تيم سجاجه🪄

هلسنه انشر الكم نصائح حلوه وتستافدون منها 🔥+انتوا السنه الجايه إعفاء لو وزاري ؟

السلام عليكم بعد انقطاع فترا عليكم ،،،حبيت اقترح عليكم انو أغير الحساب لغير شي او ابقي للعام الدراسي الجديد وانشر بي أشياء تستفادون منها ++اصحاب المشاريع الصغير دزولي وانشركم بلقناه 🤍

🔴 عاجل | التربية تحدد مواعيد الامتحانات • مواعيد امتحانات نصف السنة 🔹 نصف السنة • المرحلة الابتدائية: 2026/1/25 • المرحلة المتوسطة: 2026/1/20 • المرحلة الإعدادية: 2026/1/20 🔹 امتحانات التمهيدي (الخارجي): تبدا بتاريخ 2026/2/3 • مواعيد الامتحانات النهائية 🔹 الصفوف غير المنتهية : - الابتدائية 2026/5/2 - الثانوية 2026/5/5 🔹 الصفوف المنتهية : - السادس الابتدائي 2026/5/10 - الثالث المتوسط 2026/5/16 - السادس الاعدادي سيحدد لاحقا

♥️هلو سچاچة♥️ مشكلة ( النسيان ) هذا الكلام يفيدك : مرات واحد ينسى لأن ترك الدراسة و اتجه لغير شي ، يعني انت جنت تدرس رياضيات خلصت ، تالي رحت تدرس ادب مثلاً ، تالي ورة اسبوع تشوف نفسك ناسي نص الرياضيات 🤕 ، لا تخاف هذا بسبب تغيير الموضوع انت ما نسيت شي ، كلشي مخزن بدماغك تحتاج تراجع بس ، و تراجع المواضيع الي ناسيهة تماما 🤓 ، صدكني مراجعة سريعة تتذكر كلشي👨🏻‍🎓 ♥️اما اذا ناسي الموضوع كلش (شلع قلع 😂) يعني انت لو ما قاري عدل لو ما فاهمه بشكل صحيح لو قريته بشكل سريع ☹ يعني لازم ترجع تقره عدل و انت اول تالي بالامتحان النهائي راح تمتحن مادة وحدة ورة وحدة و كل تركيزك عليها ف ان شاء الله ما تنسى شيء لا تخاف 😇♥️ اما حالياً تركيزك على سبع مواد اكيد راح تنسه شغله منا او منا ، فلا تخاف من هذا الجانب اذا كلش كلش محتار حاول تختبر نفسك بالمادة حتى تجرب و تشوف نفسك ناسيها لو لا ، و أتذكر الخوف و الارتباك  قد ينسيك كل المادة ف لا تخاف لا تخاف و ان شاء الله التوفيق للجميع 🫶🏻❤️ ودائماً اقروا بهدوء وامتحنوا نفسكم قبل كل امتحان 💗

شلون احفظ قطع الانگليزي وما انساهم ؟؟ 🤔✍🏻 اول شي لازم تعرفون انو القطع عبارة عن قصة اذا انت قريتها بس بالانگليزي واجيت تحفظ الاسئلة والاجوبة من دون ترجمة اكيد راح تواجه صعوبة ومراح تكدر تحفظهم وتذكرهم اصلا... 😕 شنو اسوي وشنو هيه الخطوات ؟؟👇🏻 1- معرفة تفاصيل واحداث القصة من خلال ترجمة القطعة الى العربي وقرائتها بالعربي يعني تفهم معناها شنو تفهم فكرتها فهاي الخطوه تساعدك كلش بالحل.💞 2- تحديد السؤال وترجمته وتحديد جوابه وترجمته.💞 3_اهم نقطة بالحفظ هيه التكرار لازم تبقة تكرر الشي الي تحفظة لفظا وكتابة فالعقل من يتعود ع التكرار راح راسا يستذكر هالشي من تجي بعدين تراجع💞 4- تجيب مسودة او قصاصات وتكتب الكلمات الإنكليزية الجديده عليك وتواجه صعوبه بيها وترجمهم وتحاول تخليهم بمكان يكونون كدامك حته كلما تشوفهم تراجعهم واضمنلك مراح تنساهم بعد 🤭 5- التركيز ع الاسئله الوزاريه والمكرره لان دائما بالقطع يجيبون الاسئله الوزاريه ويكرروها نفسها او يغير صيغة السؤال بس الجواب نفسه لهذا كلتلكم لازم ترجمها وتفهمها. ومثل مكلتكم يا حلوين اهم شي التكرار والمراجعه ابقى كرر بالحفظ لحدما تمل وتحس نفسك بعد خلص حفظت هالشي اكعد ثاني يوم وروح اقره الي جنت تكرر بي راح تشوف عقلك لا اردياً وبدون تفكير حيكرر الشي الحفظته هواي 😌💞 ـــــــــــــــــــــــــــــــــــــــــــــــــــــــــــ وبس موفقين يارب 😁🤍

