نَديّم

‏ياعذبة الصوت فينا مايكفينا ‏تبسمي ياجميلة واخذي علومي ‏ماعاد فينا قلوب اللي بقى فينا ‏ستايراً كل ماهب الهوى تومي . – ناصر الحمادين

ما كرهت بحياتي غير وقت الوداع ‏كل حرفٍ تلاشى وقت تلويحتك ‏ارحل بصمت ما ودي أحس بضياع ‏والنسيم أرتجيه يمر في ريحتك ‏ضاق درب المدينة لو عيونك وساع ‏ولو تطيح النجوم أهوَن ولا طيحتك – عبدالملك الخربوش

‏لولاي احبك جناح القلب ماسَدّل ‏من لا هواك أنت ما سر الهوى روحه ‏مالي بغيرك عساني فيك ما ابَدّل ‏معك العمر حلو .. والأيام مملوحه ♥️.

‏يالله تلهمني عزوم الصابرين ‏عبدك وله نفسً تزل وتتقي ‏انا مقصر بس احب الصالحين ‏واظن فيك الخير كله واهقي ‏ودي لو انها تجتمع دنيا ودين ‏افوز بالجنه وبالظبي الشقي ‏حبيبتي وصل الحبايب فرض عين ‏مري على ليل المعنا واشرقي ‏قول لي ان الشمس تشرق مرتين ‏واقولك مايكذب القلب النقي ‏والله ماغير انتي وكوب الكافيين ‏تحركون الساكن اللي بورقي ‏طالت مشاويري ولا مات اليقين ‏كنت ادري ان بعد الفراق بنلتقي ‏واذا وصلتي قربي لاتستحين ‏هلي علي من السحايب وابرقي ‏وخلي كلامك بالعيون وباليدين ‏انا شبعت من الكلام المنطقي !⁩ – محمد المطرقه

5 August ❤️

5 August ❤️

https://tellonym.me/ndimm

وإذا زعلتي ينكسر خاطر الليل ‏وتطيح نجمة وتْضايق سحابة ‏لا تنثرين الدمع بين المراسيل ‏فكي أزارير الفرح والرحابة ‏بعيونك السمرة قصيد وتعاليل ‏وصمتك فصيح ونور وجهك يشابه ‏للشمس لا منها تهادت على النيل ‏وثارت قرايحنا شعور وكتابة .

ما تمريني .. لو تمرين بالي شايفه حجم المعاناه العجيبه طيب اطرح دمعتي و لا سؤالي ؟ طالت الغيبه و انا عايش بريبه خايف اوصل مرحلة اللامبالي و انفض ايديني و اسج الرجل غيبه ليت عمري صبح ما يعرف ليالي عندي الليل و حساباته صعيبه امس : يوم انه من اللهفه…

‏ذكرى حبيب ومنزل وشوقً قديم ‏اما اتركوني عندها... ولاّ قفا ! ‏من دون مانبكي ليا هب النسيم ‏نوقف على الاطلال من باب الوفا ‏من ليلة البارح وهاجوسي نديم ‏جفني غفا ساعة وفكري ماغفى ‏ياللي تفكون الغريم من الغريم ‏من ياخذ بثار الوصال من الجفا ‏تزهّد المشتاق في زود النعيم ‏الجفوة اللي لابيان ولا خفا ‏ياللي طعونك مثل حبك .. فالصميم ‏لفتني الذكرى وصوتك مالفى ‏سافرت عن طيفك وحصّلته مقيم ‏مثل العسل زوده يضر وهو شفاء ‏ماقلت افا من خيبة عيال الحريم ‏وان خاب ظني في رجوعك قلت افا – رفعان العرجاني

‏حبيب الليال الساريه . . و اول المشوار ‏و قصيدٍ على وجهك تغنّى طواريقه ‏معي ما يباعد خطوتي بين دار و دار ‏ومعك مايقرّب حلم عمري لـ تحقيقه ‏شعور السكينه في حضورك شعور البار ‏ليا مازح امه وضحكت له بعد ضيقه ‏– فهد بن بجاد

