قصص واتباد عراقية

ضحكت على سوالفة الي مقتنع بيهن وخرت على جهة وهوة كمل يسوي بلعشة ومتونسين نسولف ونضحك ونتشاقة وكل شوية يجي ياخذ مني بوسة لو يوكلني شي لو يذوقني شي سكتت شوي وصرت اعزل بلغراض الي خلص منهم تالي اجه شالني مگعدني على الكاونتر وهوة يشتغل يمي يحضر الاكل على الطاولة زينب: طالب وين إيليا؟ طالب: عند امه هل فترة مدري شعجب رادته زينب: هية تزوجت؟ _اممم يمكن اي _يمكن؟ ليش عود متدري؟ _شعليه بيها حبيبتي الله يوفقها _اها هيج گولتك بس كملت كلامي وسمعنى صوت ضربة قوية فززتنه باوعلي طالب وركض يشوف منين هل صوت واني نزلت رحت ورى وچان ننصدم من نلگة.... يتبع

ما تسألني اي شي ثاني وهل شي يحز بگلبي بس شسوي اني اختاريت هل طريق وصرت اشوف سعادتي بي محد اجة من اهلي احو خوالي والكل اجة وعيني على الباب روحي محترگة اريد اشوف اهلي يدخلون عليه حتى افرح واحس براحة تغدينة وخلصنة غدة گمت الم بلسفرة ويا البنات وماحس غير نهبدت ايدي نسحلت من الردان وجرني مطيحني يمة باوعتلة خازرني فاتح عيونة على وسعهم اخترعت تقرب مني وهمس بأذني طالب: خايبة ما تنچبين لا اجي اطيح حظج عوفي ندارتج هسه انتِ عروس زينب: ياا طالب يا ندارة هاي يمعود هوة غير فشلة هما خطار طالب: لا حبي انتِ الخطار هما اهل البيت اكعدي واسكتي اريدج يمي _بس اودي ذني فشلة _راح ادفرج والله هسه افلش الكعدة واخذج واروح واكوللهم مرتي حلالي راح اخذة واروح للبيت ابوسة اشمة اشبگة استفلگ ويا و... _اشش اششش ولك كاافي كمت اصم بحلگة واگرص برجلة من جوة وهوة مستمر يحجي بس الكلام مينسمع ومينفهم لان خانكته بأيدي بقيت گاعدة يمة بس روحي راحت من النعاس منتظرة يرحون الخطار حتى اروح البيتي وانام البنات وگفن يغسل المواعين وسمعنة الباب اندگ طلعت وحدة من البنات فتحت الباب واسمعها تبوس گلت بگلبي اهووو هم ناس خلصني من تبوس معارف ام طالب هواي وياهي تجي تلزمني تمصني مص من البوسات الي تبوسنياها بس بعدني عيني على الباب ورجف گلبي واني اسمع صوت سلطان صاح سلطان: يالله يالله، السلام عليكم يابة دخل سلطان ودخلن ويا ريناد ومريم واني كمزت من الفرحة احس روحي صرت ريشة مامصدگة عيوني اخواني كلهم يمي شابگة سلطان وابچي ومريم وريناد هم حاضناتنة ويتباچن ابوس بيهم وسلطان مبتسم ويهدء بية سلطان: يابة على كيفج شبيج زنوبة منو وياج حبيبتي هسه عليمن هذا البچي شو باوعيلي شو ليش هيج تبچين هاي طالب مسويلچ شي هاا؟ احچي خلكسر راسة هلخايس وخرت من حضنة امسح دموعي واناشغ بس ضحكت على كلامة وهزيت راسي بسرعة بـ لا باوعلي مقلص عيونة والبنات مبتسمات وهم يمسحن بدموعهن سلطان: ها كتيلي لا خير ان شاء الله بس حسابة بعدين مافوت حالة رحت على مريم حضنتها وابوس بيها وريناد هم سلمو على البقية وگعدنة لزمت ايد مريم وسألتها واني ادري ليش وشنو الجواب بس اجذب روحي اريد ولو خيط أمل زينب: مريم امي وين ابوي ليش مااجو؟ امي بيها شي شلونها عليج الله مشتاقتلها مريم: زينين الحمدلله بس ابوي ماقبل امي تجي ومدري شعجب خلانة نجي ولو شنو المدري شعجب غير سلطان گلب البيت وجابنة ريناد المگرودة گامت تمشي وتتعثر تريد تلحك تلبس وتطلع ماتلحك خبصنة خبص ريناد: هوة بس خبصنة غير حرگ الدنيا نوب ابوي يكلة ما طلعون يكلة اي نخابرك نخابرك، سلطان صاير ترندي وكذا زينب: هههههه كون يسمعج هسه اله يجرج من شعرج رفعت راسها باوعت لگت سلطان مركز عيونة عليها ومقلصهن عود يخوفها وهيه ماقصرت بلعت العافية اني ومريم خربنة ضحك عليهم دوم سلطان وريناد يتفارسون يكللك توم وجيري بقو يمي للمغرب وما قبلو يبقون اكثر ورجعو طالب هم ترخص من الموجودين ومن اهلة واخذني ورحنة البيتنه جسمي نهلك من التعب فتح باب البيت ومد ايده وانحنى طالب: تفضلي اميرتي الحلوة تفضلي المملكتج يا جميلة الجميلات ضحكت على سوالفة ودخلت واني اتمعن بجمال البيت وتفاصيل الي تموت من ديكور واثاث وكلشي جان يشبه ذوقي ابتسمت رحت سبحت وبدلت ومكيجت وتعطرت طلعت من الغرفة اسمع صوت اغنية مفتوحة وطگطك بلمطبخ رحت للمطبخ لگيت طالب واگف يثرم طماطة ومطلع بيض وحاط چاي على النار ويدندن ويا الاغنية ومندمج _يانبعه الريحان حنّي على الولهان حني على الولهان جسمي نحّل والروح ذابت وعظمي بان ذابت وعظمي بان يوم الذي حبيت يا منيتي جنيت ضحكت ودخلت شافني ابتسم ومسح ادية بلكلنس وحضني يباوع بعيوني واديه محاوطات خصري ويبوس بوجهي بعشوائية _ريحانتي الي مسودنتني _لا لا هيج اني گلبي يوگف _اسم الله على گلبج يبعد صمامات گلبي _ههههههه والله مصطلحاتك تعجبني _انتِ كلچ تعجبيني كمل حجايتة وحسيت روحي طايرة صحت خايفة وضحكت متمسكة برگبتة عبالك مو شايلني يگلك صدگ طايرة رجلية مرفوعة عن الگاع شايلني من خصري شلون الاطفال شعري نزل على وجهة وخربانين ضحك نزلني وكفت على الطباخ عود اساعد واني كلشي مااعرف بس طلعت طاوة واريد اشغل النار اجه حاضني ومخلي راسة برگبتي يشمها ويبوس واني مبتسمة احس السعادة دا تمشي بروحي ودمي _احب ريحتج واحب هاي العظمتين مو ركبة تسطر انتِ لوحة نرسمت تفاصيلج بدقة عالية _طالب جعت خلي نسوي عشة _انعلج ابو الجوع تجوعين واني موجود صدك تعرفين طبخين؟ _لا _خرب حظي خرب الحجي _هههه ليش ليش عادي اتعلم علمودك _خرب عشيرتج راح اعضج لج انتِ شنو _ياااا طالب عشيرتي _اعتذر منهم نفر نفر يلا ولا يهمج _لا شعليه بيهم بس سادة لا يشورون بيك _اخخخ الله تخاف علية حتى من التشوراية _تشوراية؟؟؟ هاي منين تجيب الحجي انت؟ _مالچ شغل عندب ذني عندي

