فَلنُجاهِد أنفُسَنا سَوِيًّا.♡⁩🇵🇸

وقتٌ مُجاب، وربٌّ وهَّاب! عسَانا نُذكَر فِي دعَواتِكُم :))

من المعاني الجميلة اللي ذكرها الدكتور أحمد عبدالمنعم في مجالس سورة الكهف ': إن دايمًا فيه لطف في قصتك من الله أنت متعرفهوش! كمثال لأهل الكهف اللي ربنا نجاهم من شر الملك الظالم بإنهم ناموا فترة طويلة ولما صحيوا كان كل شيء أتغير. لذلك من فضل ربنا سبحانه وتعالى علينا بإنه شرع قراءة سورة الكهف كل أسبوع عشان تبدأ أسبوع جديد بإيمان شديد بالقدَر خيره وشره، وأن ما أصابك لم يكن ليخطئك، وما أخطأك لم يكن ليُصيبك. -

السلام عليكم ورحمة الله وبركاته 🤍 في بنت أعرفها شخصياً وأشهد إنها إنسانة محترمة وثقة جداً والدتها توفاها الله من سنتين ومن شهر توفي والدها كمان وهي دلوقتي المسؤولة عن إخواتها الصغيرين ووالدهم مكنش موظف حكومي لذلك لا يوجد معاش يساعدهم وشقتهم إيجارها 2000…

«عجيبٌ هذا الإنسان! تارةً تحملهُ السَّماء.. وتارةً تضيقُ بهِ الأرض.. مِسكينٌ يحسبُ الدُّنيا لَه! وَما كانَ يومًا للدُّنيا ولا كانتِ الدُّنيا له.»

أقولك أنا الأغاني بتعمل إيه في النفس! صاحبنا بيسمع أغنية راب فيها تعظيم للنفس البشرية فَبياخد جرعة أدرينالين كبيرة ويبقى عظيم جدا في نفسه شويتين تلاتة. لكنه على أرض الواقع صفر، عبد، بيشوف غيره بيموت وهو هيموت وشغله عادي جدا وبالنسبة لأصحابه عادي، لا هو خد لقطة العظمة ولا حسها. التاني بيسمع أغنية رومانسية وبيعيشها ويبني خيالات في دماغه ويحس إن هو مفيش منه اتنين وأن الحب هيقويه ولازم ياخد اللي بيتمناها، لكنه عادي مش بيوصل وهي بتتزوج واحد تاني وبيشوف إن الدنيا مش ملونة زي كليب الأغنية اللي سمعها. الثالث بيسمع أغنية حزينة لواحد موصلش لحبيبته اللي كان بيحبها زمان، يعيد ويزيد في كوبليه معين من الأغنية؛ يتأثر بها؛ تاخد من وقته، ويعيش حزنا ربما ليس حزنه أصلا، وربما لم يكن يوما محبا ولهانا أو عاشقا، ولكن تماشيا مع مود الأغنية.. الإطار السينمائي اللي بتولده الأغنية سواء حزن أو فرح أو حب أو بغض أو تعظيم للنفس، كل ده إطار واهي ضعيف مالوش أي علاقة بالدنيا وابتلاءاتها وأذاها وضعفها والكره اللي موجود فيها. يعني حتى الحزن اللي بيبقى المغني متأثر بيه أوي إن حبيبته سابته أو الفلوس مش مكفيه معاه شويتين فبيسرد لك قصة حياته اللي هي مش قصة أصلا وأنت بتتأثر بيها. التأثر ده اللي بيكون في غير محله بيخليك إنت كمان ضعيف جدا أمام الابتلاءات الحقيقية، لأنك قللت قيمة نفسك وتأثرت باللي مش لازم أصلا تنظر له! فالأغاني بتعمل منك كيان هش مالوش اعتبار في الدنيا الحقيقية. عاوز المعنى الحقيقي لكل شعور بالضبط وهيحكيلك دواخلك وعلاجاتك الحقيقية، افتح القرآن. ركز كده على الخطاب القرآني وهو بيقولك تعدي أيامك إزاي وتقاوم الابتلاءات إزاي، وإزاي هيصغر قيمة الدنيا في عينيك وإزاي هيعطي لك قيمة حقيقية، وإزاي هيضبط مشاعرك وإنك لا تستهلكها في أي مكان وخلاص، وغيره وغيره من أصغر حاجة لأكبرها لحد ما تدخل الجنة. انظر وتحقق من كيفية الخطاب اللي بيتغلغل داخل أغوار نفسك، وكيف لا؟ وهو من كلام قدير حكيم خبير؟ إسلام منصور.

