قصائد حسينيه مكتوبه

فزعت الجيمان وصلت لحد المخيم خيلها يا اسد عدنان گوم والرايه اعله ثارك شيلها ذبحوا العطشان والخيول العشره اجت بحيلها هالله هالله شهل العده الدوايه تعنت على حسين كلها عنايه ياهو اليلاگي الخيول الغايره على الگاع مدده الحمايه وينها الرداده ياشبول الساده فزعت عله حسين كل سبعينها غارة تتبع غاره من جميع اكتاره الخيل والعسكر تحيط حسينها اه حسين ااه حسين ااه حسين الخيل اجت الخيل والجماهير انزلت بسنانها وين يهل الحيل حسين وحده وطايح بميدانه ويل صاحت ويل زينب تحشم عجيد اخوانها هالله شهل الاعادي المجبله من الزلم والخيل ضاگت كربلا جيش سبعين الف صاروا دايره عله حسين بين خيل وراجله كوم يامهديها رايتك عليها حسين وحده وماكو ناصر جاله ناخت اعله الحاير وغاد يوم العاشر وعلى صدره تحشم الخياله اه حسين ااه حسين ااه حسين نار شمروا نار والخدور تروعت واطفالها يابو صدر الحار نسوتك بس الله يدري بحالها كوم يابو الثار الرايه نايم ع النهر شيالها يبن حيدر ها يحامي ادخيلها بالفلا النسوان بايد حيلها فرت النسوان من خيامها مابقى بهاشم فرد يحميها طلعن من خيامها والفزع گدامها زينب وطاحت خيمها بنارها ياصگور الحومه ليش كلكم نومه مادريتوا الحرم شنهو اخبارها اه حسين ااه حسين ااه حسين گوموا يهل الگاع وينكم يهل السيوف الحاره يالخدركم ضاع ذبوا العمايم واركبوا الغاره وينكم يسباع حسين ع التل العقيله تناطره هالله هالله حسينكم جا وينه بالسيوف الباشطه مگطعينه كوم يالمهيوب اخذ حيف الجتيل گوم يل المرفوع راس حسينه گوم طلع باسك منهدم عباسك كوم يامهيوب طر اهيامها كوم وشعل نارك وانشر لبتارك شلون زينب حارگين اخيامها اه حسين ااه حسين ااه حسين ......................... الملا: محمد باقر الخاقاني الشاعر: حيدر شايع اسم القصيدة: فزعت الجيمان https://t.me/v_vv_v_u

#هاذي_كربلا الذاكر: #عباس_رحمن كلمات؛ #شيخ_منير_السعد .ــــــــــــــــــــــــــــــــ يلي اتشرفت لأرض القدس تحضر ارض الشرفاها بدمه ابو الأكبر غمض هالجفن وبگلبك اتصور مصاب الماتحمله محاجر العين صح لو عاينت ماتلگه باقي الدم دم الي نزف من عاشر امحرم بس بعده الحزن من الخيم ينشم هاذي كربلا وذيج الصواوين هنا صاح العطش من الضمه حسين هنا شح العذب ومعذبه العيله وكل طفله الدمع من ضيمهه تسيله ويم جود الگمر عالماي تشكيله وعالماي الكفلهن ذاب جفين هاي ارض الدمه يلي اگصدت زاير هنا عشره انتهت بحوافر العاشر جرح المايطيب بطول السنين هاذي كربلا وذيج الصواوين هنا صاح العطش من الضمه حسين يالتمشي أعلى هونك والجدم سالم هنا گبلك جدم عالهم رگض هايم ومن ذاك الجمر جان الجدم وارم ويارگضة خجل ذيج النساوين زادك خله دمعك عوف باجي الزاد هنا دار الزمن بعيال ابو السجاد هنا دار المراضع خالف الميعاد وام حضنت طفلهه الفاطمه البين هاذي كربلا وذيج الصواوين هنا صاح العطش من الضمه حسين انسه شما حصل وتذكر حسينك وخل دمعك يسولف بينه وبينك يامن بالسبي ماهن نساوينك اله راحن نسه وماهن درن وين المگطوع النحر لاتگطع الونه السكنت ونته وبناته اليسمعله وطلعن للمعاره وااه شافنه ولا هو البي جرح لا هنه جرحين هاذي كربلا وذيج الصواوين هنا صاح العطش من الضمه حسين هنا جانت مره بخيط السمش تعثر وكلما حاولت عالگومه ماتگدر برزت من خدرها وحاطها العسكر وهي أعلى الرأس نمشي وحاطه ايدين ويم الصب مهجته ومانفذ صبره الاف اربعه أملاك النجف گبره الكل شعت وغبر عالظل على الغبره وعالطبت سبيه بنص دواوين هاذي كربلا وذيج الصواوين هنا صاح العطش من الضمه حسين ـــــــــــــــــــــــــــــ مجالس ليالي محرم وصفر ليالي المشاية المقدسة هيئة حرم الله ..

#ياتل_ملا_مجتبى_الكعبي كلمات: #محمد_جاسم_العقابي ـــ ــــ ـــــ ــــ ـــــ ـــــــ ــــــ ياتل اخوي احسين موتوني شفته دليني بي لا يگوم حسباله عفته بهذا الظلام ينوح تلگاه عليه ابن امي مايرتاح لو ماكوا اخته ياتل وينه ابو سكينه اريد ابجي والمه الصبح تطلع شمس حمره كون بفي اضمه من اهد موته لحد هسه محد باجي يمه اريد الخوه ابجيها اجيت امفرفحه عليها لطم واحاه امليها ياتل ينوح احسين جاي استمعله وين اختي جاي يگول متانيني اعدله عباله عفته هنا ورحت بدونه لا يبجي ياتل روح موجوده گله ياتل تدري إذا اطول يگوم يدور اخته بقت ساعه الهزل وصلت وخاف تروح سكته وكت ماعندي لوداعه اريد ابجيله جم ساعه وعرفه ه هوه لخته مبحوح صوتي شلون يسمع كلامي ماجيت اگله يگوم يطفي خيامي جيت ابجي مايرضون زينب تدفنه وخاف انسبي يحسين موش بمرامي ارد اگله خويه والله گالو لاتشيلُ ردت ادفنه وحفره اسوي صاحوا لاتدفنو حگه يزعل على أخته ليش لهسه عايفته شلون امشي ومدفنه ــــــ ــــــــ ــــــــــ ــــــ مجالس شهر محرم الحرام ليالي العشرة الثانيه.. هيئة حرم الله #الناصرية_الفهود https://t.me/v_vv_v_u

