أولوية| priority

ينعاد عليكم كل عيد بالفرح و السلام و الانجازات يا رب 🤍🌱.

gaslighting

https://youtube.com/shorts/MMaSeId0PHU?si=xgZ_I85F2-HzorgL

وفقاً لمنظمة الصحة العالمية انو الفئات اللي بتتعرض لوصم اجتماعي معرضة للانتحار بنسبة 3 مرات امام الناس اللي ما بيتعرضو للوصم، و كمان اظهرت دراسة أجرتها جامعة "McGill" أن الوصم الاجتماعي المرتبط بالصحة النفسية بيساهم في زيادة معدلات الانتحار بنسبة 30% بين الشباب..…

و هاد الشي بيورجينا اهمية نراجع افكارنا و لا نتبع افكار مجتمعية فاسدة عم تدمر حياة فئات كتيرة، كون التغيير المجتمعي من عندك، لا تطلق احكام عالاخرين و حاول توعي محيط عن هاد الموضوع خصوصاً الفئات الاكبر سناً و الفئات الاصغر سناً.

وفقاً لمنظمة الصحة العالمية انو الفئات اللي بتتعرض لوصم اجتماعي معرضة للانتحار بنسبة 3 مرات امام الناس اللي ما بيتعرضو للوصم، و كمان اظهرت دراسة أجرتها جامعة "McGill" أن الوصم الاجتماعي المرتبط بالصحة النفسية بيساهم في زيادة معدلات الانتحار بنسبة 30% بين الشباب.. و بالنسبة للنساء تحديداً، أظهرت دراسة نشرت في "Journal of Affective Disorders" أن النساء اللي بتعاني من وصم اجتماعي بسبب مشاكل نفسية أو الطلاق بكون عندن معدلات انتحار أعلى بنسبة 20% مقارنة بالنساء غير الوصومات.

المرأة بعد قرار الانفصال بمجتمعنا العربي بتواجه كتير تحديات و قيود على حياتا، وهاد الشي الو اشكال كتيرة متل نبذ اجتماعي و اتهامات غير عادلة بفشل الزواج و الانانية او حتى اتهامات بتخص الشرف و العار، و اصول هي الوصمة بتعود لعادات و تعاليد ثقافية او دينية ممكن بتحمل المرأة مسؤولية استمرارية الزواج، و خصوصاً نقص الوعي حول اسباب الطلاق الحقيقية بالمجتمع و من اهم الضغوط و الاثار النفسية التي بتعاني منها المرأة بعد الطلاق الشعور بالوصم و العار الاجتماعي،و هاد الشعور بيولد احساس بالعار و الذنب ، و بيجعل المرأة المطلقة تشعر بانها اقل قيمة او مرفوضة من قبل المجتمع، و ممكن تتعامل المرأة المطلقة كمصدر خجل او عار للعائلة، و بينظر لالها على انها غير صالحة للزواج مرة تانية القلق و الاكتئاب، حيث الخوف من المستقبل و الخوف من الوحدة او القلق بشأن كيفية تأمين الاحتياجات المادية رح يولد حالات من القلق عند المرأة المطلقة، اما الاكتئاب ما بعد الانفصال قد ينشأ بسبب الشعور بالعجز و فقدان الدعم الاجتماعي او الاحساس بالرفض ، و الشعور بعدم الجدارة او الكفاءة بسبب التحديات و الصعوبات الي بتواجهها المرأة بعد الطلاق العزلة الاجتماعية، بسبب الوصمة ممكن تنسحب المرأة المطلقة عن محيطها الاجتماعي و بتبعد عن العلاقات الاجتماعية الداعمة من ابرزها فقدان الدعم العائلي او رفض الاصدقاء ، و صعوبة لتكوبن صداقات جديدة او علاقات اجتماعية التأثيرات الصحية الجسدية المرتبطة بالتوتر النفسي مثل اضطرابات النوم ( ارق او نوم مفرك) ، مشاكل صحية متل اضرار عالجهاز العصبي و الغدد الصماء نتيجة التوتر و الضغوط النفسية و هاد طبعاً غير التحديات اللي بتخص الاولاد و النفقة و المشكلات ما بعد الطلاق و يلي بتزيد من الضغوط النفسية على المرأة المطلقة. الطلاق قرار شخصي بين شخصين استحالت الحياة بيناتن، الوصمة المجتمعية حول الطلاق عم تأسر المرأة بزنزانة بدون اي ذنب او جريمة. من عندك بتقدر تعمل تغيير مجتمعي، وعي محيطك و لا تحكم عالاخرين من ورا حالتن المجتمعية.