سمعت تفسير للشيخ أمجد سمير عن الآية دي ﴿‌بَلْ تُؤْثِرُونَ الْحَيَاةَ الدُّنْيَا وَالْآخِرَةُ خَيْرٌ وَأَبْقَىٰ ﴾ تفسيره جميل ليها: هو بيقول تخيل تختار الأوضة الصغيرة المبنية بالخوص دي تبقى ملكك وتفضل بتاعتك على طول أو القصر الكبير اللي هناك بس معلومة قبلها إنك لو اخترت القصر، هتبقى ليك فيه 3 دقايق بس وبعدها لازم تخرج منه هتختار إيه؟ قاله العِشّة طبعاً لأنها هتبقى ملكي .. تخيل إن ربنا سبحانه وتعالى بيقولك القصر ليك على طول والعِشّة دي مؤقتة وإنت مع ذلك اخترت العِشّة! إزاي بنختار الدنيا؟ انت مكافأتك في الدنيا مهما كانت عظيمة فهي فانية فإنت بعت بيها إيه؟ بعت الآخرة اللي هي خير وأبقى افتكر الآية كل مرة تختار الدّنيا.

شِعارِي هنا في القناة: أنا أُلقي البِذرة، ولا ألتَفِت مَتَىٰ تُثمِر. ليسَ عليّ إثمَارَها، وإنّمَا عليّ إلقاؤها. لعلّها تُثمر الآن، وربّما غد، وربّما بعد غَدٍ، وربّما بعد رَحِيلي. فلن يُثنِيني قلة المُستَجِيبين عمّا أفعل. غفر الله لي ولكم❤️

بما إن المعظم بيصلوا من غير مايقولوا دعاء الإستفتاح، فـ دا دعاء الإستفتاح بكذا صيغة: "وَجَّهْتُ وَجْهِيَ لِلَّذِي فَطَرَ السَّمَاوَاتِ وَالْأَرْضَ حَنِيفًا ۖ وَمَا أَنَا مِنَ الْمُشْرِكِينَ ". "سُبْحَانَكَ اللَّهُمَّ وَبِحَمْدِكَ، تَبَارَكَ اسْمُكَ وَتَعَالَى جَدُّكَ وَلاَ إِلهَ غَيْرُكَ". "اللَّهُمَّ بَاعِدْ بَيْنِي وَبَيْنَ خَطَايَايَ كَمَا بَاعَدْتَ بَيْنَ الْمَشْرِقِ وَالْمَغْرِبِ، اللَّهُمَّ نَقِّنِي مِنْ خَطَايَايَ كَمَا يُنَقَّى الثَّوْبُ الأَبْيَضُ مِنْ الدَّنَسِ، اللَّهُمَّ اغْسِلْنِي مِنْ خَطَايَايَ بِالْمَاءِ وَالثَّلْجِ وَالْبَرَدِ". "قُلْ إِنَّ صَلاتِي وَنُسُكِي وَمَحْيَايَ وَمَمَاتِي لِلَّهِ رَبِّ الْعَالَمِينَ لا شَرِيكَ لَهُ وَبِذَلِكَ أُمِرْتُ وَأَنا اول الْمُسْلِمِينَ ". دعاء الإستفتاح يقال بعد تكبيرة الإحرام وقبل الفاتحة. "وذكِّر فإن الذكْرى تنْفَع المُؤمنِين."

