiy barqarorlik ham inson farovonligining ajralmas qismidir. Doimiy stress, asabiylik va yomon hissiyotlar organizm faoliyatiga salbiy ta’sir ko‘rsatishi mumkin. Shu sababli oiladagi mehr-oqibat muhiti, yaqinlar bilan samimiy muloqot, mazmunli dam olish va ijobiy fikrlash odatlari ruhiy salomatlikni mustahkamlashga xizmat qiladi. Yosh avlod tarbiyasida maktab, oila va mahalla hamkorligi alohida o‘ringa ega. Sport musobaqalari, turli to‘garaklar, ijodiy va ma’naviy-ma’rifiy tadbirlar o‘g‘il-qizning bo‘sh vaqtini mazmunli tashkil etishga yordam beradi. Bo‘sh vaqtini foydali mashg‘ulotlarga bag‘ishlagan yoshlarning zararli illatlarga berilish ehtimoli ancha past bo‘ladi. Sog‘lom hayot sari qo‘yilgan har bir qadam - katta natijalarning boshlanishidir. Erta uyqu, muntazam harakat, to‘g‘ri ovqatlanish va zararli odatlardan uzoq turish kabi oddiy ko‘rinadigan amallar inson salomatligini yillar davomida asrashga xizmat qiladi.Zero, jismonan sog‘lom, ma’nan yetuk va faol avlod har qanday taraqqiyotning eng muhim tayanchidir. Malikaxon DEHQONOVA,  RIRSIATM Narkologiya xizmati bo‘yicha viloyat  filiali fizioterapiya hamshirasi.

Мустақиллик_солномаси 35_йил_ҳуқуқ_билан Мустақиллик: шонли 35 йил, 2001 йилда амалга оширилган айрим муҳим ишлар. Батафсил инфографикада

Қонунчиликдаги_янгиликлар Ўзбекистон Республикаси Президенти Администрацияси фаолияти тартибга солинди   “Ўзбекистон Республикаси Президенти Администрацияси тўғрисида”ги Конституциявий Қонун (ЎРҚ–1166-сон, 14.08.2026 й.) қабул қилинди.   Ушбу Конституциявий Қонуннинг мақсади Ўзбекистон Республикаси Президенти Администрациясининг (Администрация) фаолиятини тартибга солишдан иборат.   Администрация Президентнинг давлат бошлиғи сифатида давлат ҳокимияти органларининг келишилган ҳолда фаолият юритиши ва ҳамкорлигини таъминлашига кўмаклашадиган, Президент ваколатларини амалга оширишни ташкилий, ҳуқуқий ва таҳлилий жиҳатдан таъминлайдиган давлат органидир. Администрация Ўзбекистон Республикаси Президенти томонидан шакллантирилади.   Администрацияга Ўзбекистон Республикаси Президенти томонидан лавозимга тайинланадиган ва лавозимидан озод этиладиган Администрация Раҳбари бошчилик қилади.   Администрация қуйидаги асосий ваколатларга эга:   Администрацияга белгиланган тартибда киритилган қонунчилик ҳужжатларини, Президент ва Вазирлар Маҳкамасининг фармойишлари лойиҳаларини якуний ишлаб чиқишни ташкил этиш;   Президент фармонлари, қарорлари ва фармойишлари, Администрация Раҳбарининг фармойишлари ҳамда Вазирлар Маҳкамасининг қарорлари ва фармойишлари лойиҳаларини мустақил равишда ишлаб чиқиш;   ➖ давлат органлари ва ташкилотлари раҳбарларига бажарилиши мажбурий бўлган кўрсатмалар ҳамда топшириқлар бериш, уларнинг бажарилиши ва натижалари тўғрисида батафсил маълумот талаб қилиш ва бошқалар.   Администрация Раҳбари Ўзбекистон Республикасининг бутун ҳудудида барча давлат органлари, корхоналар, муассасалар, ташкилотлар, мансабдор шахслар томонидан бажарилиши мажбурий бўлган фармойишлар ёки топшириқлар чиқаради.

