تجارب 100 قدرات💯

اللهم لك الحمد يارب ذي ثاني مره ارسل تجربتي بعد ال٩٦ واقولكم والله ثم والله انها توفيق من ربي وان الإنسان لو يكز من الحين لي بكرا بدون توفيق الله ماراح يطق ال٩٠ الصلاة الصلاة حافظو عليها بوقتها هي اللي تنظم حياتك والله ان صلحت صلح العمل كله _ الكمي : تأسيس عماد كتابه ينباع بجرير مايحتاج دورة الكتاب معه دورة كافيه للتاسيس طريقة المذاكرة📝: اهم شي ماتعدي فكرة الا وانت صانها لان ترا بتجيك في التدريب وبتجيك في الاختبار فحذاري من التسكيب اما التدريب فهو المنصف لا تتعدونه ابد دورته ب٣٠٠ ريال فيها فوق ٣٥٠٠ سؤال تجيك منها في الاختبار يا نسخ لصق ولا نفس الأفكار ما تبعد ووالله تستاهل كل ريال يندفع فيها خاصه الدورة الجديدة فيها ميزات جبارة طريقة المذاكرة 📝: اي شي كان يجيني جديد أو ما مر علي بالتأسيس انتبه بدفتر وارجعه وراجعه، وبعد الق انين اللي حسيت اني انساها أكثر من مره كتبتها في الدفتر وقعدت اراجعها الين قبل الاختبار بيوم اللفظي: تأسيس ماتاسست و ما يحتاج على كلام كثير جابو مية فيه اللي يبي يتاسس يتاسس عادي ماتاخذ يومين ١٠ مقاطع ايهاب وبتفيده اذا جاه جديد  التدريب دورة إيهاب ٦ بنوك رئيسية والباقي حول ٤٠ صفحة اللي هي السابع والثامن كلام فاضي ماتاخذ وقت اختباري ولله الحمد كلو منه طريقة المذاكرة 📝: ابد اشوف المقطع سرعة ٢.٥ 😂 (مو دايم ذا الصح بس لان كنت مزنوق) وبعد كل مقطع احل اختباره على عكس كثير ما كنت اعيده اذا أخطأت اصور الخطا ويدين ارجعه وبس ختمت البنوك مرة وحده وخشيت بعد ما راجعت اغلاطي الزبدة كل شي بتوفيق الله والصلاة فوق كل شي وبالله لاتنسوني من دعواتكم بالمية في التحصيلي والترم ذا 🤲الله يوفقكم

🌟تجربة 84: 👇🏻👇🏻

تجربة : دانة دفعة : 24 الدرجة : 100 % ( بعد تغيير النماذج ) بسم الله القدرات بشكل عام مرحلتين التأسيس ثم التدريب وكلا المرحلتين بنفس الأهمية فما يجوز تهمل وحدة منهم بالنسبة للقسم الكمي ( خليكم مع عماد الجزيري من تجربتي هو الأفضل في المجال ) في التأسيس انتوا مخيّرين تدخلوا دورة التأسيس او تاخذوا أحدث كتاب نازل في وقتكم والأفضل تدخلوا الدورة على أساس تلتزموا بها في التدريب دائمًا الأفضل انكم تتدربوا داخل دورة لأن المحتوى بيكون متحدث بأستمرار ادخلوا أحدث دورة محوسب متوفرة عند عماد بالنسبة للقسم اللفظي ( اعتمدوا على إيهاب عبد العظيم هو الأفضل في المجال ) ادخلوا وياه أحدث دورة للتأسيس وبعدها دورة التدريب اللفظي بشكل عام حفظ ويا فهم اذا ما فهمت ما بتحفظ نصائح جانبية : ابدأ مذاكرة من الأجازة الصيفية إلي تسبق ثاني ثانوي لا تأخذ فترات راحة طويلة بين المحاولات لأنها تساعد في نسيان المعلومات ذاكر كلا القسمين مع بعض لا تركز على واحد وتهمل الثاني في مرحلة التأسيس اي شيء مهم يقولوه الأساتذة سجله لأن بتحتاجه في مرحلة التدريب في الكمي لا تمشي عن سؤال إلا وانت فاهمنه لا تضيع اي فرصة تجربة دائمًا روح وانت مذاكر عدل الأفضل تختبر فرصتك الورقي في ثاني ابدًا لا تأجلها لثالث خصص بعض الوقت من يومك للترفيه عن نفسك بالحد المعقول ما ينفع طول الوقت مذاكرة وفي النهاية لا تنسى صلاة الليل و الدعاء لأنها من أهم أسباب التوفيق ⭐ بالتوفيق وفالكم 100 %

🌟تجربة 83: 👇🏻👇🏻

أصحاب الــ 100 لا تنسو تشاركونا تجاربكم هنا @Sedrah2005 مع صورة الدّرجة وفيها الاسم الأوّل على الأقل لُطفًا للمصداقيّة🤍

