Топ кунак/Төп кунак

Уфада яшәүче татар кызлары, мәгълүмат тик сезнең өчен! Шәхес буларак үсәргә телисез, карьера (кайсы юнәлештә һәм ни рәвешле адымнар ясарга); үсешегездә "түшәм " сизәсез; финанс яклап күтәрелеш телисез - кемнәргә бу темалар хәзер актуаль, миңа языгыз әле - Уфада 7-8 кешелек кечкенә коуч төркеме җыям😊

Бер кызык нәрсә языйммы? Бөтендөнья татар конгрессы Казанның Карл Маркс урамында урнашса, аның Башкортстандагы вәкиллеге дә Карл Маркс урамында урнашкан, тик- Уфада😉😁 Яратам мин бу урынны- монда дусларым да, коллегаларым да, сердәш-фикердәшләрем дә байтак❤️

Казанда 4 айдан артык булмаганмын! Өзелеп сагындым ❤️

8 август көнне Алия белән Ришат Төхвәтуллиннарның икенче уллары дөньяга килгән. Котлыйбыз❤️ Интертат МАХта

Туймазы районы Төмәнәк авылы янында урнашкан "Бабай утары" этноүзәге үзенең вак детальләргә кадәр яратып, уйлап эшләнүе, күркәм җирдә урнашуы белән игътибарны җәлеп итә.

Кичә, 25 июль көнне Туймазы районының «Бабай утары» этномәдәни үзәге мәйданчыгында Башкортостанның һәм Татарстанның халык артисты Фән Вәлиәхмәтов истәлегенә багышланган Сабан туе узды. ⠀ Чарага Туймазы районында туып үсүчеләр, Башкортстан һәм Татарстанның төрле район һәм шәһәрләреннән татар җәмәгатьчелеге вәкилләре җыелды. Бәйрәм ике республикадан килгән фольклор ансамбльләре парады белән башланып китте. Шаран, Туймазы, Дүртөйле, Актаныш, Мөслим һәм башка төбәкләрдән килүче төркемнәр һәрберсе үзе белән таныштырды. ⠀ Рәсми өлештә Россия татар авыллары ассоциациясе рәисе Фәнир Гыйлметдин улы Галимов, Туймазы районы башлыгы Булат Мусин, Бөтендөнья татар конгрессы Башкарма комитеты җитәкчесе урынбасары – Милли мәгариф, мәдәният һәм спорт комитеты җитәкчесе Сөләйман Рәхимов, Бөтендөнья татар конгрессының Башкортстандагы вәкиллеге җитәкчесе Альфред Дәүләтшин, Татарстанның Башкортстан Республикасындагы даими вәкиле Илсур Ихсанов чыгыш ясадылар. ⠀ Сөләйман Туктар улы үз чыгышында Татарстан Республикасы Премьер-министры урынбасары, Бөтендөнья татар конгрессының Милли Шура рәисе Васил Шәйхразыев һәм Бөтендөнья татар конгрессы Башкарма комитеты рәисе Данис Шакировның сәламнәрен җиткерде һәм узучы чараның татарларның рухи һәм мәдәни берлеген ныгытудагы әһәмиятен билгеләп үтте. Шулай ук Башкортстанда татарларның милли тормышын саклауга керткән өлешләре өчен оештыручыларга олы рәхмәтләрен әйтте һәм җирлектәге татар активына Бөтендөнья татар конгрессының “Татар милләтенә күрсәткән олы хезмәтләр өчен” медальләре һәм рәхмәт хатлары тапшырды. ⠀ Күркәм вакыйга ат чабышлары, милли көрәш, артистлар катнашында концерт программасы, халык осталары эшләнмәләре күргәзмәсе, балалар уен мәйданчыгы, милли уеннар һәм ярышлар белән үрелеп барды. ⠀ Бәйрәм азагында ат чабышында гран-при алучыларга кыйммәтле бүләкләр тапшырылды, шуларның берсе - зур экранлы телевизор. Татар аты белән катнашып җиңү яулаган Ютазы кызы Валериягә Сөләйман Туктар улы һәм Альфред Әмир улы Бөтендөнья татар конгрессы исеменнән ат ияре бүләк иттеләр.

Биемәгән татар бармы икән ул? Айдар һәм Алмаз Юнысовлар уйнап-җырлаганга 35 градуслы эссе челләдә дөбер-шатыр биеп алдык. Туймазы районы Төмәнәк авылында искиткеч бәйрәм булды❤️

Дуслар, бу гөлнең исемен белмисезме? Миндә 3-4 ел үсә исемсез килеш) Бүген кискәләп ташладым - егылып җәфалый, куерып та китәр дидем. Кемгә ботагы кирәк, бүлешә алам😊