شونڪم عيني سچاچة اليوم جايبتلكم نصائح لطريقة الحفَظ بشڪل صحيح🫣🤎. هاي الطريقة بس للمواد الحفظية بدايتا انتَ/تِ لازم تعرف نفسك من يانوع حته من احجيلكم نصيحتي تفتهمون يعني من الطلاب التحب تفتهم المادة لو التحفظها لو من الطلاب الا تحفّظ ولا تفتهم😅💗. اول طريقة للطلاب التحب الفهم اذا جنت طالب من هذا النوع قبل لاتقرة المادة اطلع ؏ـلى المادة مجرد 5 دقائق لاتقراهة ولاتحفظة حاول تفهم المكتوب عندك ليش سويت هيج لان انتَ/تِ اذا فهمت الموضوع راح تحفّظ بسرعة لأن اولشيء انتَ/تِ من راح تفتهم المادة راح تتخيل وراح تفهم المادة القريتهة من تحاول تحفّظ المادة راح انتَ/تِ راح تتخيل وتذكر الانتَ قريتة بهاي الـ5 دقائق📚💚. النوع الثاني اليحب يحفظ ويدرخ المادة اڪثر مشكلة يواجهة هذا النوع النسيان يعني انتَ/تِ تنسى القريته طبعاَ شيء اڪيد هسة اتگُلي ليش؟ لاטּ انتَ/تِ جاي تقرة الصفحة كلها من البداية للنهايـة ومرات التحضير اكثر من ورقتين السؤال المهم شلون تقرة رࢪكزوا ويايي حتى تحفّظ المادة وتدرخهة بشِڪل صحيح لتقرة الموضوع بشكل كامل مثلا اذا عندك تحضير 5 اسطر لاتقراه من البداية للنهاية اقرة سطر سطر يعني كملت السطر الاول ارجع اقرة السطر الثاني بعدك ماحفضتهة ارجع اقراه مرة ثانية وعلى نفس الحالة الى ان تسيطر عليه يمكن هاي الطريقة تاخذ وكت بس طريقة كلش مضمونة وراح تفيدڪم لأن اولشيء انتَ/تِ جاي تحفّظ بشڪل مضبوط لأن جاي تحفّظة وتعيدة الشيء الثاني هاي الطريقة بشنوꪮ تفيدڪُم؟اني اگلكم بمڪان ماتعيد ڪُل الصفحة راح تعيد سطر واحد اذا نسيتة راح تذكرة مرة ثانية بشكل كلش بسيط وانشاء الله تفيدكم هاي الطريقة🔗🖤. النوع الثالث الطلاب الا الها ولاعليها😂💔. لاهمَ من النوع الاول ولاهمَ من النوع الثاني لا يحب يفهم ولايدرخ ولايحب الدراسَة انتم وبعدين وياكم شوڪِت تقرون بس اريّد افتهم المُـهم حددوا نفسكم اكتشفوا نفسكم اني جايتلكم طريقتين للقراية والحفظ اول طريقة اقروا ويـة اصدقائكم لأن اولشيء راح ايصير عدكم واهس للقراية لأن تقرون وية صديق الشيء الثانيي لراح ايفيدك انتَ/تِ تقرة الموضوع منا وصديقك يقراه منا واثنينكم واحد يشرح الموضوع للثاني الطريقة الثانية خلي واحد من البيت يقريك اي شخص بس المهم واحد ايقريكم هسة اتگول شنو السبب وليش🗿؟ لأن هوَ يحجي وانتَ/تِ تعيد وراء فـة بُڪل بساطـة ࢪراح تحفّظ وهاي اسهل طريقتين لگيتهة الكم🪤💕. موفقين يارب 🤍