📜 القصيدة: ليل يكضي ويبدي ليل 🎤 أداء: مسلم الوائلي 🖋 كلمات: حسن الترابي ~~~~ ليل يگضي ويبدي ليل يميل راسك وانه اميل ابجي منك لو عليك حايره وما بيه حيل ~~~~ الحومه ضلمت يحسين وخواتك تارسات البر خوف ونايحه بكل صوب نتراكض بجي ونعثر مدري شضام ذباحك بديه وجاي يتبختر وصل يمنه وضحك شمتات براسك عالحرم يفتر شايل الراس وجاي يضحك ودمك نزل خويه اعله رمحك غمضت عنك عين الصغار وعيوني ضلن فوگ جرحك ~~~~ على اختك طاحت الهيمه وركضت اعله الرمل حافي النار مجلبه بثيابي وجمر جوه الجدم طافي زلم فوگك شفتها هواي درت وجهي وصحت كافي على جتافك لگيت الخيل واصيحن كون بجتافي محترگه واركض ما ادري شلون وعليه دارت كل العيون واحد يحشم واحد الجيش الله اكبر عثرت ام عون ~~~~ غريبه وفوگي طاح الليل وبناتك دارن عليه هاي الساحگتها الخيل وهاي بنار مجويه وذيج تصيح عطشانه وانه لهاي ما بيه شصيرن وانه بس انه لثمانين علويه وين انطي وجهي لهاي لو هاي وبياهي احيرن سولف وياي التمن علاويك يالحسين رادنك انته ورادن الماي ~~~~ ربابك حاضنه الكاروك عبد يمه وعبد يمه تگمطه والطفل مذبوح وتمسح منحره وسهمه ورمله بثوب جاسمها تنعه وتبجي وتشمه مهر جسام بالخيمه احترگ وتحنت بدمه وليله على الاكبر لاطمه العين وتگله ضيمي وياكم منين ملجوم گلبي وشايغه الروح منك ييمه ومن الحسين ~~~~ اجيتك ناحره الحومه ملحوگه بشتم وصياح ما اريدك تگوم وياي ولا يرجع دلالي الراح على حالك ما يحگلي اعتب كل الصار بيه طياح اجيت وياك اموت وياك مو عدله ارجع ويرماح مو عدله ارد يحسين عدله وانته برمح وانه على هزله شلي بعمر ما بيه خوان وشيسوه عمره الماهم اهله ••••••••••••••••••••••••••••••••••••••••••• https://t.me/v_vv_v_u

📜 القصيدة: من الشام اجينه 🎤 اداء: ميلم الوائلي 🖋️ كلمات: الحاج المرحوم معين السباك ~~~~ زينب يخوتي صاحت اجينه من اليسر جينه ما تدرونه بيا حال رحنه وبيش ردينه ~~~~ ما تدورنه بيا حال رحنه وبيش اجيناكم ما والله علينه يهون على التربان عفناكم بگت بگلوبنه حسره مشينه ولا دفناكم ومن الشام اجينه اليوم مضلومات للمضلوم حله بعيون اخوتي النوم واحنه وكفت الديوان بالشام اوجرت بينه ~~~~ وصلت الشام مسبيه عساني لا وصلت الشام الزلم ويه النسه طلعت تتفرج على الايتام جمع ضلام والنسوان تتراجف مـن الضلام ولا واحد من اخوتنه يحظر ويشوف حالتنه بالديوان وگفتنه يهل الشرف والغيره تاذيكم وتاذينه ~~~~ ردتكم يخوتي بالشام تحظرون وتشوفونه بالديوان يالوليان والشمات هضمونه وكل واحد من المجلس علينه شابحه عيونه وينادون يخت حسين وين اولاد عمي وين يزينب ليش ما تحجين ننشد عن اخوج حسين وحماي الظعن وينه ~~~~ ذيج السا صحت يحسين العمر لا طالت ايامه يخويه الشام هد حيلي ودعاني الليل ما نامه على يزيد الرجس طبيت وراسك جان جدامه ويضرب راسك اكبالي وهيج نار دلالي صحت لا تضرب الوالي عسه شلت يمينك ليش تضرب راس والينه ــــــــــــــــــــــــــــــــــــــ يزيد ومن سمع حجيي نهض سب والدي وسبني بذاك المجلس الميشوم كام يريد يظربني عمـت عيني الدهر لشام عكب حسين دولبني وعگب الخدر ذاك الفات لني بمجلس الشمات يعود النه الدهر هيهات وتعود اخوتي وبالخير تتعمر نوادينه ~~~~ هذا الشام يبن امي مصايب بي شفت كثره شوغه اشد من شوغه وجمرة أشد من جمرة مصايب گصن ضلوعي وحگ ضلع امك وكسره وهسه يالولي جيتك بعيالك واهل بيتك يبن امي تمنيتك عـدل وتشوف حالتنه ونحاچيك وتحـاچينـه ~~~~ جيناك وتمنيناك حي وتشوفنه بعيناك وشوف شلون يتهاون على گبرك نساوينك متگلي يخويه شحال بين عيالك وبينك ماني اختك المضلومه وعيالك المهضومه نمت عنهم فرد نومه شگول نسيت يبن امي عزيزة گلبك سكينه ~~~~ لا والله اعتذر ما اگول اخوي حسين ينسانه اخوي الشرف والغيره وحفظ الخدر من شانه لاجن صار ذاك الصار وبهالحال خلانه اخـوي وما لوه جيده وللذل مـا يمد ايده يخسه العدو وتهديده اخوي بمهجته ضحه وبعياله لاجل دينه •••••••••••••••••••••••••••••••••••••••••• https://t.me/v_vv_v_u

قصيدة: ابوجن مات اداء: الرادود حيدر الفريجي الشاعر: رائد الناشي __ الليله نامو عالتراب الدللونه الليله حارسنه غريب وموش اخونه امس نامو عالتراب الدللونه الليله حارسنه غريب وموش اخونه امس جنه مدللات.. هسه المدللنه مات الليله حارسنه غريب وموش اخونه حسين .. حسين __ امس جنه مدللات.. بهيبه وبعزة نفس وابد مايرضون اهلنه.. وجوهنه تشوف الشمس اليوم طكونه ومشينه.. وشدنه بحبال الرجس دارت الدنيا اعله زينب.. وين هسه ووين امس خويه.. امس تحرسنه السباع خويه هسه وحدي وكلشي ضاع خويه هاذ حال الكل اخوته يفاركونه __ ياحسين.. ياحسين يمي نامن يلا يبنيات اخوي __ الليله نامو عالتراب الدللونه الليله حارسنه غريب وموش اخونه الليله ممنوع البواجي وينزل بسكته الدمع الليله بهداي الونين وصوتجن ماينسمع الماله وادم ماله كلمه ومن يسولف ينمنع والينوح ينوح سكته ويحترك مثل الشمع خويه.. الليله لحد تبجي حيل خويه ننسمع والدنيا ليل وخاف لو سمعو بجينه يشتمونه يمي نامن يلا يبنيات اخوي __ شالو الكلهم محنه.. وصرنه بيد المايحن كبالنه يشتمون اهلنه.. بسوط تنطك التون عدهم المذبوح اخوها.. اعليها ممنوع الحزن واليطك ماعنده رحمه.. وتوجع اسياط المتن خويه.. اعلينه ممنوع النحيب خويه بخيمه والحارس غريب خويه الفاكد شلون اعله دمعه يحاسبونه الليله نامو عالتراب الدللونه الليله حارسنه غريب وموش اخونه __ حرمه متعوبه وجبيره.. ووحدي وماهم هلي هاي اول مره حرمه.. من ال هاشم تنولي كلها نسوان ويتامه.. وحيلي موش الاولي والرباب تريد ابنها.. وليلى مشتاكه لعلي خويه.. حايره وحكي من احير خويه بذمتي زغير وجبير خويه جبيره اختكم والجبير يريد عونه نامو.. الليله نامو عالتراب الدللونه الليله حارسنه غريب وموش اخونه... https://t.me/v_vv_v_u