Toxic relationships اكيد كلنا مرينا بحالة من الارهاق النفسي و الاضطراب لفترة مستمرة ، و نحس الطاقة السلبية مقيدتنا بسبب اشخاص معينين بحياتنا، و هاد الشي بيرجع لطريقة تعامل هاد الشخص معنا متل قلة التقدير و الاحترام ببعض المواقف، و النقد المستمر اللي فيه نوع من الاهانة اللي بتأثر على ثقة الانسان بنفسه، او مثلا لما منحس انو ما في توازن بعلاقتنا مع هاد الشخص، فمنعطي كتير زيادة بدل ما ناخد اقل حقوقنا مع عدم وجود اي شكل من اشكال الامتنان و التقدير، هيدا الشي كلو بيعود لعلاقة سامة اطرافا عم يتحكموا بمشاعرنا و ردات فعلنا بطريقة عم تأذينا و تدمر لحظات حياتنا و تسلب مننا سعادتنا و تاخد كتير من تفكيرنا. كتير مهم نعرف انو العلاقة السامة مو محصورة بنوع معين من العلاقات ، ممكن يكون هاد الطرف شريك عاطفي متل زوج او حبيب، و ممكن تكون العلاقة سامة بين الرفقة ، و ممكن تكون بين افراد الاسرة نفس متل الاهل تجاه اولادن، او الاخوة بين بعض. و كمان في كتير اطراف ثانويين بيتدخلو بيكونو داعمين او متورطين بخلق ديناميكيات سامة. في كتير امور لازم يكون وعي فيها بانو هيي الي بتخلق العلاقات السامة او بتحول العلاقات لعلاقات سامة. اهمها هو حاجة احد الاطراف او تنيناتن للسيطرة و التحكم ممكن بسبب مخاوفهم او عدم الامان الداخلي او بسبب انو احد الاطراف شايف نفسه اقدر عاتخاء القرار و قادر يدير حياة الطرف التاني للاحسن و عاد الشي يلي بيخلق المشاكل و بيخلق قيود كبيرة بهي العلاقة و نتايجها ان كانت التمرد او الخضوع بتولد مشاكل اكبر لقدام. التلاعب العاطفي بين اي الطرفين متل استخدام الذنب و اللعب عالمشاعر بيخلي احد اطراف العلاقة يتنازل عن حقوقو و يحس حالو شخص مؤذي بدون ما يعمل شي و هاد الشي منشوفو بكل انواع العلاقات السامة. و نقص الاحترام بين الطرفين ان كان عن طريق المونة او المزاح الجارح هو امر بيخلق حساسية و تراكمات ممكن تنفجر باي لحظة و تغيير من طريقة التعامل العادية و تخلق جو من عدم الراحة. و عدم التواصل الصحي بين الطرفين، التنين بدن يكونو هنن اللي عم يحكوا و ناطرين من الشخص التاني يسمعهم، و كتير حالات لما حدا يسمع للتاني الطرف التاني مو متقبل انو هو كمان لازم يسمع، والتسخيف و تجاهل المشاكل اللي بتهم الشخص بتصعب عالطرفين يفهموا عبعض و بتخلق جو مو مريح بين الشخصين شو ما كانت ماهية علاقتن. و كتير رائج شخص ربيان ببيئة سامة و بكتسب طباع هي البيئة و بتعامل فيها مع المحيط تبعو حتى لو كان هو رافض هاد الشي اللي كان متعرضلو. و كمان الضغوط الاجتماعية و التقليدية ببعض المجتمعات اللي بتفرض على العلاقات و خاصة على العلاقات العاطفية متل ان يكون الزوج او الحبيب هو المسيطر و متخذ القرار مع تهميش كبير للمرأة الامر اللي بيولد مشاكل زيادة متل اتخاذ قرارات خطأ او تعنيف اسري و غيرها في كتير عوانل بتخلينا نغرق بالعلاقة السامة و بتخلي طريق الرجعة عنها كتير صعب، خصوصي لما تتسم هي العلاقة بانو احد الاطراف كتيير بيعرض الطرف التاني ل gaslighting بتخليه يشك بصحة مشاعره و ذكرياته و بيحعله اقل قدرة عاتجاذ قرار الانفصال، الخوف من المجهول متل الحياة بعد الانفصال او الاستقلال كيف رح تكون متل فقدان الاستقرار المادي مثلا او الاجتماعي فلهيك الناس بتلجأ لتحمل حالا عبء هي العلاقة و تستمر فيهاو من امثلتا، متل بقاء الابن بين عائلة مهمشته و بتستغله و بتعنفه و هو مو قادر يستقل عنهم بسبب عدم توافر الدعم المادي و الاعباء الجديدة اللي ما رح يكون الابن قادر يتحملا و خوفو من النبذ و الوصم من محيطو الجديد ، و غيرو بيتطبق على العلاقات التانية حتى لو الاثار اخف حدة.. الشعور بالذنب تجاه الطرف الاخر و خاصة اءا كان بيعاني من مشاكل صحية او نفسية بتحملك اعباء عالدعم اللي كلو اضرار لالك.. و في كتير اضطرابات بتخلي الأشخاص يضلوا بدخلو بعلاقات سامة اكتر من غيرن متل نمط التعلق القلق لانه بيبحث هاد الشخص عن تأكيد الحب و الاهتمام بالرغم من الاذى اللي بيواجهوو كمان قلة الوعي عن علامات العلاقة السامة بيؤدي لتكرار نفس الاخطاء بالتجارب الجديدة