شلون ترجع الشغف وتدرس زين بدون كسل و ملل ❤️💪🏻😁 ١. ابد لا تخلي النتائج مال الشهر الاول كدام عيونك انساها واتخطاها واعتبر روحك مامستلمها والحجي هنا حتى على اللي درجاته كانت عاليه لان اذا ضليت تكول درجاتي عاليه بالشهر الاول رح تنغر وتبدأ تتهاون وهنا حتنصدم بنتائج عكسيه واذا كانت درجاتك مو راضي عنها او راسب لا سمح الله انسى هذا الشي واعتبر نفسك دتبدي من اول وجديد وتخطى اللي فات علمود لا تخرب اللي جاي ٢. النوم ثم النوم ثم النوم اغلبنا نومنا كان خربان بالشهر الاول بس حاول بالشهر الثاني كد ما تكدر تنسق بين النوم والدراسه لازم نومك ما يقل عن ٦/٥ ساعات وما يزيد عن ٩ ساعات ٣. حاول تحط حد اذا خطر ببالك انو تسخت تذكر اذا اجتهدت هسه راح تحصل+٣ اشهر من الونسه وابد لا تسخت بالدراسة (اقصد الاعفاء 💗) ٤. حاول لا تضغط على نفسك باشياء مو ضروريه مثلا اذا اليوم واجباتك هواي او عندك امتحان شهري حاول تقرا فقط سوالف باجر ولا تقرا مال غير ايام بحجه اسهل على روحي هيج انت حتفقد التركيز بالكامل واذا انت واجباتك قليله(( وخلصتهن )) لا ترفض الطلعه او شويه ونسه لان انت بايام دراسه مو عطله اذا حتضل هيج تكول دماغك حيمل ويوصل المرحله تفقد سيطرتك ٥. طلاب الوزاري ما ننساكم .. دائما وابدا شيل فكره الوزاري من راسك لان هاي الكلمه راح تقلقك وتأدي الى نتائج عكس اللي انت تريده وابد لا تعتقد انو هاي نهاية العالم مادامك تتنفس والله مطول بعمرك عندك فرصه تعوض او تحافظ على مستواك .. شاركو القاة للجميع 💕

