قصص عراقية، روايات، واتباد،فصليه

ادخلوا اضحكوا عالبصرة حتى اكمل القصة الكم 🤭 https://vt.tiktok.com/ZSVRBuGH3/

ادخلوا اضحكوا عالبصرة حتى اكمل القصة الكم 🤭 https://vt.tiktok.com/ZSVRBuGH3/

ادخلوا اضحكوا عالبصرة حتى اكمل القصة الكم 🤭 https://vt.tiktok.com/ZSVRBuGH3/

يز مال نصبة بس الله كريم ضربه خالو على زنده يضحك وشغل السيارة ، وصلنا ما طب للفرع ذبني ؏ الشارع العام وگال راح ننتظرچ قريب من المنطقة بس تخلصين إتصلي عليَّ نجيچ تمشيت بسرعة وصلت للبيت دگيت الجرس أقل الدقيقة فتحت لي أميرة نزلت الكمامة أريد أبوسها بلكي هيچ اطلع مصابة وأنقل لها المرض .. دفعتني حيل - وچ بيبي هيَّ مال بوس متشوفين بالدنيا شديصير - لتخافين اني ما اطلع ولا واحد يطب عليَّ منين قابل أنصاب من الحايط دتعالي خل أبوسچ - وخري يمعودة لطشتِ - والله ما أوخر أبوسچ يعني أبوسچ ظلت تدفع بيَّ ما بعدت إلا بعدما بستها وشلون بوسة سلچت بـ وجهه بحيث لعبت نفسها وراحت تغسل فتتت مروان گاعد .. سلمت عليه قبل لا أتقرب أبوسه صاحت أميرة بالنعال إذا تدنيتي عليه - لا خلص ما أبوسه اصلاً اني أخاف عليه - يلا رايحة ما اطول ساعة وأرجع ديري بالچ عليه زين - من عيوني بيبي لتوصين حريص بس حچيتها طلعت .. انتظرت وقت مو قليل في سبيل اتأكد راحت وبعد مترجع بعدين سحبت الكرسي گعدت يمه باوع لي بـ تعب .. اتصنعت الإبتسامة - اي بابا شلونك - تعبان - حقك والله ، اگول انتَ همْ تخاف من الموت ؟؟ - منو الما يخاف منه - صح بس اني متأكدة راح تتعالج حچيت لك ويا نيار وسأل هناك دكاترة كلش معروفين گالوا هالمرض مار علينا واله علاج بس بقى ننتظر الحدود تنفتح واني بنفسي أسافر وياك منرجع إلا وانتَ واگف على رجلك - الله يسمع منچ حبيبتي - آمين بس انتَ عندك فلوس إذا ردنا نسافر لو لا - اي عندي - زين لعد شوف شنو هذه - شنو سحبت الشيشة من جنطتي ورفعتها فوگ بطنه مباشرةً - تعرف هذه شنو - ورد !!! - اي ذكي عرفت شنو أريد اگول قبل لا افتح حلگي بس اللي متعرفه هذا تيزااااااب ، يعني نقطة وحدة منه تنزل على احشائك تصير في خبر كان وتموت أبشع موته بالتاريخ مستعد تواجه هالمصير لو فعلاً تخاف من الموت وراح تنفذ كل شي أطلبه منك بالحرف الواحد وبدون ما أسمع لك صوت..... يتبع..

بض ، نببببببببض اني ويامن داتكلم يمعودة - ها يروح نبضك بس اصبر شوية - شنو گاعد تسوين إلچ يومين نايمة على الموبايل ما جاوبته مو وياه اصلاً ، تقرب مني سحب الجهاز من إيدي يقرا بالبارت طفرت بسرعة اريد أخذه لأن واصلة للقطة رومانسية البطل والبطلة متزاعلين وويا صلحهم الله سلط آريان عليَّ .. - هذه شنو دتقرين ولچ !!! - قصة والله شبيك بس انتَ قريت من النقطة الحرجة - أول تالي تدورين هالسوالف - عادي والله شبيك رجال ومرة ديتصالحون هسه انتَ عفت قهر البارتات كلها ومشاكلهم اللي صايرة من الروس وما اجيت إلا ويا ما صالحها هوَ هذا همْ حظي - شنو هذا احچي لي - شرحت له عن التطبيق بشكل مُختصر .. - اتركيه حبيبي مُطالعة الكتب تفيدچ أكثر هذا شيسوي غير بس يتعب لي هالعيون الحلوة - لا والله القصة كلش حلوة وبيها أمور مفيدة لتشوف هالموقف عبالك كلها هيچ ترى الشيخ عاقل بس هوَ حاله حال أي رجال غيره رزن گدام الناس طفل بين إيدين محبوبته يعني شلون انتَ بالضبط يم نبضك تتحول غير ذاك الأستاذ الجاد المتطلع الضحكة منه إبتسم رافع حاجبه وإندار يغير ملابسه ، مباشرةً رجعت للبارت بعدني اقرا وصلت للنهاية والضحكة تارسة وجهي بسبب رومانسية الشيخ حسيت عليه گعد يمي سحب الجهاز من إيدي قرا الموقف بعدت نظري خجلانة - منقصة مشاعر حبيبي - لا عزة شنو هالحچي اكيد مو هيچ بس يعني موقف حلو ولطيف طبيعي أبتسم بالنهاية احنه البشر عبارة عن كتلة من الإحساس نتأثر بـ أبسط المواقف - تعالي خل أتغزل بيچ إلا تنسين هالشيخ ورومانسيته - هههههههه گدها عمري ليش اكو واحد يلحگ آل ناصر بالغزل بس خليني أكمل البارت وصلت للنهاية - اصير لچ بارت واصير لچ البداية والنهاية مو تتدللين - حبيبي بس اسمع ههههههه لحظة بس جيب الموبايل - اشششش الإعتراض ممنوع حچاها و باسني يا بارت يا قصة لثاني يوم الصبح يلا گدرت اقرا التكملة اني وأغير ليمام ومن يومها وصار الواتباد عدو آريان فني أدخل البرنامج وهوَ موجود گبل يشغلني بقربه مني ويا ويلي لو حاولت اتحرك لو اسحب الموبايل من يمه لحظتها آكل رزالة مؤدبة تسوى عمري كله لو يزل مثل العالم همْ أرحم من هالأخلاق الزايدة اليجبرني بيها أخجل حتى من نفسي ورد.. مرض بابا المجهول بدا يتفاقم بشكل مو طبيعي وصل لمرحلة بطنه تآكلت والأحشاء طلعت للخارج منظر بشع مستحيل اكو واحد يگدر يتحمله بحيث صار ميگدر يتحرك من مكانه خطوة وحدة والحاجتين صارت جواه لو ما أميرة تداريه ما اعرف شلون حتكون حالته ساعتها ، محد عرف هالمرض الغريب شنو نوعه قسم يگولون بكتيريا سامة والقسم الثاني گالوا سرطان نادر أما الباقين فـ ما گدروا يشخصون هالمرض تشخيص عَيني واكتفوا بأنه عبارة عن مرض غير مألوف أسبابه غير معروفة وعلاجه مفقود بقيت أتردد عليه بـ إستمرار كل يومين و الثالث بحيث أميرة ماتت عليَّ من كل عقلها اني أزوره محبةً بيه ما تدري بالضيم الدينتظرها هيَّ وابنها بس منتظرة يحين الوقت المناسب حتى أضرب ضربتي القاضية وألعبها ويا مروان صح اليوم الصبح واگفة أرتب بـ غرفتي رن موبايلي أميرة دتتصل جاوبتها طلبت مني اجي يمهم حتى ابقى ويا أبوية بين مـ تتسوگ وتجيب الراتب ساعة زمن وترجع بس سديت الخط منها إتصلت على خالو .. - جيب البشارة الثگيلة حبيب گلبي - وعليكم السلام ورحمة الله وبركاته ، الحمد لله بخير خالو اسأل عنكم انتِ شلونچ أمورچ صحتچ أحوالچ - اي دعوف هالبسامير الرسميات راحت من چانت الزفة ركض والعروس تنزف ؏ المطي وعربانة الغاز كوشتها شنو بعدك تتعامل ويا شيطاين هالوقت بأخلاق الجيل الطيب وين نايم صحح أبوية انتَ صحح - استغفر الله مو لسان طرگاعة وطاحت على راسي ما تگوليلي شنو متريگة من الصبح .. راس باچة - لا راس زمال المهم هسه ابشرك لو لا - بشري - صار الوقت حتى نقضي على مروان نهائيًا - شلون ؟!! - راح أختلي بيه ساعة تقريبًا لأن أميرة تريد تطلع من البيت تتسوگ وتعوفه يمي ، فرصتنا الوحيدة خالو - يعني هسه راح ترحين - اي نعمممم - يلا اني ويا صادق دقائق ونصير عندچ تحضري بسرعة - تمام انتظركم مو تتأخرون سديت الخط منه وغيرت ملابسي ؏ السريع ، ماما من عرفت راح اطلع ظلت ترزل بيَّ كورونا والوضع كلش مو تمام بس البايع روحه يطلع للشارع ، گوة قنعتها رايحة ويا خالو نشتري ملابس ليمام وهمْ ما سكتت لبست كمامتي وطلعت أركض عفتها وراية تدردم .. فتحت الباب عمو صادق گاعد ويا خالو بالصدر لوحت لهم بالسلام وصعدت مبتسمة ورد.. شلونهم عصابتي الحلوين صادق.. هلا بالزعيم ناصر.. هاچ ألزمي و على إتفاقنا مو ترتبكين و تضيعنا ورد.. أطمن يخال دانتَ وراك رجالة تاكل الزلط ناصر.. والنعم من شاربك أبو جاسم ورد.. هسه انتَ دتعيرني غير الصالونات كلها معزلة محد تقبل تحف يخافن من كورونا وبناتك فاهيات قرن صار لهن من تزوجن وما بيهن وحدة تعلمت الحفافة صادق.. غطيهن بالكمامة بعد عمچ ستر الله عليها سترت شوارب البنات بـ هذه الفترة ورد.. خو سويتوني م

كل عام وانتِ بخير قمرنا وإذا تكرمتِ ووافقتِ على طلبي راح آكل وأخذ العلاج نرجس.. وافقي خايبة شگد عنودية بس تعرفين بناصر أعند منچ وإذا ما وافقتِ يموت وما ياخذ العلاج عطاء.. خليچ محضر خير خالة مو دومچ صافة وياه نرجس.. اني ويا قمر ناصر ناصر منو واصف وياه عليچ عطاء.. يلا خوية أبو حيدرا تفضل أكل بس گالت خوية باوع لها صفح لو ما وجودنا يمهم الله اليعلم شنو كان رده عليها بعد هالكلمة .. عطاء.. ها شبيك صفنت بـ وجهي !! شنو ما راح تاكل ناصر.. لا عطاء.. على راحتك بالنهاية متضر غير نفسك أبو حيدرا الله يشافيك ان شاء الله حچتها وگامت ردنا توسلنا جايبة الغدة وياها بس خل تاكل ؏ الأقل قبل لتروح ماكو عاندت مثلها مثله شلون اثنين ينضرب بـ عنادهم المثل مستحيل واحد ينافسهم بـ هالصفة المكروهة عبالك إنخلقت مخصوص علمودهم وهيچ خابات آمال ناصر من جديد ، رغم مرضه الشديد بـ هاليوم لكن ما گدر إلا ما ينفذ وعده الوعده لها من أول ما رجع وشافها ، كل سنة تمر من عمرها راح يرجع يطلب إيدها حتى لو كان يمر بـ أصعب اللحظات وأشد الظروف بس حتى يثبت لها ما عنده بشر أهم من عندها بالدنيا ولأخر لحظة من عمره يظل شاريها بـ عمره نبض.. ما اعرف حظي بـ أي طينة نايم ، نويت اتحضر للماستر صارت المظاهرات وعطلت الجامعة گلت مو مشكلة خل اعوف الماستر هسه واطلع هوية النقابة هوب اجت كورونا صفح ووگفت العالم أجمع على تك رجل لا والمصيبة وين نيار وأهله انحجزوا بـ تركيا بعدما إنغلقت المنافذ الحدودية بينها وبين العراق عشق هنا تخبلت هيَّ متصدگ الأيام تمشي حتى يرجعون بالسلامة قبل ليتقدم حملها هسه قربت الولادة والوضع مشتعل نار يعني مستحيل ينحل بشهر وشهرين الصبح غيرت ملابس يمام حطيته على چربايتي وجبت الجهاز إتصلت على مرت خالو مكالمة فيديو ووجهت الكاميرا عليه ثواني وفتحت قمر الخط - هلو ماما شلونچ ؟؟ اني مشتاق لچ مووووت - يبعد روح أمك اروح فدوة لـ هالوجه الحلو اخ يا إلهي شوكت ارجع وأضمه لگلبي راح اموت علما ألمسه - هانت قمورة ما ظل شي ان شاء الله خليچ متفائلة - يا رب ، بزونة حبابة خليه يناغي - اي تتدللين ، يلا يمامي گول أغو أغو .. ضحك بصوت - يعمريييي باوعي الله عليچ شلون ديضحك - انتظري بعدچ ما شفتِ شي بعدت الجهاز عني غطيت وجهي بـ إيدي وصرت اسوي دييي . . خرب ضحك شوية وانطلق بالمناغات بعدنا صافنين على جماله گال : بب با نبض.. بب با شنو ولك گول ماما حچيتها وباوعت لقمر إبتسمت إبتسامة مليانة حُزن .. - من شوكت يگول هالكلمة - صار له أسبوعين تقريبًا - وألمن گالها - مو لأحد هيچ عادي يعني همَ الجهال شنو عدهم غير الأغو وبابا وماما أول ميبدون يتعلمون الحچي حچيت هيچ حتى لا اضوجها بس بالحقيقة من گدما تعلم على أكبر حچاها اله للمرة الأولى وبعدين صار كلما يشوف آريان يضحك ويگول بب با لأن تعلق بيه كلش أما كلمة ماما لسه ما گالها ويمكن السبب بيَّ ابد ما كنت اگول له ماما لأن ما ردته يحچيها إلي ومن تجي قمر تشوفه متعلق بيَّ وكأنما اني أمه الحقيقية مو هيَّ ظلت تحچي وياه إلى أن تعب .. بچى لأن جاع سحبت الموبايل من وجهه على وجهي باوعت لها مبتسمة - يلا ماما صار لازم نروح نشرب الحليب البطون جاعت - شكرًا نبض .. شكرًا على تعبچ وياية و ويا ابني يمام بعد كل شي سويتيه علموده صار ابنچ مو بس ابني - شـ سويت يمعودة صح أكثر شي يمي بس ترى كلهم ممقصرين عشق ورد آريان خالو ناصر وخو بيبي النهار كله حاطته بحضنها وتناغي وياه لو ما هيَّ مستحيل لسانه ينطلق لـ هالدرجة ولا مو بس هيچ دوم تحچي له بيچ يعني من تجين راح يعرفچ اكيد - شكرًا الكم كلكم و شكرًا الچ انتِ بالذات على سهرچ وتعبچ وتربيتچ ليمام بـ غياب أمه - تتدللين انتِ وياه ليش شـ كم قمورة ويمام عندنا - الله يرزقچ بالطفل اليفرح گلبچ بجاه غربتي و تعبي - آمين ربي ، ويرجعچ لحضن أهلچ و وليدچ بالسلامة إبتسمت بـ حب .. لمست خدها من الشاشة اضحك ونهيت الإتصال الأيام تمشي بـ ملل مو طبيعي ماكو شي اسويه يمكن لوما يمام اطگ من قهري ، اليوم داتصفح بالفيس صار گدامي بيج ناشر منشور مكتوب بيه عنوان قصة ورقم البارت صراحة ما كنت اعرف شنو يعني قصص عامية بس بعدما دخلت عليه وقريت جزء من البارت عجبني الموضوع نزلت للأسفل أدور على بداية القصة وصلت للبارت الأول بديت اقرا بـ شغف إلى أن انتهت باوعت بصدمة بس هذه ناقصة دخلت ؏ التعليقات كاتبين ننتظر ويلا شوكت البارت انطيت رد على تعليق أحد المتابعات اسألها عن تكملة القصة ردت أخذت وانطيت وياها بالكلام لحدما تعرفت ؏ الواتباد عن طريقها نزلته وراسلتها خاص علمتني عليه حفظت القصة بالمكتبة وصرت اتابع ويا تنزيل الكاتبة بالليل نومت يمام بـ غرفة عشق ورجعت لغرفتي انتظر البارت ينزل ، وصلني الإشعار فتحته بسرعة بعدني مندمجة بالقراءة سمعت صوت الباب إنفتح سلم آريان مدري شجاني حتى ما رديت عليه السلام فاصلة كلش بحيث اسمعه بس بالي مو يمه نهائيًا - نبضي ، ن