حسين يا ابا عبد الله حسين يا ابا عبد الله ------------------------------- انه الما بارحت حزنك* وانته الما تركني بيوم انه الساترني من خيرك *وانته السلبوك هدوم يالمداوي جرح كلبي* وكلبك بالطعن ملجوم جنك واحد من اهلي *عسه عشرتنه كون ادوم مطيب جروحي يالمتروس حنيه فدوه لجروحك الاف وتسعميه ------------------------------- انا ما شفتك بعيني * بعيونه الكلب شافك الماي بلا طعم لا لون * لان ما لامس اشفافك الحافر لوله حنيتك * من اول سحكه جا عافك ما رديت حته الخيل* من صعدت على جتافك ما ترد واحد امنيدوس ديوانك حته للخيل بقت مفتوحه ذرعانك ------------------------------- انا اسمي ارتبط بسمك أحس من هل اللقب ازغر الك خادم عليه اهواي *اخذني خادم القنبر يمن فيك عليه اضخين صدك شابع سموم وحر يالمثبتني بالخدمه *صدك من تمشي تتعثر انته الحنيين وما واحد يريدك شلعو الخنصر ويالخاتم البيدك ------------------------------- يغالي محد بكدك * بالطف جرحو حساسه منو مثلك ثلث تيام *الزهره تنوح عد راسه شيسوي الحركو عياله * وهوه بأخر انفاسه شماصد للشريعه يشوف الخيل امطشره عباسه صاحلك بالعمد من هشمو راسه استفردو حسين بعد مايمه عباسه ------------------------------- يبو نفس العزيزه شلون*عشره خيول دايستك شلون اعله رمح مرفوع* ونته بسوك عايلتك يمن شايلتك الزهره * حصيره شلون شايلتك يقائد من عكب عباس *قاد الشمر قافلتك ضلن بحيره لمن راح واليهن والشمر عمدن اعله السوك مر بيهن ------------------------------- حته لو متت أدريك * تسمع صرخت رقيه لو داست عليها الخيل *لو مبيوكه ترجيه صدك سهم الذبح ابنك * خانكلك هوه الريه الله يعينك منتشوف *نار بضهر عليويه ركضن ونار المخيم تجويهن كامت الناس تره تتفرج عليهن ------------------------------- حسين طراد العظيمي https://t.me/v_vv_v_u

(﷽) ✨خدمة محبي باسم الكربلائي تقدم: 📜قصيدة: سامحيني | موقف يهد الرواسي ✒️للشاعر: السيد عبد الخالق المحنه 📌 : ليالي محرم الحرام 📅: ليلة 7 محرم 1436 هـ 🕌: حسينية داود العاشور البصرة ابي الخصيب موقف ايهد الرواسي مر عليه حيرتي من فوگ مهري ابلا ايديه مدري أطيح اعله الوجه مدري اعله ظهري و آنه كل هذا و افكر شنهو عذري سامحيني .. سامحيني ▪️▪️▪️▪️▪️ خويه من گطعوا يميني عاتبتها ظلت املزمه ابقميصي سامحتها من أخذت السيف منها ووگعتها و إنزلت من نهري مسرع گابلتها ها يا إيدي بيج زينب صافحتها بيج انا دگيت صدري من جبتها جن تگلي اوداعة الله امشي قاتل بالعطاشه هالله هالله يا بو فاضل و احملت سيفي بيساري دمي يجري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ گمت أشوف الجيش غيمه يمي يگرب حاصروني و آنه ضامي گلبي يلهب ابهالوضع و آنا ذكرتج خويه زينب اتذكرت مره سألتي و جنه نلعب گتلي لو واحد ضربني خويه تغضب و بوكتها ازعلت منج و الدمع صب اتذكرت هسه سؤالج يالحبيبه أسود ايخلون متنج يالغريبه لو طفت نار الخيم شيطفي جمري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ يختي من طاحت يساري استضعفوني سدوا اعليه طريقي حيّروني اسهام و ارماح و بواتر گطعّوني نمت فوگ الجود و أبجي شاهدوني گالوا اعليمن دموعك ناشدوني من گلت أبجي اعله زينب عذّبوني صوبوا جودي و تبده وباوعت لج و آنا بس بعين وحده اتعذرت لج عاينت وشجم سهم نام اعله صدري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ أشعر بفارس إجاني و هذا حالي گلي انت اتگول انا الما أبالي يالله أدعوك النزالي و القتالي گتله لا يمناي عندي و لا شمالي گلي شنهو الغالي عندك رد سؤالي گتله خدر الفاطميه اهوايه غالي گلي ما يسلم خدرها بنت ابوها بوگعتك نكسر ظهرها و ظهر اخوها و ابتسم لمن تحشمك خويه خدري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ بالعمد لمن ضربني راسي انطر يختي جن الگاع گامت بيه تفتر اهنا صحت يحسين خويه احضر احضر راح أروح و الك الله يا بو الأكبر وگعتي خويه اعله وجهي اتألم أكثر ابعيني سهم العين أسمعه من تكسر يا مهر خبّر عضيدي و ابجي حرگه گبل لا ينقص وريدي أرد أشبگه آخر أنفاسي يضع ثغره اعله ثغري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ بن سعد بالجيش ناده انا أسمعه هسه ظل حسين وحده خل نگطعه حاولت أنهض و أگلهم بيَّ فزعه بس يزينب هيه گومه و هيه وگعه ابلايه شوفي و لا ايديه بيش أنفعه يا الهي رد لي سيفي شوفي رجعه ها يملج الموت سارع بالمنيه خاف أشوف حسين واگع عالوطيه خويه زينب من يطيح حسين احذري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ حسين ناداني يخويه وينك انته و اركضت لاجن يزينب من وصلته الشمر جاثي اعله صدره بعيني شفته گتله يا ملعون أذبحك لو لمسته خويه جنه ما سمعني و حز رگبته و أشعر اتجاهلت ضربتي من ضربته خويه ثاري آنه ميت من إجيته و المهم بسته بوريده و بلحيته ميت و بأمرج بقه مشغول فكري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ نار المخيم شفتها و شفتج انتي و آنه جيت أركض و أنادي و ما سمعتي خايف الوادم تشوفج لو طلعتي من گرب لج الشمر گتله اترك اختي شفت امن السوط طحتي بس وگفتي و الشمر من شتّم أمج انهضمتي يذبح اعتابج يخويه وداعة أمج آنه جسمي اعله الشريعه روحي يمج و الله يا خويه الدموعج أفدي عمري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ الشمر من صاح بسمج انتي جيتي باوعي السيفي يگلج يا سبيتي هذا دم حسين هذا ما دريتي شفتج اتقبلين سيفه و انحنيتي هوه قصده يشوف دمعج ما رضيتي عفيه أختي درتي وجهج من بجيتي گطّع السوط اعله متنج و آنه أنحب ابلا جلد متنج لگيته آه يزينب متنج اشسوه ابدليلي الله يدري و آنا كل هذا و افكر شنهو عذري سامحيني .. سامحيني ▪️▪️▪️▪️▪️ #اللهم_عجل_لوليك_الفرج ◇◈◇⇩..تابعونا..⇩◇◈◇ *💠خدمة محبي باسم الكربلائي💠* https://t.me/v_vv_v_u

