العّذيه

يضحك ماكن الدنيا متراكيه على كبده .

‏بنينا الامل مير الزمن عادته دوار ‏ولا تضمن الدنيا يادنيا من انتي له .

" حكيت وما لقيت من الحكي إلا الندم موال / سكتْ ومِتْ بالحسرة .. ولا ادري وشهو احسن لي" .

ذا الليل كن كبدي تناهشها مخاليب السباع / والجو مابه اكسجين والارض من تحتي تعدّي!

له زولٍ لاذكرته في مـطلاعي ياسعود يسج بالك وماتكمل شرب ربع كاسه .

الله يغربل حياةٍ جوها فاضي.

لو عشت تستر خطاياهم بثوب السماح ‏بتشوفها من طرف كم الليالي .. تويّق "

طاح من صهوة آماله عريب الجدود كيف راحت مراكيض الهقاوي هدر ؟

‏تداخل ضلوعي في بعضها ليا طروّك ‏تقول ان داب القبر يضغط على ضلوعي.

‏تعبت اسقي عذق قلبي ومايثمر سوى غيّاب ‏تعبت ارثي مغيب الشمس ولا به فيّ يرثيني.

واهني الداله الساليّ ليتني شرواه اتسلى .

أنا بيني وبينَ الهواجيس حط وشلّ ‏همومً توردني علىّ الموت وسهومه .

زملوني عن غلاه وعن طيوفه وعن هبوبه في ضلوعي لا استهَبّت.

الصبر يفطر كبود وقلوب جرعات الحنين ‏كيف فـ ابن ادم اللي على كبده المرّ إنزوى.

لك الله ياقلبٍ ليا ذعذع النسناس ‏مايطري عليـه الا مداهيل خلانه .