ر عنده علم يلا استعجلي لي بوية بس راح دخلت أركض جهزت نفسي خلال خمس دقائق مو أكثر ، طلعنا سوى الطريق كله جسمي ينفض نهائيًا ما عندي إستعداد أواجههم سوى بس شـ اسوي إنجبرت صار لي بالشهرين محرومة من شوفة ابني وصلنا .. دگ خالو الباب طلع راكان سلم علينا ودخلنا بس فتت للصالة صارت رينا بـ وجهي ما اعرف شـ صار لي من شفتها !! هالإنسانة أكثر وحدة أذتني من بعد أبوية حتى المرض الكان ماكل ملامحها الحلوة ما گدر يخمد الحقد الشايلته بـ گلبي إتجاه هالمخلوقة مُتيم كان بصفها گاعدين سوى ومتحاضنين بس شافني گام ديركض عليَّ لزمته من إيده تمنعه يوصل لي هيَّ سوت هالحركة لو عقلي طار ، تقدمت عليها بـ عصبية دفعتها وگعت ؏ التخم گامت بسرعة الشر يتطاير من عيونها دترجع لي الدفعة صار راكان بيناتنا عشق.. اسمعيني لچ لتشوفيني سكتت لأن گلت خطية مريضة ترى عملتچ الناقصة انتَ وهذا مستحيل تنسي وإذا اني ما أخذت حقي منكم بالدنيا رب العالمين راح ياخذه بالأخرة من بين عيونكم الصلفة رينا.. شـ تريدين ليش اجيتِ مو هياتچ حامل وكلها كم شهر ويجي الطفل اليعوضچ عن حرمانچ لاحگتني على مُتيم اللي هوَ ابني واني أحق بيه منچ عشق.. لا والله على أي أساس انطيتِ لنفسچ هالحق رينا.. لأن اني الربيته وتعرفين الأم التربي مو التجيب عشق.. اي مو بمزاجي انطيته إلچ تربيه شحال لوما انتِ ورجلچ شردتوا بيه مثل الحرامية وحرمتوني منه سنين وسنين تالي غصبًا ما عليكم رجع لحضني لا ومو بس رجع زرعت جزء مني وبيه بحيث بفترة بسيطة حن عليَّ الطفل وصار يحبني حتى أكثر من حبه ألكم راكان.. لتحچين هيچ گدام مُتيم عشق.. اسكت انتَ ترى گوة لازمة اعصابي عنك رينا.. شوفيه وروحي بسرعة كافي تسممين عقله بهذه الأفكار احنه أهله أما انتِ فـ لا شيء بالنسبة اله عشق.. لچ اني أممممممممممه ، أمه اليحمل دمها واللي من تمرض وگفتوا عاجزين تساعدوه بدونييييي زفرت الهوى أستغفر بـ صوت واضح : ما اگول غير بس حسبي الله ونعم الوكيل بيچ وبيه ، حسبي الله بيكم على كل لحظة وجع حسيت بيها وعلى كل دمعة حارة نزلت من عيني وعلى كل ليلة تمددت بفراشي والنوم مجافيني أفكر وين بنتي وإذا صدگ ماتت لو لا راكان.. عشق عشق.. للمرة الأخيرة أعيد واگول انتَ بالذات تسكتتت مُتيم.. ماما عفية لتصيحين على بابا باوعت عليه أمسح بـ دموعي لو ما انتَ مستحيل أتحمل وجود هالأشخاص بحياتي بس لخاطرك داضحي راكان.. اگعدي يلا مو جاية تشوفيه عشق.. أريد أنفرد بـ ابني رجاءً أخذ مرتك وروحوا منا سحبها بالگوة متقبل تتحرك بس راحوا گعدت حاضنة مُتيم شبعت بچي ابني هذا شنو اجي اشوفه مثل الخطار وشنو مرة ثانية تطالبني بيه بـ كل صلافة مُتيم.. ليش دتتعاركين ويا ماما وبابا عشق.. بعدين تفهم تجي وياية للبيت كم يوم وأرجعك مُتيم.. اي اجي بس اخاف همَ ميقبلون رفعت عيوني على خالو افتهم عليَّ بدون ما احچي .. إتصل على راكان اجى قنعه ناخذه أسبوع ويرجع وافق لأن ميگدر يعاند خالو حتى ليتصادم وياه بعدين وفعلاً ظل يمي 10 أيام ، الفترة اليبقى بيها عندي أحس روحي ترجع لي حتى أصير اشتهي أكل وأطلع واتشاقى واسولف بـ إختصار ترجع لي عشق الفقدتها من يوم ما ولدت ابني للدنيا و أخذوه مني بدون ما ألمسه بداية شهر الثاني بـ يوم ميلاد ماما تحديدًا صبح خالو مريض بشكل ، بسببه حتى ما گدرت اروح للدوام الصبح حاولت وياه يتريگ حتى ياخذ العلاج ماكو عاند أخر شي بيبي هددته بـ ماما عود فاد لا والله ظل على نفس عناده گامت إتصلت عليها حچت لها الوضع ماما گالت لتطبخون اني راح اسوي الغدة واجي اجبره ورى الصلاه مباشرةً اجت الجدورة بـ إيدها ، انطتنياها گالت صبوا له ماعون وجيبولي اياه للصالة ، رحت اني صبيت لأن نبض مشدوهة بيمام ، دخلت للصالة ماما دتحچي على خالو لأن معاند ميقبل ياكل نرجس.. شلون بيه يربي راح يجلطني بـ هالعناد ناصر.. ما اشتهي ما أحس بـ طعم الأكل شنو قابل جبر خلوني على راحتي كافي تلحون عطاء.. اي تجبر نفسك مو نظل نتوسل بيك مثل الطفل ورد.. شبيكم يمعودين ما عرفتوا خالو ديتدلل عليكم عوفوه كم ساعة إذا ما لگيتوه بالمطبخ غاط راسه بنص الجدورة من الجوع ما اطلع اسمي ورد وأذكركم ناصر.. واني راح اگوم أغط راسچ بنص هالماعون ورد.. ها خالو ليش لأن گطعنا رزقك مو .. تحچي وتغمز ناصر.. شلون راح اگوم اطفي عينها ، ولچ بطلي صلافة ورد.. بلا بشرفكم هذا شكل واحد مريض ، عيني عطوة من الأخير هوَ سحلچ لهنا متعمد تعرفين ليش ناصر.. اي ما راح أكل إلا إذا وافقت تتزوجني ورد.. هاچ شفتِ بعد شتردين ست عطاوي طلبچ بأنواع الطرق وبكافة الأماكن بالبيت الجديد بالحديقة بالوادي على فراش المرض سنة التجي يطلبچ على سدية المستشفى ان شاء الله والسنة الوراها على دچة المغيسل وعرسكم بالجنة احلى عيناي ناصر.. احنه ودنغسلچ اكيد ورد.. اسم الله ان شاء الله اليكرهوني ويتمنولي الموت عطاء.. يلا عوفوا هالسوالف وأكل حتى تاخذ علاجك ناصر.. ترى ما گاعد اتشاقى ،

سونار بالمستشفى ، إتصلت على نيار ردته يكون وياية ؏ الخط ساعة الأعرف جنس البيبي بس للأسف طلع مشغول ويا قمر اعتذر مني وگال بس اطلع من عند الدكتور أتصل عليچ ، سديت الخط وتوجهت للنسائية گعدت أخذوا لي سونار طلبت منهم ميگولون الجنس ويكتفون فقط بكتابته داخل السونار خليني اعرف ويا نيار بنفس اللحظة حتى تظل ذكرى حلوة بيناتنا بـ أول طفل يجمع بيني وبينه راجعة من الردهة دامشي بالممر سمعت اسم نيار على لسان شمم رجعت بـ خطواتي باوعت داخل الغرفة دتحچي بالموبايل والإبتسامة تارسة وجهها ، إنصدمت اني گاعدة هنا انتظر مكالمته وحضرته منطلق بالكلام ويا شمم !! عود صدگ هالشي لو اكو غلط بالموضوع سحبت موبايلي من الصدرية وإتصلت عليه طلع يجري مكالمة أخرى ، روحي إنسحنت تركت كل شي ورجعت للغرفة هوسة والمراجعين متجمعين بالباب گعدت يم الدكتورة اساعدها دقائق ورن الموبايل نيار إتصل استأذنت منها وطلعت برة فتحت الخط عليه ساكتة - السلام عليكم ، الووو وينچ عشق تسمعيني !! - وعليكم السلام - ليش مـ تجاوبين قلقتيني عليچ - تأخرت بالإتصال شعجب ؟؟ - تونا طلعنا من الدكتور وويا طلعتي إتصلت عليَّ شمم اضطريت اجاوبها قبل لا اتصل عليچ - اهااا ، اي وليش متصلة ممكن أعرف !!! - تسأل على قمر - عمتي موجودة تگدر تتصل عليها ليش إلا انتَ نيار - عادي حبيبي ماكو فرق لتكبرين السالفة - رايحة عندي شغل تريد شي - أخذتِ سونار - بعدين نحچي هسه مشغولة - زعلتِ - لا ابد وليش دأزعل !! - حبيبي - باي - هرمونات حمل تحمل نيار تحمل مـ راح تدوم هالحالة - مع السلامة حچيتها وسديت الخط ، للظهر رجعت للبيت ما اشتهيت اتغدى سوت لي نبض دبس وراشي أكلت شوية ودخلت لغرفتي إتصلت على مُتيم گلبي ناط على شوفته بس راكان مديقبل يجيبه إلي بحجة صار له هواي يمچ واني كل هالفترة مسافر بعدني ما شبعت منه نهيت المكالمة و تمددت أنام توها مشكلة عيني فزيت على صوت الموبايل سحبته من الميز نيار ديتصل رديت سلم بالگوة جاوبته من صوتي عرفني نايمة - اعتذر قطعت نومتچ - عادي - زعلان حبيبي - يعني هسه شلون المفروض اجاوبك !! لو موجود يمي بيها مجال اعرفك شلون ترد عليها قبل لا تخابرني - تدللي تدللي يليق الدلال بـ عشقي - ممم عود دتقشمرني حضرتك - لا هذه الحقيقة ، هسه قللي لي من الهرمونات شوية أريد اعرف جنس البيبي شنو - ما ادري ما شفته غير كنت انتظرك تشرف حتى نعرفه سوى بس انتَ شنو سويت حچيت ويا شمم وتركتني - والله مو أخلاقي أسب بس مرات الواحد ينجبر يطلع من ثوبه - سب يلا سب - افتحي كام - ما - حبيبي - مااا - لخاطري - گمت اعدل نفسي بالمرايا : گلت ما أفتح يعني ما أفتح - عمتچ وقمر يردون يتكلمون وياچ - عندهم جهاز ويتصلون - مشتاق اشوف وجهچ الحلو افتحي يلا كافي دلال - يلا أمري لربي بالنهاية گالوها المسامح كريم فتحت الكاميرا عود زعلانة بس باوع لي إبتسمت .. - صدقة لـ هالإبتسامة التاخذ العقل - حيال والله - مشتاق لچ - واني كلش مشتاقة لك - شو اشوف ابني نزلت الكاميرا على بطني وعيوني تراقبه ، إبتسم يفرك بـ شعره ورجع نفسه ؏ التخم شبك إيد بـ إيد .. - هسه اني على منو المفروض اباوع - رفعت الكاميرا بسرعة : رجاءً عيب بدون إنحراف - إبتسم : يلا نعرف جنسه - لحظة گمت طلعت السونار ورجعت فتحت الورقة بالعكس .. - مستعد - يلا - متحمس لو لا - متحمس شنو ؟!! غير گلبي راح يوگف فضيني عاد - تريد ولد لو بنوتة - كل شي نعمة من رب العالمين كافي عشقي هيَّ والدته - مممم اني عاجبني بنوتة - بنوتة وانتِ أمها الله يساعد گلبي قمرين بنص بيتي - وإذا ولد - عشق لخاطري يلا كافي تلعبين بـ أعصابي مو وداعتچ التوتر راح يقتلني - هههههه اسم الله عليك حچيتها ودرت الورقة عليه : يلا حياتي شوف وگول لي - ثواني وإبتسم .. - هااا - ولد - يا ربيييي ضاعت آمالي ، يلا الحمد لله المهم الصحة - تگومون لي بألف سلامة حبيبي - بوجودك ان شاء الله - اصيح الوالدة أبشرها ولو كانت واثقة بنوتة طول ما انتِ تتنسين تصيح والله بنية هيَّ أم البنية تتعب هيچ - هههههههه هذا حال الكل بحيث هسه انصدمت بالولد بس تعرف ممكن يكون اكو خطأ بالسونار - ممكن .. - يلا أحسن حتى الأمل يظل موجود إبتسم ونهض صاح أمه وأخته بقينا نحچي بالربع ساعة بعدين استأذنت منهم وطلعت بشرت نبض خطية بگد ما فرحت إلية بگد ما حسيت بلهفتها حتى تعيش الشعور الگاعد اعيشه اليوم .. ما اگول غير ربي يفرح گلبها بالطفل اليملي عليها حياتها ويترس حضنتها للعصر توني طالعة من الحمام واگفة على المرايا امشط بشعري اندگ الباب صحت تفضلي بزونة رد خالو اني بنيتي رميت المشط من إيدي وفتحت له بسرعة - اهلاً خالو - حمام العافية حبيبتي - الله يعافيك - جهزي نفسچ تجين وياية وحاولي تستعجلين شوية - وين ؟!! - متريدين تشوفين ابنچ - صدگ والله !!! اي طبعًا أريد أريد بس نيار شلون - هوَ نيار طلب مني أخذچ - أبتسمت : وراكان - صا

