جَزْل القصيد

عشت العمر تايه ومتغرب إحساس شفت بحياتي كل شي إلا حياتي

ايّ والله عقبُك من تبسّام وجهِي صمّت ‏مثِل من يصوُم من الدوَى عقبُ عافيتّه .

هو كان يدري إن حنّيته صبت على قلبي مصبّ الماء ومع ذلك ذوّقني قساه

‏ياليتني ياسعود ما شرعت له بيبان قلبي ياليتني عيّييت.

والله ماعاد للخاطر اتساع لا طاب لا عرفت ان الكلام مايجيب نتيجه

يا كبر ذنبي يوم كَسّرت الأوهام ياليت ربي قابضٍ روح خلّه ضيّعت ثقة أهلي ويا كُبْر الألَام والحزن في صدري بَنى له مَحلّه يارب اغفر زلّتي قبل الأيام تطوي السنين وما يزول المذلّه

يا كبرها غلطتي يوم إني أخطيت وبعت الثقة برخيص في جلبة زيف

وأحس بحملٍ يباري خطاي، ويثقل أكتافي

الضرر من غريب الناس عادي بس جرح الغالي يهدّ الضلوع

جابني لك صادق إحساسي وشوقي ممتلي ليتني بينك وبين الخرج أطوي كل ميل ما وطت رجلي جنبك إلا ووجهتك منهجي يا بعد كل الأماكن، يا هوى الخرج الجميل

الخرج" فيها العزيز وأغلى غالي حيّ الدار وحيّ منهو سكن فيها أشتاق له شوقٍ هَدّ حيل احتمالي ويا بخت عينٍ تشوفه بلياليها!

"الخرج" ماهي مجرد دار في عيني "الخرج" فيها الغلا وأغلى مالي بهالدنيا يا طول بعدي ويا شوقٍ يباريني للي وجد فيه قلبي صحوته والمُنى!

يا مسند الشوق يمّ "الخرج" ودّيني مشتاقةٍ للمدينة واللي سكن فيها أغلى البشر بالوفا والحب ماليني حيّ العزيز وحيّ الدار وطاريها ما غيره أحدٍ بذاك الجال يعنيني هو فرحة العمر والدنيا وما فيها!

بعض الخيبات ما تجيك من عدو… تجيك من شخص كنت تحسبه أمان.

أمشي مع الناس والضحكة على وجهي والحزن داخل ضلوعي ما لقى مخرج

ضحيت في كل حاجه في رجاء حاجه والحاجه الي لها ضحيت ضحت بي. نام يا قلبي ماعاد لك في المنى حاجه نام وعسى الله يسامح من تشمت بي.

الأصول محد يتعلمها ياتتربى عليها ي تعيش كل عمرك تسمع فيها

هقيتك سند وقت الشدايد والظروف وأثرك أول من خذلني في زحامها طاحت هقاوي الرجا والعيون تشوف وماتت أماني في بداية كلامها

من بعد مافقدت أغلى م على قلبي ما عاد يهمني بهالبشر مخلوق

ودي ارحل بس ما أدل ما أدل الطريق مثل اللي يقول ضاعت دروبي وانا عالق بذاتي