خطوات في الطب | البداية الطبية

https://t.me/stepmedicin111 الي يعرف حد في سنه أولي يشيرله القناه الي جاييي مهم كتير 🫣

❓ أنا خايف من دراسة الطب… والناس بتخوفني! بكل صدق: الطب مش سهل، وكل سنة بتزيد المسؤولية والضغط. هتقابل فترات إحباط وملل، بس افتكر دايمًا إنك اخترت الطريق ده بإرادتك، فـ لازم تكون قدّه 💪 مفيش نجاح بييجي بسهولة، ولا على طبق من دهب. لو عندك حلم، هتتعبله… وهتوصل. خلي تركيزك على نفسك، بلاش مقارنة، بلاش تسمع من أي حد سلبي. امشي على مهل، وافتكر: "ناس كتير قبلك عدت، وانت كمان هتعدي❤️ خطوات في الطب

هل يستحق؟ نعم يستحق. يستحق، من أجل تلك اللحظات التي تنتهي من العملية متعبًا، وتخرج لتجد زوجة وطفل ينتظران أن تخبرهما بأن كل شيء قد نجح، وكأنك تخبر الأطفال سرًا: «لن تكون يتيمًا». يستحق، من أجل تلك اللحظات التي تنتظرك بها عائلة بأكملها من أجل أن تقرأ لهم صورة شعاعية جعلتهم يعيشون في توتر دائم لأسابيع. يستحق، من أجل كل لحظة سيقول لك المريض: «جزاك الله خير، وأكثر الله من أمثالك». كان الوجع لا يُطاق. يستحق من أجل كل لحظة سعادة داخلية تستشعر بها عندما يُشفى مريض قمت بعلاجه. نعم الطب يستحق كل هذا التعب والعناء والكَدّ والكديد. خطوات في الطب.

👋 أهلاً بيكم في كلية الطب حبايبنا سنه أولي 💉 📚 هنتكلم الاول عن نظام الدراسة: الكلية بنظام البلوكات (Blocks). بتدرس 5 سنين طب + 2 سنة امتياز. أول سنتين ونص أكاديمي (مواد أساسية زي أناتومي، هستولوجي، فارما...). بعدهم سنتين ونص إكلينيكي (باطنة، جراحة، أطفال...). النظام الجديد يعتبر مضغوط مقارنة بالقديم (6 سنين + سنة امتياز)، علشان المواد تخلص في وقت أقل. 💡 الميزة؟ هتاخد سنتين امتياز بدل سنة واحدة، يعني تدريب أكتر في المستشفى، وده هيساعدك في التطبيق العملي. 🧠 المواد في أول سنة: هتدرس 6 بلوكات، وأولهم: 1️⃣ البلوك التعريفي: مدته أقل من أسبوع. بتتعرف فيه على المصطلحات الطبية الأساسية (أغلبها أصلها يوناني أو لاتيني). بتاخد مقدمة عن التعليم الإلكتروني والـPortfolio. فيه امتحان Pass/Fail بسيط بيقيم فهمك. 2️⃣ Anatomy & Histology: Anatomy: بتدرس تركيب الجسم والأجهزة، وفيه جزء Embryology (علم الأجنة). Histology: بتشوف شكل الأنسجة والخلايا تحت الميكروسكوب. 3️⃣ Biochemistry & Physiology: Biochemistry: البروتينات، الدهون، الكربوهيدرات، الـDNA... إلخ. Physiology: وظائف أعضاء الجسم واتزانها. 4️⃣ Vertical Block (طول السنة): عن مبادئ وسلوكيات الطبيب. بتقسم على الترمين، وفيه امتحان كل ترم. 📝 في نص الترم بيكون فيه Midterm، وفي النهاية Final حسب جدول بيعلنوه. 🧩 المذاكرة: مش هتبقى سهلة، لكنها مش مستحيلة. لو نظمت وقتك، وذاكرت كل محاضرة أول بأول، هتمشي مرتاح. يوم فري في الأسبوع ضروري – خروجة أو حاجة بتحبها. 💡 المذاكرة في الكلية = فهم + حفظ منطقي مش مجرد "دش". هتفهم وتحفظ المهم بس. 🎥 اليوتيوب هو سلاحك السري هيساعدك تفهم كل حاجة، وهنبعتلكم بلاي ليستات بكل دكتور بيشرح كويس. 🌟 وأخيرًا: أول ترم طبيعي يكون فيه توهان، بس هتتأقلم بسرعة. خليك مرن، متوترش، وصدقني كلنا عدينا بنفس المرحلة... وهتعدي منها بسلام 💪❤️ خطوات في الطب

السلام عليكم ورحمة الله وبركاته حبايبنا طلاب سنة أولى طب 👨‍⚕️👩‍⚕️ نورتوا المجال، ونورتوا القناة! ✨ بجد ألف مبروك ليكم، وبداية موفقة وسعيدة إن شاء الله ❤️ في القناة دي هنكون دايمًا جنبكم 💪 هنبسطلكم الدنيا في الكلية، ونجاوب على كل الأسئلة اللي ممكن تخطر في بالك عن المواد، المحاضرات، العملي، السكاشن، الحياة اليومية، وحتى الصحة النفسية. ماتسمعوش لأي حد بيحاول يصعّب الصورة عليكم. الحياة هنا مش مستحيلة، ومع بعض إن شاء الله هتلاقوها أسهل بكتير مما كنتم متخيلين ✨ متنسوش تبعتوا رابط القناة لكل زمايلكم اللي داخلين سنة أولى، مش لازم يكونوا طب، لأن هيكون فيه نصايح ومواضيع تفيد كل الكليات الطبية 👨‍⚕️💬👩‍⚕️ 📌 رابط القناة: https://t.me/stepmedicin111 تابعونا علشان نبدأ الرحلة مع بعض، خطوة بخطوة، من غير قلق ولا توتر 🫶

Channel created