ي هسه خوية اجيت دقائق واصير عندك ، تمام حبيب ان شاء الله ما اتأخر سد الخط وإلتفت يباوع لي ، عدلت گعدتي كلمة وحدة من عنده كافية تبچيني ، صرت بصفه سكتنا لثواني من الخارج قمة الهدوء لكن من الداخل التوتر الواضح من خلال أنفاسنا شرح المعارك النفسية الدنخوضها بالسر إنسحب من الفراش يلبس بـ قمصلته طلعت داشوف له الطريق لأن ماما رغم ولد خالو ناسبوها بس لسه تلبس الحجاب منهم .. دورتها بالبيت ماكو معناها نايمة رجعت أشرت له يطلع وصل يمي همس يسأل عن ماما من عرف نايمة گال سلمي لي عليها وطلع بسرعة وصلته للباب مديت إيدي دافتحه عصرها بقوة صارت الحلقة داخل كفه تلمسها يباوع لعيوني بعدين نصى باسها وباسني وأخذني بين إيده احتضني بـ لهفة - انتبهي على نفسچ ولتطلعين للساحة بـ غيابي لا انتِ ولا هبة ودائمًا خلي النت مفتوح حتى اگدر أوصل لچ بسرعة لتخلين بالي يظل يمچ ويا هالظروف - تمام وانتَ دير بالك على نفسك - تلمس خدي بـ أصبعه : هتان راح يشتاق لوردته هواي - ووردتك راح تشتاق لك أكثر تنهد بـ تعب وطلع بعد ما باس خدي و ودعني بالسلام دخلت للبيت لازمة عيوني عن الدموع بـ صعوبة بس مجرد ما فتت للغرفة وتمددت بـ المكان الكان نايم بيه نزلت دموعي مثل الجمر تحرگ گلبي قبل وجناتي بعدني اشهگ من نص روحي سمعت صوت ماما گعدت مسحت وجهي بسرعة وگمت دافتح الباب صارت گدامي جاية تشوفني .. إتصنعت اللامبلاة لخاطرها - ها أمي ليش گاعدة من الصبح ؟!! - هتان كان نايم هنا توه راح ، يعني اسفة لأن ما بلغتچ بس ما حبيت أزعج نومتچ ، اجى بعد الصلاه يودعني ومن عرفته ما نايم طول الليل ووراه سفر كسر خاطري كلش فـ طلبت منه يدخل يمنا حتى يگدر ينام - مو مشكلة بنيتي يوصل بالسلامة ان شاء الله - الله يسلمچ حبيبتي ، راح أنام نعسانة كلش منمت زين مسحت على راسي مبتسمة وأشرت لي بالموافقة ، رجعت لغرفتي تمددت بالفراش وسحبت المخدة الكان نايم عليها هوَ .. مجرد ما احتضنتها غفيت هبة.. شگد حاولنا ويا ورد حتى تقتنع وتسافر بس ماكو عاندت وآنة اعرف صديقتي من تگول لا مستحيل ترجع عن كلمتها وسبب رفضها للسفر تفكيرها بالكل وبمقدمتهم آنة بس والله ما رضيت لها هالشي صح يعز عليَّ فراقها وغيابها بالنسبة إلي يشبه الموت لكن سعادتها تهمني أكثر حتى من سعادتي وجاي اشوف حالها بعد هتان شلون ذبل وإنكسرت روحها رغم جاي تحاول تبين لنا هيَّ طبيعية وممهتمة للموضوع حتى لا ننقهر وياها بس حزن عيونها فضح الألم الجاي تحاول تخفيه عنا بـ كلامها العكسي اليوم واگفة الصوندا بـ إيدي أغسل بالطرمة إندگ الباب صحت منو اجاني صوت مصطفى طبيت لبست الحجاب على راسي وطلعت فتح له .. باوع لي مبتسم - شلونچ هباوي - هلا خوية الحمد لله بخير انتَ شلونك - اسأل عنچ ، ااا حك لحيته : أحمد الله يرحمه مو قبل لا يستشهد وصى جماعته عليچ علمود سالفة التعيين اليوم إتصل الرائد بلغني يريد يعينچ بالمحكمة ومحتاج للمستمسكات بيني وبينچ ما حبيت دوام المحكمة تعرفين الفوضى البداخلها من غير المشاكل فـ إقترحت عليه إقتراح إذا وافقتِ بيه الرجال وعدني يشتغل لچ عليه خلال فترة جدًا بسيطة - وشنو هالإقتراح بلا ؟؟ - قسم القانونية بدائرة ××××× الاني أشتغل محاسب بيها محتاجين شخص واحد ذكر أو أنثى خريج قانون لكن شرط عنده خبرة متقل عن سنتين بس هذه مو مشكلة تتدبر المهم الدائرة حكومية ورواتبهم عالية وأهم شي مكانها هادئ بعيد عن هوسة المحكمة ومنها همْ اني ارتاح من تظل عيوني عليچ طول الوقت - اكيف والله بالعكس آنة مو كلش أرغب لدوام المحكمة - كلش زين .. سحب ورقة من جيبه : محتاجين لذني المستمسكات كل مستمسك الأصلي بالإضافة لنسختين ملونة والصور والفايل مثلما مكتوب گدامچ واكيد إذا احتاجيتِ إستنساخ زايدة ناقصة اني حاضر - شكرًا ما تقصر بس أخوية موجود لتشغل بالك وياية - بالخدمة ، باچر راح أمر الصبح عليچ الگاهن جاهزات - ان شاء الله سلم وراح دخلت بلغت أمي لليل اجى بلال حچينا له ما گال شي مباشرةً أخذني صورت صور فورية وحضر كل الأمور المذكورة بالورقة ، ثاني يوم مر علينا مصطفى أخذهن للظهر اجى بلال انصدمت من عرفته رايح سائل بالدائرة حتى يستفسر عن وضع الدوام والمكان الراح أدوام بيه كلش فرحني بـ هالتصرف لأن اليوم ولأول مرة أحس اكو بظهري أخ حقيقي يخاف على أخته من كل شي ويفكر بمصلحتها قبل الكل الحمد لله مثل ما وعدني مصطفى أيام بسيطة وصدر أمر خاص بـ تعييني ، داومت أول فترة واجهت صعوبة لأن معلوماتي التطبيقية بالقانون صفر چنت مكتفية بالمعلومات الجامعية لكن بعد هالتعيين بديت اشتغل على نفسي واطور من حصيلتي العلمية بالمطالعة المستمرة إضافة لمساعدة محامي ثاني موجود وياية بالقسم بعدما تدخل مصطفى ووصاه عليَّ عشق.. دخلت بحلمي لشهر السادس وبعد لسه مماخذة سونار كنت متأملة يرجع نيار ونتشارك هالفرحة سوى بس شكله مطول كلش لأن من غير علاج قمر بعد يحتاج لها عمليتين بين وحدة والثانية أقل شي شهر اليوم قررت أخذ

لـ 11 استأذن يروح ليلتها من التفكير عيني ما أخذت النوم .. للفجر صليت و نمت بعدني دايخة مـ شبعانة نوم فزيت على صوت موبايلي سحبته مغمضة عيوني بس لمحت اسم هتان طفرت من مكاني ، رديت عليه مرتبكة عبالك أول مرة احچي وياه !!. - الووو - صباح الخير - صباح النور - اني بالباب إذا متصير زحمة گومي افتحي لي - اي تمام جاية !!! گمت بسرعة غسلت وطلعت فتحت له ، دخل رد الباب وگف مقابيلي عيونه تتأمل عيوني بـ عمق إرتبكت كلش ، عضيت شفتي وبعدت انظاري عنه فجأة سحبني عليه حضني بـ قوة ، غمضت خايفة : يا ربي دخيلك ما اريد اضعف گدامه - ليش ترجفين من تكونين بين إيدي - هتان !!! - ما اگدر بدونچ ولا انتِ التگدرين بدوني ليش مُصممة تأذين نفسچ وتأذيني وياچ بـ هالعناد الزايد - كافي اترجاك كافي ، ليش اجيت لهنا ، ليش خليتني اشوفك قبل لتسافر ، ليش دتودعني بـ هالطريقة وليش دتسمعني هالكلمات !! شنو تريد تذبحني وتروح - قسمًا بـ عظمة الله و عزته عيني ما أخذت النوم ولا دقيقة وحدة ، تعبان ورد وقربچ علاجي الوحيد - عفية لتصعب الموضوع علينا روح هتان سافر وعيش حياتك ولتخاف ورد الشام مستحيل تفكر ترتبط برجال غير هتان اصلاً اني ما تقبلت فكرة الزواج غير وياك وما اتصور حبيت ولا راح أحب غيرك بكل حياتي ، انتَ راح تبقى حبي الأول والأخير مهما بعدت بيني وبينك الظروف وفصلت بين خطواتنا المسافات - تعالي نسافر سوى أوعدچ أشهر بسيطة وأرجعچ لهنا - ضربت رجلي بالأرض محتجة : يا ربي همْ رجععععع سند نفسه ؏ الباب ورفع إيده على راسه نصى بـ تعب ظليت صافنة عليه أحس گلبي يريد يغادرني من شدة الألم السيطر على روحي بـ هاللحظات الصعبة - يلا روح نام كافي وراك سفر - مـ يجيني نوم - بس ميصير هيچ لازم ترتاح شوية قبل لتروح للمطار - حاولت ما گدرت أنام شـ اسوي صفنت عليه أستغفر بـ صوت واضح ، إلتفتت للحديقة ثواني ورجعت باوعت له .. - شوكت طيارتك - بالسبعة لازم اطلع منا - زين عندك بعد وقت يلا تعال حتى تنام - وين ؟!! - يمي وين يعني .. حجيتها وسحبته من إيده - لحظة ورد عمتي... - عمتك ما راح تعترض بغض النظر عن منو انتِ و ابن من لكن هيَّ عندها ثقة عمياء بـ تربيتها وببناتها دخلت إيدي بـ إيده ، فتحت باب الغرفة ظلمة ودافية الجو بيها يجعل العين لا ارديًا تلجئ للنوم ، إلتفتت عليه صافن بـ وجهي أشرت له يلا نزع قمصلته وظل واگف تمددت ؏ الچرباية نمت ؏ جهتي اليمين وحطيت إيدي تحت راسي بقت عيوني تتأمله بنفس العمق الديتأملني بيه شوية وتمدد يمي سوى مثل حركتي إلتقت نظراتنا الناطقة رغم صمت الكلام - لتباوعيلي هالشكل - ليش - هتان أضعف من أن يقاوم نظرات وردة گلبه البريئة - مممم بس اني مو بريئة - تفوقين براءة الأطفال من تثبتين عيونچ داخل عيوني رفعت إيدي تلمست لحيته بـ هدوء .. مباشرةً غمض - حاول تنام يلا و اني اگعدك بس گول بـ بيش الساعة - سبعة إلا ربع - تلحگ - اي ما عندي شي بس أغسل و أغير ملابسي - تمام يلا نام ، تصبح على خير - راح أصبح على عيونچ اكو خير يفوق هالخير وردتي - إبتسمت : نام عاد مو راح تضيع الوقت بـ هالسوالف سحب إيدي باسها بـ رقة عجيبة وتقدم عليَّ حشر نفسه داخل حضني مثل الطفل اليتعب طول النهار من كثرة اللعب ويجي أخر الليل يدور الراحة بـ حضن أمه !! تنفست بـ وضوح أحاول بـ هذه الطريقة اهدأ من ثورة المشاعر الإجتاحت أعماقي في سبيل لينفضح أمري بسبب نبضات قلبي المضطربة كـ إضطراب هالموقف شعره صار قريب جدًا من خشمي نصيت سحبت نفس من ريحته الطيبة بدون ما أحسسه ثواني وما قاومت المنظر رفعت إيدي دخلت أطراف أصابعي بين خُصلاته وبسته أكثر من مرة .. نهائيًا ما صدر عنه أي رد فعل بقيت على هالحالة دقائق بسيطة ونام ، سحبت نفسي للخلف وحطيت راسي ؏ المخدة اتأمل منظره عيوني ما غمضت ولا لحظة للسبعة إلا ربع مسحت دموعي الكانت تنزل بدون شعور وتلمست لحيته بـ سبابتي - هتان ، هتان حبيبي گوم راح تصير السبعة - شنو - شنو شنو گوم الطيارة لتفوتك هوَ ومغمض سحبني لداخل حضنه ضمني بقوة وسكن عن الحركة ندست ظهره حتى يحس .. - هتان - ممم - گوم يمعود راح تتأخر شوف لو نايم زين متشلع گلبي - بكل الأحوال احنه شالعين قلب بعضنا البعض - اها يعني صحصحت ؟!! - لا بعدني ثَمِل وراح ابقى كل عمري ثَمِل بـ حب وردتي - وربي هذا جنون راح تعوفني بعد ثواني و اني نايمة داخل حضنك عمري متخيلت نفسي أوصل لـ هالضعف - واني عمري متخيلت اكو اِمرأة بالوجود تتمكن من شل حركتي لدرجة تأخر الوقت ومداگدر اگوم من يمها - بس اني اگدر حچيتها وسحبت نفسي رجعني لحضنه بسرعة رهيبة - هتاااان - عيناي و مقلتاي و روحي التي بين جَنبَي - يا ربي شلون وياك اليوم إلتزم الصمت ، غمضت بـ تعب خل تروح الطيارة عليه المهم اني حاولت اگعده .. راسي على صدره استنشقت عطره براحة متنوصف بعدني هايمة بتفاصيل رجولته صحيت على صوت الموبايل .. نهض بسرعة - نعم حيدرا ، عند بيت عمت