(﷽) ⚜️خدمة محبي باسم الكربلائي تقدم : 📜قصيدة: حاله بحزن ننظرها ✒️الشاعر الأديب: جابر الكاظمي حالة ابحزن ننظرها و انقارن مصادرها الأكبر لو نبي إسماعيل يا دم عالرمال ايسيل للوادم يحررها 🔻🔻🔻🔻🔻 نبدي انسلط الأضواء قبل ما واحد ايناشد نفتح للبحث أبواب للباحث و للناقد و ندرس موضع الطاعه بين الولد و الوالد مواقف تربويه انخوض يتقبلها كل واحد و ما بين النبي إسماعيل و بين الأكبر انشاهد رابط معنوي و إيثار ضمن الموقف الخالد وكل منهم عزم عالموت ابنيه خالصة قاصد و كل منهم ابتضحيته تغيير البشر رايد هالتضحيه انحللها وناتج بحث نجعلها وإلـنه ايوضح التحليل يا دم عالرمال ايسيل للوادم يحررها 🔻🔻🔻🔻🔻 موقف مذبح إسماعيل بالقرآن يتوضح تعنى له أبوه و قال يا بني دمك اترشح إله الكون يأمرني وضع نحرك عله المذبح شاءت حكمة الباري يشاهد منحرك يسفح لن ايجاوبه إسماعيل يبويه تعرف الأصلح و آنه اخضعت للتنفيد عن هالأم ما أصفح أصبر عالذبح وأدري رواد الصبر تنجح و أتشرف لون دمي فديه للعرش يصبح هالقصه نكملها ونشرحها و نفصلها ونعرف ناتج التفصيل يا دم عالرمال ايسيل للوادم يحررها 🔻🔻🔻🔻🔻 آلاف الذبح حضرت مثلما شاءت الحكمه خضع للمذبح إسماعيل يريد الموقف ايحسمه و اهنا يسأل السائل يا ايد الإجت يمه ايد امكلله بإحسان و حب و عاطفه و رحمه ايد الأبو التنضح طيب و منها فاحت العصمه ابعكس وادم أياديها ابدافع حقد منتقمه أيادي امتدت اتبايع يزيد و طبقت ظلمه تريد اتوذر الأكبر و تسفك بالظلم دمه و تشهد كربله عنها جم منكر صدر منها أيادي و فهمت كل جيل يا دم عالرمال ايسيل للوادم تحررها 🔻🔻🔻🔻🔻 ما نخرج عن الموضوع نسترسل ابمنواله ليش الباري لسماعيل ذبح الكبش أفدى له راد ابرحمته ايبرهن فرض تطبيق أقواله لا رمح الذي صابه و لا سيف الذي ناله ابعكس موقف علي الأكبر اهنا تختلف هالحاله للأكبر جعل ربنه فرض تتقطع أوصاله يدري لو نزف دمه بيه تتحر أجياله و أصبح واجب اعله احسين يطيح الأكبر اقباله و طاح امن المهر ضامي و جسمه اعله الأرض دامي و اهنا تعرف التأويل يا دم عالرمال يسيل للوادم يحررها 🔻🔻🔻🔻🔻 كل جيل اليجي و ايروح من يبحث عن المصدر يشاهد موقف إسماعيل لاقدم و لا أخر علاقة ولد و الوالد درس للطاعه مو أكثر و من تتذكره الأجيال نادر بيه تتأثر فرق ما بين هالموقف و موقف مصرع الأكبر معارك داميه و اسيوف و خيل امجهزه وعسكر و عطش و امبارز الفرسان و أتعاب و قطع منحر ودم يجري يريد الناس من كل قيد تتحرر و قدم للذبح نحره ابهاي التضحيه الكبره و يعلم محكم التنزيل يا دم عالرمال ايسيل للوادم يحررها 🔻🔻🔻🔻🔻 ذبحوا أشبه الوادم ابجده المصطفه المختار و احسين اعتنه ابلهفه و اعيونه تسيل اعبار شاف الأكبر اموذر و اعليه شابجه الأشفار ناده يا علي يا بني فجعني دهرك الغدار عله الدنيه العفه بعدك يالوجرت قلبي ابنار يا بني و لو ايخيروني عقبك للممات أختار علي يا زهرة اسنيني علي يا شمعة الأنظار علي يالهدمت حيلي مثل يومك أبد ما صار إجيت المصرعك يبني يلكبر قوم جاوبني إجيت أنشد يسبع الخيل يا دم عالرمال ايسيل للوادم يحررها 🔻🔻🔻🔻🔻 #اللهم_عجل_لوليك_الفرج ◇◈◇⇩..تابعونا..⇩◇◈◇ *💠خدمة محبي باسم الكربلائي💠* https://t.me/v_vv_v_u