الف الف مبرووووك ، العطلة تشمل جميع المدارس وجميع المحافظات ، افرحوا 🤩🔥💕

شلون احفظ بطريقة اسرع 📁❤️‍🔥؟. اليوم راح نحجي عن هالموضوع بطريقة سلسة وبسيطة ❤️‍🔥✨📁. هواي منگم يريد اسرع طريقة الحفظ والاسف ماكو هيج شي، بس اكو طرق تسهل الكم الحفظ ومو تسرعة فَ لازم يكون عدنة وعي عن هلجانب📁❤️‍🔥. الكل شخصية او كل نسان الة قدرة معينة اكو سريع بحفظ المعلومة اكو وسط واكو بطيء وياخذ وقت بلحفظ ↩️❤️‍🔥✨. فَ الطرق الي تساعد على تسهيل الحفظ وهم تخلية مترسخ بالگم، ✨📝. اول شي الاطلاع تفتحون المادة تاخذون نظرة علية تقرونة وتطلاعون علية بدون حفظ الموضوع كلة تقرونة وهم تفهمونة يعني مو بس قراءة 🗂❤️‍🔥✨. ثانيّ شي هو تحديد او التلخيص تجون تحددون الاشياء الأكثر اهمية الى اقل اهمية من المناقشة او من الأسئلة، بلنوت او بلورقة او باقلام التحديد تحدونة 🗂❤️‍🔥✨. ثالث شي، تجيبون هذا الكتاب بعد مسويتو الطرق تجون تحفظون الامثر اهمية بصوت عالي ضروري بصوت عاليّ وهم تمشون يعني تبقون رايحين جاين تحفظون الي حددتو بصوت عالي تلقائياً حتشوفون بديتو تحفظون🗂❤️‍🔥✨. رابع شي، التخيل والشرح يعني بلغرفة المالتكم تتخيلون اكو طلاب وتشرحولهم يعني فصخو كلمة كلمة واشرحو بلطريقة العامية وتبسطونة الكم مثل السالوفة حرفيًا راح تحفظونة بشكل اسىرع🗂❤️‍🔥✨. خامس شي، هو الكتابة يعني تحيبون الستكير او الورقة تحفظون مثل اول تعريف تجون تكتبونة بسرعة حتئ لو بخطط ما مفهم اهم شي تكتبونة ولزكو للورقة بلكتاب او كدامكم افضل الستكير 🗂❤️‍🔥✨. خامس شي، من تحفظون توكفون كدام المراية وتراجعون نفسكم وتباعون الروحكم وتحفظو مثل المدرسين تخيلو انفسكم مدرسين والمراية طلاب او تخيلو انتم جاي تشرحون المدرس🗂❤️‍🔥✨. وهم تحددون وقت الي تحفظونة تردون من كذا ساعة الكذا حتئ يصير عنكم تحدي وخدع العقل ضروري اخلص واحفظ هلشي بهل وقت وراح تشوفون حفظتو قبل الوقت❤️‍🔥🥹😂✨ وبس هاهية ، موفقين ياربي📂❤️‍🔥✨.

💕جدول يومي (روتين) للعطلة الاسبوعية هاي مال الدور الثالث وقريباً مال الانتخابات : نكعد يومياً الساعة 9 الصبح بما ان عدنا نهار طويل كلش و وقت كافي حتى نقرأ كل التراكمات وكل الاشياء الي ما فاهميها وما حافظيها 😬❤️ نتريك وشوية نصحصح صارت ب 10 ، نبلش هسة من ساعة 10 نقرأ 📚🤩 ، كل يوم نقرأ 3 مواد ، كل مادة ننطيها 3 ساعات ، يعني مجموع دراستنا يصير 9 ساعات يومياً 💚 تمام ؟ من 10 صباحاً لل 1 الظهر هاي نقرا بيها مادة من 3 الظهر لل 6 العصر هاي مادة من 7 المغرب لل 10 بالليل هاي مادة اذا تشوف نفسك بعد محتاج تقرا اقرا واذا لا براحتك بعد حسب تراكماتك وحسب الدروس الي عندك ودرجة صعوبتها 💕 بلش بالمواد السهلة عليك بالاول بعدين خلي الصعبات بالاخير ❤️‍🔥 اذا ضابط امورك وكل شيء تمام ابدي اقرا لنصف السنة ، يعني اقرا من كل مادة فصل او فصلين 🤩 استغلوا العطلة كلش زين لان اجتكم بوقت رهيب و مميز😍🤍

دعاء يفيدكم بالدراسة ان شاء الله اول ما تبدي تقرأ خاصة بالامتحانات 🤲🏻📚❤️ «اللهم إني توكلت عليك وفوضت أمري إليك لا ملجأ ولا منجى إلا إليك» لا أله إلا أنت سبحانك اني كنت من الظالمين ، يا حي يا قيوم برحمتك استغيث ، ربّ إنّي مسّني الضر وأنت أرحم الراحمين ، ربّ اشرح لي صدري ويسّر لي أمري ، واحلل عقدةً من لساني يفقه قولي 🤲🏻💕 اللهمَّ إنّي أعوذ بك من الزلل ، والنسيان ، وسوء الفهم ، وضعف الحفظ ، اللهمّ بارك وقتي ، وحفظي ، وفهمي ، اللهم اني توكلت عليك 🤲🏻💚 امين 🤲🏻🥺🤍

