تورکی شعرلر

دون کؤنول دلبره شرح غم پنهان ائتدی، جمع ایکن، کؤنلونی بیر پاره پریشان ائتدی. یئر توتام، دئردی کؤنول، ناله ایله کویینده، یئتمه‌دی بیر یئره هر نئجه کی، افغان ائتدی. وعده وئردی جگریم قانین ایچه مژگانین، انتظارایله بو حسرت جگریم قان ائتدی. غمزه تیغیله گؤزون کؤنلومی یوز پاره قیلیب، هر بیرین بیر هدف ناوک مژگان ائتدی. قیلدی محرابه قاشین فکری فقیهی مایل، گؤر نئجه کافری اول وعظ مسلمان ائتدی. گؤرییم چوخ یاشاسین دیده کی، مردم لوک ائدیب، غم هجومینده منی اشک ایله پنهان ائتدی. ای اجل، جان طمعین قیلما فضولی دن کیم، بیر کمان ابرویه چوخ دان اونی قربان ائتدی. #فضولی https://t.me/turk0basi1402

اوچون قوشلار، اوچون دوغدوغوم یئره! ایندی داغلاریندا مور سونبول واردی؛ اورمانلار قوینوندا بیر سرین دره، تیکانلار ایچینده، ساری گول واردی. او چای آغیر آخار، یورغون‌مو، بیلمم مهتابی خسته می، سولغون‌مو، بیلمم یاسلی گلین کیمی محزون‌مو، بیلمم اوجا داغ باشیندا سیاه تول واردی. اوردا کئچدی منیم گؤزل گونلریم او دم‌لری آنیب، بو گون اینله‌رم دستان-ی عؤمرومو اوخور-دینله‌رم ایچیمده اورالی بیر بولبول واردی. اوچون قوشلار، اوچون، بوردا وفا یوخ! اؤیله آخار سولار، اؤیله هاوا یوخ فریادیما قارشی عکس-ی صدا یوخ بو یانقین یئرینده سویوق کول واردی. هئی «ریضا!» کدرین باشیندان آشقین بیتیب توکنمه‌ییر الم-ی عشقین سنده دریا کیمی داییما داشقین- داییما چالخانان بیر گؤنول واردی... #رضا_توفیق_بؤلوک‌باشی https://t.me/turk0basi1402

سنین گونئی باخیشیندان گونه باخان گزیرم سئحیرلی دیل-دوداغیندان اینان کی جان دَریرم و یادداشیمدان آجی دویغونو تومارلامادان غزل بیتن قلمیمدن تیکان-تیکان دَریرم یابان میناره ده قامچی اَزیرسه آل یارامی سسینده دوغمالاشان سئوگی دن اذان دَریرم بولود-بولود یاغیرام آلنیمین خریطه سینه الیمده یاز اَکیرمسه،ساری خزان دَریرم و سونرا یال-یاماجیمدا بیتیر بنؤوشه-لالا کی زیروه یه قوشولان کؤنلومه دومان دَریرم قارانقولوقلارا چوخ گیزله نیبدیرسه کوچه من"آیتای"ام گئجه دن جانلی-جانلی دان دَریرم #مهناز_صابونی_آیتای https://t.me/turk0basi1402

https://t.me/turk0basi1402

گلمیشم ای قریب مملکت، ای قوربت دیار دئمه یولاریمی آزیب گلمیشم آلنیما نه یازیب،آللهیم بیلیر من اؤز داستانیمی یازیب گلمیشم   کؤکوم،چیچکلریم،تاغیم اؤردادی من بوردا خسته یم ،ساغیم اؤردادی قایالی،بولاغلی داغیم اؤردادی داملایام ، قایادان سیزیب گلمیشم   اؤزون بیل اؤوزگه یه بیلدیرمه منی آغلادا آغلادا گولدورمه منی سن آلله قوربتده اؤلدورمه منی قبریمی وطنده قازیب گلمیشم #زلیم_خان_یعقوب https://t.me/turk0basi1402