ل بسرعة ، دخلت لغرفتي لأول مرة أنهار بسبب شي اسمه حب عمري ما جربت وجع الگلب بـ هالموضوع إلا اليوم ، تأذيت كلش تأذيت وكرهت الساعة الدگ بيها گلبي وحب هتان ما اعرف شگد مر وقت حسيت الباب إنفتح عبالي نظر صحت بيه اطلع وطفي الضوة بسرعة أريد أنام ، بس گالت ماما هذه اني گمت مرتبكة إنداريت عنها أمسح بدموعي بعدني على هالحالة صارت گدامي .. تحمحمت - ادري إذا هذا حالچ ليش مدتقبلين تسافرين وياه - ها حچى لچ - سافري يمة سافري ولتشيلين همنا بالنهاية الرجال ما راح يقصر وياچ ولا راح يحرمچ من عندنا - لا ماما مستحيل مو بس علمودكم اني اعرف بنفسي ما اگدر أتحمل الغربة مثل السمچة بس تطلع من مكانها تموت ، هوَ همْ معذور مثلي متعود على مكانه لذلك ما بـ إيدي شي غير أدعي له الله يسعده ويوفقه - مو حچي هذا أمي الرجال شاريچ بـ روحه وانتِ همْ تحبيه وإذا ؏ الغربة تهون ما طوله يمچ وبظهرچ - لو تحچين منا لعشر سنوات ليگدام مراح أغير قراري - ادري شنو هالعناد - بنتچ عطاوي .. تمددت و سحبت الغطا عليَّ : نعست كلش فدوة طفي الضوة أريد أنام - تنامين بالعشرة ؟!! - اي البارحة گعدت ويا صلاة الصبح بعد مـ رجعت نمت اباوع لها من خلف الغطا صافنة عليَّ وعلامات الإنكسار ملونة ملامحها الجميلة ، تعودت عطاوي خلصت عمرها تضحي علمودنا وتفكر بينا قبل لتفكر بـ نفسها متعرف احنه اليوم كبرنا ومثلما تحس بينا صرنا نحس بيها وبگدما ضحت علمودنا راح نضحي علمودها .. هذا أقل شي ممكن نقدمه لأم عظيمة ومُضحية مثل أمنا ثاني يوم اجت هبة تقنعني بحجة سافري وليظل بالچ وياية راح نبقى نتواصل وهوَ وعدچ ووعدني كل سنة يجيبچ كم شهر نشبع من بعضنا وترجعين تسافرين أمي ، أخواتي ، أخوانه ، عمو صادق ، حتى مرت خالي وقمر رغم إنشغالهم بـ مراحل العلاج وصعوبتها اتصلوا يحاولون يخلوني أغير رأيي .. تركت الكل يحچي مثل ميريد بالنهاية ما راح يصير غير الشي القررته اني وما طول گلت ماكو سفر يعني ماكو سفر .. انتهت طول هالأيام هتان مـ قطع رجاءه مني لحظات يحاول وياية بالكلام المعسول ولحظات أخرى بالقسوة والإبتعاد المُفاجئ عسى ولعل يگدر بـ هالطريقة يأثر على مشاعري وبالتالي أغير من موقفي إتجاه هالسفر واروح وياه ، ما أنكر الساعات الكان يبتعد بيها عني دقائقها تمر عليَّ بمثابة سنين لكن مع ذلك قراري يظل واحد مهما صار مستحيل يتغير . قبل سفره بـ ليلة ، گاعدة بالصالة عيني على التلفزيون بس بالي مشغول بـ التفكير بصعوبة الأيام الراح تجي بدونه ، سمعت الجرس رن شوية وصار صوت خالو يمي طب سلم وگعد واني ما حاسة عليه - اني مو احچي وياچ بوية - العفو خالو ما حسيت عليك اهلاً وسهلاً نهضت بوسته دارجع سحبني من إيدي گعدني بصفه .. - جوازچ جاهز ما الله يهديچ وتغيرين رأيچ - لتحاول فدوة لعمرك تعبت من الحچي بهذا الموضوع - لخاطري بنيتي - خاطرك على عيني وراسي بس انتَ أول الناس كنت معارض سفر هتان شـ غيرك وصرت تقنع بيَّ أسافر وياه - شـ اسوي هوَ مديقتنع يرجع .. - واني مـ راح أقتنع أسافر - بس هيچ انتِ راح تأذين نفسچ و تأذين هتان وياچ - تذكر كلامك خالو ؟؟ تذكر يوم العقد عليَّ هتان گلت لي إذا ابني عقد عليچ فـ راح يعقد بناءً على وصية أحمد مو رغبة منه بـ هالزواج وسألتني مستعدة أتحمل العواقب لو لا جاوبتك مستعدة وهذه اني طلعت گد كلمتي وداتحمل عواقب قربي منه لأن لو ما موافقتي على هالعقد ما كان هتان أنجبر يتقرب مني ولا گدر يجبرني أتعلق بيه و أحبه .. خلص خالو قدرنا هذا وقابلين بيه بالنهاية محد ياخذ غير نصيبه من هالحياة - زين عندي حل سافري وياه هالفترة واني متأكد بنيتي سباعية وراح تگدر ترجعه للعراق ولأبوه غصبًا عنه - مستحيل خالو ، هتان مرتبط بعقد شنو تريد تورطني وياه بعدين إذا هسه گلبه ما أثر عليه وغير رأيه تريد من يتعود عليَّ ويضمن وجودي يمه يتأثر !! - العقد ما راح يدوم اكيد يجيه تاريخ وينتهي أما هذه المسألة مالت التعويد وما ادري شنو ترى المرة الحوك تخلق من المألوف غرابة يعني لو يمر على زواجكم دهر تگدرين بذكائچ تخليه يشوفچ بنفس النظرة الشافچ بيها بـ أول مرة دگ گلبه لـ حبچ و ولدي و اني أعرفهم كلش زين داخلهم هش مثل أبوهم من يعشگون يعشگون ماكو قوى على وجه الأرض تغير وجهتم غير بس الموت - تنهدت بـ تعب نصيت وضغطت راسي بين كفوفي .. - ها شـ گلتي - گلت لا خالو وهذه الـ لا مثل الـ لا الموجودة بالشهادة أشهد أن لا إله إلا الله الوحيدة المستحيل تتغير - عنيدة وراح تشلعين لب گلب وليدي مثلما أمچ شالعة لب گلبي عطاء.. هسه اني شكو ليش دتدخلني بالسالفة !!! ناصر.. شو بعدچ گاعدة وين الچاي ورد.. اني اسوي لك خالو ناصر.. اگعدي أمچ تسويه ، يلا أم رحيل إستكان چاي راسي ديوجعني عطاء.. متعشي أول ؟؟ ناصر.. لا بس ما اشتهي كافي إستكان الچاي عطاء.. ماكو چاي إذا متاكل رايحة اسوي لك العشا حچتها وگامت ، رجع يحاول وياية وهوَ على يقين تام كل محاولاته نهايتها الفشل ،

عتبرنا بناته وصار لنا سند وعثرة بـ طريق كل شخص ينوي يأذينا بالوقت اللي بيه أبونا تعرف شنو يعني أبونا !! باعنا للغريب و إستلم المقابل والأهم منهم كلهم ضحيت علمود التراب المدفون بيه أحمد واللي ضحى بـ عمره علمودي وعلمود بلدي هالبلد الصار بين ليلة ويوم منبوذ حتى من أهله وناسه رغم هوَ بالواقع أطهر وأشرف وأعظم بلد بالدنيا لوما ولد الحرام الدنسوا تاريخه بـ طغيانهم وو حشيتهم وسرقتهم .. يمكن انتَ ما راح تحس بـ كلامي لأن مدتشعر إتجاهه بالإنتماء بس أحمد القدم دمه قربان لحياة كل مواطن عراقي خلاني أفخر بـ عراقيتي رغم كل الظروف السيئة الدنعشيها وراح نعيشها بـ وطننا بعد كل هالتضحيات القدمتها لتتأمل مني أتغرب وياك - صح كلامچ انتِ ضحيتِ بس ضحيتِ بيَّ علمود الكل - مو أحسن ما اضحي بـ الكل علمود نفسي !! - باوعلي ساكت .. - هتان انتَ گلتها اني ضحيت بنفسي وبيك وبسعادتنا علمود الكل ، وانتَ ؟؟ راح تگدر تضحي بـ نفسك علمودي وعلمود أبوك وأمك الگلبهم مفرفرح بسبب عنادك وغربتك وبعدك عنهم كل هالسنين بس حچيتها سحب كفوفي بكفوفه باسهن من الباطن - حبيبي احنه حتى لو سافرنا راح نجي لهنا بـ إستمرار يعني لا انتِ راح تتركين أهلچ ولا اني الأترك أهلي وهبة اللي أعتبرها أمانة بـ عنقي لأخر يوم إلي بـ هالحياة - وعلى شنو هالبهذلة هاااا ؟!! على شنو ، ليش مُصمم تبهذل نفسك وتبهذلني وياك لا احنه المرتاحين بالخارج ولا المستقرين داخل بلدنا وبين أهلنا وناسنا - ما اگدر حاولي تستوعبيني - ليش متگدر ؟! شنو فرقك عن أبوك وأخوانك التركوا كل شي وراهم ورجعوا للمكان اللي لازم يكونون بيه - اني أختلف اولاً عندي عقد ويا وزارة الثقافة الروسية ما اگدر أخل بيه ، ثانيًا عملي حساس مو مثل أخواني يعني لو رجعت للعراق ما راح الگى فرصة مناسبة مثل ما لگوا همَ ، يعني دتشوفين الفشل الذريع الطاغي على وزارة الثقافة العراقية فـ ما أعتقد اكو مكان إلي ولأمثالي بـ هالبلد واكيد هذا السبب الثانوي لأن السبب الرئيسي العقد الملتزم بيه مثلي مثل الوالد سنين ما گدر يرجع للعراق بسبب شروط العقد مع إختلاف المحتوى - اها هسه عرفت ليش كنت رافض تتقرب مني .. بيني وبينك من گلت ما أريدچ تتأذين وياية فكرت هواي يا ترى شنو الممكن يأذيني بـ علاقتي بـ هتان !!! مممم طلعت مـ تريد تعلقني بيك وبعدين تكسرني من تقرر تعوفني و تروح ، للأسف فهمت هالشي متأخر - ما عاش اليكسرچ لكن كنت متأكد من رفضچ للسفر بعدما عاشرتچ وعرفت لأي مدى متعلقة بالأهل ، الصار بيناتنا إختيار القلب مو العقل اني اعرف مراح تسافرين وانتِ تعرفين مراح أترك روسيا واستقر بالعراق مع ذلك إستمرينا بهالعلاقة رغمًا عنا بس لأن وقعنا بـ غرام بعض - مو مشكلة ، بالنهاية مو كل علاقة مكتوب لها النجاح - هذا جوابچ !! - وهذا قرارك - حبيبي باوعي لي .. تقدم سحب إيدي بين إيده : وإن صار وسافرنا أوعدچ ما راح يكون إستقرارنا دائم هناك يعني بقدر ما نعيش بـ روسيا راح نعيش بالعراق مستحيل نبتعد عن أهلي و أهلچ و الأهم من هذا مستحيل نتخلى عن هبة ، كل كم شهر مجرد ما ينتهي عملي وتجي العطلة نرجع لهنا مثل ما گاعد اسوي حاليًا - ولا يوم هتان ولا يوم - وردتي ، وردة هتان وكل حياته ، فكري لخاطري انتِ تعرفين شنو تعنين لي شلون أهون عليچ تتخلين عني - انتَ التريد تتخلى مو انييييي - بس أعصابچ ، هتان مستحيل يتخلى عن وردته لكن الظروف حكمت ومثل مدتشوفين گدامچ داسوي كل اليطلع بـ إيدي في سبيل أرضيچ ، حاولي تتفهميني - واني همْ سويت كل اليطلع بـ إيدي الظاهر اني وياك مو مكتوبين لبعض ، الله يسعدك ويوفقك وين متكون - سعادتي وياچ انتِ وبس - ما اتصور الحچي يفيد بعد ، استأذن اني گمت داطلع سحبني من إيدي .. رجعت بـ جسمي عليه طوقني بين إيده وباسني بـ لهفة لحظات بسيطة نسينا بيها كل شي حتى مسألة سفره ، ثبت گصته على گصتي يتنفس بسرعة فائقة مجرد ما غمضت عيوني غمض وياية ، حل هدوء عجيب على المكان صرنا منشعر غير بـ حرارة أنفاسنا ونبضات قلوبنا المضطربة ، أخذ كف إيدي الأيمن رفعه على الجهة اليُسرى من صدره ، أهتزت روحي لدقات قلبه الدتنبض بـ وضوح - گاعد تحسين ورد ؟؟ هذا مستحيل ينبض بـ هالحيوية غير وياچ ، بيچ انتِ وبسببچ انتِ عاش هتان هالشعور - رفعت كفه سويت بالمثل : وهذا الگلب ما نبض بيوم من الأيام لأي رجال بالدنيا غيرك هتان ، وحدك انتَ علمت ورد شلون تحب وشلون تنحب ، وياك بس حسيت اني أنثى عندها مشاعر ممكن تتحرك ، وياك انتَ إرتبكت وخجلت وذبت واشتاقيت وحنيت لحضنك ولقربك للمرة الأولى بعدما كنت صلبة المشاعر ماكو رجولة تگدر تغريني ولا حب يتجرأ و يحتل أعماقي - لعد ليش تريدين تحرمين نفسچ وتحرميني من حب أحيا گلب هتان وصارت شرايينه بـ مثابة تربة خصبة جعلت من ورد الشام بذرة نقية تنمو مع دمه إلى أن كبرت بـ أعماقه يوم بعد يوم وصارت لـ هالگلب وردة - لتعذبني أكثر سفر ما أسافر فـ كافي اترجاك كافي حچيتها وطلعت من الإستقبا