طريقةة دراسه المواد  :  🤍 - اسلاميه ⤌ ماده حفظيهه سهله، اولشي لازم تضبط احكام التلاوة دائمًا يجي بالشهري وبنهاية سنه وبنصف السنه اضبطههَ علي 10 درجات، بعدين السوّر كل آيتين مرة او 3 يجي عليهَ 10 او 15 درجه، المعاني سهلات اقراهن فهم هو معااني، الاحاديث دائما يجي درخه. - الرياضيات ⤌ ماده فهميهه مستحيل ينحفظ، لازم تضبط القوانين وتطبق سهلل  . كيمياء ⤌ مادة حفضيه وفهميه✨، لازم من تقرا كل تعريف اذا ويا معادلة تقراها مو دكول ما يجيبوا اقرا تعريف بعدين شوف اذا التعريف بيهه تعليل؟ بيه فراغات مو فقط تدرخه ركز عليه، المسائل افهمه ركز عليه اذا من مدرس/ه يشرحهه ارجع طلعه ع يوتيوب افهمهه اكثر مجرد ما تفهمه ماتنسى بعد  ركز على اسئلة الفصول، فصل الرابع مسائله يجي دائما لازم تضبطه حتى لو تتركه بسؤال تشوفه بسؤال اخر لازم تجاوب عليهه لازم تفهمه وفصل الاول الـ  1s 2s 2p ... كلش سهل دائما يجيبوه حتى فراغ اتوقع يجيبوو مقارنات مهممم فيزياء  ⤌ مادة فهميهه، اقراا تعاريف وويا نشاط النشاط مو بس هيج تقرا لازم تشوف اكو بيها تعليل؟ اكو بيها فراغات؟ مو فقط درخ، كل نشاط وياا رسم لازم تقرا الرسم هم يجيي كلمرة، مسائل احفظ القانون مو بي حفظ افهمه يعني بالمسئله حروف مو تدرخ حروف مثل t على s ؟   لا لازم تعرف شنو t رمز شنو؟ وهكذاا عربي ⤌مادة مركزة حفظيه وفهميه، الادب لازم تعرف عنوان  ققصيدة كل شاعر تحفظ دواوينه مهمات تعرف كلشي عنه القصائد تحفظهم درخ يجيبون من نص القصيدة مو الا من بدايه ويكلك اكتبه من بيت الـ..  ،  قواعد لازم تفهمه مستحيل نحفظ تمارين فقط، اذا مدرس/ه ماتفتهم منه اقرا ع يوتيوب ع عمار السلامي شرحه يجنن  ،  التعبيرر لازم تكتب اكثر من 20 سطرر اذا تريد درجه كامله  بس دائما ينقصون ع تعبير درجه درجتين اذا تتعبيرك مابي معنهه خطك موعدله ح ينطوك 5 من 20 🗿،، احياء ⤌ مادة فهميه، لازم تقراه بتركيز مستحيل بالدرخ تنجح وهو شوية صعبب اقرا كل مرض ومسبباته واعراضه، اقرا رسومات يجي دائما حاول ترسمه عدل اهمشي التأشيرات طبعًا، انكليزي ⤌مادة حفضيه، كلش سهله قواعد اذا متفهمه ع مدرس/ه اقرا ع علي الغرابي انصحكم بي كلش سهل طريقةة دراسته حتى لو ماتعرف تقرا انكليزي مو مشكلهه، التنقيط مهم لازم تعرف  الفارزه شوكت تخلي تكبر الحروف ذني ونهاية جمله لاتنسى تخلي   ?   ،   .  اذا متخلي هم ينقصون درجه منكك التمارين  :  اقراها فهم يعني ترجم واقرا الترجمه يصير كلش سهل عليكم، الانشاء لازم تقرا🗿 اكيد يجي اذا عدكم 4 انشاءات اقرا 3 اذا يجي الماقريته تركه  ،  اسئلة قطع كذالك افهمه ترجمه مو درخ  . وبس يارب موفقين 💗