هله ده، یئنه ده اینانانمیرام، ایلدیریم پوسگوروب آلوو یاغیردین. الینه آلمیشدین قهَر بایداسین، قارا اژداهادان زهَر ساغیردین. هله ده، یئنه ده اینانانمیرام، سن ایدین قلبیمه مَرمی‌لر سیخان. کولونگ اَله آلیب بیر آن ایچینده، آرادا مین ایللیک کؤرپونو ییخان. هله اینانمیرام گول-چیچک باغیم، الین‌له بیر آندا خزانا چؤندو. فلسفی یاراما ملهم‌لی دیلین، نه اولدو کی افعی ایلانا دؤندو؟ بلکه آزدیرمیشدی شیطانلار سنی، بلکه آلدانمیشدین کوپ قاریسینا. اؤیله کی قیرمیشدین آجیق زینجیرین، بنده‌لیک ائتمیردین گؤی تانریسینا. هله ده اینانمیر بو ساده اورک، او یابانجی آدام سَن اولدوغونا. ایشیقلی گونومون قارشیسین توتان، زهریمار تولوغو، چَن اولدوغونا. ایلگی یولوموزو باسیب تیر-تیکان، چکیبدیر آرادا سونگولَر قاتار. قوووشماق یولونو ائله قاپاتدین، قاییتما، تیکانلار آیغینا باتار! هله ده شوک‌دایام، هله سرسَم‌‌اَم، سندن گؤزله‌میردیم اؤیله شیدّتی. اونسوز دا آز قالیر سون نفسده‌یَم، اوتانما، گَل ائندیر آخیر ضربتی! یوخسا گَل دئنن کی: «یۇخویدو بوتون آجی کابوس ایدی، کئچیب گئدن‌دیر. اینانما اویدوران بو کابوسلارا، هله ده اوره‌ییم سنه وطن‌دیر»! سئرچه اوره‌یی‌دیر شاعیر اوره‌یی، نئجه تئز قیریلار، تئز یولا گلَر. افیل-افیل اسَن بو کؤرپه اورک، سیجاق اللرینده یاتار دینجه‌لر. #سحر_خیاوی https://t.me/turk0basi1402

شیرین محبّت‌لر یاشادار منی گؤزل آرزولارین بیری‌یم هله. نئچه عصیرلری تالانسام دا من، روحوم اؤلونمزدی، دیری‌یم هله. ایللردیر باشیمدا قارا کور دومان اومیدیم ایضطیراب، دیله‌ییم گومان گئرییه قالمیشام من زامان-زامان گرک کی یویورم، یئرییَم هله. گؤزوم باخا-باخا، دَییب داش منه باش‌سیزلار چالیشیب، اولا باش منه گؤزلردن آخدیقجا، گولر یاش منه چتین کی اووونام، کیرییَم هله «ائلیار»ام، اولانماز اصلیمی دانام بؤلونموش اوره‌یم، یارالی جانام اودلارا قالانمیش "آزربایجان"ام دونیانین مقدّس یئری‌یم هله... #ائلیار_جانانلی https://t.me/turk0basi1402

سن منه لازیمسان. سن منه لازیمسان سوتک، هاواتک، سن منه لازیمسان اؤز جانیم قدر. سنی آرزولاییر سینه‌مده اورک، بو بؤیوک حسرتی دۇیمورسان مگر؟ غملی گونلریمده لازیمسان منه، قوواسان قلبیمین کدرینی سن. خوشبخت گونلریمده لازیمسان یئنه، بؤیوک سئوینجیمی یاری بؤله‌سن. کئف اوچون، ذؤوق اوچون، نشه‌یچون دئییل، خسته‌یه درمان‌تک منه گرَکسن. حیاتین یوللاری توفانلی‌دیر، بیل! اونا گرمک اوچون سینه، گرکسن. سن اومید، تسلّی، سن شیرین آرزو، سن عؤمور یئلکَنی دوماندا، چنده. بیر آز یاخشی دوشون، گولوم! دوغروسو- سنه بونلار اوچون لازیمام من ده. #علی‌آغا_کۆرچایلی https://t.me/turk0basi1402

