تجارب 100 تحصيلي💯

🌟تجربة 103: 👇🏻👇🏻

🌟تجربة 102: 👇🏻👇🏻

نصائح مهمة جداا/ 1-توكلوا على الله وحافظوا على الوتر وأكثروا من الدعاء والله انه معجزههه تغير أقداركم 2-بر الوالدين وخليهم دائما يدعون لكم 3- "اقضوا حوائجكم بالكتمان" مو لازم الناس تعرف انت وش أنجزت ووش ناوي تسوي 4-راجعوا راجعوا راجعوا نصيحههة المراجعة فعلا اهم من المذاكرة مو شرط تراجعون كل شي راجعوا الاسئلة الي فيها افكار والي استصعبتوها أو الاسئلة الي فيها أكثر من فكرة كذا بتثبت المعلومات أكثر 5-لاتسمعون لكلام المثبطين ابدا ابدا ابدا 6-قللوا من المشتتات (احذفوا التيك نصيحه) البريكات شوفو فيها يوتيوب لانه مايدخلكم دوامه مقاطع زي التطبيقات الباقية 7-"مستحيلك مو مستحيل" المية مو مستحيلة إذا تبيها اعقد الأسباب وتوكل وبإذن الله بتجيبها بس اتمنى افدتكم ولو بشي بسيط اذكروني بدعوة وفالكم الدرجات الي تتمنوها🩷🩷

السلام عليكم ورحمة الله وبركاته معكم شهد دفعة 2025 حققت درجة ١٠٠ في اختبار التحصيلي والحمدلله *ماشاء الله * حابه انقل تجربتي لعلها تفيد احد 🤍🤍 اولا المصادر/ في دفعتي كان فيه مليون مصدر وكل واحد يطلع ويقول فلان احسن وفلان افضل انت اختر المصدر الي تفهم عليه ولا تسمع لكلام احد انا شخصيا اعتمدت على ملفات يلو تأسيس وتدريب وتوقعات ميزة هذا المصدر ان يوفر لكم نخبة من المعلمين يمديكم تختارون الي يناسبكم عن نفسي اخترت الرياضيات: أستاذه صالحة عسيري الفيزياء:دكتور محمد عزت الكيمياء:استاذ محمد العمري الاحياء: عملاق الأحياء احمد سكول المدة/ بديت بعد ماقفلت قدرات بنص شهر ٧ وانصحكم تقفلون قدرات من بدري وتبدون بعدها مذاكر تحصيلي ترتيب المواد/ ابدا بالماده الأصعب لك وخلي الأحياء بالاخير لانه رح ينمسح من ذاكرتك انا بديت بالرياضيات مع ان مستواي ممتاز فيها لكن لاني ماقد طبقت ع اسئله تحصيلي على عكس الفيز معلمتنا كانت تدربنا ع اسئله تحصيلي دائما بعدها بديت فيزياء وبعده كيمياء واحياء(انصحكم تخلون الفيز والكيم ورا بعض لأن أغلب الدروس تتشابهة فيصير كأنكم تراجعون) طريقة المذاكرة / كل واحد وطريقة تعلمه مثلا أنا طريقه تعلمي سمعيه ف كنت اشوف الشرح اول واسجل الملاحظات بعدين اشرح لنفسي باسلوبي أو اقرا الدرس بصوت عالي واسجل الأشياء الي استصعبها بدفتر ومثلا لو انت تتعلم بالكتابة فسوي لك ملخصات وخرائط لدروس وهكذا الفيزياء:كنت أشوف الشرح واسجل اي معلومة جديدة علي أو اشوفها صعبة والقوانين اكتبها أكثر من مره واذا في قانون مره معند مو راضي ينحفظ اكتبه ب ستكير والصقه بالجدار يمديكم كمان