البارت 22 ____ ___ لا الوَرد لو مثِلچ حَلو تركضله وادم حَافيه والـ مَالكه العَلتِه دِوَة نبرة ضحَكتج كافيه . ꧁ ................................................꧂ طالب: نسيت اكلج خذت جوازج وحجزت النه التركيا حبيبي الصبح اني وياج اروح زينب: طااالببب صدوك تحچيي عزاا الله عليك الله صدوك طالب: اي اي والله صدوك حضنته ونمت واني فرحانة بعد كل هل فتره الي مرينه بيها واخيرا شميت ريحة سعادة گعدنه الصبح واحنه ماشبعانين نوم حضرنه جنطنه وطلعنه للمطار وگال منودع احد تالي صدوك رحنه واول ما وصلنه تركيا الضحكه شگت حلگي واخيرا اجيت اني ويا للدولة الي اموت عليها مرت ايامنه مثل العسل ما فكرة بأي شي ثاني المهم الي اني بي والسعادة الي دااعيشها مااريد شي ثاني. زينب.... نايمة وحسيت بأديه حاوطت خصري خله خشمة على خدي ويبوس وجهي ونزل على رگبتي اشتمها ابتسمت واني مغمضة بقى مخلي راسة وهمس طالب: روحي تشوغ عليج يبعد حيلي نداريت وباوعتله بقى يباوع لعيوني ويبوس بوسات متفرقة بوجهيي زينب: حبيبي ليش هيج تگول؟ طالب: لان احبچ زينب: لعد روحك تشوغ علية ليش _اششش زينب خلي اشوفج _طالب _همممم _ليش صار كل ذاك وانت تعرفني اني مو هيج ليش ما صدگتني؟ _لا مااعرفج بعدت راسة وباوعتلة مصدومة من كلامة زينب: يعني انت ما تعرفنيييي؟؟؟ ابتعد عني ونزع تشيرته وشمره عليه طالب: گومي حبيبي خلي نطلع شنو جاين نعشعش بلغرفة كومي بسرعة بدلي خلي نطلع بقيت مصدومة وما بررلي وحسيت اني لو زيدتها راح انكد واقهره واقهر نفسي عفت كلشي وبدلت ومكيجت وطلعنة اكلنا وتفرفنه واخر شي اخذني الحديقة بيها اطفال واني الابتسامة شگت حلگي على الاجواء اشترالي شعر بنات گعدنه حضني لف ايدة على كتفي مقرب راسي ع صدرة اللحظة هاي ما اريد افصل عنها بأي شي طالب: زينب اني اريد كوومة اطفال واغلبهن بنات وشرط يشبهنج زينب: بس اني مااريد اطفال شدعوة بعدنة بداية زواجنة _حبيبتي انچبي اني ودي باجر تجيبين حتى الاسبوع الجاي تحبلين مرة ثانية _يا طالب شبيك شنو دجاجة كل اسبوع اخلف _صدك زينب الدجاجة تخلف كل اسبوع؟ _شمدريني شنو عايشة وياهن _مو هسة تگولين يعني اكيد تعرفين يلا زينب كليلي الدجاجة كل شكد تخلف _ياااا طالبب تعبير مجازي مجازي _ها ها خوش يلا خوش بس بعدني اريد بنية _على عينك رزق _لا ليش اني ارزقج بوحدة _لا انت اليوم بيك شي _ههههههه لا لا گعدي راح اسكت _سخيف بعد لا تحچي هيج استحي _اروح فدوة لليستحي شو شو باوعيلي ام ايلول _الله الله أيلول؟ _اي اسم بنتي أيلول _بنتك؟ بس انت؟ خوش خوش استاذ طالب من تتنسى بيها لو تطلگ خابرني اجي اساعدك _هههههه ولك بوية شكو صايحج لتزمين راسي لو تطلگين بمكاني؟ _ هههه،لا الزم ايدك واگلك ادفع بعد ما بقى شي _كافي الرعنه مو طيناج مجال سكتت بقيت اباوع للاطفال وعقلي يزيد احداث وتخيلات على الموقف واضحك هوة يعيط اسكت گوة لامة شفايفي وگوة لازمتها للضحكة وماتحملت وطگيتها ضحكة طالب: اهووو چلبت چلبت شبيج لج عليمن فقدتي ضحك زينب: هههههه راح اموت ياربي عليك الله طالب تصيحلك بابا لو ماما؟ احجي وغاصة ضحك وهوة متنرفز بس متونس على ضحكتي _ديلا كافي لا انعل ابوها وامها هسة هههههه شكد حقيرة انتِ _طالعة عليك حبيبي _لا انتِ عرمة اني فقير دااحجي ووصلته رسالة فتحها وباوعلها وملامح وجهة انگلبت _شكو منو؟ _هيج من الشغل _صدك طالب شنو تشتغل انت؟ _كلشي حبيبي حتى مخدرات ابيع _يااااااا صدك تحچي _ههههههه مخبلة شبيج شو طلعتي فطيرة _فطيرة تفاح؟ _خرب ابيه الي يطلعج بعد كومي كومي راح افلش وجهج هذا الحلو على هل تفاهة _هههههه لا لا بعد مااحجي رجعنة للشقة وعشت ايام تخبل اني وطالب صرنة نخابر اهلي واهلة بس نطمنهم عنة ونسد المكالمة بس حاسة اكو شي غريب بي مو طبيعي، تصرفات طالب مقلقة بس ماركزت حتى ما لنغص على بعض خلص شهر عسلنة ورجعنة للعراق اهلة استقبلونة بلشت خالتي تبوس وتشبگ واني مصدومة بس اكول يلا بلكي الله هاديها هية ممأذيتني قبل بس مسمومة تنكط سم طالب ماعنده اخوات فا ام طالب معتمدة على نفسها مسوية الغدة ومحضرة كلشي وعازمة اهلي وخوالي وخالاتهن اهلي من جنت اتصل عليهم اصلا مثگلين عليه خصوص امي بس تطمن وتسده

فتحلي الباب ونحنى وحط ايد ورى ظهرة وايد يأشر بيها على داخل الغرفه باوعتلها الاجواء تجنن كلها شموع واكل اشكال الوان بيها حسيت روحي بعالم خيالي دخلت وطلعته ابدل دگ الباب انطاني علاگه فتحتها لگيت بيها ملابس نوم لونهم اسود كامل ويا روب وكلهم ستن وتور وشكلهم حيل حلو وفخم ابتسمت لبسته وفتحت الباب شويه هوة بسرعه طب باوعلي وصوفر واني متت من الفشله اجه سحبني من ايدي وگف كدام المرايه وحاضني من خصري ونباوع الاشكالنه بلمرايه فرحانين طالب: واخيرااا حوريتي واخيرا صرتيلي باسني برگبتي التفتت اله وحضنته وبيومها عشت احلى لحظات واحلى يوم جان يداريني ويخاف عليه شبگني واحنه بلفراش طالب: حسيتج صرتي خرسة زينب: ههههه لا ليش طالب: ماحجيتي شي بعد شبيج زينب: ماادري بس اريد كلشي يصير طبيعي اخاف صرت من كلشي اريد اهلي هم يرجعون اتمنى يرجعون وياي نفس قبل طالب: كلشي يرجع وعيونج الاحبهن لا تخافين هسه نامي ارتاحي كم ساعه طيارتنه ب 8 ونص الصبح فزيت من مكاني التفتت اله زينب: شنو وين يا طيارة طالب: نسيت اكلج خذت جوازج وحجزت النه التركيا حبيبي الصبح اني وياج اروح زينب: طااالببب صدوك تحچيي عزاا الله عليك الله صدوك طالب: اي اي والله صدوك حضنته ونمت واني فرحانة بعد كل هل فتره الي مرينه بيها واخيرا شميت ريحة سعادة گعدنه الصبح واحنه ماشبعانين نوم حضرنه جنطنه وطلعنه للمطار وگال منودع احد تالي صدوك رحنه واول ما وصلنه تركيا الضحكه شگت حلگي واخيرا اجيت اني ويا للدولة الي اموت عليها مرت ايامنه مثل العسل ما فكرة بأي شي ثاني المهم الي اني بي والسعادة الي دااعيشها مااريد شي ثاني. بارت صغير هيج لطيف نعيد بي الامجاد🙈🤍 يتبع