القسم الأول من البارت الأخير بِداية النِهاية إنطَلقت ولكِنها لَيسَت كَـ باقي البِدايات .. إِنَها حَابِسة للأنفاس ، مُرهِقة للأرواح ، مُوجِعة للأنفُس ، إِنَها تَجعَل العيونَ تَتمعن أحداثها بِـ شَغفٍ وَ دِقة لأنَها تَعلَم ، في هٰذهِ البِداية سَطر وَ نُقطَة .. عِندَما نَختُم السَطرَ وَنَصِل إلێ نُقطَتهِ تَحين النِهاية .✍🏻 __ - تريدني أسافر وياك هتان ؟!! - نعم حبيبي ليش مستغربة بالنهاية هذا الأمر الطبيعي - مستحييييل !!! رجع راسه ؏ الكشن .. غمض و زفر أنفاسه بـ قلة صبر - ورد شنو كنتِ متوقعة بعد هالإرتباط أترك روسيا مثلاً وحياتي بيها والمستقبل البنيته بـ تعب سنين طويلة واجي أستقر بالعراق !! اكيد هالشي ميصير ولا راح يصير وانتَ تعرفين تفكيري - اي هذا الكنت انتظره منك بعدين ليش ميصير !! شنو فرقك عن أبوك وأخوانك التركوا كل شي وراهم ورجعوا للعراق لو همَ ما كان عندهم مستقبل هناك بس حضرتك - إذا ممكن يستمر الحديث على نبرة الإحترام الأولى - ما قللت من إحترامك اني بس كلامك فعلاً صدمني يعني تحچي و كلك ثقة اني راح اعوف الدنيا وما بيها علمودك !! لا هتان هالشي مـ راح يصير حتى لو اعرف أخسرك همْ مستحيل أترك حياتي هنا و أسافر وياك شغل السيارة تحرك مسافة بسيطة وگف يم بيتنا !!.. - إنزلي يلا - أنزل شنو ؟!! شبيك انتَ - إنزلي ورد لأن حاليًا مستحيل نگدر نتفاهم وانتِ على هالأعصاب حاولي تاخذين حمام تستخرين شوية ومن تحطين راسچ ؏ المخدة فكري زين بـ كلامي - ابد والله لتحاول - ما راح أعتبره جواب نهائي إلچ يعني مثل مدتفكرين بالكل لازم تفكرين بـ ورد وهتان ولو للحظات بسيطة - وليش اني !! خو انتَ فكر بـ ورد و هتان ولو شوية - اكيد فكرت - اي ولشنو توصلت بلا - الحق وياية لأن سفرنا بيه مصلحة إلي وإلچ بالدرجة الأولى ولمستقبلنا ومستقبل أطفالنا بالدرجة الثانية - مو من حقك تقرر مصلحتي وين تريد تحچي احچي عن نفسك وبس لأن من تعمم تكون بـ قمة الأنانية - إنزلي ورد - نازلة هتان حچيتها و نزلت سديت باب السيارة بـ عصبية ، دخلت بدون ما ألتفت وراية عشق يمنا ، أخذت ملابسي وفتت بـ وجهي للحمام سبحت وطلعت بين ما صليت صاحني نظر على العشا .. گعدت وياهم بس مو وياهم بالي كله يم كلامه شكله ماخذ قرار نهائي ومتأملني أوافق معقولة يسويها ويسافر وينتهي كل شي بيناتنا !! عطاء.. أمي ليش مدتاكلين ورد.. ها ماما ، ااا ما اشتهي هيچ گعدت على واهسكم عشق.. ورد تگول ما اشتهي !!! هذه من علامات قيام الساعة والله ورد.. يمعودة العصر أكلت شبيچ عطاء.. وشنو الجديد مو يوميا تاكلين برة و تجين هنا تتعشين ، احچي صاير وياچ شي ورد.. لا ماما بس هالمرة أكلت 3 لفات ماكو مجال للعشا حچيتها وگمت حتى أخلص من تحقيقهم ، لهيت نفسي بـ شغل المطبخ بين ما خلصوا وراها گعدت ويا عشق ظلينا نسولف لـ 12 اجى عليها خالو أخذها ، دخلت لغرفتي ذبيت نفسي ؏ الفراش صافنة بـ تعب شلون راح تنحل هالسالفة ما ادري !! متعودة يوميا هتان يتصل نحچي بالساعتين قبل لننام بس اليوم بدا وياية بأول خطوة من خطوات التغيير وكأنما ديحاول يعودني على أيامي الجديدة الخالية من وجوده إستسلمت للواقع المر ونمت بيأس ، ثاني يوم دزيت له رسالة اني ما اجي لتمر عليَّ .. قراها بدون مـ يجاوبني طلعت من البرنامج وسديت الجهاز گمت أفتر بالبيت اني الما احب الشغل هسه صارت روحي بيه شـ اسوي ماكو شي ياخذني من تفكيري غيره ولو بكل الأحول ما أخلص ما طول ماما موجودة ودتشوف وضعي ، نزلت بيَّ تحقيق تريد تعرف شنو المضوجني بس اصريت ؏ السكوت لازم أخذ القرار النهائي منه قبل لا احچي لهم السالفة ، بعد لسه عندي أمل ضعيف ممكن يضحي علمودي لليل تونا مخلصين العشا رن الجرس ، طلع نظر يشوف منو دقيقة ورجع يركض گال هتان بالباب گامت ماما استقبلته فات للصالة سلم رديت بـ برود ، انتبهت على وضعنا الغريب شكت اكو شي مو طبيعي اخذته للإستقبال جاملته دقائق وطلعت صاحتني فتت عليهم عابسة وجهي .. استأذنت من عندنا و راحت - تعالي استريحي ليش واگفة عندچ - گعدت يمه ساكتة .. - فكرتِ - بلغتك بـ قراري من البارحة يعني ما اتصور ليلة وحدة كافية حتى تغير رأيي - إلچ الأسبوع كله فكري مثل مـ تحبين المهم النتيجة - ولا سنة هتان قراري واحد مستحيل يتغير - لـ هالدرجة صعبة عليچ التضحية - منو گال لك ما ضحيت !! - وين ضحيتِ - ضحيت علمود ماما هالمرة الضحت بعمر كامل علمود توصلنا للي وصلنا له وتفرح بيَّ اني وأخواني بعدما تشوفنا أحسن الناس ، ضحيت علمود أخواتي اليعتبرني جزء منهن في حال لو نثلم يعيشن العمر بسعادة ناقصة لأن احنه بنات عطاء القمر تربينا هيچ منكمل إلا ببعضنا ضحيت علمود هبة أختي و صديقة طفولتي الما كانت تتجاوز صدمتها لوما وجودي و وجودك بـ حياتها ضحيت علمود عمو صادق هالرجال الفضلنا حتى على أهله ورغم ما تزوج ولا فرح بأطفال مثله مثل أي رجال بالعالم بس ا

اما عشق.. ما اگدر حبيبي مُتيم.. تعالي حبابة حتى اراوي ماما أخوية الببطنچ بس حچاها إلتفت راكان يباوع على بطني نزلت إيدي عليها غطيتها بسرعة .. مُتيم.. يلا حبابة ماما حبابة تعالي ما اگدر اعوفچ اني راكان.. مُتييييييييييم لتلح گالت لك ما اگدر عشق.. ليش تصيح عليه هااا ، الطفل توه وصل للموت بسبب العلاج وبعدك ما اجيت استقبلته بالصياح راكان.. لتعلميني شلون اعامل ابني عشق.. وابني مو بس ابنك اخاف اخذك الواهس ومن كل عقلك صدگت رينا هيَّ أمه الحقيقية عطاء.. كافي لتتعاركون گدام الطفل راكان.. مع السلامة عشق.. راكان انتظر راكان راكااااااان أخذه و راح حتى ما خلاني اودعه و اني منا نفسيتي تحت الصفر گعدت ؏ السرير منهارة شگد حاولت ماما تسكتني ماكو أخر شي تركتني إلى أن هدأت من كيفي ورد.. وزعنا الأكل ؏ المتظاهرين بعدنا نلملم بالهوسة صارت إشتباكات قوية على أثرها استشهدوا اثنين من الشباب نفسيتنا تدمرت الوضع بالساحة صار لا يُطاق بعد يومين گاعدة العصر ويا هبة ؏ الرصيف و الأعلام بـ إيدينا اجى هتان جايب لنا لفات وعصير اثنين له اثنين إلي ووحدة لهبة لأن يعرف أكلها جدًا قليل قبل ليخلصون خلصتهن اني ، هتان بعده دياكل بـ لفته الأولى وعيونه ؏ الشباب سحبت الثانية من گدامه وبديت آكل بيها .. إلتفت بسرعة يباوع لي بـ إستغراب هتان.. اني مو جبت لچ اثنين لو غلطان بالحساب ؟!! ورد.. اي اثنين هتان.. وين وديتيهن لعد ورد.. اكلتهن وبعدني جوعانة أخذت لفتك ، عندك مانع هتان.. حبيبي بيچ شي أخذچ للدكتور ؟!! ورد.. هتان لتلبش دتشوف الوضع بالساحة شلون صاير ونفسيتي من وراه صارت زفت هتان.. والنفسيته تعبانة ياكل ؟! أول مرة اعرف هالشي هبة.. اخاف بعدك متعرف ورد بكل الحالات تاكل ، الله خالقها بـ هالتركيبة تعبر عن مشاعرها بـ معدتها هتان.. بس مو صحي هالشي ورد.. عيني لو آكل منا للصبح همْ ما أسمن لتخاف على جسم مرتك ميخرب هتان.. حبيبي مو ؏ السمن بس كل شي يزيد عن حده يضر صحتنا مكيفة يعني متسمنين ومخلصتها أكل ورد.. سديت نفسي هاك ألزم ما أريد .. حطيتها بحضنه هتان.. احبچ ورد.. باوعت له مبتسمة : لا خلص جيب إنفتحت نفسي رجعت أخذتها آكل والله لو ما صحتي همْ ما أبطل أكِل هتان.. ههههههه لا هباوي هذه ابد مو طبيعية هبة.. ههههههههه تحمل بس يا خوفي يجي يوم تاكلك باوع لي مبتسم وغمز بـ خباثة صفنت شنو قصده من هالحركة عزززة .. ذبيت اللفة من إيدي وگمت من يمهم لبعد الصلاه صار موعد رجعتنا .. بين ما وصلنا هباوي ورجعنا صار الليل دخل هتان السيارة للبُستان وقبل لا نوصل لبيتنا بمسافة بسيطة وگفها باوعت له متعجبة - ليش وگفت حبيبي ؟!! - خلصت السنة - اي !! - وإجازتي همْ خلصت وياها ، صار الوقت حتى أرجع لروسيا بس هالمرة مو وحدي عروستي وياية فـ جهزي نفسچ خلال هالأيام حتى نتزوج على السريع ونسافر ، مكان وردة هتان الطبيعي بـ أرض هتان الخصبة.... يتبع..