تسوون ربط للقوانين إذا تحبون الرياضيات:اسمع الشرح واذا خلصت احل التجميعات  كلها حتى الي نجمه وحده واصور الاسئله الصعبه  (الرياضيات والفيزياء لازم تكثروا حل مسائل عشان تزيد سرعتكم في الحل وتثبت القوانين) الكيمياء:ماده سهله اغلب محتواها تكرار للفيزياء وتجمع بين الفهم والحفظ الي ممكن يكون فيه اشكاليه هو الكيمياء العضوية خذو وقتكم فيها وعيدوا وكرووا فيها انا كنت اقرأ الدرس سريع واشوف الشرح وبعدها لو في معلومات تحتاج حفظ أكثر احفظها وانتقل للتجميعات احل كل الاسئله طبعا واعّلم ع الاسئله الي اخذت مني وقت في الحل أو غلطت فيها واراجعها في اليوم الثاني الاحياء :لا تسحبون ع التأسيس وتقولون مو مهم والله اغلب الاسئله جات من التأسيس و مو موجوده في التجميعات( لو عندكم وقت كثير ذاكروه من المنهج إذا لا عادي مو ضروري) انا عن نفسي ما امداني ف كنت اذاكر من يلو كنت اقرا الدرس اول وبعدين اشوف الشرح ولما اخلص ارجع احفظ الدرس وبعدين انتقل لحل التجميعات واعّلم على الأسئلة الي اغلط فيها أو فيها لفه واراجعها في اليوم الثاني قبل ابدا بالدرس الجديد اسبوع ماقبل الاختبار/ حليت فيه التوقعات بديت بتوقعات يلو وبعدها حليت توقعات اينشتاين لكثرة المدح عليها وكلهم فادوني الحمدلله وبعدها حليت ملف اسئله الصور ل يلو وراجعت اخطائي والاسئله الي مصورتها التسريبات/ أفضل قنوات تنزل تسريبات يلو، اينشتاين، تحصيلي محمد (تجميعهم وحلهم دقيق اعتمدوهم) بين الفترتين/ الصدق انا كنت مراكمه مهام المدرسة ومشروع التخرج لبعد الفترة الأولى ف اضطريت اني اخلص امور المدرسة اول واترك التحصيلي شوي فنصيحه مني خلصوا مشروع التخرج قبل الفترة الأولى وسلموا مهامكم عشان تركزون على مذاكرة الفترة الثانية بعد ما خلصت ما كان باقي إلا أقل من اسبوع راجعت فيه تأسيس الأحياء لأن قياس تفننت فيه بالفترة الأولى وراجعت القوانين من ملخصات يلو ع السريع و حليت توقعات اينشتاين مره ثانيه وحليت تسريبات الفترة الأولى كاملة (ضروري ضروري تخلصونها) حجز الاختبار / لاتسمعون لكلام احد ابدا كلها كذب في كذب اختاروا اليوم الي يناسبكم ومافي شي اسمه يوم سهل ويوم صعب الي مذاكر بيحل انا اختبرت في أصعب يوم ع كلامهم وجبت فيه مية 😋 المعياري والأخطاء بالاختبار/ المعياري أكثر موضوع كان موترني بالنهايه طلع ماياثر ع درجتك كل واحد بيأخذ الدرجه الي يستحقها ومحد بينظلم بخصوص الأخطاء عادي جدا تغلط وتجيب ميه انا غلطت غلط أو اثنين وجبت ١٠٠ الفترة الثانية و الفترة الأولى حول الاربع أخطاء وجبت ٩٨ خلوا املكم بالله كبيرر

