soulbirdua

Сен бір тамшы су күтесің, ал Раббың саған жаңбырмен жауап береді.

Кейбір сұрамағандарыңызды да береді Аллаһ Тағала, себебі сіз не нәрсеге мұқтаж екеніңізді жақсы біледі.

Жұма күні мені оқы. Екі Жұманың арасында саған нұр боламын. : Кахф сүресі

Негізі, дұғаларыңның барлығы қабыл болды, жәй ғана сен байқамайсың. Есіңде ме, хайырлысын сұрап едің…

Қанша дұға қылдым, жауап қайда? Қанша күнә қылдың, тәубе қайда?!

Ризық деген не, білесіз бе? «Құмырсқа пілдің ризығын жесе жарылып өледі, піл құмырсқаның ризығын жесе аш қалады.», — деген бір сөз оқыған едім. Аллаһ Тағала: екеуінің ризығын беріп жатса, демек саған да береді. Күт, сенікі сенен айналып өтпейді.

гүл ашады бір күні әлбет, маңыздысы: — күте білу…

Бір байқағаным: “Дұға етудің өзі нәсіп екен” Себебі, көп адамдар тіпті дұға қылудың өзіне ерінеді…

Ей, ораза ұстаушы жан! Бұл 3 уақытты жіберіп алма. Дұғалар қабыл болатын уақыттар: — ауыз ашатын уақыт, — түннің соңғы үштен бірі, — таң намазынан соң. «Ораза ұстаушының ауызашар уақытында жасаған дұғасы қайтарылмайды».

Өмірде реалист бол, ал дұғада мүмкін еместерді сұра.

жаңбыр + жұма = қабыл болған дұға 🫶🏻

Бүгін жұма, Джекпот. Раббыңнан керегіңді сұрап ал!

— Егер барлық нәрсе тағдырымызда жазылған болса, не үшін дұға етеміз? — Бәлкім, тағдырыңның кейбір беттерінде «тілегеніңдей болсын», — деп жазылып тұрған шығар…

«Қолымнан ештеңе келмейді» Егер қолыңды Раббыңа ашып, дұға ете алғаныңда, бұлай деп айтпас едің…

Бір кісіге су сұрап бардыңыз, қолыңызда кішкентай ыдыс. Ол кісінің суы қанша көп болса да, сіздің ыдысыңыздан артық су құйып бере алмайды. Біз де Раббымыздан сұрағанда, тар пейіл-ниетіміз бен ойымыздың қарымтасында ғана аламыз. Ал біздің ыдыстар кішкентай емес, кейде тесік болады бәлкім, тіпті кейбіреуінің ыдысы да жоқ. Аллаһ жайлы жақсы ойда бол, дұғаңның қабыл болуы үшін иман/сенім керек. Не тілесең Аллаһ әлбетте береді. Мүмкін сен ойлаған уақытта, сен ойлағандай күйде болмаса да, Өзінің шексіз ілімімен саған хайырлысын, хайырлы уақытта берері сөзсіз. (дұға етіп, сұрағанда, хайырлысын сұрауды да ұмытпа)

Аллаһтан бірнәрсе сұрағанда өзіңнің тар қазаныңа қарай емес, Аллаһтың кең қазынасына сай сұра.

Йа Раббым! Сенің құзырыңа келдім, бүкіл күнә-қателіктерімді мойындап. Өзің кешіре көр. Егер Сен кешірсең, Сен ең Кешірімдісің. Ал егер кешірмесең, басқа кім кешіре алады бізді?!

Кейде, үнсіздік те — дұға.

Аллаға «жақсы адамдармен бірге болуды нәсіп ет» деп дұға етіңіз. Дұғаңыздың қабыл болғанын жаныңыздағы қате адамдар кеткенде түсінесіз.

Адамдар байлық қалайды, бірақ байлық өздерінің қолында екенін байқамайды. Қолыңды жайып, Алладан сұрай алсаң, міне осы ғой нағыз байлық! Жерге тұқым екпей, қалайша жеміс күтесің?!