HARBIYLASHTIRILGAN QO‘RIQLASH BOSHQARMASI

Vatan himoyachilari kuni muborak bo‘lsin! Yurtimiz tinchligi, xalqimiz osoyishtaligi va kelajagimiz barqarorligi yo‘lida fidokorona xizmat qilayotgan barcha harbiylar va himoyachilarga chuqur minnatdorlik bildiramiz. Sizlarga mustahkam sog‘liq, oilaviy baxt, sharafli xizmatda ulkan muvaffaqiyatlar va doimo yurt ishonchini oqlashni tilaymiz. Vatanimiz osmoni doimo musaffo bo‘lsin! 🇺🇿

“Yong‘in xavfsizligi oyligi” tadbirlari boshlandi   Xabaringiz bor, joriy yil 1 dekabrdan 30 dekabrgacha yurtimizda favqulodda vaziyatlarning oldini olish va ularni bartaraf etish bo‘yicha hududiy komissiyalarning yong‘in xavfsizligini taʼminlash borasidagi ishlari samaradorligini oshirish bo‘yicha “Yong‘in xavfsizligi oyligi” tadbirlari eʼlon qilingan. Shu sababli, “O‘zbekiston temir yo‘llari” aksiyadorlik jamiyatida ham jamiyat bosh muhandisining 2025 yil 1 dekabr kunidagi 736-sonli buyrug‘iga asosan temir yo‘l transportida yong‘in xavfsizligi oyligi o‘tkazilmoqda. - Ushbu oylikdan ko‘zlangan asosiy maqsadimiz deydi, – Harbiylashtirilgan qo‘riqlash boshqarmasi boshlig‘ining o‘rinbosari -yong‘in nazorati bosh noziri Z.Raxmatov, iqtisodiyot tarmoqlari, ijtimoiy soha, temir yo‘l obyektlarini yong‘in xavfsizligi talablariga muvofiq holga keltirish, is gazidan zaharlanish va havo-gaz aralashmasining chaqnashi bilan bog‘liq favqulodda vaziyatlarni oldini olish bo‘yicha ishchilarning bilim va ko‘nikmalarini oshirish hamda yong‘in xavfi yuqori bo‘lgan obyektlarda yong‘in xavfsizligini mustahkamlash bo‘yicha kompleks chora-tadbirlarni amalga oshirishdan iborat. “O‘zbekiston temir yo‘llari” aksiyadorlik jamiyatida o‘tkazilayotgan “Yong‘in xavfsizligi oyligi” tadbirlari uchun korxona rahbarlari va bo‘linmalarining yetakchi mutaxassislari ishtirokida komissiya tuzilib, chora-tadbirlar ishlab chiqilgan. Tekshiruvlar davomida yong‘inga qarshi suv taʼminoti meʼyor va qoidalar talablarga mosligi, suv quvurlari, yong‘in o‘chirishga mo‘ljallangan yer osti suv olgich(gidrant)lari, suv hovuzlari, ichki yong‘in o‘chirish jo‘mraklari, nasos stansiyalar va ularning texnik holati, suv manbalarini ko‘rsatgichlar bilan taʼminlanganligi, elektr kabel va uskunalarining yong‘inga qarshi holati, elektr tokini tarqatish qutilaridagi elektr sim kabellari va boshqalarga alohida eʼtibor qaratilmoqda. Hurmatli temiryo‘lchilar ushbu oylikda faol ishtirok etib suvuq kunlarni betlofat o‘tkazishda hushyor bo‘laylik. |Site|Telegram|Facebook|YouTube|Instagram|X