(﷽) ✨خدمة محبي باسم الكربلائي تقدم: 📜قصيدة: عن الجواد اتسألج العين | والله يا دنيا ✒️للشاعر: علي الخفاجي 📌 : استشهاد الامام الجواد ع 📅: ليلة 1 ذو الحجة 1445 هـ 🕌:مجمع المدينة الخضراء السكني - كربلاء المقدسة 🎶طور: #ازور_سيدي عـن الجـواد أتسألـچ العين .. والـله يـا دنيه تشبه غربته غربة حسين .. والـله يـا دنيه ▪️▪️▪️▪️▪️ يــدنـيـه مـنـيـن أبــدي ويـــاچ سالفتي وجسد تاسع إمام بـلا دفـن شفتي طيحت دمعه من جـفـن الزمن طحتي وظل جسم الجواد بـلا نعش صحتي وين اليشيلون النعش وين .. والـله يـا دنيه تشبه غربته غربة حسين .. والـله يـا دنيه ▪️▪️▪️▪️▪️ يـدنـيــه الـموت من تـتـعـــدد أسـبابه حاسب كـل نـهـايــة عـمـر بحـسـابه والعشيرن عــمـره يـشـيـب أصوابه صـعـب عليه يـفـارگ أهله وأحبابه هـذا الغريب بغـربة البين .. والـله يـا دنيه تشبه غربته غربة حسين .. والـله يـا دنيه ▪️▪️▪️▪️▪️ گضه نحبه غريب وغربته أبموته وأذا لـيـلى سكن مـا ينسمع صـوته لا يــمـه أهـــل وتـشــيــل تــابوته ولا ناعـي نـعـه ولا ناس مبخوته حادي المصايب يحدي لاوين .. والـله يـا دنيه تشبه غــربـتـه غـربـة حسين .. والـله يـا دنيه ▪️▪️▪️▪️▪️ يدنيه الغالي راح وخلصت أيـامه عجيبه الموت ذبل زهـرة أحلامه والسلب حسين وفــرهــد أخيامه رجع ســم الجواد وخان العمامه هاي العلامه بطول السنين .. والـله يا دنيه تشبه غـربته غربة حسين .. والـله يـا دنيه ▪️▪️▪️▪️▪️ كتب قصة حـياتـه الـزمـن بچفوفه يذكر بالحسن كل حـرف بحـروفه وأم الـفضل مـو بالـفضل معـروفه مثل جـعــده حقدها عليهم نشوفه وسط الجوانح تشب نارين .. والـله يا دنيه تشبه غربته غـربة حسين .. والـله يـا دنيه ▪️▪️▪️▪️▪️ يدنيه الغالي غالي ومـا تغـيرينه أذا لـلأجـل راح وغمضت عينه نـتــوادع وداع الـمـوت خـلـينه تـفصال الجـروح مفصله علينه جرح المصايب صار جرحين .. والـله يـا دنيه تـشـبـه غـربـته غـربـة حسين .. والـله يـا دنيه ▪️▪️▪️▪️▪️ تعنت فــاطمه يم گـمــر دنـيـاها وهاي أم الأخـدر تمشي أوي ممشاها يــم نــعــش الـجــواد الـليـلـه شفناها وأرض الــكـــاظـمـيه تـنــوح ويــاها يـم الجـواد أنشوف گلبين .. والـله يـا دنيه تشبه غربته غربة حسين .. والـله يـا دنيه ▪️▪️▪️▪️▪️ #اللهم_عجل_لوليك_الفرج ◇◈◇⇩..تابعونا..⇩◇◈◇ *💠خدمة محبي باسم الكربلائي💠 https://t.me/v_vv_v_u

كعدو اشويه خل نشبكم متعوبين اوردنه الشبكه جا غير احنه اهواي انحبكم وندور ضلينه الملكه لحد يسأل لو متنه احنه حكها اكلوب المتعورات من حركو خيمات اخواني صاحو ذني العلويات وسمع كل الجيش ايسولف خلهن يبجن محتركات عودتونه اوخليتونه ياطف الكاضيته اصياح شوفو امتوني اشلون اتخوف من كد مابسوط الاح وسفه اعليكم هسه اخواني من تالي احجي اويالذباح .... حاجونه انضل لو نجزيكم محتارين ابين اثنين جان احسين اويانه انأمن بس التكتل جان احسين لو ميتين اوياكم اشوه اولا نعطش هالكد الماي اشمحلاه الخويه المن عدكم ماتنمل انحبها اهواي ابيوم العاشر حارت زينب ماضل عد ام عون الراي تعبتونه اوشيبتونه وطفال الشام ايضحكون بحجاره اوماي ايرشونه اومن فوك أسطوح ايصيحون طبت زينب لترحموها هاي اخت احسين ايكولون .... بس روس اوتمشون اويانه كل هذا انتم ماتجفون يخوت زينب طكو زينب وطفال اعليها ايزمخون ترضون انعاتب لو نسكت شافونه اعيون الشمات طبينه السوك اوعرضونه رادو نصبح خدامات احنه المابين ضل لينه تالي انصير المسبيات يافشلتنه ابين الوادم عيد الشام اصبح ودفوف راسك جابو النه اوصعبك ماندري اشناخذ شنعوف باعو هدمك بشجم درهم وبنياتك كلها اتشوف ..... مامتعوده امشي ابلياكم بس الدنيا افترت بينه اعمي اعيوني وما انساكم كل هذا اوحبل بأيدينه مانذكر مره انشافينه اولا طالع من عدنه الصوت كون امخلصه بليله عاشر نبجي لحد ما يلفي الموت ضلت تطلع روحي اوترجع تتنطر شيل التابوت وين المكله اوين الشبكه اوين الركضه اعله التابوت بس واحد ردته اليحضرني احسين اتمنيته الزاتوت ويلف انكابه اويبجيني أومن بجيه أعلي ردته ايموت محمد انور العامري https://t.me/v_vv_v_u