ر عليها ورفع نفسه يبوس بيها مُتيم.. اسف ماما والله بعد ما أكل موطا هذه أخر مرة عشق.. لو صاير لك شي أمك تموت مُتيم عطاء.. اسم عليچ و عليه كافي گومي غسلي و عوفيه يمي اني هسه اسبحه وأغير له الملابس حتى تصير ريحته مثل الورد ، مو بيبي سحب نفسه من عشق وگام يبوس بـ ماما .. أخذتها للحمام غسلت و راسلت آريان جاب لها العلاج ظلت ماما يمنا للظهر حتى الغدة هيَّ سوته علمود عشق رادت تاخذها وياها ما قبلت بحجة اتخربطنا بالليل اني لو ابني تظلين حايرة بينا ؏ الأقل هنا كلهم موجودين للثنتين گاعدة گبالها اشربها سوب رن موبايلي باوعت نيار ديتصل مسحت إيدي وردت عليه بسرعة سلم وطلب يحچي ويا عشق مفتهم السالفة من آريان ويتصل بيها ميحصل لأن حتى هيَّ متدري بموبايلها وين ، انطيتها الجهاز ما بيها تلزمه فتحت السبيكر وخلته بـ حضنها بالگوة ردت السلام عليه - شلون صار مُتيم - الحمد لله احسن اليوم - عيناي غير تنتبهين عليه زين - نيار انتَ تعرف شديصير بيَّ لو لا ؟! من جهة تنساتي ومن جهة ثانية مُتيم ومرضه وغيابك وتفكيري بقمر ووضعي الصحي الگاعد يسوء شهر بعد الثاني متگول لي شـ اصير اني !! مو زين اصلاً بعدني عايشة - اهدئي حبيبي ما گلت شي على شنو كل هالعصبية - اسفة مو قصدي بس اعصابي تلفت من البارحة لليوم - عادي عشقي عادي ، انتِ شلون صرتِ بعدچ تنزفين - اي وما اعتقد الطفل يبقى - فدوة الكم يتعوض المهم انتِ ومُتيم بـ خير أخذت مُتيم وطلعت من الغرفة حتى يحچون براحتهم لليل واگفة ويا خالو بالممر الداخلي لازمة المُعدات ديصلح نقطة الكهرباء سمعنا الجرس رن راد يطلع گلت له خليك هذا نظر دزيته للأسواق يجيب لي بسكت طلعت اصيح منو صوت رجال !! كررت السؤال احاول اركز بصوته اي والله هذا أكبر مشيت بسرعة فتح له يبووووو شگد ضعفان ومتغير مبين عليه ممرتاح سلم رديت السلام بحدية وبقيت انتظر يحچي شـ عنده - عمي موجود - عمك و الولد كلهم موجودين لذلك ما اشوفك جيتك لهنا صحيحة وتعرف شنو السبب - صيحيه بلا زحمة عليچ - مُصر يعني ؟؟ - اي نعم - على راحتك المهم اني سويت الـ عليَّ ونصحتك حچيتها ورديت الباب دخلت خالو واصل لمرحلة الشد بس گلت له أكبر بالباب يريدك وگع الدرنفيس من إيده - أكبر !! - اي وحاولت اخليه يروح بس أصر إلا يقابلك ما گال شي غسل إيده وطلع ، رجعت للصالة الولد كلهم مجتمعين يباوعون أخبار دقيقة ودخل أكبر وياه بس شافوه نهضوا بـ عصبية ديتقدمون عليه رفع إيده وگفهم هتان.. هذا شـ عنده جاي لهنا وبأي عين ناصر.. كلمن على غرفته يلا آريان.. بس يابة ناصر.. گلت على غرفكم شنو مـ گاعد تسمعون !!! راحوا وعلامات الإنزعاج واضحة على ملامحهم ، ظل يباوع وراهم بس دخلوا للغرف إلتفت عليَّ طلب اجيب له يمام رحت لغرفة نيار لأن تركته يم عشق نايم أول ما رفعته لحضني فتح عيونه يمة كزكزت .. شبعته بوس صاحت بيَّ تفاحة كافي ولچ مو زين هالگد تبوسيه ، باوعت لها مبتسمة - ادري بس مو بـ إيدي اموت عليه - يعمري الله يرزقچ بـ مثله گولي آمين - آمين رجعت بسته و طلعت ، بس دخلت للصالة و شافه أكبر بحضني نهض بسرعة أخذه مني يبوس بيه بـ لهفة بعدني صافنة عليهم أشر لي خالو اتحرك حتى نعوفه ويا ابنه براحته ، دخلت يم عشق قريب الساعة سمعته يبچي لبست الحجاب وطلعت ؏ السريع - همزين اجيتِ خطية جاع كلش - اي جيبه .. أخذته منه - شلون صحته - الحمد لله زين ان شاء الله - ينام بالليل - يعني مو كلش أغلب نومه بالنهار لأن بعده صغير - مـ يفتقد أمه - أول أيام اي كلش أفتقدها بس هسه بدا يتعود تقدم عليَّ نصى باسه و سلم ديروح صحته بـ فضول .. - اشوف ما سألت على قمر كل اسئلتك على ابنك هيچ صار أمر هالمسكينة ميهمك أكبر !!! - منو غيرها يهمني ، اكيد اعرف أخبارها أول بـ أول - منين !! - اعرف وبس ، مع السلامة كانت هذه المرة الأولى اليزور بيها ابنه بس مو الأخيرة من يومها وصار يمر علينا كل يومين والثالث يگعد ويا يمام ساعة ساعة ونصف و يروح .. اكيد الشباب ما عاجبهم الوضع بس ميگدرون يحچون شي ولا يعترضون على جيته لهنا بـ حضور أبوهم عشق.. مشت الأيام وثبت حملي الحمد لله، اليوم موعد الجلسة مال مُتيم أخذته و رحت للمؤسسة ماما ويانا من شافت شمم وضعي الصحي شگد تعبان تولت المهمة عني ، الشهادة لله ابد ما قصرت بيومها بس تصرفها هذا كان بدافع الإنسانية أما اني كـ شخصي ما طايقة وجودي حتى من تحچي وياية تحچي معلگ وعادي شـ اريد منها المهم علاج ابني يتم على خير لليل خلصنا دألم بـ أغراضه اندگ الباب مـ اهتميت بس من سمعته صرخ بابا اجييييت .. إلتفتت بسرعة دخل سلم وتقدم عليه بسرعة يحضن ويبوس بيه .. - اشتاقيت لك كومة كومة كومةةةةةة - يبعد گلبي واني همْ ، بشرني شلونك ان شاء الله زين - الحمد لله - يلا نروح للبيت ماما اجت متريد تشوفها - والله اجت - اجت عشق.. اتركه بس الليلة يمي وباچر تعال عليه راكان.. اعذريني ابني مشتاق له مُتيم.. تعالي ويانا م

!!! إلتفتت بـ إتجاه مُتيم گوة فاتحة عيوني هوَ اني شفت حالته لو طفرت من مكاني .. متقيئ وفاتح عيونه على وسعهن دينازع روحه ، سحبته عليَّ اصرخ اريد اگلبه على وجهه ما اگدر جسمي كله يرجف صحت بـ كل صوتي خالووووو حيدرررررا هتااااااااان وينكممممممم رجعت شلته ظهري إنقسم نصفين من ثقل جسمه گمت احاول انزله من الچرباية على وجهه اندگ الباب بـ هذه الإثناء و دخل آريان يركض .. كلهم طبوا وراه سحبه هوَ وحيدرا من بين إيدي أخذوه للمغاسل طلعت بـ ملابسي وراهم حتى ماكو شي على راسي يسترني ، بشق الأنفُس رجع له حيدرا وعيه .. بس شفته تنفس وگعت بالگاع انحب بـ علو صوتي ما حسيت على شي بعيد فقدت تمامًا حتى من يحچون وياية ما اسمعهم نبض.. مندري نحتار بيها لو بـ ابنها المات والله رجع له الحياة بـ مُعجزة ، بس صحى إلتفت آريان ديطلب مني اجيب له ملابس صارت عيونه على عشق ببجامة النوم وشعرها نازل على كتفها ، مباشرةً نزع تي شيرته غطى راسها بيه وطلب لها حجاب ويا ملابس مُتيم .. رحت ؏ السريع جبتهم و اجيت همَ غيروا لنظر واني لميت شعرها ولبستها الحجاب .. فاقدة خطية مدتحس بـ شي بعدما اطمأنينا عليه اجى خالو أخذها من الگاع ساندها إلى أن نومها بـ فراشها ، شوية ورجع حامل مُتيم بحضنه نومه يمها ؏ الچرباية وگعد بصفهم رفع إيد على وجهها والإيد الثانية يتلمس بشرة ابنها بـ حب - يلا يبعد خالچ امسحي دموعچ واحضني وليدچ هذا هوَ يمچ الحمد لله بـ خير وشره راح - بعدها مصدومة خالو الله يساعدها - ابقي يمها لتعوفيها الليلة ومن يرتاحون غيري الفرشة - ان شاء الله بس طلع وسد الباب عشق إنهارت ، أخذت مُتيم ضمته لحضنها وصارت تبچي من نص گلبها هذا همَ من الخوف بچى وياها .. اريد اسكتهم ماكو گلبوها مناحة - كافي عفية كافي شوفي الطفل شلون خاف خطية - ليش ماما ليش ، شلون تسوي بيَّ هيچ !! لو صاير لك اني شـ اسوي بروحي جابني شـ اسوووووووي - لچ شبيچ تخبلتِ الطفل شـ عليه - اكيد مشتري موطا هوَ ونظر وماكليها وإلا ليش هيچ فجأة انگلبت احواله ، اخ يا ربي صبرني راح اموت - اسم الله عليچ حبيبتي كافي سالفة وراحت وهذا هوَ بحضنچ گولي الحمد لله من عدت الشغلة على خير - ألف الحمد لله والشكر گومتهم بدلت الفرشة و رجعوا لمكانهم ، شوية و غفوا الشهگة بصدرهم بعدني صافنة عليهم اندگ الباب بهدوء لبست حجابي وفتحتها آريان واگف على صفحة - ها عمري - شلون صارت عشق وابنها - الحمد لله - الحمد لله ، يلا تعالي يمام جوعان بس سوي له حليب وارجعي يمهم عادي اني اسهر وياه طلعت للمطبخ سويت له ممة و رجعت لغرفتي ، آريان شايله ويفتر إبتسمت على منظرهم .. - عنك يروحي - انطيني حبيبي اني اشربه انتِ خليچ يم أختچ - نايمة ، ما اطول بس يشبع اروح لها توني حطيت الممة بـ حلگه إندگ الباب .. فتحها آريان تانا مرت حيدرا سلمت مبتسمة وباوعت لي من بعيد - اعطني اياه انتَ مشغول مع أخوك - ههههه اگول آريان هسه منو الولد منو البنية مو حتى بـ نفسي بديت اشك من وراها - الإعدادات عندها تشتغل بشكل عكسي مشي حبيبي - لا تضحكون علي وإلا أخرب حياتكم بزرع الشك في قلب زوجتك - ههههههه استلمي يلا تهدد ست تانا گمت اضحك انطيتها يمام گرصتني من خدي و راحت رجعت دألبس الحجاب حتى اروح لعشق سمعت طگة القفل إلتفتت فاتحة عيوني عليه .. - آريان !!! - نعم نبضي - بشرفك وقتك هسه - هسه وبعد ساعة وشهر وسنة وعشرة وقتي حبيبي - لا عفية بس اسمع... - اششش كافي لتتكلمين بسبب يمام صار لچ فترة كلش طويلة مبتعدة عني ، ما اشتاقيتِ - طبعًا اشتاقيت لك فوگ متتصور بس يعني هسه !! مو تشوفها صعبة شوية - لا صعبة ولا شي لتتحجيين حچاها وسحبني عليه باسني بـ لهفة ، بكل مرة يتقرب مني اظل ادعي متجيني لحدما تنزل عليَّ وتهدم كل أحلامي وصلت لمرحلة ما اريد يلمسني حتى لا اتأمل ؏ الخالي بلاش لأن صدقًا نفسيتي تعبت بشكل مينوصف ثاني يوم من الصبح گعدت اصور بـ يمام عودت قمرنا يوميا ادز لها صوره ومقاطع فيديو مختلفة حتى يكبر گدام عينها يوم بعد يوم وتعيش وياه مشاعر الأمومة بـ أدق تفاصيلها ، صح إنقطاع النت تعبني كلش بس مع ذلك كنت احط روحي وياه في سبيل ما افوت عليها يوم بدون متكحل عيونها بشوفة ابنها للعشرة اجت ماما ورد مسولفة لها شـ صاير ويا تفاحة سلمت ودخلت عليها حاضنة ابنها نايمة والوجه بلون الكركم گعدت يمها تمسح على شعرها وتتعوذ من الشيطان عطاء.. هذا نظر اخخخخ .. عضت أصبعها : لعبت بيه لعب قبل لا اجي لهنا وما برد گلبي نبض.. ماما قابل متقصد هوَ من محبته راد يوكله وياه شـ عرفه راح يصير بيه هيچ عطاء.. گومي يمة گومي احچي وياية گلبي نار عليچ عشق.. دأنزف عطاء.. صخام الصخمني ان شاء الله وليش بعدچ نايمة عشق.. شـ تريدين اسوي يعني هوَ مثبت أخذه و ابقى نايمة ظل الحمد لله ما ظل عادي خوما اعوف ابني يموت والله شنو علمود احافظ على حملي عطاء.. دگومي ويا أختچ غسلي غيري ملابسچ حضنت ابنها تبچي ، إندا