المعالج النفسي : هو شخص متخصص في مساعدة الناس في التعامل مع المشاكل النفسية أو العاطفية من خلال جلسات علاجية مثل "العلاج بالكلام" (الثرثرة). المعالج النفسي ما عنده شهادة طبية، يعني هو مش دكتور، لكن عنده تدريب في العلاج النفسي. ممكن يكون عنده شهادة في علم…

تابعونا عالانستا 🤍 https://www.instagram.com/priority900?igsh=a2tjcnluZWRxMjQz

https://youtu.be/D9e6MPblTvw?si=LCYDxRGyMoaPie0L موضوع حساس و شائك، أمنية قدرت تشرحه و تكسر الوصمة تبعته.

مرحبا يا جماعة هيدا فورم صغير ما بياخد وقت منكم بتمنى تعبوه، فيه اسئلة قصيرة و هو سري للغاية ما حدا ياكل هم، هو لاحد الاصدقاء عم يشتغل ع مشروع للوصمة المرتبطة بالصحة النفسية عند المراهقين، و بصراحة شايفو شي كتير مهم و بتمنى الكل يعبيه، https://forms.gle/yEHyRqZ2Q8ZAPhnZ7 تضلوا بخير 🤍!

هل اذا حكينا حالنا هاد الشي طبيعي ولا متل ما هو سائد بمجتمعنا انو جنون، خلونا نشوف رأي علم النفس عن هاد الموضوع بهاد الفيديو

Is it normal to talk to yourself? https://youtube.com/watch?v=iNyUmbmQQZg&si=a48V9dFoaufRNU7U