يا قابل الحُر .. أقبلني خادم بداعت رقية .. وضلع فاطم وأتمنى ترضى حسين بيه والمهدي شاهد والزجيه أقبلني خادم ---**--- أغمض العين واتغاضه خجل منك انه المذنب واخاف اذنوبي غثنك اسيوف الحرمت ماي النهر عنك متخيب املهن من يكصدنك حُر الرياحي .. واجهه مصيره وصار اختياره .. تصبح أميره فارغ اجاك بصافي نيه والمهدي شاهد والزجيه أقبلني خادم ---------------- نتعب والتعب لجلك تعب راحه محرم بينه عايش اسود اوشاحه مثل طير ابسجن يتأمل سراحه بلا مجلس يحس متكسر اجناحه طير بقفص جان.. واحزانه حابس صار بخدمتك .. وحي المجالس بدموعي اعيش الغاضريه والمهدي شاهد والزچيه أقبلني خادم ---------------- ليله بالخدامة تسوه الف ليله رحمة بمجلسك للخدم تنطيله تخف اذنوبه مهما جانت اثجيله وبكبره تزوره بوحشة الليله دنيا وبلا حسين .. مانقبل نعيش شيفيد الاجناح.. المايمتلك ريش ماريد عمري بلا هويه والمهدي شاهد والزجيه أقبلني خادم ---------------- أنسلب توفيقي وانه بعازة الدمعة أحرگ گلبي بلكت أبچي وانعة مثل نار الي خلت تدمع الشمعة اريد ابچي بعزائك والطم وانعه وانه بكسرتي .. اسمع بواچي عمه يزينب .. سلبو تراچي هيجت حزني رقية والمهدي شاهد والزجية أقبلني خادم ---------------- اليفوز بخدمتك يمشي بصفا النية الفقير البينه ينطي شربة امية ماعنده وينادي ثواب ابو رقية غيرك ماكو وانته الروح والرية بحالة فقرنه .. ماعدنه غيرك قلة ننطي .. وخجلنه خيرك خدمتك هي القضية والمهدي شاهد والزجية أقبلني خادم الخادم مرتضى عقيل الظالمي ٢٠٢٤ https://t.me/v_vv_v_u

عودة السيده زينب ع يوم الاربعين مـن الـيـسر  يحـسين  لمـن رديـت گبرك ازوره اشلون خويه احتاريت بضعن السبيه .. ماجت رقيه هناك ادفنـتها .. بشام الرزيه …………………………...... رديـت من ذاك  اليـسر  ودمـع  الهـظم اديـره وبروحي كل ذاك الدرب  تاكل يخويه الحيره الگـاك خويه بـيـا وجـه  ياحـسرتي الچـبـيـره ضعـن السبي لمن رجـع   فـاگــد بـعـد زغـيره بذني وصيتك خويه من صار اوداع چنت برقيه توصي وانته عله الگـاع خويه من اجيتك .. ومرمي لگيتك چـانــت  رقـيــه ..  اخـر وصـيـتك …………………………...... بـيـن الهـظم بـين التـعـب  الشفته خويه بـيسري وما بيـن شوگي ولهفـتي  والمستحه الـهـد ظهري والله يبعد اخـتك حرت  شحچي وشگول ابعذري بـس راح اخـبرك مـا جــره  ولله  افــوض  امـري لمن يخويه الراس منك گـطعـوه وبالنار ياخـويه المخيـم حرگـوه خـويه نسبـيـنه .. ولـيه نـوليـنه وياخويه بحبال .. شدوها ادينه …………………………...... اخذونه خويه عله الهزل  وچتفونه وحده بوحده حاديـنـه يحـسـين الشـمر  ذرة  رحــم  مـا عـنـده كـل ساعـه يضـرب نـاگـتي  يوگـعـني نـيـه العنده وبالسوط مـتـني ورمــه  ولا اخــو الـعـنـدي يـرده بنص الضعـن يـتـوسط وضل ايصيح يجنودي زينب كون كل ساعه اتطيح ياخويه بلـوه .. ومتحمله گـوه يضحك علينه .. ويـن الميسوه …………………………...... وللكـوفه رحـت ميـسره  ودارت يخـويه الايـام الچـنت اني اميرتـها گـبل طبـيتها وعندي ايـتام واتعـجبـو زينب تـطب  مچـتـوفه بنت الضرغام من الكوفه كملت السبي  واخذوني خويه للشام والشام اه الشام الـف مـيت اه الديوان ياخويه دخلـته بويلاه بين اليضحكون .. وبين اليشتمون يخويه يحسين .. طبيت انه اشلون …………………………...... طبيت ياخويه القصر  وضل حالي يبچي الحالي وينـظر يزيـد عله الضعن  ويضحك بصوت العالي وگـباله راسـك بالـطشت   ويضرب الراس اگـبالي وما ادري امسـح دمعـتي  امسـح دمــوع اطفـالي كـل ما يطـگ الراس الاطفـال اتـلـوع وگلبي عله راسك يلاخو ضل مشلوع من يضرب الراس .. عيني عله عباس ومابـيـها نخــوه .. وتـفـزعلك الناس …………………………...... وياخـويه من ذاك القـصر  بـيـتنه تالي بخربه لا سگـف بيها ولا ستر  وليلـتـنه چانت صـعبه نامن بناتي من التعب  واني احرس من الغربه وگـعدت رقـيه ورادتك  وجابـولـها الي اتـطلبه جابولها خويه بطشت ذاك الراس وعالراس چان الها اخير الانفاس خويه مصيبه .. تموت الحبيبه هناك ادفنتها .. وجيتك غريبه الشاعر عقيل الحسناوي.. https//t.me/v_vv_v_u

الحسين ع ينعى الحسن ع فارگـني اخـوي وانـه الـه بعـازه شلون اجنازه راح اتشيع اجنازه مــات بفـرگـتـه الحـيل .. ونهاري اصبح عَلَي ليل .. راح اخوي ……………………………… ابن امي الحسن من روحي اعز چان هـسـه اشلـون اصـيـرن لـيــه دفــان واشيله علـه المـتـن ما اعرف اشلون وادفـنـه شلـون بـيدي بحـر الاحسان تمـنـيـته الي الموت .. ولا شـيلك يتـابـوت ومعقـوله وللگبور .. بخوي اصبحت زاتوت مو نعـشه يريت اليـهدل امتوني تمنيت ابمكـانـه اني اليشيعـوني شلون اجنازتـه انشـيل ونهاري اصبح علي ليل .. راح اخوي ……………………………… الچان احزام ظهري واني اله احزام عليـنـه  شلـون دارت هـسـه الايـام مـات وردت ادفـنـه بـس يهـل ناس نعـشـه اهـل الحـقـد صابـوه بسـهام اخوي الحسن سموه .. وتشييعه يمنعوه ويـم جده النبي هناك .. ماقـبلو يدفـنوه بالسم چـبدته ماكـفه مردوها بسهام الحـقد جـثـته صابوها ومن نعشه الدمه يسيل ونهـاري اصبح علي ليل .. راح اخوي ……………………………… شفت چـبده اخوي ابـسم تگـطع والاحـشاء گـامـت شـفـت  تطـلع ومن قـوة الألـم يـتـلـوه يصـيـح وتـطلـع روحـه وي ونـاتـه اسمع وابن امــي تـغـيـر .. وجـهه لونـه اصفر وشفت امي الزچيه .. يم الراس تحضر شفت ام الحسن يم الحسن حضرت اه يـبـني تصـيح وعالـوجـن لـطـمت ويـعـلـه مـنـهـا العـويل ونهاري اصبح علي ليل .. راح اخوي ……………………………… وتـگـابلـنـه انــه وامـي الزچـيه ويم جـثة الحسن نبچي سويه وزينب هـم اجت ويانه تـنحب ويـم راسه نعـقـد مجلس عزيه شكـثر لمصابه نحـنـه .. وعليه اشگـد لطمـنه وصحنه بصوت الاحزان .. يريت اوياك متنه وگتله افتح اعيونك هاي اجت امك گـامـت شـيـبـها اتـخـضـبه من دمك وتـصـيـح بــ أه وبـويل ونهاري اصبح علي ليل .. راح اخوي ……………………………… فتح عينه وبچـه ويصيح يومك ما كـو مـثله ابـد عالغـبره نـومك يذبحـونك يگـلي خـويه عطشان ويگـطعوك ويسلـبونك اهـدومك تضل عالگاع عريان .. تسترك خويه تربان ثـلـث تيام يحـسين .. تـضل ابـدون دفـان راسي  هسه سالم شايلـه بـأيدك وانته السيف باچر يگطع اوريدك وتسحگ جسمك الخيل ونهـاري اصبح علي ليل .. راح اخوي عقيل الحسناوي.. https://t.me/v_vv_v_u