“Korrupsiyaga qarshi kurashish har birimizning burchimiz” “O‘zbekiston temir yo‘llari” AJ «Temiryo‘linfratuzilma» MCHJ Harbiylashtirilgan qo‘riqlash boshqarmasida 5 dekabr kuni “O‘zbekiston temir yo‘llari” AJ boshqaruv raisining 2025 yil 26 noyabr kunidagi 544-A-sonli telegrammasiga asosan “9 dekabr – xalqaro korrupsiyaga qarshi kurashish” kuni munosabati bilan “Biz korrupsiyaga yo‘q deymiz” shiori ostida davra suhbati o‘tkazildi. Ushbu tadbirga yuridik fanlari doktori professor Feruza Muhiddinovna, O‘zbekiston Respublikasi Transport prokuraturasi bo‘limi boshlig‘i M.Bayetov, O‘zbekiston Respublikasi Transport bo‘limi prokurori S.Sabirov va Transport va turizm obyektlarida xavfsizlikni taʼminlash departamenti tergov qilish bo‘limi boshlig‘i J.Kuchkarov hamda Harbiylashtirilgan qo‘riqlash boshqarmasi boshlig‘ining birinchi o‘rinbosari I.M.Xo‘jabekov, boshqarma kasaba uyushma raisi SH.K.Sultonov va boshqarma bo‘lim boshliqlari hamda boshqarma tarkibidagi barcha otryad xodimlari video selektor  ishtirokida o‘tgan tadbirda yuridik fanlari doktori professor Feruza Muhiddinovna so‘zga chiqib  8 dekabr - O‘zbekiston Respublikasi Konstitutsiyasi qabul qilingan kuni Konstitutsiya inson huquq va erkinliklarini taʼminlash, davlat suvereniteti, jamiyatda tinchlik va totuvlik tamoyillariga rioya etish, hayotimizning barcha jabhalarida keng ko‘lamli islohotlarni amalga oshirishning kafolatliligi hamda yurtimizda 9 dekabr-Xalqaro korrupsiyaga qarshi kurashish kuni borasida to‘xtalib o‘tdilar. O‘zbekiston Respublikasi Transport prokuraturasi bo‘limi boshlig‘i M.Bayetov so‘zga chiqib 9 dekabr – Butunjahon korrupsiyaga qarshi kurashish kuni”sifatida nishonlab kelinmoqda. Jamiyatda korrupsiyaga nisbatan murosasiz munosabatni qaror toptirish o‘ta dolzarb masala bo‘lib, garchi uni bajarish doirasida masʼul idoralar belgilangan bo‘lsada, uning to‘laqonli ro‘yobga chiqishi uchun har bir inson o‘zida masʼuliyatni his etishi zarur. Korrupsiyaga qarshi kurashish sohasidagi davlat siyosatining asosiy yo‘nalishlari — aholining huquqiy ongi va huquqiy madaniyatini yuksaltirish, jamiyatda korrupsiyaga nisbatan murosasiz munosabatni shakllantirish yuzasidan amalga oshirilayotgan ishlar to‘g‘risida so‘z bordi. Davra suhbatida ishtirokchilar o‘zlarini qiziqtirgan savollariga to‘laqonli javob oldilar. |Site|Telegram|Facebook|YouTube|Instagram|X

“BOSHQARUV RAISI KUBOGI – 2025” FUTBOL MUSOBAQASI GʻOLIBI ANIQLANDI! 🔘 “Oʻzbekiston temir yoʻllari” AJ tizimida yoshlarga oid davlat siyosati ijrosini taʼminlash maqsadida amalga oshirilayotgan ishlar doirasida hamda Boshqaruv raisi Z.G'. Narzullayevning 2025-yil 13-avgustdagi UN-100-sonli farmoyishi ijrosini taʼminlash maqsadida korxona va tashkilotlar oʻrtasida “Boshqaruv raisi kubogi – 2025” futbol musobaqasi oʻtkazildi. ➡️ Musobaqada 40 ta jamoa bellashdi va jamoalar oʻrtasidagi qizgʻin bahslar barcha ishtirokchilarda katta taassurot qoldirdi. ➡️ Yarim final va final bahslari 5-noyabr kuni “Oʻzbekiston” lokomotiv deposi maydonida boʻlib oʻtdi. Finalda O'zbekiston lokomotiv deposi jamoasi va Harbiylashtirilgan qo'riqlash boshqarmasi jamoalari oʻzaro kuch sinashdilar. ➡️ GʻOLIBLAR: 🏆🥇 1-oʻrin — Harbiylashtirilgan qo'riqlash boshqarmasi jamoasi 🥈 2-oʻrin — O'zbekiston lokomotiv deposi jamoasi 🥉 3-oʻrin — "Temiryo'linfratuzilma"AJ "Buxoro MTU" filiali jamoasi ➡️ Musobaqa gʻoliblari va sovrindorlar “Oʻzbekiston temir yoʻllari” AJ rahbariyati tomonidan taqdirlandi: • 1-oʻrin sohibiga ramziy kubok, medal hamda pul mukofoti; • 2- va 3-oʻrin jamoalari aʼzolariga medal, faxriy yorliqlar hamda pul mukofotlari topshirildi. ➡️ Ushbu musobaqa nafaqat sport va jamoaviy ruhni mustahkamladi, balki yoshlar oʻrtasida sogʻlom turmush tarzi va temiryoʻlchilar birdamligining yorqin namoyishi boʻldi. 🌐railwayinfra.uz ❤️‍🔥Telegram  ❤️‍🔥Facebook ❤️‍🔥Instagram