Uzun tumani hokimligi | Rasmiy kanal |

🗣Mustaqillik bayrami arafasida bemorlar holidan xabar olindi ⏺Mustaqilligimizning 35 yilligi arafasida Uzun tumanida inson qadri va salomatligini ta’minlashga qaratilgan ezgu ishlar davom ettirilmoqda. 🫥Shu maqsadda Uzun tumani tibbiyot birlashmasi boshlig‘i S. Yuldoshov tomonidan xonadonlarda uy sharoitida davolanayotgan, doimiy parvarish va e’tiborga muhtoj, og‘ir ahvoldagi bemorlar holidan xabar olindi. Tashrif davomida ularning sog‘lig‘i, davolanish jarayoni va zarur tibbiy ehtiyojlari o‘rganilib, tegishli tavsiyalar berildi hamda ehtiyojmand bemorlarga zarur dori-darmon vositalari yetkazib berildi. ⏺Bunday xayrli va savobli ishlar tuman miqyosida izchil davom ettirilib, aholining salomatligi va manfaatlarini ta’minlash, bemorlarni qo‘llab-quvvatlashga alohida e’tibor qaratiladi. 🫥Inson qadri — ulug‘, uning salomatligi esa eng katta boylikdir! 🕊 Uzun.uz 📱 Facebook 🕊Telegram 📺 Youtube 📱 instagram

Yagona Vatan, yagona xalq — ezgulik va mehr-oqibat sari! Surxondaryo viloyati hokimi tashabbusi bilan mamlakatimiz mustaqilligining 35 yilligi munosabati bilan “Yagona Vatan, yagona xalq bo‘lib, yangi hayot va kelajak yaratamiz!” shiori ostida ezgulik chellenjiga start berildi. Chellenjning ilk tadbirini viloyat hokimi Ulug‘bek Qosimov boshlab berdi. U Termiz shahrining Amu sohili mahallasida yashovchi, ijtimoiy himoyaga muhtoj oiladan xabar olib, xonadon sohiblariga bayram sovg‘alarini topshirdi. Tashrif davomida oilaning mavjud muammolari o‘rganilib, ularni hal etish bo‘yicha amaliy choralar belgilandi. Xususan, oila bekasiga murakkab jarrohlik amaliyotini o‘tkazish bilan bog‘liq xarajatlarni qoplash uchun vaucher topshirildi. Bugun boshlangan chellenj doirasida 150 nafar vohadoshimizga buyrak va jigar transplantatsiyasi bilan bog‘liq xarajatlarni qoplash uchun vaucherlar, 600 nafar bemorga imtiyozli davolanish uchun yo‘llanmalar beriladi. Shuningdek, ijtimoiy himoya reyestriga kiritilgan oilalarning 1 000 nafarga yaqin farzandi maktab formasi va o‘quv qurollari bilan ta’minlanadi, 1 200 nafar yoshning to‘lov-kontrakt mablag‘lari qoplab beriladi, ehtiyojmand oilalar va fuqarolarga boshqa turdagi ijtimoiy ko‘maklar ko‘rsatiladi. Ushbu ezgu tashabbus orqali oilalarga e’tibor va g‘amxo‘rlik ko‘rsatish, ularning muammolarini hal etishga ko‘maklashish va bayramona kayfiyat ulashish ko‘zda tutilgan. Ezgulik — birlashtiradi, mehr — yuksaltiradi! Chellenj viloyatning barcha hududlarida davom etadi. #Chellenj #YagonaVatanYagonaXalq #Mustaqillik35 #Surxondaryo Surxondaryo.uz | Telegram | Facebook | Instagram | YouTube | X

❗️ Xo‘jalik yurituvchi subyektlar rahbarlari, yer qazish texnikasi egalari va yerdan foydalanuvchilar diqqatiga! ​Yer osti aloqa kabellarining muhofaza hududida yer qazish yoki qurilish ishlarini amalga oshirishdan oldin 1133 qisqa raqamiga yoki magistral aloqa kabeli trassasi belgisida ko‘rsatilgan manzilga murojaat qiling. ​Ishlarni mutaxassislar ko‘rsatmasi asosida amalga oshiring. Murojaatingiz o‘z vaqtida qabul qilinmasa yoki munosabat bildirilmasa, «O‘zkomnazorat» inspeksiyasining 1144 raqamiga murojaat qiling. ​⚠️ Esingizda bo‘lsin! Aloqa liniyalariga yetkazilgan zararni bartaraf etish bilan bog‘liq xarajatlar qonunchilikda belgilangan tartibda zarar yetkazgan shaxs hisobidan qoplanishi mumkin. 🌐 EKSKLYUZIV | Surxondaryo

🗣Uzun tumani hokimi o‘rinbosari B.Turayev tomonidan navbatdagi shaxsiy qabul o‘tkazildi. ⏺Qabul davomida fuqarolarning qurilish, uy-joy masalalari, qurilish uchun ruxsatnoma va hujjatlarni rasmiylashtirish, obodonlashtirish hamda boshqa sohalarga oid murojaatlari tinglandi. 🫥Murojaatlar yuzasidan fuqarolarga tegishli huquqiy tushuntirishlar berilib, ayrim masalalarni joyida hal etish choralari ko‘rildi. Mas’ul tashkilotlar rahbarlariga esa murojaatlarni o‘rganib, belgilangan tartibda hal etish bo‘yicha topshiriqlar berildi. 🕊 Uzun.uz 📱 Facebook 🕊Telegram 📺 Youtube 📱 instagram

🗣O‘zbekiston Respublikasi davlat mustaqilligining 35 yilligi munosabati bilan Uzun dehqon oziq-ovqat bozorida aholi uchun arzonlashtirilgan savdo yarmarkasi tashkil etildi. ⏺Yarmarkaning asosiy maqsadi — bayram kunlari arafasida aholini zarur oziq-ovqat mahsulotlari bilan ta’minlash, narxlar barqarorligini saqlash hamda fuqarolarga mahsulotlarni hamyonbop va qulay narxlarda xarid qilish imkoniyatini yaratishdan iborat. 🫥Hurmatli fuqarolar, yarmarkaga tashrif buyurib, kerakli mahsulotlarni qulay narxlarda xarid qilishingiz mumkin. Marhamat! 🕊 Uzun.uz 📱 Facebook 🕊Telegram 📺 Youtube 📱 instagram