مش كل غِيبة بتبدأ باسم شخص.. في كلام كتير بنقوله بشكل عادي، أو على سبيل الهزار، وإحنا مش منتبهين إنه ممكن يكون غِيبة أو استهزاء يؤذي غيرنا. زي مثلًا: - السخرية من أهل محافظة أو بلد معينة. - التعميم على فئة كاملة بصفة سيئة. - الاستهزاء بالمدرسين أو الدكاترة. - التريقة على الدفعة أو الزملاء. - سبّ فريق رياضي أو السخرية من جماهيره. - إطلاق أوصاف جارحة على أي فئة من الناس. كل ده قد يكون من الغِيبة أو السخرية المحرّمة إذا تضمّن انتقاصًا أو أذى، حتى لو كان على سبيل المزاح، وحتى لو ضحك الناس عليه. فخلّي كلامك شاهدًا لك لا عليك، وتذكّر أن الكلمة قد ترفع صاحبها عند الله، وقد تهوي به إن لم يُلقِ لها بالًا. اللهم طهّر ألسنتنا من كل ما لا يرضيك، وارزقنا كلامًا طيبًا يكون لنا نورًا وأجرًا، ولا تجعل لأحدٍ علينا حقًا بسبب كلمة خرجت منّا.

‏قد يُؤخِّر الله عنك ما تتمنّاه فتنظر حولك فترى من نال ما أردت وتشعر بشيءٍ من الحيرة وربما شيءٍ من الحزن لكن ما لا تراه أن الله يُرتّب لك الأمر يُهيّئك له يُنقّيك من أشياء لا تليق بك ويؤخّره عنك حتى يأتيك في الوقت الذي لا يكسرك فكم من شيءٍ لو جاءك مبكرًا لأرهقك بدل أن يُسعدك ولأخذ منك أكثر مما يعطيك فاطمئن فالتأخير ليس حرمانًا بل عناية إلهية خفية تُدبّر لك الخير وأنت لا تدري قال تعالى: ﴿وَعَسَىٰ أَن تَكْرَهُوا شَيْئًا وَهُوَ خَيْرٌ لَّكُمْ﴾

أنتَ قَايم على كَبِيرَة من الكَبَائِر! || الشِّيخ: أمجَد سَمِير.