يحق لهذه الفتاة أن تتباهى على قريناتها في كل يوم

‏أجيه بخاطري زحمة كلام و شجب و استنكار ‏و اروح و عادها خلف الضلوع العوج محتدمه ‏عجزت اقسى على ليّن شعوره بالعتاب الحار ‏و هو رجفة يديه تسلّمه و دموعه تخدمه .. ‏غلاه اكبر من اللوم و خطاه اكبر من الاعذار ‏تناقض ،، كفٍ تداري شعور و كفٍ تهدمه ! ‏زعلت و لا زعلت ان الغلا الصافي عليه غبار ‏تعتّق عمر ،، و الشي المعتّق ميزته قدمه ‏لذا شفت الغياب الحل الانسب و الأقل اضرار ‏أنا محتاج وقت انسى الخطا و اتجاوز الصدمه .. ‏– مشعل الضوي

لا تنسون قراءة الكهف والصلاة على رسول الله، قد قيل عن ابن مسعود -رضي الله عنه- قال: قال رسول الله ﷺ :«إن أولى الناس بي يوم القيامة أكثرهم عليَّ صلاة» اللهم صلَّ وسلم على نبينا محمد

كنت جرد من الصحاري ودرب من السهاد ‏والتقن سحايب العمر فوقي وامطروك ‏انت بين العين والقلب يزهاك القعاد ‏مثل لا منّك تربعت بين امّك وابوك ♥️.

‏والله اللي تو ما زان الحساب ‏بيني وبينك على "هذي وذي" ‏لا نروح وفي خواطرنا عتاب ‏ولا نفض السيره وبالصدر شي ‏لي سؤال ، ولك سؤال ، ولي جواب ‏ولك جواب ، ولي عليك ، ولك علي ‏ما افتح لـ شكي من الابواب باب ‏ولا نخلي من شكوكك شك حي ‏ودنا ننهي مشاوير العذاب ‏ونستريح وللرضا نسمه وفي ‏ماني براضي على طول الغياب ‏وان طلبتك تبتعد ارفض و عي ‏يا شباب اللي يبا لعمره شباب ‏يالسنين البيض يا العمر الهني ‏ودنا نقرب شوي من الصواب ‏انت عندي واجد وغيرك شوي – جزاء الغيداني

ياموقد النار فيني رمّدَت نارك والفت فرقاك لو جرحك موالفني يمّمت وجهي من اللهفة على دارك وأثرك على زلّة الماضي مخالفني اللي بقى من بقايا الحب مقدارك أبيه حولي على شان يْغفَى جفني يؤسفني إني ما عاد أبرر أعذارك ويؤسفني إن قلبي المشتاق يؤسفني …

‏كنت أعتقد ما ورى هذا الركود إندفاع ‏لين المواعيد باعتني ولا بعتها ‏أنا جروحي من البارح عليها قناع ‏تظاهرت بالسكينة وأنت روّعتها ‏أحلى الليال القديمة يا سنين الضياع ‏راحت.. مثل فرصةٍ مرّت وضيّعتها ‏أشعر بفرط القلق وأشعر بقرب الوداع ‏وأشعر بحاجات واجد ما توقعتها – مشاري محمد

قربّوا منتوقة الجيد دون " ترانزيت" خاطري قد له ليالي لا باع ولا اشترى راحت أيّامي وأنا بين "وجدٍ" وبين "ليت" ومن لذيذ النوم عيني مجافيها الكرى ودّي أبعد وآخذ أيام وأنا قد سليت دون محدٍ ينتبه لي ولا أحدٍ بي درى ما أذكر إني قد تناسيت عن شي ونسيت حسب تقويم انعزالي وتقويم أم القرى يا نديم الليلة اللي بها رحت وسريت ما يغيب الهاجس اللي على شانك سرى ذاخرٍ لك وسط قلبي من الأعماق بيت وغيرك إمن الغيد عندي لا بيت ولا ذرى تحت ضرب عيونك النجل، متّ ولا حييت أتلذّذ في صوابي - وجرحي ما برى كل رمية صوبتني - أردد : لا رميت المحبّه تقتل اللي " يردّون البرى " – ضاوي ابن فجّعة