قـارا  تئـلدن  يـازما  دئدين  يازميرام هئچ اوْلماسا  باياز  تئلدن  يازيـم‌می اوجا  بوْيدان  اينجه  بئلدن   يازميرام غم قاتلاميش اَیری بئلدن  يازيم‌می دفتريمـده  بيـر  يـار  آدی  يـازماييـم هـارام ساغـدی يـا يـارادی يـازماييـم گؤز  آلادی  قاش  قـارادی  يـازماييم گؤزدن آخان قانلی سئلدن يازيم‌می ياز قاری تك  اؤز  اؤزونـه  ارييـه‌ن اؤلكـه‌لری اوره‌كلـری بـورويـه‌ن گونو گوندن آياق توتوب يئری‌يه‌ن شر  بوهتاندان  فيتنه فئلدن يازيم‌می دار  گونلرده   سينه  گريب  ووروشان گئن‌گونلرده بوْش پته‌كدی قورو شان اؤز كيمليگين  اؤزگه‌لردن  سوْروشان بئله  يازيق  مظلوم  ائلدن   يازيم‌می هئچ  دئمه‌ييـم  اليـم  خميـر  قـارنيـم آج عـؤمرومـوزو  يـاری   بـؤلـدو  احـتيـاج آی  عـدالت  شـله  آغيـر  يـوْل  يـاماج سوسدورولموش شيرين ديلدن يازيم‌می #عدالت_دومان https://t.me/turk0basi1402

یاغیشلی بیر گئجه یورقون گؤزلریم باخیشین آسمیشدی قارا بولوددان ائله گؤینه ییردی باغریمین باشی سانیردیم یاغیردی یارا بولوددان سالمیشدی باشينا قارا بیر لئچک سس سیز آغلاییردی اودا منیم تک یاغیردی یئرلره درد اتک اتک قورخوردو او گئجه  سارا بولوددان سانکی یاغا یاغا یاسا گلیردی دامجی لار توپراغین باغرین دلیردی بلکه آی اؤلموشدو تک او بیلیردی دیلیم ده قورخوردو سورا بولوددان او گئجه یاتمیردی شیلتاق اورگیم دولموشدو دردایله اَلیم، اَتَگیم ایسلانان خاطیره م، یانان دیله گیم (کؤنولو) چکمیشدی دارا بولوددان #فاطمه_عبدی_کؤنول https://t.me/turk0basi1402

اول دئییل عاشق، منیم‌تک عشقده رسوا دئییل، روز و شب مجنون اولوب سرگشته‌ی صحرا دئییل. زاهدِ نادان نه بیلسین غنچه آغزین سرّینی؟! سرّّ حقّی بیلمز اول کیم، واقفِ معنا دئییل. بحث ائدر هر گون اۆزۆن‌له گون، نـه نسبت وار سنه؟! عارضینده نورِ حق سن‌تک اونون پیدا دئییل. آتشِ آهیم یئتیرمه گؤیلره، ای مه، ساقین! کیم، گلیر بیر گون دمی، تأثیر ائدر؛ بیجا دئییل. عشق ذوقون بیلمه‌ین کس دولتِ دنیا سئور، اول کی عشق ایستر همیشه، طالبِ دنیا دئییل. پایبند ائتمیش منی زنجیرِ زلفه اول پری، من کیمی مجنون اسیرِ طرّه‌ی لیلا دئییل. «واحد»ی بیلمه وفاسیز عشقده، ای بیوفا! اولماییبدیر اول رقیبه آشنا، اَدنا دئییل. #علی‌آغا_واحید https://t.me/turk0basi1402