لازم تذاكر للزواج زي ما بتذاكر للجامعة والمدرسة…! من بداية 2025 بدأت أهتم بموضوع الزواج وأبحث عنه كتير جدًا لدرجة إن شوفت بودكاستات كتيرة بتتكلم عن الموضوع وبدأت فكرة كدا تيجي في دماغي ليه منذاكرش للزواج زي أي حاجه بنعملها يعني مثلا علشان تطلع مهندس شاطر يشتغل في السوق بتخليه يدرس 5 سنين في الجامعة ومش بس يذاكر ويروح يمتحن وخلاص لا طول السنة بتقابله مواقف كتيرة محتاج يتعامل معاها وليه لما بنيجي نخطب أو نتجوز بس بنروح علطول من غير تأهيل أو تجهيز أو دراسة…؟ جمعت ليكم بعض الدورات الخاصة بالزواج اللينكات بتاعتهم هنا: سلسة البيت المسلم || مهندس أيمن عبدالرحيم https://www.youtube.com/watch?v=U_qCxqlG-Gk&list=PL9hkk6GeaGBd2-kkVhkj9EwQjxfFLgt2I&pp=0gcJCbEEOCosWNin دورة وئام || دكتور عبدالرحمن منصور https://www.youtube.com/watch?v=d2bWT73YatI&list=PLeEqdHd5Rh1H_JDnLDmoWR4_lfdF-NB_N كورس الزواج || الشيخ حاتم الديب https://www.youtube.com/watch?v=lYl1d-oAr3E&list=PLWDSeCK_5BQG4m1Yr2EhHPEXrX8iZIqaL الدورة التأهيلية للمقبلين على الزواج || دكتور أسامة زيدان https://youtube.com/playlist?list=PL1_wZ0MJhhg4lgNinwzQ5SA_bctoA1HxE&si=h-fRKrpVkZXgIVw0 كورس سنة أولي زواج || دكتور أسامة زيدان https://youtube.com/playlist?list=PL1_wZ0MJhhg5RtFBwry8QR403UaFYulxW&si=PmIGRTybO47vtfra دورة خطط لزواجك || دكتور أسامة زيدان https://youtube.com/playlist?list=PL6cNlIADmUhO8sPYAJeZPBjD1IWDQzvwd&si=it-vnOxcnRBp3oEl دورة تأهيل المقبلين على الزواج || أ. همام إبراهيم محمد الطوالبة https://youtube.com/playlist?list=PLOVa6kKM_u5dBiIqFQN7DyHlyhAueAFW0&si=hj0jTkxbAHtDlFzR الدورة التأهيلية للحياة الزوجية || د. محمد خير الشعال https://youtube.com/playlist?list=PLuUMLXxxQ8fh8hN7M5QPAiJkvgyuYIJ7v&si=vABQz3ERttsiXek9 سلسة الزواج || أحمد سالم https://youtube.com/playlist?list=PL4kWNJWitNuOgOa0CGfwySpwzwCVYeT2Y&si=pI18EUbVTnwyEMFG كيف أستعد للزواج مع أنس شيخ اكريم | بودكاست فُلك https://youtu.be/KBoLBs5qoLo?si=saMhiCeEQD3bgBPZ بودكاست إشكاليات الزواج بين الشباب https://youtu.be/4LF18me5eqo?si=MgHhhx0MrIb3J6DK أول خطوة لحياة زوجية سعيدة مع محمد سعيد الأزهري https://youtu.be/2gdSrg4GK2A?si=SzafBmxYwpMYucCj فن اختيار شريك الحياة _ كلام عملي و واقعي جدا يناسب الجميع _ م علاء حامد https://youtu.be/P6quAlK1a9I?si=EkjTAr_RCmAm-JJV اختيار شريك الحياة: بين المروءة والعقل الحكيم” محاضرة للدكتور /أحمد العربي https://youtu.be/SRsXB-EcvXk?si=cX0emkKoo0QLSeVi فقه التعامل مع الزوجة هاااام للمتزوج وللمُقبِل على الزواج || أمجد سمير https://youtu.be/HPn3zAW1OpQ?si=o5RanpqUqHp_U8nT فن إدارة الحياة الزوجية : شرح حديث أم زرع | من أشهر المحاضرات للشيخ الحويني https://youtu.be/xI8HoXcxuSE?si=J2nm-4Uh62D75bD5 ثقافة الحوار شرح حديث أم زرع https://youtu.be/ArPIjbhgSZE?si=fCbPiiWh3C8BlBc8 فاهم 65 | التأهيل الزواجي ضرورة لا رفاهية | مع د. عبد الرحمن منصور https://youtu.be/oKkceGhevCY?si=JFrXMF2KV1ihRmeK كيف نبني زواجاً مستقراً | د.جاسم محمد المطوع https://youtu.be/_57DQt0CP48?si=AJveJdSQa7QiDYmx أسئلة في فترة الخطوبة تحلّ أغلب مشاكل الزواج - بودكاست سكن https://youtu.be/oNiNk_D8buE?si=jCUUnpedkK5SupJ4 كيف تبني زواجًا ناجحًا؟ - بودكاست سكن https://youtu.be/_-NFCKXFhow?si=xKzrhbVPJqigBeml فاهم 34 | أسرار وأدوار حول معنى الرجولة الحقيقي! | مع أ. أحمد سالم https://youtu.be/TSXTX1rSMhI?si=LzTOGoPZ4yLgvPg3 أحمد الباز عن اختيار شريك الحياة، جواز الصالونات وهل انت مستعد للجواز؟ https://youtu.be/fzvgebjsTvs?si=Qb-14w19R60O7VWA ضوابط فترة الخطوبة | مع د.أحمد العربي https://youtu.be/KNwc5gMvL7Q?si=tePTytWxNfODmo0k ألف باء الزواج | عبدالرحمن ذاكر الهاشم https://youtube.com/playlist?list=PLvGpI5t1gJ8QBXD00hjpdYbH8ozN0ntE2&si=9fECz49SRs9IZ_rz نُقل.