گـوم ياعـباس ونضـر حـالـي بغـربه خيتك ضـاله بـلاوالـي :::::::::::::::::::::::::::::::::::: خويه صوط الشمر فوگ متوني مـن لوجـع عباس بـجى عـيوني خـلاف عـينـك لسـبي يـردوانـي كـوم يحـزام الضـهـار يـالـغـالـي :::::::::::::::::::::::::::::::::::: مـگيدات بـحبال واحـد وذبـيح طيـح وحـده فـوگه كنه نـطيح بصوط يضرب كلمن توان وتصيح خـلاف عـينك ياگمـرنه لـعـالـي :::::::::::::::::::::::::::::::::::: ياكفيـل اضـعون زيـنب ياكفـيل من بعد عينك عدوك بي يعيل ارجـع وعـايـن الحالـي ياخليـل لـذابـحك بـطف صـبح كـتالـي :::::::::::::::::::::::::::::::::::: ادره اجرحك بالحجي لو سولفيت بالخـرايـب كعـدونـه مـن مشـيت خـويه يـحزام اضـهر ما ضلي بيت ومـاكـو عگـبك ضـل الـيه والــي :::::::::::::::::::::::::::::::::::: خويه امشي لشام وي وادم قرب تسب بيه وتشتمك طوال الدرب تصيح وي زينب يعاباس الحرب ونـته راس بـرامـح ياكـافـالـي :::::::::::::::::::::::::::::::::::: حسين رزاق https://t.me/v_vv_v_u

كعدو اشويه خل نشبكم متعوبين اوردنه الشبكه جا غير احنه اهواي انحبكم وندور ضلينه الملكه لحد يسأل لو متنه احنه حكها اكلوب المتعورات من حركو خيمات اخواني صاحو ذني العلويات وسمع كل الجيش ايسولف خلهن يبجن محتركات عودتونه اوخليتونه ياطف الكاضيته اصياح شوفو امتوني اشلون اتخوف من كد مابسوط الاح وسفه اعليكم هسه اخواني من تالي احجي اويالذباح .... حاجونه انضل لو نجزيكم محتارين ابين اثنين جان احسين اويانه انأمن بس التكتل جان احسين لو ميتين اوياكم اشوه اولا نعطش هالكد الماي اشمحلاه الخويه المن عدكم ماتنمل انحبها اهواي ابيوم العاشر حارت زينب ماضل عد ام عون الراي تعبتونه اوشيبتونه وطفال الشام ايضحكون بحجاره اوماي ايرشونه اومن فوك أسطوح ايصيحون طبت زينب لترحموها هاي اخت احسين ايكولون .... بس روس اوتمشون اويانه كل هذا انتم ماتجفون يخوت زينب طكو زينب وطفال اعليها ايزمخون ترضون انعاتب لو نسكت شافونه اعيون الشمات طبينه السوك اوعرضونه رادو نصبح خدامات احنه المابين ضل لينه تالي انصير المسبيات يافشلتنه ابين الوادم عيد الشام اصبح ودفوف راسك جابو النه اوصعبك ماندري اشناخذ شنعوف باعو هدمك بشجم درهم وبنياتك كلها اتشوف ..... مامتعوده امشي ابلياكم بس الدنيا افترت بينه اعمي اعيوني وما انساكم كل هذا اوحبل بأيدينه مانذكر مره انشافينه اولا طالع من عدنه الصوت كون امخلصه بليله عاشر نبجي لحد ما يلفي الموت ضلت تطلع روحي اوترجع تتنطر شيل التابوت وين المكله اوين الشبكه اوين الركضه اعله التابوت بس واحد ردته اليحضرني احسين اتمنيته الزاتوت ويلف انكابه اويبجيني أومن بجيه أعلي ردته ايموت محمد انور العامري https://t.me/v_vv_v_u

واويلاه .. يلمجتبى ‏واويلاه .. يلمجتبى ‏....................................... ‏الحسن ياحيدره چبده اعتصر ‏وكلبه من السم صبح مثل الجمر ‏وزينب الحوراء مدمعها نهمر ‏وعيلتك هليوم صاباه الكدر ‏الحسن مسموم يامولانه ‏....................................... ‏يا غريب الدار يا سبط الرسول ‏موتتك يبن المضايف والوصول ‏خلت الأكوان تمشي في أفول ‏والحزن باين على بنت البتول ‏الدنيا كلها بحسن حزنانه ‏....................................... ‏بّطشت أخوها منظر يفت الحجر ‏وزينب تلوج وتجر ونه وقهر ‏تصيح يا جدي انكسر مني الظهر ‏من بعد حيدره عادانا الدهر ‏ريتك تشوف الجره ويانه ‏....................................... ‏وصوبوا نعشه يويلي بالسهام ‏وظلت عيون الأنام بلا منام ‏يا حسن يبن الصميدة والكرام ‏نوّحت لجلك ملايكة السلام ‏عيون عباس بحزن غضبانه ‏....................................... ‏يا كريم الآل يا شمس الضياء ‏شلون غابت باللحد روج البهاء ‏تنوح لجلك كاعها وويّا السماء ‏والمحب ينحب بآهات وبكاء ‏والمدينة اليوم تبچي ويانه ‏....................................... ‏شيّعوا جثمانه بالدمع الحزين ‏وزينب تنوح بحزنه والأنين ‏يا غياث الخايف وحصن الحصين ‏تنعى إلك هاليوم كل المومنين ‏وشيعتك يبن الوصي حيرانه ‏....................................... ‏16/6/2026 ‏كلمات الشاعر ‏احمد العبادي https://t.me/v_vv_v_u