اذا كان حدا بمحيطك مصاب بالاكتئاب، شو دورك تجاهو؟ اولا" لازم نفهم شو هو الاكتئاب، و كيف نعرف انو هاد الشخص ممكن يكون مصاب بالاكتئاب او لا؟ الاكتئاب هو اضطراب مزاجي و نفسي شائع بتميز بالحزن المستمر،، فقدان الاهتمام و المتعة تجاه امور كانت مهمة بالنسبة لهاد و تعطيه طاقة، بنفس الوقت منلاقي الشخص المصاب بالاكتئاب منعدم الشغف و الطاقة تجاه اغلب الامور،و كمان منلاحظ عليهم خمول وكسل كبير،و بيتسم تفكيره بالسوداوية و التشاؤمية و غالباً بيرافقه شعور بالندم و الذنب و لوم مستمر للذات بكل موقف بيحدث،و ممكن نلاحظ انعزال مفاجئ للشخص عن الاجتماعات العائلية او الجمعات الرفقة و غيرن، و ممكن يوصل الامر لتعكس اعراض عضوية اضطرابات بالنوم و الاكل، و كمان صداع شديد و الام بالجهاز الهضمي بدون سبب جسدي واضح، كله ممكن تشكل الخطر الاكبر هيي تنامي الافكار حيال الموت و الانتحار، حيث نسب كتير كبيرة من مرضى الاكتئاب انتحروا او حاولوا الانتحار. مو بالضرورة يكون في اسباب واضحة للاكتئاب او احداث مضطربة بحياة الشخص لحتى ينصاب بالاكتئاب، فلا تخلي هاد الشي يخفف من اهمية الحالة النفسية اللي عم بمر فيها هاد الشخص. كل هدول الامور اذا لاحظتهم على حدا بمحيطك و استمرت الاعراض لمدة اسبوعين او اكتر اعرف انه غالباً يكون هاد الشخص مصاب بالاكتئاب و بحاجة لمساعدة. شغلة مهمة لازم تفهمها كشخص بمحيط مريض الاكتئاب انك انت دورك مو معالج نفسي، بل دورك هو تساعد هاد الشخص بأنو يروح لعند معالج نفسي يساعده بشكل مختص اكتر. اذا كان مريض الاكتئاب حدا من افراد العيلة: كون صبور و متفهم فالاكتئاب مرض طبي و مو عيب بالشخصية و اعراضها اجبارية مو شي اختاره الشخص ليجذب اهتمام، حاول تكسر وصمة العلاج بشكل مخفي و تدريجي بالمحيط و زيد الوعي عن ان العلاج النفسي لابد منه عند الحاجة ، و حاول تقدم مساعدات عملية من مهام الشخص المصاب بالاكتئاب و خاصة يلي بيشوفوها مرهقة و متعبة بالنسبة لالهم، و كمان ضل على تواصل معهم و افتح معهم مواضيع و سير تفاؤلية و بتبث الطاقة و حاول تحتوي التشاؤمية و عدم انخراط هاد الشخص و اندماجه معك هي الفترة، و حاول قدر الامكان تخفف من عزلة هاد الشخص بس بنفس الوقت تعطيه مساحته الخاصة ووقت يطلب انو يقعد لوحده استجيب لرغبتو بس لا تتركوا لوقت طويل. اذا كان هاد الشخص شريك عاطفي ( زوج/ة، حبيب/ة) خلي دائماً في تواصل صادق و محادثات تطالع المشاعر المخفية اللي عند الشريك المكتئب بدون اصدار أحكام، فانت بالنسبة للشريك هو المجال الآمن، فاذا قدر يفتحلك قلبو فهي فرصة كتير كبيرة لتساعدو، فلا تفوت هي الفرصة لتوفر مساحة امنة لاله. حاول كتير تشجع عالعادات الصحية و تنشرها بالبيت و تتشاركها مع شربكك ، الموضوع بيطفي عالجو طابع لطيف و بيخفف من الكآبة بالاجواء، متل ممارسة الرياضة اتباع روتين نوم، تجربوا اطعمة صحية جديدة و غيرو. بس اكيد ما رح يكون الجو بالعلاقة صحي زبادة لانو الاضطراب موجود، فدتير ضروري تكون عم تقدم الدعم بس بدون ان تتخطى الحدود لصحتك النفسية، فانت مو مصضر تقلل من قيمتك او مكانتك بس لتوفر دعم حتى مانو صحي.. احط ببالك انو انت تقريباً اقرب شخص لهاد المريض فانتيه لعلامات التحذير، كون منتبه للافكار الانتحارية اللي ممكن تتراود شريكك بحالات متقدمة من الاكتئاب و لا تتردد من طلب المساعدة من معالج مختص. اذا كان هاد الشخص صديق مقرب لالك حاول تكون مستمع جيد قدر الامكان، اسمع بتركيز و بقلب حنون و احتوي صديقك و لا تحكم عليه، الاستماع بدورك اهم بكتير من النصايح. روحوا سوا عالانشطة الاجتماعية، حتى لو رفضو اول شي لا تصر كتير و تضغط عليه و تكلفهم فوق طاقته، بس استمر بانك تخطط لانسطة جديدة اجتماعية لتطلعه من عزلته و تخفف الافكار السلبية و تشتته عنها، هيدا الشي بيعكس اهتمامك فبه و يلي بيزيد من احساسه بالامان و انو في حدا معه و يلي بيخلي دعمك ناحح اذا كان هاد الشخص زميل بالعمل : ابدي تعاطف و اعطي مجاملات تطري الجو، و خبرن انو الصعوبات دائماً موجودة وانو دائما هنن قادرين يتجاوزوها و قدم دعم بطريقة بتحترم حدود الزمالو و خصوصيتن. و اذا حسيت حالك قادر انك تقدملن دعم فخبرهم انو انت جاهز لتسمعلن بشكل متكتم و بدون ما حدا يدري، و اهم شي اهم شي اهم شي، لغة الوصم و النميمة لازم تكون محظورة بمكان العمل لحتى تقدرو توفروا بيئة مريحة لهدول الاشخاص و تخففوا من صراعاتن النفسية قدر الامكان

💞

وقت بتحسوا انو الخوف تجاه اي شي بطل شعور محمول او قادرين نسيطر عليه. خيار التأمل رح يكون خطوة قوية لتتغلب عليه ولو مو بالمثالية اللي منتخيلها. احفظوه لوقت الحاجة لالَك: https://youtu.be/dzHnct6QAiM?si=XjboAyLy7ubQ16lo لالِك: https://youtu.be/EJ5WHB3ryn0?si=mcFpvXJN22_pD7g0 تضلوا بخير جميعاً 🤍!

رح كون مبسوط كتير اذا تابعتوها https://www.instagram.com/psychologydigested?igsh=dDM0eWtiMTdjdXk2