دانیشما دیلیم دانیشاندا   منه   درد   آرتیریسان دیمه صحبت ایدیم دانیشما دیلیم ئورک  سوزون  هر  گلنه  آچیسان هر  کسیله  دئدیم  دانیشما دیلیم چوخ شیریندیر یالان سوزون بازاری یادا سالان یوخدور گورو (قبر) مزاری گوندوزلر دانیشما گیجه لر زاری قوی فقط ائشیدیم دانیشما دیلیم کیمسه لر نه ساتیر کیم لر نه آلیر دوز دانیشان ندن دوزلرده قالیر گوردون بیری بیرین قویویا سالیر فیکر ائله گورمدین دانیشما دیلیم... "دئمه قوی دانیشیم دانیشما دیلیم"!!! #حسین_فقیه https://t.me/turk0basi1402

شاختــــــا بابا، دونیا بیزه دار گلیر، قدیم مودلار ایندی بیـزه عار گلیر، گول خانادا میوه گلیـــــر، بار گلیر هر میوه دن بیزیم یــورددا اولاردی سولار گلیب کتده آرخا دولاردی.               شاخــــــتا بابا سولار سدده شاققیلدیر کهلیــک لرین اؤزگه یئرده قاققیلدیر، دیش تؤکولوب مصنوعولار تاققیلدیر ایشلــــــــــر اولوب بو زماندا اله کی انســــان وورور بیر – بیرینه کله کی.               شاختا بابا، بیر سؤز منه درد اولــوب، ایستی قانلی انسانلارین سرد اولوب، باش بدنه ده یمه ینلر مرد اولــوب، آغ ساققالین پوللو یئرین آلیبـــــدی بئله ایشه فلک حئیران قالیبـــــــدی.     #آشیق_حسین_عموي https://t.me/turk0basi1402

گئجز خئیرلی🌹❤️ https://t.me/turk0basi1402

نه عشق اولایدی، نه عاشیق، نه نازلی آفت اولایدی، نه خلق اولایدی، نه خالیق، نه اشکی-حسرت اولایدی. نه درد اولایدی، نه درمان، نه سور اولایدی، نه ماتم، نه آشیانه یی-وصلت، نه باری-فیرقت اولایدی. گؤنولده نوری-محبت، گؤزومده پرده­ یی-ظولمت، نه نور اولایدی، نه ظولمت، نه بؤیله خیلقت اولایدی. نه­ دیر بو خیلقتی-بی­‌مرحمت، شو پرده‌لی حکمت؟ بو ظلمه قارشی نولور بیر ده بیر عدالت اولایدی. توکندی طاقت و صبریم، عدالت! آه عدالت! نه اؤنجه اویله سعادت، نه بؤیله ذلت اولایدی. #حسین_جاوید ‌‌‌‌‎‌‌‎ https://t.me/turk0basi1402

گؤزله‌دیم. قاییدیش یوخ، گئدیشینی بیلیردیم، من یولونو بیله-بیله گؤزله‌دیم. ایچیم-ایچیم اوره‌ییمده آغلادیم، ائل اوزونه گوله-گوله گؤزله‌دیم. گئدیشینه گیزلی-گیزلی اوزولدوم، اولدوز کیمی سؤنه-سؤنه سوزولدوم. چانقیل اولدوم، یوللارینا دوزولدوم، گؤز یاشیمی سیله-سیله گؤزله‌دیم. حسرت اولدوم، یوللارینا بوکولدوم، یاشا دؤندوم، گؤزلریندن تؤکولدوم. «کؤنول» کیمی توخونمامیش سؤکولدوم، حسرتیندن اؤله-اؤله گؤزله‌دیم. #فاطمه_عبدی_کؤنول https://t.me/turk0basi1402

