Temuriylar tarixi davlat muzeyi

#xalqaro_aloqalar 🇺🇿 🇷🇺 MUZEY XODIMLARI XIII BOLGAR XALQARO ARXEOLOGIYA MAKTABIDA Temuriylar tarixi davlat muzeyining restavratori, tarix fanlari bo‘yicha falsafa doktori (PhD) Dilmurod Normurodov hamda Fond va arxivlar bo‘limi mutaxassisi Arslon Alimov Rossiya Federatsiyasining Bolgar shahrida bo‘lib o‘tayotgan XIII Bolgar xalqaro arxeologiya maktabida ishtirok etmoqda. 2026-yil 10–23-avgust kunlari Bolgar tarixiy-me’moriy muzey-qo‘riqxonasi bazasida tashkil etilayotgan mazkur xalqaro ilmiy tadbir A.X. Xalikov nomidagi Tatariston Respublikasi Fanlar akademiyasi Arxeologiya instituti hamda qator nufuzli ilmiy va madaniy muassasalar hamkorligida o‘tkazilmoqda. Arxeologiya maktabining asosiy maqsadi Yevroosiyo xalqlarining tarixiy-madaniy merosini o‘rganish va asrashda zamonaviy ilmiy yutuqlarni amaliyotga joriy etish, arxeologik tadqiqotlarda fanlararo yondashuvni rivojlantirish hamda ilg‘or ilmiy metodlarni tatbiq etishdan iborat. Muzey xodimlari maktab doirasida “Arxeologik tadqiqotlarda dala geodeziyasi va masofadan zondlash” seksiyasida ishtirok etib, arxeologik yodgorliklarni tadqiq etishning zamonaviy usullari, tarixiy-madaniy merosni o‘rganish, saqlash va restavratsiya qilish bo‘yicha xalqaro tajribalarni o‘rganmoqda. Xalqaro arxeologiya maktabidagi mazkur ishtirok muzey xodimlarining ilmiy va kasbiy salohiyatini oshirish, xalqaro ilmiy hamkorlikni mustahkamlash hamda tarixiy-madaniy merosni asrash borasidagi ilg‘or tajribalarni o‘zlashtirish uchun muhim ahamiyat kasb etadi. Bizni kuzatib boring: 🔹Telegram|🔹Facebook|🔹Instagram|🔹Youtube|🌍Web-site

#xalqaro_aloqalar TEMURIYLAR TARIXI DAVLAT MUZEYI VAKILLARI POKISTON UNIVERSITETLARIDA 🇺🇿 🇵🇰 Bobur nomidagi xalqaro jamoat fondi tomonidan tashkil etilgan ilmiy ekspeditsiya doirasida Temuriylar tarixi davlat muzeyining yetakchi ilmiy xodimi, tarix fanlari doktori, professor Abdumajid Madraimov hamda ilmiy xodimi Azizjon Sharipov Pokistonning qator oliy ta’lim muassasalarida o‘tkazilgan ilmiy uchrashuvlarda ishtirok etdilar. Jumladan, “Alloma Muhammad Iqbol” universitetida tashkil etilgan brifingda muzey xodimlari o‘z ma’ruzalari bilan qatnashib, pokistonlik olimlar bilan ilmiy hamkorlik masalalarini muhokama qildilar. Shuningdek, “Qovaidul Azam” universiteti Tarix fakultetida professor-o‘qituvchilar bilan uchrashuv o‘tkazilib, Bobur va boburiylar tarixi, ikki davlatning mushtarak tarixini o‘rganish hamda ilmiy hamkorlikni rivojlantirish masalalari yuzasidan fikr almashildi. Uchrashuvlar davomida Bobur nomidagi xalqaro jamoat fondi raisi o‘rinbosari Rustamjon Mamasoliyev fond faoliyati, xalqaro ilmiy ekspeditsiyalar hamda “Bobur va jahon madaniyati” muzeyi faoliyati haqida ma’lumot berdi. Shuningdek, tomonlar xalqaro ilmiy-amaliy konferensiyada ishtirok etish va Baburid.uz elektron platformasini yangi ilmiy ma’lumotlar bilan boyitish borasida hamkorlik qilish masalalarini muhokama qildilar. 🤝 Mazkur ilmiy uchrashuvlar O‘zbekiston va Pokiston olimlari o‘rtasidagi ilmiy aloqalarni mustahkamlash, tarixiy-madaniy merosni birgalikda tadqiq etish va xalqaro ilmiy hamkorlikni rivojlantirishga xizmat qilmoqda. Bizni kuzatib boring: 🔹Telegram|🔹Facebook|🔹Instagram|🔹Youtube|🌍Web-site

“MUZEY PEDAGOGIKASIDA TASVIRIY SAN’AT ASARLARIDAN FOYDALANISH (TEMURIYLAR TARIXI DAVLAT MUZEYI MISOLIDA)” — Mirjonova Nodira Ilhom qizi Temuriylar tarixi davlat muzeyi yetakchi mutaxassisi. 📖 O‘zbekiston Respublikasi Fanlar akademiyasi O‘zbekiston tarixi davlat muzeyida 2026-yil 25-mart kuni o‘tkazilgan “Muzeylar: an’ana, novatsiya va renovatsiya integratsiyasida” xalqaro ilmiy-amaliy konferensiyasi materiallari to‘plami. Toshkent, 2026. – 656 - 662 b. Bizni kuzatib boring: 🔹Telegram|🔹Facebook|🔹Instagram|🔹Youtube|🌍Web-site