🌟تجربة 101: 👇🏻👇🏻

سلام عليكم معكم اختكم جود خريجة الدفعه السابقة🎓 بالبدايه معليش اذا كثرت كلام بس ابغى اغطي كل المواضيع عشان ما تحسون انكم ضايعين ومو مغطينها. ان كنت تقرا كلامي و تحس انك ندمان وانه ضيعت وقت كثير صدقني ذي وساويس الشيطان وما ازمني غيرها بالعكس 💪🏻قدامك وقت كثيرررر وانا اصلا ما بديت جديا الا قبل رمضان بكم اسبوع حتى لو انك شايل هم تأسيسك بالمدرسه وانه تحسه ضعيف وما كان مستواك زين بالمدرسه وانه مفترض بديت بالتحصيلي بدري ابشرك ☝🏻انه كلام فاضي اصلا ومحد يتذكر من تأسيسه شيء و ما يسوي الا فرق بسيط لا يذكر وانا تأسيسي كان بسيط والحمدالله ربي يسرها لي وانصحكم تدخلون اختبار البترول لو على الاقل تجربون بس حطو ببالكم انه بيكون اصعب من التحصيلي نفسه فا لا تشيليون هم ان ما جبتو لاني انا جبت درجه مرا نازله فيه🙏🏻 والحمدالله لولا الله ما جبت الميه. 🛑في البدايه بتكلم عن الجانب الديني تراه يسوي فرق كثير معاك 📌حاولو تصلون الصلاة بوقتها والوتر لا تخلونه ادعو كل الي بقلبكم صدقوني بتحسون بتيسير مو عادي!!!! اقولكم ذا الكلام عن تجربه👏🏻 صلاة الوتر والدعاء معجززززة لا تخلون بحاجه بخاطركم ترا رب العالمين مارح يردكم صدقوني! لو الله ثم اجتهادي كان ما جبت الدرجة فا احرصو على الدعاء والصلاة لا تتركونهم عشان ما يروح شغلكم على الفاضي. 📌طريقتي للمذاكره كنت اتابع الشرح بعدين اقرا تأسيس يلو واحل تجميعات الدرس واراجع تأسيس الدروس من يلو ان خلصت جزئية اليوم. 📍بالنسبة لتأسيس التحصيلي انا تأسست مع يلو الصراحه من افضل مصادر التأسيس بالتحصيلي هو احسه اشمل من غيره لكن مشكلته الوحيده شروحات المعلمين ما ناسبتني ابدا ✍🏻 للفيزياء صرت اشوف مقاطع فرح وهي تشرح لناصر الجديد الصدق فرح بطله وتبسط المعلومه وتدخلها براسك ✏️الرياضيات كنت اشوف ناديه لا بأس فيها 🧪كيمياء كنت اشوف العمري ما ناسبني شرحه مرا بس مشيت معه ومرات افتح مقاطع فرح حقت الكيمياء بس ما كملتها لكن كان فيه هايزنبرج كان وقتها للأسف ينزل تيك بس ما كان يشرح لكن ان نزل ذي السنه اعتمدوه شرحه رهيب 🧬 للأحياء كنت اشوف مقاطع احمد سكول حقت يلو في ناس كانو يقولون شوفو مقاطع شرحه للمنهج ووتروني و حاولت اتابعها لكنها استهلكت وقتي بشكل! 📚فا انصحكم تكتفون بالتأسيس وتجميعات وتتوكلون على ربكم لانه انكم تشوفون المنهج خرابيط الصدق ومضيعة وقت لا اكثر. 📍بالنسبة التجميعات اعتمدت على تجميعات يلو و غشام اشوفهمن كافين جدا📌 كنت احل تجميعات يلو بعد كل درس و غشام جلست احله بعد ما ختمت يلو ختمت تقريبا مرتين ثلاث حقت غشام ويلو مرتين يمكن، مو مهم عدد المرات لا تتوترون بس اهم شيء انكم تراجعون صدقوني الي انهاني باختبار البترول اني ما كنت اراجع الدروس🤷‍♀️ احسبه زي نظام القدرات🛑 فا ارجع انبه مراجعة التأسيس اهم من المذاكره لو تقرون بس اهم شيء تمرون على الشيء الي ذاكرتوه 🗣️ اليوم الي بعده راجع تأسيسك حق امس على السريع عشان ما تنسى بس وشوف الي يناسبك كلنا تختلف طرق مذاكرتنا والي يناسبنا مو غلط اهم شيء نفهم. 📍التوقعات و التسريبات بالتوقعات شفت حقت يلو و غشام واينشتاين كلهم نفعوني الصراحه وجاني منهم لكن ترا📌 ما يعتمد عليهم ابد خذهم كمراجعة لان في بعض الاسئلة نسيت فكرتها ويوم رجعت حليتها بالتوقعات ⚡️مرا استفدت لانها جتني بالاختبار. والتسريبات ما شفت تسريبات لاختباري الاول لانه كان اول يوم بس الثاني شفت حقت يلو ⭐️ولا تسمعون لكلام الي يقولون ترا ما يجي منها شيء وانه الاسئلة كلها جديده ترا كلام فاضي انا جاني باختباري الثاني كثيررر منها بس سؤالين جديدين كانو سهلين بس مع التوتر معرفت كيف احلها كان واحد رياضيات والثاني كيمياء 💪🏻تقدرون تحلونها من التأسيس ركزوا على تأسيس ثالث ثانوي يجيبون منه دايم اسئلة جديده وثاني بعد. 🛑فيوم الاختبار ريحو ونامو زين وكلو انا رحت لاول اختبار وانا مواصله ومو ماكله شيء كنت اعاني كثيررر وانا اكتب كان جدا متعب ⭐️بس جلست احوقل وادعي والحمدالله ربي يسرها لي. 💫في النهاية توكلو على ربي وسلمو انفسكم له ولا تقارنون انفسكم باحد لانه مارح تقدرن تذاكرون من كثر الضغط و مو معناه انكم بتجلسون تذاكرون ٢٤ ساعه عادي فيه ايام ريحت فيه والحمدالله كانت اموري تمام دايم ادعو واخلصوا نية المذاكرة لله كنت ادعي قبل المذاكره وبعدها و التجميعات ترا حدها اسبوعين لحد يخاف من فكرة انه ما يلحق ومعرف ايش و التأسيس اسبوع وشيء كذا والتوقعات وتسريبات بالكثير اسبوع و بعد ركزو على انجاز يومكم مو ساعات المذاكر و ما عليكم ان شاءالله مقدور عليه الاختبار وبيكون معك وقت و ذاكرو على راحتكم لا تتوترون على الفاضي تراها مرحلة ممتعه بتتذكرونها وتضحكون و بتعدي ان شاءالله⭐️ رجاء لا تنسوني من دعائكم احتاجه ادعو لي بالتوفيق 💕حاولت اني الم كل المواضيع الي حسيت كنت احتاج احد يقولها لي وانا فمرحلتكم وان شاءالله اني ما قصرت بشيء.