شرحهَا بطريقة مُقنعة أوّي بجَد! أَذكار الصبَاح والمساء حِصنَك من الدُنيا🤎) -

لازم تكون متأكد إن في الزمن اللي احنا فيه ده كل إنسان بيعاني في حياته بشكل أو بآخر ! كل واحد دماغه مسوّحاه في مليون اتجاه ومش عارف هيعمل ايه في الموضوع اللي شاغله.. كل واحد في حياته ابتلاء مخفي عن عيون الناس ومحدش عارف عنه حاجة ، كل واحد بيعافر ويقاوم ويقع ويقوم من تاني.. الفكرة بس إن فيه ناس ما بتعرفش تشتكي ؛ فكل ما تقابلهم هتلاقي على وشهم ابتسامة طيبة وما بيقولوش غير الحمد لله.. فأوعى تتمنى حياة حد ولا تتهمه إن باله رايق ومفيش حاجة شاغلاه لمجرد إنه ساكت ، لأن الناس كلها بلا استثناء فيها اللي مكفيها.

"اللَّهمَّ إني أعوذُ بك من علمٍ لا ينفع، ومن قلبٍ لا يخشع، ومن نفسٍ لا تشبع، ومن دعاءٍ لا يُسمعُ."

تظنُّ أنك لا تُعاقَب بذنبك!! وأنت قد حُرِمت قيام الليل، رغم سَهَرك! حُرِمت قراءة القرآن، رغم فراغك! وذكر الله، رغم طلاقة لسانك! حُرِمت الدعاء، فنسيته واستثقَلته نفسك رغمًا عن أنفك! حُرِمت خشوع الصلاة! وحُرِمت البكاء على ذنوبك في الخلوات! يا لك من مسكينٍ محروم حتى من أيسر العبادات، وتظنُّ أنك لست معاقبًا؟ ألَم يَأْنِ لقلبك أن يستقيم؟ -

قال رسول الله ﷺ: إذا أصبَحَ أحدُكم فليقُلْ: "أصبحتُ أثنيَ عليكَ حمدًا، وأشهدُ أن لا إلَه إلَّا اللَّهُ " ثلاثًا؛ وإذا أمسى فليقُلْ مثلَ ذلِك.

بالله عليك اوعى تتغر بعبادتك .. معانا شاب كان تقريبا مبيفوتش صلاة فجر فالمسجد اللهم بارك، من كام يوم كده الشيخ بيقول نقسمكم مجموعات بقى ونشوف مين محافظ على صلاة المسجد أكتر وعلى ورد القرآن وأذكار الصباح والمساء وكده .. المهم صاحبنا ده قال: أنا هبقى مجموعة لوحدي يا شيخ، مع أنها طلعت منه تلقائيًا إلا إنها كلمة صعبة أوي لأنه شاف نفسه للأسف والله من وقتها لحد الفجر اللي لسه مصليينه ده مجاش المسجد إلا فجر واحد بس تقريبًا .. اوعى تشوف نفسك والله اللي بيخليك تصحى هو ربنا، مهما ظبطت منبهات وعملت إيه برده لو ربنا مأذنش مش هتصحى .. اعرف قدرك وضعفك، ربنا يهدينا ويهديه ويعافينا جميعًا ويثبتنا على طاعته نُقِل.