Boshqaruv samaradorligi agentligi | Toshkent shahar filiali

“HUQUQIY ZAKOVAT” intellektual o‘yinining Toshkent shahar bosqichi o‘tkazildi Mazkur intellektual bellashuvdan ko‘zlangan asosiy maqsad – davlat fuqarolik xizmatchilari hamda keng jamoatchilikning huquqiy bilimlarini yanada mustahkamlash, qonunlarga hurmat ruhini qaror toptirish, huquqiy ong va huquqiy madaniyatni yuksaltirish, shuningdek, mamlakatimizda amalga oshirilayotgan keng ko‘lamli huquqiy islohotlarning mazmun-mohiyatini aholi o‘rtasida keng targ‘ib qilishdan iborat.   Bellashuv davomida ishtirokchilar turli murakkab savollar orqali o‘zlarining huquqiy bilimlari, mantiqiy tafakkuri, tezkor qaror qabul qilish mahorati hamda jamoaviy ishlash ko‘nikmalarini namoyon etdilar. 🏆 Yakuniy natijalarga ko‘ra: 🥇 1-o‘rin – Yunusobod tumanining “Ziyolilar” jamoasi 🥈 2-o‘rin – Bektemir tumanining “Bektemir” jamoasi 🥉 3-o‘rin – Yunusobod tumanining “ Yunusobod” jamoasi egalladi. G‘olib va sovrindor jamoalar diplom hamda esdalik sovg‘alari bilan taqdirlandi. Bunday intellektual bellashuvlar nafaqat bilimni sinovdan o‘tkazadi, balki xodimlarning kasbiy salohiyatini oshirish, huquqiy madaniyatini yuksaltirish va doimiy izlanishga undash uchun muhim maydon bo‘lib xizmat qiladi. Kanalga ulanish👇👇👇 https://t.me/toshkentshahar_oilavaxotinqizlar

Davlat tiliga e’tibor — milliy o‘zligimizga e’tibor O‘zbekiston Respublikasi davlat mustaqilligining 35 yilligi arafasida davlat tilimizga bo‘lgan yuksak e’tibor va g‘amxo‘rlik yanada katta ahamiyat kasb etmoqda.   O‘zbekiston Respublikasi Vazirlar Mahkamasining 2026-yil 7-avgustdagi “Respublikada davlat tilida ish yuritishni samarali tashkil etishning qo‘shimcha chora-tadbirlari to‘g‘risida”gi 437-son qarori  davlat tilining jamiyatdagi nufuzini yanada oshirish, davlat organlarida davlat tilida ish yuritishni takomillashtirish hamda bu boradagi mas’uliyatni kuchaytirishda muhim qadam bo‘ldi. Mazkur qarorda belgilangan vazifalar davlat tilini asrash, uning qo‘llanish doirasini kengaytirish va zamonaviy taraqqiyot talablari asosida rivojlantirishga xizmat qiladi.   Davlat tiliga bo‘lgan yuksak e’tibor va g‘amxo‘rlik, ona tilimizning qadri va mavqeini yanada yuksaltirishga qaratilgan ushbu muhim qaror uchun chuqur minnatdorlik bildiramiz.   Ona tilimiz — milliy g‘ururimiz, davlat tilimiz — davlatchiligimiz timsolidir.   Ushbu ezgu va mas’uliyatli vazifalarni amalga oshirishda barchamiz munosib hissa qo‘shamiz. Dilnoza Umurzakova Olmazor tumani hokimining ma’naviyat va davlat tili masalalari bo‘yicha maslahatchisi. Telegram|Instagram|Facebook|YouTube|Web-site

🏆O‘zbekiston Respublikasi Mustaqilligining 35 yilligi munosabati bilan davlat fuqarolik xizmatchilari o‘rtasida “Zakovat” intellektual o‘yini tashkil etildi! 🇺🇿Tadbir Respublika Ma’naviyat va ma’rifat markazi Toshkent shahar bo‘limi, O‘zbekiston Respublikasi Prezidenti huzuridagi Boshqaruv samaradorligi agentligi Toshkent shahar filiali hamda "Zakovat" intellektual klubi hamkorligida tashkil etildi. 🧠O'yinda Toshkent shahridagi davlat tashkilotlarining faol xodimlaridan tuzilgan jamoalar ishtirok etishdi. 🏆 Qizg‘in raqobat ruhida o‘tgan bellashuv yakunida quyidagi jamoalar sovrinli o‘rinlarni egalladi: 🥇Sanitariya epidemiologik osoyishtalik va jamoat salomatligi qo‘mitasi Toshkent shahar boshqarmasining "Modern” jamoasi 🥈Mirzo Ulugʻbek tumani hokimligining "Ziyo" jamoasi 🥉Toshkent shahar Gʻaznachilik xizmati boshqarmasining "Gʻaznachi" jamoasi 🏅G‘oliblar esdalik sovg‘alari bilan taqdirlandilar. Musobaqa natijalari bilan ushbu havola orqali tanishishingiz mumkin. ⭕️ BSA Toshkent shahar filiali