Qumqo‘rg‘on tumani hokimligi

🇺🇿🤝🇨🇳 O‘zbekiston (Surxondaryo) — Xitoy investitsiya forumining birinchi kun tadbirlari Forumning birinchi kunida mehmonlar tantanali kutib olindi, vohamizning tarixiy va diqqatga sazovor joylari bilan tanishtirildi hamda delegatsiyalar bilan ikki tomonlama uchrashuvlar o‘tkazildi. Termiz shahridagi "Etno shaharcha" majmuasida madaniy tadbir, ko‘rgazmalar hamda forumning tantanali ochilish marosimi bo‘lib o‘tdi. Bugun forum doirasidagi asosiy tadbirlar "Termiz xalqaro savdo markazi"da o‘tkaziladi. Ijtimoiy tarmoqlar orqali bizni kuzating: 📱Qumqo‘rg‘on.uz |  📱Telegram |📱Facebook |📱 Instagram | 📱YouTube

Surxondaryoda elektr taʼminoti toʻliq tiklandi ​Energetika vazirligi Markaziy Osiyo yagona energetika tizimida soat 14:38 da yuzaga kelgan avariyali holat yuzasidan rasmiy munosabat bildirdi. ​Vazirlik maʼlumotiga koʻra, avariya oqibatida Oʻzbekiston va qoʻshni davlatlarning ayrim hududlarida elektr taʼminotida uzilishlar kuzatilgan. Avariya vaqtida energotizimdagi avariyaga qarshi avtomatika tizimlari oʻz vaqtida ishga tushib, holatning kengayib ketishining oldini olgan. Shuningdek, energia saqlash tizimlaridagi zaxira energiyaning tarmoqqa tezkor uzatilishi tizim barqarorligini taʼminlashga xizmat qilgan. Surxondaryo viloyati elektr taʼminotida muhim ahamiyatga ega boʻlgan 500 kVli elektr uzatish tarmoqlaridan birida avariya vaqtida rejali taʼmirlash ishlari olib borilayotgan edi. Koʻrilgan tezkor choralar natijasida mazkur tarmoq ishga tayyor holatga keltirilib, qayta ishga tushirilgan. ​Natijada Surxondaryo viloyatida elektr taʼminoti bosqichma-bosqich toʻliq tiklandi. ​Energetika vazirligi ushbu holat energetika sohasiga kiritilgan investitsiyalar, xususan, energiyani saqlash va avariyaga qarshi avtomatika tizimlarining tizim barqarorligi hamda energetika xavfsizligini taʼminlashdagi ahamiyatini yana bir bor koʻrsatganini qayd etdi. 🌐 EKSKLYUZIV | Surxondaryo

«Ayollar daftari» ijrosi nazoratda Qumqo‘rg‘on tumanida yettinchi bosqich «Ayollar daftari» ijrosini ta’minlash bo‘yicha amalga oshirilayotgan ishlar muhokama qilindi. Yig‘ilishda tuman hokimining birinchi o‘rinbosari — iqtisodiyot va moliya bo‘limi boshlig‘i Zayniddin Eshqobilov, Respublikadan biriktirilgan vakil Shavkat Qodirov hamda mas’ullar ishtirok etdi. Ma’lumot o‘rnida, yettinchi bosqichda tuman bo‘yicha 5 867 nafar xotin-qizlar «Ayollar daftari»ga kiritilgan. Muhokama davomida xotin-qizlarning muammolarini manzilli hal etish, ularni qo‘llab-quvvatlash, bandligini ta’minlash va daromad manbalarini yaratish borasida amalga oshirilayotgan ishlar tahlil qilindi. Mas’ullarga belgilangan vazifalar ijrosini sifatli va o‘z vaqtida ta’minlash bo‘yicha topshiriqlar berildi. ✍️ Qumqo‘rg‘on tuman hokimligi Axborot xizmati  Telegram kanalimizga obuna bo‘ling https://t.me/qum_axborot Ijtimoiy tarmoqlar orqali bizni kuzating: 📱Qumqo‘rg‘on.uz | 📱Telegram |📱Facebook |📱 Instagram | 📱YouTube

“Munavvar kun” dasturida Surxondaryoda o‘tkazilgan “Jajji nurli yulduzlar” tanlovi g‘olibi — Qumqo‘rg‘on tumanidagi 30-sonli MTT jamoasi mehmon bo‘ldi. Dasturda jamoaning tanlovdagi ishtiroki va g‘alaba taassurotlari haqida so‘z yuritildi. MUNAVVAR KUN. Musiqiy dam olish dasturi. 14.08.2026 Ijtimoiy tarmoqlar orqali bizni kuzating: 📱Qumqo‘rg‘on.uz |  📱Telegram |📱Facebook |📱 Instagram | 📱YouTube

No comment | Termiz "O‘zbekiston – Xitoy investitsiya forumi"ni qabul qilishga shay Ijtimoiy tarmoqlar orqali bizni kuzating: 📱Qumqo‘rg‘on.uz |  📱Telegram |📱Facebook |📱 Instagram | 📱YouTube

💙💙💙 Qo‘shni mamlakatning energetika tizimida yuz bergan avariya Markaziy Osiyo energetika tizimiga ta’sir ko‘rsatdi. Natijada Surxondaryo va boshqa ayrim viloyatlarning elektr ta’minotida uzilish kuzatildi. Hozirgi vaqtda energetiklar tomonidan elektr ta’minoti bosqichma-bosqich tiklanmoqda. Qo‘shimcha ma’lumot beriladi. Ijtimoiy tarmoqlar orqali bizni kuzating: 📱Qumqo‘rg‘on.uz |  📱Telegram |📱Facebook |📱 Instagram | 📱YouTube