أبطال هجت ::::::::::::::::::::: أبطال هجت من برز مقدامها وكام ينهال الثرى من اجدامها =============== شد على الميمون واعلن بالوفة هب ابو فاضل مهب العاصفة شبه حيدر بالوغى يوماً لفة خيل كردسها وفتك باأزلامها الخيل كردسها وطوى اعليها الغبار واطبك العسكر يمين اعلة اليسار رجال بيد ابن الفحل صارت نثار من احتزم راعي الشيم لعدامها =============== من احتزم راعي الشيم يوم الطفوف غدت تطاير مع الروس السيوف وامتلة الوادي بجثث ذيج الالوف التي شدت ضد اخوها احزامها حزام شدت للحرب تنصر يزيد ثار من حسين وعياله تريد تدعي بطعنة علي بگلب الوليد هبد معبدها وجميع اصنامها =============== صال ابو فاضل عليها من الشمال واعزل الجيمان بالصارم عزال يغير ومن الخيل يگطف بالرجال طاحت سيوف الكفر واعلامها وزجر وارعد واغضب ورفرف لواه وشتت السبعين الف شت الشياه خله ناس من الطعن ترفس وراه وناس تركض والنهر جدامها =============== بكل عزم عاود گمر هاشم يهيل شوگ للعطشان ويساجي العليل وشبح وياها وصعد واشفى الغليل وكشف عن ذيج الوجوه الثامها كشف عنها الثامها وشال الغطاء والقلوب محملة حقد وبلاء وهزهز الكوفان كلها وكربلاء وضجت الخوفة بشوارع شامها =============== آه ثم الـ آه صابوا جربته ياعلي وكطعوا يمينه ويسرته وسهم والعامود صاب بهامته وطاح وارتجت عليها اسهامها طاح راعي الجود مثجل بالسهام صاح خوية حسين الك مني السلام وغاص ابو السجاد باأوساط اللئام وكص حوافر خيلها ودك هامها =============== الملا : سيد فاقد الموسوي الشاعر : عدنان الغزي https://t.me/v_vv_v_u

قصيدة / يحسين زينب لفت اداء / سيد فاقد الموسوي يحسين زينب لفت حيهم يواليهه ... ـــــــــــــــــــــــــــــــــــــــــــــــــــــــــــــــــــ مهضومه ومشتمه ومحترگه من الشمس ومتونهه اتفرهدن والسوط ماذيهه تعبهه درب اليسر بت حيدر وعوّدت مشتاگه لهل الخدر وتريد اهاليهه وتصيح يافزعتك يحسين ومروتك رد راسك لرگبتك لو راس ما بيهه يحسين زينب لفت حيهم يواليهه ... ـــــــــــــــــــــــــــــــــــــــــــــــــــــــــــــــــــ نسوانكم عوّدن حمر العبي من الشمس شوفلهه خيمة ستر خل تستتر بيهه يحسين بعده الضعن بي روح من الخدر كض كربله من القهر لا تنخسف بيهه مشتهيه منك هله يل نايم ابكربله كوم احسب العايله خافن نقص بيهه يحسين زينب لفت حيهم يواليهه ... ـــــــــــــــــــــــــــــــــــــــــــــــــــــــــــــــــــ عگب الخدر والخيم بين العرب والعجم كلما تطيح الحرم تتفرج اعليهه يحسين تالي اصبحت بين الفشل والشمر وعيوني اجيتك دمه ودخان عاميهه تعبني درب اليسر يحسين فك الگبر وبكربله اخذ العمر ماريدن اجزيهه يحسين زينب لفت حيهم يواليهه ... ـــــــــــــــــــــــــــــــــــــــــــــــــــــــــــــــــــ چم آخ يمك صحت بس ماگمت يالمتت يل گتلي بيدي الخدر بحبال تاليهه يم راسك ولا صحت ينلچم نحرك خفت بس هسه يم الگبر خل چلمتي احچيهه يم راسك اتشتمت بالسوگ وتعثرت وركاض گمت وطحت والشيله الف بيهه يحسين زينب لفت حيهم يواليهه ... ـــــــــــــــــــــــــــــــــــــــــــــــــــــــــــــــــــ يحسين رد الضعن بس مو ضعن حيدره ولا زينب ام الخدر فرگاك سابيهه بلكوفه واعله الهزل لاهودج ولاستر ورايه بيد الشمر يمي ويهز بيهه وصارن تراچي الخدر حصت بنات الشمر بس وگفتي الـ بالقصر ما اگدر احچيهه يحسين زينب لفت حيهم يواليهه ... ـــــــــــــــــــــــــــــــــــــــــــــــــــــــــــــــــــ يحسين ماتنوصف بالكوفه من طوحوا بين الشتم والطبل ضعنه بنواحيهه يحسين ماثغبت هسه ارد اثغب بعد والگطره البگصتي هسه ارد ابديهه ماثغبت من حدو واتوزرت من مشو بس يم اخوتي الغفو عصابتي ارميهه يحسين زينب لفت حيهم يواليهه .. https://t.me/v_vv_v_u

السلام على زيد الشهيد ع طال  بعدك  سيدي  شنحمل بعد وزيد عمك  منه مصلوب الجسد ======================== زيد بسيوف الظلاله امن انصرع اربع اسنين انصلب فوگ الجذع وراسه مثل حسين بالرمح ارتفع واحنه منك  ثاره   نطلبله  الوعد وزيد عمك منه  مصلوب  الجسد ======================== ثـــورته  رسـمت  ملاحم  للحياة مثل جده حسين ثار اعله الطغاة الـــف   لا للـــذله  يــهتف  للـــماة وصبح  عنوان  وحياة   ومعتقد وزيد عمك منه مصلوب الجسد ======================== گوم شوف  بعينك  الصار   وجره مثل جده  حسين گطعوا  منحره عليك  عبد الله   وابوه   وخنصره أظهر وتلگانه الك عون   وسند وزيد عمك منه  مصلوب  الجسد ======================== مثل راس حسين راسه اعله الرمح وجهه نور تگول چن شمس الصبح كلف جرحه  ومايضاهيه  كل جرح راسه  يفتر  من   بلد  گام   لبلد وزيد عمك منه مصلوب الجسد ======================== مــنظره  يلــمنتظر  كــلش   فجيع يون فوگ الغبره  مذبوح   وصريع راسه عن الجسد ظل دامي وگطيع والحزن  ثاني   صفر   بينه  نولد وزيد عمك منه مصلوب  الجسد ======================== يرف  بيدك  يمته   يلمهدي  العلم جبهته   صــابوه   عمك   بالسهم وصدره مثل حسين رضوه ونهشم وگلب يحيى عليه چم مره انمرد وزيد عمك منه مصلوب  الجسد ======================= الشاعر احسان الحميداوي https://t.me/v_vv_v_u