اليوم حبيت انطيكم كم نصيحة للامتحانات الشهرية .. اولاً ¦ قبل لا تقࢪة السؤال الاول اقࢪة سوࢪة الفاتحة لتسهيل امتحانك وتوكل علىٰ الله ثانياً ¦ من تحل الاسئلة لا تحشگ الاجوبة كلهم بوࢪقة وحدة , خلي كل سؤال بوࢪقة وحدة , لان هنا الاساتذة يخࢪبطون بالتصحيح وانت من تࢪيد تࢪاجع الاجوبة هماتين نفس الحالة وتخࢪبط ثالثاً ¦ بالبداية لا تقࢪة السؤال اكتب بوࢪقتك مثلاً الوࢪقة الاولىٰ اكتب بيهة ( س1 ) واذا چان بي فࢪعين اكتب (س1_أ) والوࢪقة الوراهة (س1_ب) وكمل لحد نهاية الاسئلة رابعاً ¦ نصيحة مني الكم .. لا تقࢪون الاسئلة كلهة لان ࢪاح تشوشون ومتعࢪفون تحلون وࢪاح تخࢪبطون بالاجابات , انت اقࢪة السؤال الاول حليتة والنوبة ࢪوح اقࢪة السؤال الثاني وكمل خامساً ¦ حاولو بگد متگدࢪون لان تعوفون شي فاࢪغ , ان چان نقطة او تعࢪيف او فࢪع او فࢪاغ او تعليل او مثال الـخ... حتلو اذا انتو تخلون كلام من كيفكم عادي عَـلأقل ينطوك دࢪجة ولا ينطوك صفࢪ سادساً ¦ من تطلع من الامتحان لا تحل الاسئلة , خليهة علىٰ الله , واذا تحس نفسك مامجاوب فَـبعد لا تحس احسن سابعاً ¦ من تجيك الدࢪجة وتࢪسب , لا تبچي ولا تنقهࢪ , بالعكس شجع نفسك انو تعوضهة بالشهࢪ الثاني وتفࢪح بيهة وبالتوفيق يا حلوين 💗✨،

الخوف من الامتحانات 💔😰 : -اكبر مشكلة ممكن تواجهك انت كطالب هي الخوف من الامتحان ، يكون هذا الخوف لعدة اسباب اولها الضغط النفسي🥲(لازم تجيب معدل عالي ، لازم تطلع اعفاء ، لازم ترفع راس اهلك ، لازم ما يضيع تعبك ، وغيرها من الضغوط النفسية)😰 -او يكون الخوف بسبب الاسئلة او المادة (تخاف لان المادة معقدة واسئلتها صعبة)او ممكن يكون الخوف بسبب التوتر او لان ما قاري المادة زين 😭 زين شلون نتخلص من هاي المشكلة ؟ 🥲💗 -اول شيء لازم نقرا بشكل صحيح ونضبط المادة من كل الجوانب ، ولازم بنفس الوقت ما نخاف من اي مادة ولا نتوتر ابداً مهما كانت الظروف 💪🏻❤️🔥 -ثاني شيء لازم نتعلم يكون تفكيرنا ايجابي(يعني افكر اني الامتحان راح يكون سهل وراح اجاوب بشكل كامل ، بدل ما افكر بالصعوبة)التفكير الايجابي راح يساعدنا كلش على زيادة ثقتنة بنفسنا 😇♥️ -ثالث شيء لازم انام زين قبل يوم الامتحان ولازم ناكل زين هم قبل منروح للمدرسة لان العقل🧠يحتاج تغذية حتى يشتغل بطريقة صحيحة ويتذكر المعلومات وكذلك يحتاج نوم وراحة قبل الامتحان 🥱💗 -رابع شيء قبل الامتحان بدقايق نعوف المراجعة لان راح تزيد التوتر علينا وننسى شيء ونحفظ شيء وتصير خربطة بالحفظ عدنا -خامس شيء والاهم هو التوكل ع الله ونقرا اي سورة او دعاء بقلبنا قبل بداية الامتحان بدقايق 🤍🤲🏻 -