🌟تجربة 100: 👇🏻👇🏻

السلام عليكم ورحمة الله وبركاته اسمي عمر وأنا من خريجي دفعة 2025 وبنقل لكم تجربتي في التحصيلي,ولله الحمد أنا جبت 99 في الفترة الأولى و 100 في الفترة الثانية ,ترى كلامي كثير والتجربة عميقة وحاولت قدر المستطاع اني اختصر كامل تجربتي,اتمنى تستفيدوا منها طبعا دايما و دايما تحصلوا كل الي اختبروا يتكلموا على الجانب الديني, اياك تحاول تذاكر وانت مو معتمد اعتماد كامل على الله, ترى قياس مو طبيعية ورهبة الأختبار كانت كبيرة مرة وما انقذني الا ذكر الله, اياك تبتعد عن الجانب الديني , ما أخوفكم من الأختبار بس لو ما كنت قريب من الله اعتبر انك جبت صفر. مذاكرة التحصيلي على ثلاث خطوات: - تأسيس - تجميعات - تسريبات تأسيس دور مصدر قوي وترى الطبيعي أنك تطول في هذه المرحلة لأنها مرحلة تبنى عليها المراحل القادمة يعني اعطي المرحلة وقتها ولا تستعجل الأمور. تجميعات ممكن تنوع بالمصادر فقط لو عندك وقت زايد و حاب تضيعه تسريبات عليكم بتسريبات يلو وغشام وإياكم وإياكم وإياكم تشوفوا غيرهم اختبار التحصيلي يختبر الطلاب في مواد: - الأحياء"بالإضافة إلى مادة علم البيئة" - الفيزياء - الكيمياء - الرياضيات رح يختبركم بالي اخذتوه بالسنوات الثلاث, طبعا اغبى شي ممكن احد يسوييه انه يراجع من المنهج السبب : المنهج كلامه كثير وفي مصادر توفر الوقت والجهد. اختبار التحصيلي يحتاج حوالي 4 إلى 2 شهر, بحسب قدرتك على الاستمرار, بالنسبة لي ذاكرت حوالي 6 اشهر لأني كنت ابغى المية وحبيت اخذ بالأسباب لأبعد درجة ممكنة بس لو محتاج أقل من المية ومستواك جيد 3 شهور تكفي المصادر عبارة عن بحر لاينتهي ! نصيحتي استخدم مصدر مذاكرة ومصدرين تسريبات ولا تتشتت بالنسبة لي أنا جربت : - ناصر عبدالكريم : من أكثر الكتب المشهورة بس عيبه ان ناقص كثير في مادة الأحياء, انا اشتريته درست فيه شوي بس ما كملت لأنه ناقص مرة في الأحياء خصوصا "حوالي 100 ريال" - منصة يلو التعليمية: كانت الخيار الثاني بعد ناصر,خلنا نتكلم بأمانة ,ملفاتهم مرتبة وسعرها كويس, الصراحة أنا استفدت منهم كثير , "حوالي 165 ريال تتخفض لو اشتركت انت وزملاءك" - قناة غشام وملحقاته: السعر تقريبا مشابه ل منصة يلو , انا جربته هو ودورته ونصيحتي الملفات كانت جدا مشابها ل يلو, بمعنى لا تدفع عليه "حوالي 150 ريال أعتقد" خلك مع يلو مبدأيا و إن شاء الله مارح تندم رتب جدولك ونومك كويس, ترى الطبيعي تجيك أيام تفلت ,او تحس باليأس او الملل , ممكن تاخذ يوم راحة كل فترة بس ترى يوم واحد لا تشطح بالراحة لو تشرب منبهات :ضع بالحسبان ان آخر الأيام "قبل الإختبار " بتكون اصعب , فلا تبالغ بالمنبهات اول فترة صدقني بتشرب كثير بفترة قبل الاختبار بأسبوع. طبعا في الختام أنا أتمنى ان ربي يوفقكم جميعا وأمانة إذا اي احد حتاج اي شي في اي وقت راسلوني على التليجرام @Jet_Legend خصوصا آخر كم يوم او وقت التسجيل وكيفية التسجيل أنا دايما حاضر وموجود لمساعدتكم

🌟تجربة 99: 👇🏻👇🏻