حت بحيث بيومها ما رجعت لبيتهم إلا للمغرب اني وماما وصلناها ، ثاني يوم الصبح گعدت تريگت وبدلت توني دألبس الحجاب سمعت الجرس رن طلعت اركض صحت منو رد هتان اني .. فتحت له بسرعة - صباح الخير حبيبي - صباح النور - ليش لسه مو جاهزة - ما عندي شي بس ألبس الحجاب ، تفضل يلا - عمتي صاحية - اي - يلا اسلم عليها بين مـ تجهزين حچاها ودخل سلم وگعد يسولف ويا ماما نسى روحه خلصت ورجلي راحت من الوگفة وهمَ يحچون أخر شي ندسته بـ ظهره ، إلتفت عليَّ خزرته بـ ضجر نهض مبتسم استأذن منها وطلعنا لساحة التحرير نفس الروتين اليومي بس يوم عن يوم دتسوء اوضاع المظاهرة بسبب الشغب القاموا بيه بعض المندسين بحيث تحولت المظاهرات من السلمية للدموية وخسرنا كثير من شبابنا سواء من القوات الأمنية أو من المتظاهرين نفسهم ، للعصر دنرجع بالطريق باوع هتان لهبة بالمرايا الأمامية - هباوي احسبي حسابچ الخميس نروح للنجف - لا مو خوش توقيت ، بلال الخميس يريد ياخذنا كلنا لكربلاء و مناك نروح للنجف - مو مشكلة على راحتچ الجايات هواي ان شاء الله - ان شاء الله وصلناها ورجعنا ماما عزمت هتان على العشا ، ظل يمنا لـ 12 يلا راح بـ هالفترة كلش قوت علاقتنا لأن طول النهار احنه سوى بالساحة ومن يصير الليل لو يجي يمنا لو يتصل يحچي ويتغزل إلى أن بديت اتعود عليه وانرفعت الحواجز الكان بانيها الخجل بيناتنا اليوم الخميس ، طلعت من الفجر وياه للنجف بصعوبة وصلنا بسبب الفوضى الناتجة عن ثورة تشرين ، زرنا بالبداية أمير المؤمنين عليه السلام بعدين توجهنا للوادي بس صار قبر أحمد گدام عيوني جثيت على ركباتي ابچي من أعماق روحي واحچي وياه بصوت مجروح وبنبرة عتب شلون تركني وراح ، ما ادري شگد مر وقت واني على هالحالة ، تركني هتان على راحتي إلى فرغت گلبي من قهر فقدانه ، درت وجهي للخلف امسح بدموعي واگف وراية يقرا قرآن بصوت واضح نهضت بتعب وگفت بصفه انتظره يخلص بس نهى الآية وصدق شبكت إيدي بـ إيده وعيوني على قبر أخوية ابتسمت من بين دموعي .. - يجمار گلبي وأعز إنسان على ورد من بعد أهلها تذكر ذاك اليوم الاجيت بيه للمنظمة گلت راح يجي اليوم التحبين بيه واني تحديتك مستحيل ورد الشام توگع انتَ بيومها جاوبتني وكنت قاصد هتان بـ كلامك راح تحبين ويجي اليوم الاذكرچ بيه وإذا ميت تجين وياه توگفون على گبري وتذكرين كلامي .. ومتت أحمد متت واني حبيت الإنسان الطالما تمنيت تزف أختك عروس له وتحقق كلامك وهذه اني اليوم اجيت إيدي بـ إيده أذكرك وأذكر نفسي بـ هالكلام بچيت بـ حرقة تقطع نياط القلب : بس والله سعادتي مدتكمل بدونك ، دوم بأخير الليل من احط راسي على المخدة أحس جزء مني مثلوم وانتَ غايب عن حياتي تعايشنا اني وهباوي بعد خسارتك بس كذب لو نگول عشنا أحمد مسحت دموعي مبتسمة : يلا ما اريد اضوجك وياية خليك مرتاح بمكانك بس أمانة تدعي لنا بالراحة الحياة جدًا قاسية واحنه مجبورين نعيشها رغم كل الخسائر إلى أن تنتهي بس عاد ان شاء الله تكون نهايتنا مُشرفة مثل نهايتك يا بطل حتى نگدر ننجمع بيك من جديد مسح هتان دموعي بـ إبهامه ونصى يم قبر أحمد يقرا له الفاتحة ، طلعنا من يمه متوجهين لعمتي آمنة وأختي زرنا قبورهم ورجعنا لبغداد بس وصلت لبيتنا نمت احاول بـ هالطريقة انهزم من الواقع ومن آلام گلبي عشق.. لعبان النفس موتني حسرة احط شي بحلگي إذا ما استفرغته مباشرةً أخر شي خالو أخذ لي إجازة من المستشفى وشد لي مغذي لأن الطفل راح يموت ماكو شي ديوصل لمعدتي وصلت لمرحلة حتى الماي أذبه اليوم طلعت من المغاسل من گدما استفرغت نفس ما ظل بيَّ ، تمددت على تخم الصالة وراحت نبض تسوي لي حليب بارد ، توني غمضت عيوني سمعت صوت نظر يصيح تفاحة وينچ ، جاوبته هنا دخل يركض إيده بـ إيده مُتيم صدگ لو گالوا ما محبة إلا من بعد عداوة وين راحت الغيرة هسه صاروا مـ يفترقون بس بالنوم - شبيچ همْ رجعتِ تخربطتِ - عادي حبيبي تعودت ، گول يلا شنو ردت مني - خالو انطاني فلوس واجيت اسألچ قبل لا اروح للمحل اشتري عادي ياكل مُتيم موطا - لا حبيبي مو زين عليه انتَ همْ لتشتري الجو بدا يبرد شوفوا لكم شي مُفيد بعيد عن الموطا والچبس - بس اني مشتهي موطا - نظررررررر ، لتعاند گلت مو زين اسمع الكلام - اي ماشي رايحين نشتري - وين لتاخذه وياك روح وحدك اشتري وتعال - آدم ويانا لتخافين - مو تتأخرون - لا بس نشتري ونرجع نلعب بالبُستان ويا مالك وزياد طلعوا يشترون بالي ظل وياهم شگد اوصي على مُتيم بس همْ ابقى قلقانة عليه طول ما هوَ بعيد عن عيني شوية و دزيت إيثار طلعت تتفقدهم ، دقائق و رجعت طمنتني ديلعبون بالبُستان ، نبض وتانا ظلن فوگ راسي ما تركني ولا لحظة .. لليل دخلنا لغرفة نيار من يومها واحنه مستقرين بيها ، نومت مُتيم وظليت احچي ويا نيار للوحدة نهينا المكالمة غفيت بسرعة هالفترة النوم صاير صديقي المُقرب بسبب الحمل غاطة بنومي واسمع اصوات غريبة يمي عبالي أحلم شوية وصحيت شنو هالصوت يربي عبالك غرغرت ميت

ة رفع المحادثة گدامي يمرر الكتابة بـ أصبعه كان ديسأل ؏ الضماد وهيَّ تنطيه التعليمات أخر شي تشكر منها واعتذر عن الإزعاج لأن ما كان متصور أخوه طالع لذلك اضطر يراسلها ويستفسر بعدما كان معتمد على حيدرا - ها شفتِ ماكو داعي للغيرة بعد - يا غيرة هذه !! اني ردت اطلع لأن دتتجاوز حدودك - يا حدود ست - تعرف أستاذ ، المهم يلا وين التعقيم هيچ راح نتأخر - ذاك على الميز رحت جبته ويا القطن والشاش ورجعت ، وگفت گدامه رفع إيده نزعته التي شيرت تعرى جسمه گدامي تلعثمت بشكل ما اعرف بعد اودي عيوني منه وين ، نسيت كل شي اريد اتذكر شنو كانت الدكتورة كاتبة ماكو فجأة صحاني صوته گال افتحي الشاش شـ منتظرة ، نقذني بـ هالكلمة ، رفعت إيدي فتحت اللاصق الطبي وأسناني تقضم بـ شفتي مفضوحة مو بـ إيدي أقل توتر يمر عليَّ الجأ لهذه الحركة بدون وعي - اني مو گلت هذه الحركة بعد لتسويها - يا حركة ؟؟ بلا شعور رجعت كررتها من شدة التوتر ، ما أحس غير سحبني عليه احتضن خُصري بـ قوة وأخذ شفتي بين أسنانه عضها بنفس الطريقة الاني اسويها بس برقة أكثر بحيث ما حسيت بالألم بگدما حسيت ببرودة أسنانه غمضت ، شديصير لچ ورد !! عمري كله مـ حسيت بهذه الإحساس الگاعد أعيشه حاليًا ويا هالرجال .. - هذه الحركة حچاها بعدما ثبت خشمه على طرف خشمي ، إختلطت أنفاسنا بين الشهيق والزفير ، باوعت له بـ توتر - هتان - عيناي ومقلتاي - شـ اسمه اني... - انتِ ؟؟ - اااا انتَ يعني... - اني ؟؟ - اسكت شوية خل اعرف احچي لي جملة على الأقل - صار سكتت - ااا انتَ شـ اسمه يعني قصدي ، استغفر الله شو عفية بس ابتعد عني شوية مو نسيت حتى الحروف العربية - نحچي روسي ولا يهمچ - بس اني ما اعرف روسي شلون بـ هذه الحالة - بسيطة اني موجود واعلمچ - بـ هالسهولة ؟!! - وأكثر مما تتصورين - من شوكت - من شوكت شنو ؟؟ - تحبني - اني مو بس احبچ وردة گلبي اني واصل وياچ للذروة ذروة الحب ذروة العاطفة ذروة المشاعر ذروة التفكير ذروة السعادة ذروة اللهفة والنشوة والرجولة إتجاه رقة أنوثتچ وردتي أنفاسي إضطربت ، حرارتي إرتفعت ، گلبي صار ينبض سريع ، اريد اسيطر على رجفة جسمي ما اگدر ، ضغط على خُصري بـ إيده وقربني منه للحد اللي بيه لامست أجسامنا بعضها البعض وكأنها قطعة واحدة ثبت گصته على گصتي وعيونه تتأمل الضعف السيطر عليَّ ، غمضت بـ خوف لفحت حرارة أنفاسه بـ وجهي رجعت فتحت عيوني .. باوع لي مبتسم بـ خُبث - تحبيني ؟؟ - إضطرابي جاوبه قبل لساني .. - وردة گلب هتان تحبين هتان - مممم - انطقيها اريد اسمعها بـ نبرة الصوت المُرتجف بالحب - اي أحبك ، كلش هواي أحبك فعلاً الرجفة كانت واضحة جدًا بـ نبرة صوتي !! .. رفع طرف أصبعه لمس الشامة الموجودة أسفل شفتي - يؤرقنـي التفكير بكِ كـ مؤمـنٍ في طريقِ سفرٍ طويل وقد قامت الصلاه . حچاها وباسني بـ شغف مُخيف ، هيَّ مو أختي وصتني ما أضيع بين إيده ليش لعد ضعت وضيعت ورد مني لدرجة نمت وياه على فراش واحد بلا ميطلع لي صوت حسيته صار يتجرأ بـ لمساته وعيت على نفسي ، رفعت إيدي بـ تعب ثبتتها على صدره احاول أبعده عني ماكو ما استجاب ، نطقت بـ صوت يعبر عن الحالة الوصلت لها بسببه : هتان اصحى احنه شدنسوي هتاااااان ويا ما حچيتها إندگ الباب طفر مني صرخ بعدما لچم جرحه بسبب سرعة الحركة ، وگفت على حيلي صحت تفضل دخل مُتيم مبتسم الدفتر والألوان بـ إيده - عمو هنا يا لون لازم استخدم نسيت - الأخضر الفاتح - شكرًا حچاها وطلع يركض ، بدون ما اباوع بـ عيونه فتحت الشاش وسحبت القطن والتعقيم بديت انظف له الجرح بـ إرتباك واضح جدًا على حركاتي كلما أتخيله شلون ديباوع عليَّ اموت بـ دمي ، خلصت ضماده سحبت الشاش الجديد لفيته عليه ولصقته باللاصق الطبي - يلا خلصنا - منو گلچ خلصنا ؟!! - هتان !! قبل لا افتح حلگي واعترض باسني بـ لهفة ، ما اعرف شلون گدرت أفلت من بين إيده طلعت من الغرفة واني اگول روح وحدك ما اجي وياك اليوم ، ضحكته الخبيثة وصلت للباب صاح وراية مجاوبت طلعت بوجهي لبيتنا بعد ساعتين ، گاعدة اتصفح بالفيس وكل شوية برنامج الـ VPN فاصل اتصلت هبة فتحت الخط عليها مرتبكة وكأنما تعرف شنو صار بيني وبين هتان الصبح - زيتونة وينچ ليش ما اجيتِ - ها حياتي مالي خلگ اليوم على باچر ان شاء الله - شنو مالچ خلگ !! هتان گال كل شي ما بيچ بس شنو حبيتِ تتدللين علينا شوية - هتان گال لچ هالشكل ؟!! - اي - يمكن والله ما ادري - سكتت لثواني : ولچ حقيرة بس لا !!! شهگت بـ قوة - وسم شبيچ - انتِ وهتان ، يعني شـ اسمه - مممم - جايتچ انتظريني مو مال مكالمة بس اشوف منو من الشباب يگدر يوصلني لبيتكم - ولچ اگعدي راح تفضحينا - دطيري حچتها وسدت الخط بـ وجهي فعلاً دقائق وصارت يمي طبيعتها ابد مو فضولية بس بـ موضوعي بالذات حبت تعرف التفاصيل بالدقة لأن هيَّ الوحيدة التعرف هالرجال شنو يعني لي بدون ما احچي واعترف بـ حبه كلش فر