No comment | Surxondaryo viloyati hokimi "O‘zbekiston — Xitoy investitsiya forumi"ga tashrif buyurgan delegatsiyani tantanali kutib oldi Ijtimoiy tarmoqlar orqali bizni kuzating: 📱Qumqo‘rg‘on.uz |  📱Telegram |📱Facebook |📱 Instagram | 📱YouTube

Prezident Shavkat Mirziyoyev tomonidan “O‘zbekiston Respublikasi Prezidenti Administratsiyasi to‘g‘risida”gi Konstitutsiyaviy qonun imzolandi. Administratsiya Prezident faoliyati va Konstitutsiyaviy vakolatlarini tashkiliy, huquqiy va tahliliy jihatdan ta’minlovchi yagona konstitutsiyaviy institut hisoblansa-da, davlat organlari bilan munosabatlarda uning faoliyatini qonun bilan tartibga solish bo‘yicha huquqiy bo‘shliq mavjud edi. Endilikda yangi qonun bilan ushbu masalalar tartibga solindi. Prezidentning farmon, qaror, farmoyish va topshiriqlari ijrosini tashkil etishda Administratsiyaning amaldagi vakolatlari doirasidagi faoliyati qonun bilan tartibga solinishi Prezidentlik institutining huquqiy asoslarini kuchaytiradi. Xalqaro amaliyotda Prezident faoliyatini ta’minlovchi institutning huquqiy maqomi qonun darajasida belgilanishi Prezidentlik boshqaruvining institutsional standarti hisoblanadi. Qonun 4 ta bob va 34 ta moddadan iborat bo‘lib, Administratsiyaning amaldagi vakolatlari doirasida Prezident faoliyatini ta’minlashning konstitutsiyaviy mexanizmlari qonunda huquqiy jihatdan rasmiylashtirildi. Xususan: – Administratsiya O‘zbekiston Respublikasi Prezidentining vakolatlari amalga oshirilishini tashkiliy, huquqiy, tahliliy jihatdan ta’minlaydigan davlat organi sifatida belgilandi; – Administratsiyani Prezident shakllantiradi, Prezident belgilagan asosiy yo‘nalishlarda faoliyat yuritadi, Prezidentga bo‘ysunadi va hisobdor bo‘ladi. Administratsiyaning asosiy vazifalari belgilandi: – O‘zbekiston Respublikasi Prezidentining konstitutsiyaviy vakolatlarini amalga oshirilishini tashkiliy, huquqiy va tahliliy ta’minlash; – Prezidentning farmon, qaror va farmoyishlari loyihalarini hamda topshiriqlarini tayyorlash, ularning ijrosini tashkil etish, nazoratini olib borish hamda ularni amalga oshirishga ko‘maklashish; – Prezidentning mamlakatni ijtimoiy-iqtisodiy va ijtimoiy-siyosiy rivojlantirishga oid yangi tashabbuslarini ishlab chiqish; – aholi va tadbirkorlar bilan ochiq va to‘g‘ridan to‘g‘ri muloqotlarni tashkil etish va ularni qiynayotgan masalalarga yechimlarni ishlab chiqish; – qonunlarni imzoga yoki qaytarishga tayyorlash; – Prezidentning Oliy Majlisga murojaatnomasini tashkil etish; – Prezidentga bevosita bo‘ysunuvchi (hisobdor) davlat organlari va tashkilotlari faoliyatini muvofiqlashtirish va boshqalar. Shuningdek, qonunda Administratsiya rahbarining huquqiy maqomi va vazifalari, Administratsiyaning mansabdor va boshqaruv shaxslarini lavozimga tayinlash hamda ozod etishga oid normalar belgilangan, Prezident huzuridagi Xavfsizlik kengashi faoliyatini tashkil etishning qonuniy asoslari yaratilgan. Administratsiya Prezident faoliyatini tashkil etish doirasida parlament, Hukumat, vazirlik va idoralar, mahalliy hokimliklar, sud hokimiyati va sudyalar hamjamiyati organlari bilan hamkorlik qiladi. Administratsiya Prezidentga bevosita bo‘ysunuvchi davlat organlari faoliyatini muvofiqlashtiradi, ularni takomillashtirish bo‘yicha takliflar tayyorlaydi va Prezidentga kiritadi. Administratsiya xodimlari uchun ularga yuklatilgan vazifalarni bajarishda ijtimoiy, iqtisodiy va huquqiy himoya choralari nazarda tutilmoqda. Prezident Administratsiyasi to‘g‘risida Konstitutsiyaviy qonunning qabul qilinishi Yangi O‘zbekistonda inson qadrini ulug‘lash, xalqimiz farovonligini yuksaltirish, davlat organlarini xalqqa xizmat qiladigan, ochiq va hisobdor tizimga aylantirish, mamlakatimizning xalqaro maydondagi nufuzini mustahkamlash borasida amalga oshirilayotgan islohotlarni yangi bosqichga ko‘tarishga xizmat qiladi. Ijtimoiy tarmoqlar orqali bizni kuzating: 📱Qumqo‘rg‘on.uz |  📱Telegram |📱Facebook |📱 Instagram | 📱YouTube