🚆"𝗤𝗢ʻ𝗤𝗢𝗡 𝗠𝗧𝗨" FILIALI 𝐀𝐱𝐛𝐨𝐫𝐨𝐭 𝐞𝐱𝐩𝐫𝐞𝐬𝐬 𝐦𝐚𝐫𝐤𝐚𝐳𝐢

🎬 “YANGI O‘ZBEKISTON TEMIR YO‘LLARI — MENING NIGOHIMDA” videoroliklar va ijodiy ishlar tanlovi! 🇺🇿🚆 🎉 O‘zbekiston Respublikasi davlat mustaqilligining 35 yilligi munosabati bilan “Yangi O‘zbekiston temir yo‘llari — mening nigohimda!” shiori ostida videoroliklar va ijodiy ishlar tanlovi e’lon qilinadi! 📌 Tanlov yo‘nalishlari: 🎥 “Eng yaxshi videorolik” 🎨 “Eng yaxshi ijodiy ish” ✨ Temir yo‘l sohasidagi yangilanishlar, zamonaviy loyihalar, bunyodkorlik, kasbga mehr va Yangi O‘zbekiston temir yo‘llari haqidagi o‘z nigohingizni ijodingiz orqali namoyon eting! Videorolik hamda ijodiy ishlarni 25-avgustgacha @ijtimoiy_loyihalar1 shaxsiy sahifasiga yuboring! 🏆 Eng yaxshi ishlar munosib taqdirlanadi! Yangi O‘zbekiston temir yo‘llari — mening nigohimda! 🚆🇺🇿

Tadbirkorlar va temir yo‘l sohasi vakillari ishtirokida uchrashuv bo‘lib o‘tdi "Oʻzbekiston temir yoʻllari" AJ 408-NZ buyrugʻi ijrosini taʼminlash maqsadida Farg‘ona neftni qayta ishlash zavodi, "Temiryo‘lkargo" AJ Qo‘qon filiali, Qo‘qon mintaqaviy temir yo‘l uzel filiali vakillari ishtirokida muhim uchrashuv boʻlib oʻtdi. Uchrashuvda yuk tashish jarayonlarida vagonlarga bo‘lgan ehtiyojni o‘z vaqtida ta'minlash, logistika zanjirini uzluksiz tashkil etish va mavjud muammolarga tezkor yechim topish masalalari muhokama qilindi

Qoʻqon — Suvonobod yoʻnalishida keng koʻlamli profilaktik oʻrganish ishlari olib borildi. Ishchi guruh tarkibida Fargʻona viloyati TXTB boshligʻi vazifasini bajaruvchi podpolkovnik A.Nishanov, boshqarma boshligʻi oʻrinbosari podpolkovnik M.Salimov hamda Qoʻqon mintaqaviy temir yoʻl uzel bosh muhandisi vazifasini bajaruvchisi B.D.Tirkashev ishtirok etishdi. Tadbir doirasida: - Yaypan, Rapqon va Suvonobod stansiyalari atroflicha koʻzdan kechirildi; -Temir yoʻl izlari, stansiya oraliqlari hamda har bir xoʻjalik boʻyicha qilinayotgan ishlar holati tahlil qilindi; - Ishchi-xodimlarning mehnat sharoitlari, masʼuliyati hamda intizomi qatʼiy nazoratdan oʻtkazildi; - Atrof-muhit muhofazasi va harakat xavfsizligini taʼminlash masalalariga alohida eʼtibor qaratilib, mavjud kamchiliklarni bartaraf etish boʻyicha masʼullarga aniq vazifalar belgilab berildi.

Qoʻqon mintaqaviy temir yoʻl uzeli filialida "Harakat xavfsizligi kuni" Bugun navbatdagi "Harakat xavfsizligi kuni" tadbirlari Qoʻqon mintaqaviy temir yoʻl uzeli filiali boshligʻi oʻrinbosari Q.B.Ahmadjonov boshchiligidagi masʼul rahbarlar va mutaxassislar bilan Namangan stansiyasida boʻlib, hududdagi barcha muhim obyektlar va boʻlinmalar faoliyatini atroflicha koʻzdan kechirdi va oʻrganish ishlarini olib bordi. Jarayon davomida: - Namangan vokzali faoliyati, yoʻlovchilarga yaratilgan shart-sharoitlar hamda xavfsizlik qoidalariga rioya etilishi nazorat qilindi; - Yoʻl xoʻjaligi boʻlinmalari va temir yoʻl izlarining holati, texnik talablarga muvofiqligi koʻzdan kechirildi; - Vagon xoʻjaligining tarkiblarning toʻxtash joylarida xavfsizlik choralari, vagonlarning texnik sozligi jiddiy tekshirildi. Oʻrganishlar davomida aniqlangan kamchiliklarni tezkorlik bilan bartaraf etish yuzasidan masʼullarga aniq vazifalar yuklatilib, tegishli koʻrsatmalar berildi.

Tadbirkorlar bilan ochiq muloqot: Hamkorlik va amaliy yechimlar yo‘lida Bugun, 2026-yil 11-avgust kuni Qoʻqon shahridagi "INDORAMA KOKAND FERTILIZERS AND CHEMICALS" AJ binosida Qoʻqon mintaqaviy temir yoʻl uzeli rahbariyati hamda eksport, import va mahalliy yoʻnalishlarda yuk tashish faoliyati bilan shugʻullanuvchi tadbirkorlik subyektlari vakillari oʻrtasida ochiq muloqot boʻlib oʻtdi. Uchrashuv davomida temir yoʻl transportida yuk tashish jarayonlari, mavjud imkoniyatlar va yuzaga kelayotgan masalalar yuzasidan atroflicha fikr almashildi. Tadbirkorlar oʻzlarini qiziqtirgan savollariga javob olib, logistika yoʻnalishidagi muammolari va takliflarini bildirdilar. Ochiq va konstruktiv ruhda oʻtgan muloqotda koʻtarilgan har bir murojaat diqqat bilan oʻrganilib, ularni ijobiy hal etish boʻyicha masʼullarga tegishli vazifalar belgilandi. Bunday uchrashuvlar oʻzaro hamkorlikni yanada mustahkamlash hamda tadbirkorlarga qulay shart-sharoitlar yaratishga xizmat qiladi.

"O'zbekiston temir yo'llari" AJ boshqaruv raisining "Tadbirkorlar kuni arafasida o'tkaziladigan O'zbekiston Respublikasi Prezidentining tadbirkorlar bilan VI ochiq muloqotiga puxta tayyorgarlik ko'rish "O'zbekiston temir yo'llari" AJ tomonidan tadbirkorlarning murojaat, muammo va takliflarini tizimli o'rganish hamda joyida hal etish maqsadidagi 136-UN sonli farmoyishi hamda Qoʻqon MTU filiali boshligʻining 137-MTU sonli farmoyishlariga asosan 2026-yil 11-avgust kuni soat 10:00 da Qoʻqon shahrida "INDORAMA KOKAND FERTIZILERS AND CHEMICALS" AJda boʻlib oʻtadigan ochiq muloqotga eksport, import va mahalliy yoʻnalishlarda yuk tashish ishlari bilan faoliyat olib boruvchi barcha tadbirkorlik subʼektlari vakillarini uchrashuvga taklif qilamiz. Telegram     Instagram