بسم الله الرحمن الرحيم الحمد لله جبت ال 100 بآخر محاولة اتمنى تستفيدو من تجربتي اولا استغليت اجازة اول ثانوي لتأسيس الكمي بس للأسف اني كنت ساحبه عاللفظي بديت فيه الشهر الثاني من الاجازه كنت بس احفظ من دون مراجعه وهذا اكبر غلط بعد ما خلصت تأسيس وال ١٢٠ نموذج لفظي  بالترم الاول بثاني، قررت اختبر الترم الثاني اول فرصه رحت اختبرت وجبت درجه لا بأس فيها كأول محاوله 92 قلت بجيب الميه بعدها بس للأسف سحبت كل ثاني ورجعت باجازه ثاني ما كنت اعرف النماذج تغيرت  سجلت عند المنصف ضليت شهر اذاكر القديم  بعدين اكتشفت انو في جديدة صراحه زعلت عالوقت يلي ضاع بس بدأت من اول وجديد الكمي اعتمدت عالمنصف يلي كنت مسجله فيها ضليت اعيد البنوك كثيير لدرجه صرت حافظة الاجوبه اما اللفظي كنت اذاكر اي مصدر قدامي رحت اول ترم بثالث اختبرت جبت 97 كنت كثير مبسوطه خاصه انو جبت 100 كمي بس كان عندي وقت قررت اعيد هذي المرة سجلت عند ايهاب كمان وعالترم الثاني كنت خالصه بنوك ايهاب والمنصف طبعا كانو كل فترة يزيدو وارجع اذاكر كلشي رحت واملي بالميه كثير بس للأسف جبت 97 مرة ثانيه ونفس الشي 100 كمي  كانت صدمه بالنسبه لي جدا اتحطمت وفقدت الامل بالقدرات بس استخرت وقررت اعيد اخر محاوله كنت اذاكر وانا فاقدة الامل جدا بس كنت ادعي واقول يارب عوضني بشي يجبر بخاطري كنت متذكرة اشياء كثير ف كانت مدة مذاكرتي تقريبا شهر ونص قبل الترم الثالث بكم يوم رحت اختبرت طلعت من الاختبار  والدمعه بعيني لقيت عندي 3 اخطاء كمي بس اللفظي كثير كويس ضليت ادعي ادعي و واثقه بربي وكنت راضيه باي نتيجه والحمدلله فتحت الدرجه وطلعت ميه شعور جدا جميل وفرحه اهلي شي ثاني الحمدلله الله جبر خاطري اكثر شي استفدت منه سواء كمي او اللفظي التكرار ، التكرار جدا مفيد  بنوك ايهاب يمكن ختمتها اكثر من ٨ مرات والمنصف اقل شي ٣ مرات بالنهايه حابه اقول انها توفيق من رب العلمين لو ضليت اذاكر والله ما كتبها ما بجيبها  ادعو الله يرزقكم اعلى الدرجات بالتوفيق للجميع

🌟تجربة 82: 👇🏻👇🏻

رحلتي مع القدرات السلام عليكم معاكم زهراء صاحبة درجة ١٠٠ في القدرات ماشاء الله و بإذن الله التحصيلي بدأت مذاكرة من ثالث متوسط دخلت دورتين للتأسيس وحده كان مستواها متدني و حصل لي ظرف وفاة و ماكملتها و الثانيه استفدت منها للأمانه بس لو تأسستوا من عماد و ايهاب يغنيكم عنها ، ثم في عطلة اولى ثانوي رجعت تأسست من الدوره و شريت كتاب المنصف 2 الصراحه كتاب تأسيسه و تدريبه قوي بس فيه عيوب منها ان التمارين الصعبه ما يشرحها في الباركود عشان احصل على شرح كامل الكتاب لازم اشترك بدورته الي قيمتها ٣٠٠ ، طلبت المعاصر ٦ تأسست منه فقط بعد ممتاز نزل ٧ ذاكرته بعد فقط تدريب ممكن عدته ٤ مرات ثم ذاكرت معاصر ٨ الصراحه ما فتحت تأسيسه بس راجعت قسم السرعه بالنسبه للفظي ايهاب افضل شيء بلا منازع انا رحت شريت اكثر من كتاب و تمنيت لو عرفته من قبل لا اشتري صراحه لا يعلا عليه و تفائلو بالخير تجدوه ان شاء الله ♥️ + مهما حصل من تغييرات ثق بالله و اجتهد الله مايضيع تعب انا كان اختباري فترة تغييرات و الحمدلله رب العالمين صح جاتني اسئله جديده في القسمين بس مع التأسيس الصح قدرت اجاوبهم صح و قفلت اسئلة لفظي الحمدلله

🌟تجربة 81: 👇🏻👇🏻

السلام عليكم ورحمة الله وبركاته اذكروا الله يا جماعه اول شي اول ما بديت اذاكر ذاكرت من تأسيس المعاصر 7 و ال 140 الاحمر . وبعدين ظهرت التغييرات وذاكرت اصدارات الاستاذ عماد ( سبتمبر ) . و كانت طريقة مذاكرتي هي اني اول شي احل الاصدار بنفسي بعدين اشوف الشرح . هاذي الطريقه صدقوني بتفرق معكم كثير بالنسبه للكمي . اهم اهم اهم نصيحه يا جماعه هي التأسيس ثم التأسيس ثم التأسيس . عشان تكون قادر تحل اي سؤال جديد يقابلك كله بتوفيق الله طبعا . بالنسبه للفظي ذاكرت التاسيس مع ايهاب و البنوك كمان . طريقة مذاكرتي هي اني اول خطوه اشوف المقطع بعدين احل اختبارات الكترونيه كثير وبس والله يا جماعه هاذي الزبده وفالكم التوفيق جميعاً يارب ❤️❤️