اهم النصائح في مادة الرياضيات راح تخلي المادة اسهل درس عندك 🌐💗 : ١-اول شيء لازم انت كطالب تكون عندك معرفة كاملة وشاملة لأساسيات المادة (القسمة + الطرح + الجمع + الضرب) بالاضافة ان تكون عندك معرفة بالجذور والكسور ، هذني اساسيات من صف رابع ابتدائي ماخذيهن واذا ناسيهن تكدر تراجعهن وتضبطهن 😇🫶🏻❤️ ٢-كل موضوع تقراه ادرسة بشكل شفهي نظري بالاول يعني اقراه كانما كاعد تقرا قصة ، بعدين ابدي اخذ مثال بسيط واطلع عليه وشوف شنو طريقة الحل حتى تصير عندك فكرة عنه 🧠♥️ ٣-سوي ورقة مسودة واكتب بيها كل القوانين الي تخص المادة ، وحاول كل ما يصير عندك فراغ تقراهن ، مرة مرتين تلاثة راح ينطبعن بدماغك 🧠 وتصير حافظهن مثل اسمك 😁🔥 ٤-اي موضوع تاخذه بالمدرسة حتى اذا فهمتة وشفته سهل كلش وبسيط ، ارجع للبيت بنفس اليوم اقراه بشكل بسيط يعني مياخذ منك عشر دقايق بالزايد + اذا تكدر تحل عليه مثال مثالين هنا انت ختمت السچ 😍💗 ٥-لا تهمل حل التمارين بالورقة والقلم وبأيدك + لا تحل الواجبات على الملزمة ركض ركض بس تريد تخلص هذا الشيء مو صحيح ❌ ، مراح يخليك تتقوى بالرياضيات ولا تفهم المادة ، عادي حلهن بنفسك حتى اذا تاخرت بيهن بس المهم تفتهم حتى بالامتحان يصير عندك سهل كلش 👀✋🏻😌 ٦-اي سؤال بالمدرسة ما تفتهمة او اي موضوع تحس بيه صعوبة حاجي الاستاذ يعيدة الك ، ابداً لا تستحي ولا تخاف لان هذا حقك ✋🏻😌 ٧-بالامتحان لمن يصير عندك خطأ لا سامح الله ، لا تعوفه وتنساه ، راجع الموضوع الي خطأت بيه بلحظتها وصدكني لمن تعرف الحل مالته بعد بعمرك مراح تنساه لان راح ينطبع بذاكرتك 🔴🤓 ٨-اليوتيوب مصدر ممتاز حتى تعتمد عليه واكو هواي مدرسين بغض النظر عن الاسماء كلهم ممتازين لا غنى عنهم + كل طالب و يفهم على طريقة استاذ معين ، تكدر تعتمد ع اليوتيوب بأي موضوع انت مو قوي بيه 💪🏻💗 شاااركو القناة لصدقائكم

سلام عليكم سچاچة 🤍👋🏻 اكثر الطلاب يعانون من حفظ قصائد العربي وخصوصا تكون كلمات القصيده صعبه وطويله ؟ 🦦📝 هاي ثلاث طرائق اذا التزمت بيهن دبرت القصيده 🐾😽 - اول شيء افهم القصيده افهم معناها عن شنو تحجي وشديحجي الشاعر بهل قصيده مو كبل تطب للقصيده عبالك مسوي مداهمه للقصيده . 🦦✨ - ثاني شيء اقرا القصيده بلحركات حتى يضبط معناها ومن تريد تقرأها اعتبر نفسك كأنما أنته الي مسوي القصيده ودتقراها كدام مجموعة ناس . - ثالث شيء ضل كرر بلقصيده وبتركيز وع بطيء واذا تكدر طلع واحد يقرأها ع يوتيوب وانت ردد وراه وبتركيز ومن تريد تحفظ احفظ بيت ونوب اقرا الثاني ومن تحفظ الثاني راجع الاول والثاني وهكذا . ✨ هذهِ ثلاث طرق اتمنى حتكدرون تستفادون منها ولو بشي بسيط 🤍. الطريقة تفيدكم بحفظ الايات القرآنية هم كذلك ♥️🤲🏻