وف هتان.. انتظري بس اشوف الدكتور وين ورد.. ننتظر شنو جايين وياك حچيتها وسندته دنمشي اجى مصطفى يركض ، عرف متصوب أخذه مني دورنا على الدكتور ماكو أخر شي دنتوجه للمفرزة الطبية نشوف لنا ممرض صارت الدكتورة گدامنا من شافت الدم على هتان اجت ؏ السريع طلبت نمدده ؏ الكراتين وفتحت أزرار قميصه ، هبة دارت وجهها مباشرةً أما اني بقيت صافنة اباوع عليها بعدها صغيرة حلوة والشعر حرير ولكنتها غريبة مبين اصلها كردي ويمكن مسيحية لأن كل كلمة والثانية تحلف بالرب ، رفعت عيوني على هتان گلبه قوي رغم دتنظف جرحه بس عادي مستمر يجاوب على اسئلتها وعيونه عليها .. مدري شـ صار لي فجأة إنزعجت بشكل ريم.. كم مرة نبهناكم من يرمون سحبوهم وانسحبوا هتان.. وين نلحگ همَ متقصدين يرمون التجمعات ريم.. الرب ينتقم منهم على هالدماء الدتسيل بلا ذنب مصطفى.. دكتورة جرحه خوما قوي ريم.. قوي بس صديقنا جسمه اقوى ما تأثر بالضربة هتان.. يخليلياچ يا رب ريم.. كردي انتَ لو شنو عربيتك مو تمام هتان.. اصلي عراقي لكن إنولدت وعشت بالخارج ريم.. حلو وين بالضبط هتان.. ولادتي بالشام وسكني روسيا ريم.. ومن كل عقلك تترك الخارج وترجع تعيش بالعراق هتان.. لا اجيت زيارة ممستقر هنا ريم.. وشنو عملك هتان.. مخرج ومصور الإخراج دراسة والتصوير موهبة ريم.. شگد حلو بس شعجب متخلي عن كاميرتك بمثل هالموقف التاريخي !!! هتان.. لا ليش موجودة وموثق بيها لقطات جدًا نادرة ريم.. تمام انطيني رقمك حتى من تصير زين نتواصل ضروري نستثمر موهبتك لصالح الكادر الطبي المشارك بـ ثورة تشرين العظيمة ورد.. دكتورة خلصتِ لو شنو ريم.. بعد يحتاج اضغط على جرحه دقائق قبل الضماد ورد.. عنچ تعبتي اني موجودة ريم.. لا عادي نصيت أخذت الشاش تقصدت اضغط على جرحه حيل باوع لي بألم بعدت عيني عنه چان يگول لها يلا دكتورة سجلي الرقم !! بس حچاها ضغطت اقوى .. صرخ ريم.. جيبي دتألميه انتِ ورد.. لا ممعقول ، شنو حبييي صدگ دتتألم ريم.. باوعت على إيدي : مخطوبين ؟؟ ورد.. اي مخطوبين وأقارب همْ ريم.. اها الرب يسعدكم حچتها وفتحت الموبايل أخذت رقمه وضمدت الجرح بس خلصت لبسه مصطفى ورجعنا للبيت تركته يوصله ودگيت باب أهلي فتح لي نظر توني غيرت ملابسي رن موبايلي سحبته من الجنطة هبة دتتصل .. جاوبتها - ها هبو - انتَ غبية لو شنو بالضبط فهميني ؟!! - خييييرررر - وجعة ظل خير من ورى عنادچ وراسچ اليابس ثولة - هبة لتخليني اطلع ضيمي بيچ - اي عيني غرتي بس كبريائچ ما يسمح تواجهين هتان بـ هالغيرة فـ ظالة هيچ تحمسين بـ روحچ ؏ الساكت - يا غيرة يمعودة !!! - بس شغلة وحدة اگولها واسد الخط ، إذا ظليتِ على هالبرود ويا الرجال شايفة هذه دكتورة ريم شهر واحد كافي حتى توگعه بـ حبها وتاخذه وتطفر للخارج لأن مبين عجبها رجلچ وعجبتها عيشته بـ روسيا .. وصلت - اي بالعافية عليها وعليه - خايبة دطيريييييي سدت الخط بـ وجهي باوعت للشاشة صافنة ياااا هذه شبيها صدگ تحچي !!! رجعت إتصلت رفضتني بسرعة رميت الجهاز ؏ الميز ونمت ، ثاني يوم الصبح تريگت ومريت على بيت خالو اساعد البزونة شوية قبل لنطلع لساحة التحرير . . داغير لمُتيم ملابسه طلع هتان من الغرفة يسأل على حيدرا جاوبته نبض مـ موجود طالع هتان.. وآريان نبض.. الكل طالع بس اني وورد بالبيت والأطفال طبعًا هتان.. شلون سالفة هذه نبض.. ليش تريد شي گول إذا اگدر اساعدك هتان.. الضماد يحتاج له تغيير وما اسيطر أغيره وحدي نبض.. ليش وحدك لعد ورد وين راحت فتحت عيوني عليها إبتسمت بحقارة درت وجهي هتان يباوع لي گمت فشلة بعد مو مال أغلس .. بس دخل للغرفة إلتفتت بسرعة نزعت الحذاء من رجلي وسمطتها بيه ما لاحها طلع بالحايط لأن نصت ، غمتني وراحت جابته اجت باستني ونزلته يم رجلي .. دألبسه همست - ضماد موفق حبيبتي بس مو تنسين روحچ بين إيده - نعللللللللل - نبض صارت نعل يلا مقبولة منچ - ارجع واربيچ بسيطة - ميحتاج تربية هتان راح تنسيچ تربيتي ههههههههه - ما هذه الضحكية - إنها ضحيكة الـ * ضربتها على راسها حيل ورحت له للغرفة ، دگيت الباب صاح تفضل نزلت المقبض بس فتحتها صار بـ وجهي ديراسل بالموبايل ومندمج ؏ الأخير حتى ما رفع عينه - هتان - تفضلي زيتونة سديت الباب و دخلت وگفت گدامه بعده يراسل .. - يعني إذا ممكن تأجل مراسلتك شوية بين ما اغير لك الضماد وبعدين أرجع راسل لحد مـ تمل ولا كأني احچي وياه !!! درت وجهي بـ عصبية داغادر الغرفة سحبني من إيدي حيل بحيث وگعت بـ حضنه - وين رايحة ؟؟ - انتَ مشغول بالمراسلة وجودي بعد ما له أي أهمية - ماكو شي مهم بالنسبة لـ هتان غير وجود وردته يمه عضيت شفتي بـ خجل دابعد عيوني منه صار الموبايل گدامي مفتوح على محادثة بالواتساب ركزت بـ نظري زين هوَ اني قريت اسم الدكتورة لو عقلي إنجن دفعته حيل ورجعت بـ خطواتي ردت أطلع لزمني بسرعة - تعالي يمعودة - وخر هتان وخرررر - باوعي بس باوعي لتحكمين بسرع

البارت الثامن والعشرون لَـم يَكـن لَـديَ رَغبـة جِـديَـة في العـودَة .. عُـدتُ مُـجبـرًا ، كُـنـتُ ضـائِعًـا ، مِـنْ جَميـعِ مَشاعِـر الـحُـب مُـجـردًا وَعَلـى حـيـنِ غَـفلـة .. نَمَت في بَساتينِ رِجولَتي مِنْ أرضِ الوَطن " وَڕدة " ✍🏻 ____ احچي وعيوني ؏ الساحة العصبية ماخذتني مـ عاجبني حتى اباوع بـ وجهه بس مجرد مـ نطق عبارته الأخيرة " هتان يموت على وردة گلبه " لا اراديًا عيوني وكل شي بيَّ إلتفت عليه مگاعد استوعب الكلام السمعته !! بقيت انظر له بـ صدمة وهوَ يقابل نظراتي بـ إبتسامة مُستفزة وكأنما ديقصد بيها اي اني كاشف مشاعرچ إتجاهي من زمان وجدًا عاجبتني غيرتچ المُفرطة عليَّ !!. هبة.. مو چني شايفة هالفلم مقدمًا بس وين وين وين اوگفوا خل أتذكر ؟!! اي وصلت بأول لقاء واحد ضرب سيارة الثاني فـ نزلت البطلة تعتذر اسفة مو قصدي أفلش سيارتك جاوبها البطل لاااااا هذا السيناريو اني حافظه تصطدمين بسيارتي بعدين تعتذرين واگول لچ لا عادي ما صار شي فداچ السيارة وصاحبها وفجأة ألف الصلاة والسلام عليك يا حبيب الله محمد صلوات منك المال ومنها العيال ، هتان شايف هالفلم لو لا ؟؟ يفوتك والله قنبلة الموسم چان لقائهم الأول البطل أعلن عن نهاية الفلم من أول دقيقة بيه ، شي عجيب بـ صراحة هتان.. دار وجهه يضحك : شايفه لكن هوَ البطل نفسه ما كان متصور راح يحب وحدة مثل فزاعة الحقول ورد.. ولا البطلة كانت تتخيل واحد مثل عبسي أو واحد أقل ما يقال عنه كائن فضائي غريب راح... هتان.. كملي راح شنو ؟!! حچاها مبتسم بـ إستفزاز كالعادة ، درت وجهي بسرعة هبة.. اگول آنة لو عاجبك تسمعها منها شخصيًا هتان.. تنهد بـ وضوح : اتركيها هيَّ التنطقها لأن أخوچ حتى حِلِم حلَم بيها واني على يقين بالواقع راح تكون أحلى وأرق وأعذب وألطف ، يعني مثل صاحبتها تمامًا هبة.. ندستني بـ خاصرتي : يلا احچيها ولچ مو طلعتِ لي مرارة بصف مرارتي من يباسة الراس هذه ورد.. ظليت اباوع ؏ الشباب وأقرض بـ طرف شفتي هبة.. ورد آنة مو جاي احاچيچ هتان.. اتركيها هباوي وصل الجواب مـ يحتاج تنطقها هبة.. تحبك خايب تحبك بس هيَّ شوي عنودية تعرف العناد عندكم وراثة من أمها وأبوك وانتَ نازل بس حچتها نهض اجى گعد من الجهة الثانية صار يمي عيوني بعدها ؏ الشباب تقرب من مسامعي همس .. - لتسوين هالحركة بـ شفتچ - إلتفتت عليه رافعة حاجبي بـ إستنكار : وليش بلا هااا فجأة مد إيده ورى ظهري احتضن خُصري بـ قوة .. - تسمعين الكلام لو لا ؟؟ - هااا جفلت .. ممتوقعة هالتصرف منه !! تلمس ظهري بهدوء عجيب لدرجة سرت القشعرية بـ مُختلف انحاء جسمي واضطربت أنفاسي بـ وضوح گدام نظراته الخبيثة ، رفع حاجبه ينبهني بـ هالحركة للوضع الصرت عليه بسبب قربه المُفاجئ مني ، مباشرةً مديت إيدي على زنده أحاول أبعده عني ما أحس إلا سحب الموبايل من جيبه وصورني اني وياه أكثر من صورة .. بقيت صافنة !! مدري شنو صار فجأة الشباب ركضوا بسرعة گدامنا گام هتان توه متحرك للأمام ضربوا علينا دخانية طشرت جمعتنا ، صرخت من وجع عيوني شوية والنفس بدا يتلاشى داخل صدري اسمع الهوسة يمي بس ما اعرف شديصير وياهم ، حسيت اكو برودة سرت على وجهي بعدين بدا النفس يرجع لرئتي تدريجيًا فتحت بـ صعوبة اني بـ حضن هتان والجهاز على خشمي وين يلا گدرت اتحرك عيوننا دم حتى الرؤيا مو واضحة عندنا من غير وجع الراس الفضيع بسبب الدخان هتان.. شلون صرتِ ورد.. هبة وين هبة.. وراچ خية وگعتِ گلبي صار لي ساعة اصرخ يمچ ورد.. ما ادري كل شي ما حسيت بسبب الخنگة هتان.. الله ينتقم منهم ، گاعدين يرمونا بدخانية ليش توه حچى رموا الثانية بس بعيد عنا ، صرخ لحد تتحرك وگام يركض لأن شاف واحد من الشباب وگع إجت الدخانية بـ راسه ، إنخبصوا خطية .. بقينا نراقب الوضع من بعيد دقائق بسيطة ورموا الثالثة انحجبت الرؤيا بيننا وبينهم .. طار عقلي هتان بالنص بس لا إنضرب !! ركضت لزمت هبة بـ زندي اريد اتحرك متخليني إلتفتت عليها أعصابي متجمعة عيوني .. - ولچ هبة هتان هناك يمكن إنضررررررررب - ما جاي تشوفين الدخان بس تفوتين بنصه تطيحين - يا ربي وينه دخيلك وينننننه - آنة رايحة اشوفه اصبري - لا وين تعالي .. سحبتها من إيدها : لترحين كل شوية رامين كافي عليَّ هتان مناقصني أقلق عليچ - چا شلون شنو الحل - انتظري ان شاء الله ماكو شي وهسه يبين حچيتها وإلتفتت اباوع ؏ المكان گلبي إلا شوية يطلع من صدري خايفة عليه كلش ما اتحمل أخسر هتان بعد خسارتي لأحمد لأن لو صارت هالمرة حتمًا راح أموت بعدني أراقب الوضع عن بعد و كل جزء بيَّ ينفض من الخوف شفته اجى من بعيد الدم تارس قميصه ، بدون شعور ركضت بكل سرعتي حضنته حيل ، بعدني عنه مباشرةً لأن الدنيا مخبوصة داير مدايرنا و سحبني من إيدي رجعني يم هبة يمشي بـ خطوات مـ متوازنة هبة.. يا هتان شبيك شنو هذا الدم الـ على قميصك !! هتان.. تصوبت ورد.. عزة وين شو خل اش