РЕСПУБЛИКА ИШЧИ ГУРУҲИ НАМАНГАНДА                   СОҒЛОМ ТУРМУШ - ФАРОВОН ҲАЁТ ГАРОВИ    Соғлом турмуш тарзи – бу фаол меҳнат, ижод оғушида яшаш, кучли жисмоний ва руҳий юкламаларни, ўта хавфли ва зарарли таъсир кўрсатувчи омилларни енгил кўтара оладиган ҳар томонлама тараққий этган шахснинг шаклланиш жараёнидир. Ниҳоят соғлом ҳаёт кечиришга эришилса, узоқ умр кўриш насиб этади ҳар бир инсонга. Афсуски, айрим кишилар бу ҳақиқатни англаб етмасдан, носоғлом турмушга бериладилар. Оқибати эса аянчли кечиши асло сир эмас. Уларни тўғри йўлга солиш, разолат батқоғидан олиб чиқиш эса жамоатчиликнинг муҳим вазифасидир.   Маълумки, пойтахтдан ташриф буюрган Ишчи гуруҳ вилоятимизда Ўзбекистон Республикаси Президентининг 2026 йил 5 январдаги ПҚ-1-сон ҳамда ПҚ-2-сон қарорлари ижроси юзасидан  амалга оширилган ишлар бўйича кенг қамровли ўрганишлар  олиб бормоқда. Меҳмонлар аҳоли руҳий саломатлигини мустаҳкамлаш масаласига ҳам алоҳида эътибор қаратишяпти.        Бугун Соғлиқни сақлаш вазирлигининг масъул ходими - Республика кузатув кучайтирилган руҳий касалликлар шифохонаси бош шифокори У.Усмонов ташаббуси билан  Республика ихтисослаштирилган руҳий саломатлик илмий-амалий тиббиёт марказининг психиатрия хизмати бўйича Наманган вилояти филиалида “Аҳоли ўртасида алкогол ва гиёҳвандликка қарамликни барвақт аниқлаш, уларни ўз вақтида даволаш ҳамда ҳуқуқбузарликларнинг олдини олиш” мавзусида амалий семинар ташкил этилди.Унда вилоятнинг етакчи психиатр ва нарколог шифокорлари қатнашдилар..   Тегишли вазирлик ва идоралар раҳбарлари ҳамда вакилларидан иборат ҳайъат иштирок этган анжуманда Ўзбекистон Республикаси Бош прокурорининг биринчи ўринбосари Б. Валиев, Наманган вилояти Соғлиқни сақлаш бошқармаси бошлиғи А. Алижанов, РИРСИАТМ директор ўринбосари Й.Сариковлар сўзга чиқишди.      Ушбу семинарга фуқаролик жамияти институтлари билан амалий ҳамкорликни йўлга қўйиш учун «Маҳалла еттилиги» фаоллари, шунингдек, қарамликдан азият чекаётган шахсларнинг яқин қариндошлари таклиф этилди.  Вилоят аҳолиси ва тадбир иштирокчилари учун қарамликнинг олдини олишга оид махсус ахборот-тарғибот буклетлари ҳам тайёрланган эди. Беклетлардан  оилалар, фуқаролар ва уларнинг яқинлари учун фойдали тавсиялар,  маслаҳат олиш, шунингдек, зарур чоғда боғланиш мумкин бўлган ягона Салл-марказ алоқа  рақамлари ўрин олган.    Мулоқот чоғида маҳалла даражасида қарамлик хулқ-атворининг илк белгиларини аниқлаш ва ўз вақтида ихтисослаштирилган тиббий ҳамда ижтимоий ёрдам кўрсатиш механизмлари тушунтирилди. Абдулла ҒОЗИЕВ. Наманган вилояти.