هلو سچاچه❤️ - شلون ندرُس بدون مَلل ❔🩷. ¹. قبل الدراسة ضروري ترتبون مكان تدرسون بيّ مكتبكُم او مكان ثانيّ ، مكان هادئ وبعيد عن ضوضاء البيت وهوستهُم〽️🩷. ². سويّ فد سناك خفيف ركزوا خفيف 🦦! مثل مُكسرات، شوية فواكهَ او مشروب عصير طبيعيّ او ايس كوفيَ 〽️🩷. ³. قبل لتبلشون دراسة ابتعدون عن التلفون تنطوا لأهلكُم يقفلوا بمَكان وبعد مَ تخلصون اخذوا ﻼ‏ن اذا يمكُم التلفون مُستحيل تدرسون ويبقىْ بالكُم ويا 〽️🩷. ⁴. اكتبوا بورقة حليوهَ < 𝒕𝒐 𝒅𝒐 > (وهو ﺎنـوو تكتبون المادة اليِ تردون تدرسوها وكُل مَ تكملون صفحة او فصل حسب الـ 𝒕𝒐 𝒅𝒐 مالكُم تخلون صح ) وخلوا هدفكُم كدامكُم حتىْ يصير واهس تدرسون وتخلصون بسرعة 〽️🩷 . ⁵. اعتمدوا طريقة < البومودورو > اليِ هيّ تدرسون 25دَ وريست 5دَ تكدرون تدرسون وقت اكثر وتزيدون ؏ وقت الريست هالطريقة تفيد ومُنجزة وعن نفسيّ استخدمها 〽️🩷. ⁶. ڤيدوهات " 𝒔𝒕𝒖𝒅𝒚 𝒘𝒊𝒕𝒉 𝒎𝒆 " موجودة باليوتيوب تدرسون وياهُم لساعات طويلة او الوقت اليِ تريدوا همْ تلتزمون وياهُم وهمْ تحسون بالأنتماء 😂〽️🩷. ⁷. استخدموا الهايلاتير والألوان تسويلكُم أجواء حلوة عن نفسيّ كُتبيَ عبارة عن الألوان ماعرُفـہ ادرس اذا مو هايلاتير ، انصحكُم تستخدموهن خاصة المواد الدرخية كُلش تفيدكُم وتسويلكُم واهس 〽️🩷. - وبالنهاية دراستكُم الكُم إنْ درستوا او ﻼ‏ محد حَ يتأثر غيركُم سواء سلبياً او إيجابياً ، فأدرسوا احسلكُم نتيجتكُم وانتوا ناجحين وبدرجات حلوة تنسيكُم الملل والتعب وكُلشيّ وبالتوفيق يحلوين 💅🏻🩷.

جمعة مباركة سچاچة 💕 شلون افهم المواد الفهمية ؟ سؤال ينطرح من قبل الكَثير من الـطُلاب اتريد تفهم المواد مثل رياضيات_عربي_انگليزي_مسائل كيمياء وفيزياء وغيرهم؟ طبق هذه النقاط وبأذن الله مايصعب عليكم شيء 🫶🏻🤍 1_ضروري انتَ/انتِ تحددون المدرس الي تفهمون عليه لاتمشون حسب المدرس الي يدرس عليه صديقك صديقتچ لان كلمن واستيعابه اذا مُدرس مافهمت عليه لاتجبر نفسك اتكمل المحاضرات بدون فائده والله شنو صديقي درس عليه ونجح…لا لا هذا غلط وأكبر غلط حدد الكل مادة مدرس تفهم عليه موجود هواي خيارات اتصفحو بالقناة تلگوهن✨ 2_ماكو شي فهم ينحفظ شفهي حته لو مستعجل والوقت قليل وتقرأ شفهي اختصاراً للوقت مو صح ابد مو صح الفهم يرادله ورقة وقلم تمام😔🫶 3_لاتمشي على المحاضرات حسب وقتهه يعني مو تشوف محاضره وماتفهم منهه شي بس على مود قصيره وتريد بس تكمل المادة وفعلاً تكملهه بس مافاهم شي غلط شوف المحاضرة التفهم عليهه على الأقل تفهملك كم شغلة 👍🏻✨ 4_لاتدرخ مسائِل أكبر غلط تدرخ المسائِل يجوز يجيبلك الأستاذ نفس فكرة المسألة بس مغير الأرقام وكذا… شراح تسوي انتَ هنا شنو الي ستفاديته؟ أفهم فهممممم...🫶✨ 5 _الدُعاء ضروري ياطلاب تدعون وتخلون إيمانكُم بالله قوي وتكون انتَ على يقين تام بانُ الله مراح يضيع تعبك💌 لا تنسون تشاركون القناة حتى الكل يستفاد 😻💚