سئومه یه جه سن،، مین دفعه باشینا دونوب دولانام سن منی آی گؤیچک سئومه یه جه سن طالع ایم اولماییب   شانسیم بد گلیب اولسامدا ،ال اتک سئومه یه جه سن            قار کیمی، ساریلام  یولونا ساری   آغلاییب ،سیزلایام  هئی زاری زاری هرسحر ،هرآخشام ،من گودم یاری بیلیرم ،سن ملک سئومه یه جه سن            یالاندان ،دئییردین  سئوه جه یم من اؤلونجه ،سنه جان دئیه جه یم من او گونو، دئمیشدیم  گوره جه یم من هله ده ،قوی گوره ک سئومه یه جه سن            گولگز  یاناقلارین عطرینه دویام اؤپوب  گوزلریمین اوستونه قویام بیرآری، سایاقی  مست اولوب اویام دئیرسن ، آز بال چک سئومه یه جه سن            دئمیرسن هئجرینده من نئجه دؤزوم؟ گره ک بو فیرقته من دوزه م اؤزوم  کوسرسن ،گئده رم هئچ قالماز ایزیم گئدسه ده بو کوسمک سئومه یه جه سن            من دای اگیلمیشم جاوان دگیلم دولاشام ،ساچینا بیرده اگیلم آغ سینن اوستونه ایئر ساریلام قوپاریب بیر کولک سئومه یه جه سن          حوری سن ،ملک سن یادا بشرشن باغریمین ،باشینی  گاهدان دئشرسن آی گوزل ،بیلیرم دگمه دوشرسن (مهرآذر) سئون تک سئومه یه جه سن #استاد_مهرآذر        https://t.me/turk0basi1402

https://t.me/turk0basi1402

سنسيز يئريم بهشت اولا غمخانه‌دير منه كيم آشنا دَگيل سنه ، بيگانه‌دير منه  هر كس كی پایبندِ سرِ زلفون اولماسا يوز عاقیل‌م دئسه يئنه ديوانه‌دير منه   شوقِ رُخون‌لا شمع كيمی يانديم هر گئجه همدم سرشکِ چشميله پروانه‌دير منه آبِ حياتی بير بئله زاهید كه وصف ائدير لعل و لبين يانيندا بير افسانه دير منه   زولفونله اولسا ائيله‌مَز  آشفته كؤنلومو دوشمان او زولف ايچينده گزَن شانه‌دير منه   عشق عالمينده بونجا بلالر كی چكميشَم مقصد طوافِ عارضِ جانانه‌دير منه   "واحد" جهاندا باقی قالان عشق مولكودور اوندان قالان نه وارسادا ويرانه‌دير منه #علی_آقا_واحد https://t.me/turk0basi1402

صبا، اغیاردان پنهان، غمیم دلداره اظهار ائت! خبرسیز یاریمی، حال خرابیمدن خبردار ائت! گتیر یادیم اونون یانیندا! گر گؤرسن کی قهر ائیلر- خموش اولما، یئنه دشنام تقریبی‌یله تکرار ائت! کؤنول، غم گونلرین تنها کئچیرمه، ایسته بیر همدم! اجل خوابیندان افغانلار چکیب، مجنونو بیدار ائت! چو یوخ عشق آتشی، بیر شعله چکسه طاقتین، ائی نئی! باش آغریتما، دمِ عشق اورما، آنجاق نالۀ زار ائت! منی رشک اودونا پروانه‌تک ائی شمع، یاندیرما، یئتر خورشید رخسارین چراغ بزم اغیار ائت! گرفتار غم عشق اولالی آزاده‌ی دهرم، غم عشقه منی بوندان بتر، یارب، گرفتار ائت! «فضولی!» باخماق اولمور اول گونش یاد‌ی‌یله خورشیده، نه وجه ایله کیم اولسا گون کئچر، فکر شب تار ائت!... #حکیم_ملامحمد_فضولی https://t.me/turk0basi1402