غَيْث

م أكيد في شعور تاني الواحد ممكن يحس بيه غير إنه تايه !

بقالي كتير جدااا، ممكن سنين في إكتئاب جسدي نفسي شديد المشكلة الكبرى نزولك الشغل وشدة إتقانك لعملك و محدش يعرف عنك حاجة حتي أقرب حد ليك من أصحاب أو أسرة و اليوم ماشي عادي و انت من النوع كمان الكتوم ال lonely، دا من أشد أنواع الإكتئاب عامة خلي بالك لو قعدت معايا هتاخد أحلي شحنة إيجابية لو حتي متكلمناش ، مش بحب أصدر أي طاقة سلبية لحد ماديا أو معنويا اللهم توفني إن كانت الوفاة خير لي، و أحيني ما دامت الحياة خير لي .

جنّةُ المرءِ في الدُنيا .

بسمِ اللهِ الذي لا يضرُّ مع اسمِه شيءٌ في الأرضِ ولا في السماءِ وهو السميعُ العليمُ .

خليك واقعي مفيش حاجه اسمها حب وانت معندكش نية او مش جاهز تتجوز كده بتستنزف وقتك ومشاعرك، ركز في حياتك، ابني مستقبلك الاول، عيش ع حسب أولوياتك، رتبها وامشيها صح بما يرضي الله وكل حاجه هتيجي فوقتها وهتحس بقيمتها بجد متسمحش لهرموناتك بعد ١٢ تضيعك، ولا دماغك تسوحك .

كُلُّ مَتاعِبِ المُسلِم، أُجورٌ ليسَ يَعلَمُها !

لم يعد يغريني أشد ما يكون من الإغراء في شخص أو في شيء بت أستثقل نفسي كلما لاح لها الركون لشيء ما وأنفضه نفضة لا ألقي لها بالا بعدها .

تقرب من حلمك وخلاص هيتحقق، فجأة تصحى على كابوس شعور عاشه الشاب المصري كتير مع بلده، وألف مرة مع نفسه بؤس

مفيش حاجة اسمها هنسى شخص بشخص تاني كثير جدا من اللي ربنا يبتليهم بعلاقة ارتباط محرمة، أو اتعلق في فترة الخطوبة ومكملوش ينجرف على طول في علاقة تانية علشان ينسى الشخص الأول مش بس ساعتها بيظلم نفسه، ولكن بيظلم الجديد اللي دخل حياته، وهنا خلينا نتكلم عن الخطوبة، لأن علاقات الارتباط بتبقى مظلمة للطرفين وكل طرف ظالم لنفسه ممكن يبقى الجديد ده جدير جدا بالاهتمام، وأحسن وأجدر من القديم اللي فات ولكن باستهلاك المشاعر اللي حصل، بيبدأ الشخص المتروك يقارن كل فعل بالجديد على القديم، يبدأ يدخل في صراع نفسي مرير بين إنه يركّب كل حاجة بيعملها على اللي فات ده لأنه لسه متعلق فمحتاج يكمل على نفس الوتيرة وممكن يتولد جواه شعور إنها زي كمالة عدد أو ياخدها من ناحية المكايدة في الطرف القديم اللي تركه فأيا كانت العلاقة الجديدة اللي هتبنى وفيها طرف لسه قلبه متعاق بطرف تالت، فهي علاقة واهية هتولد في الطرف الجدير بالاهتمام ده شعور إنه مش مرغوب أو إنه تافه لا يُراد فاللي المفروض يتعمل ساعتها إن الواحد يتوب ويدعو الله أن يلطف بقلبه وياخد فترة نقاهة كده حلوة يستعيد فيها عافية قلبه .

تريث! اللهفة مذلة .

إن الدنيا بحالها وناسها ومشاعرها لا تسع امرأً خُذل في موضع أمنه وسلامته وطمأنينة قلبه الله وحده المستعان، ولا حول ولا قوة إلا به .

يارب أزل همي الواحد صدره ضاق أوي .

لما الواحد يفضل يعوّد نفسه ويربيها علشان يبقى ناضج وصاحب خُلق حلو، شخص هيّن وليّن وطيب مبيطلعش من بوقه غير الكلام الطيب، ويبقى نسخة أحسن من نفسه دي بجد من أجمل المراحل اللِّي ممكن يمر بيها لما يبدأ الرحلة دي مع نفسه، والموضوع ده فعلاً محتاج مُعافرة ومحاولة ومُجاهدة ودعاء، لأن ثواب الأخلاق الحلوة مش قليل أبدًا، ده أتقل حاجة في الميزان يوم القيامة وكان من دعاء رسول الله ﷺ: واهدني لأحسن الأخلاق لا يهدي لأحسنها إلا أنت، واصرف عني سيئها لا يصرف عني سيئها إلا أنت .

مفيش معيار محدد أقدر أستند عليه وأقولك الحد الأدنى من المرتب إنك تاخد كذا علشان تعرف تتزوج لكن أقدر أتكلم عن مقارنة غير عادلة تماما بتحصل من بعض الرجال اللي مقبلين على الزواج إنه يلاقي أب وعنده أسرة وبقاله عشرين سنة مثلا متزوج ومرتبه يا دوبك ما بين ال ٨.٠٠٠ وال ١٠.٠٠٠ جنيه ويقارن حاله بحال الرجل ده يقول: طيب ما الراجل متزوج وبقاله عشرين سنة وبيقبض راتب زيي ليه أنا متزوجش أو مقدرش على الزواج! والحقيقة إن الرجل ده الله يعينه مر بفترات كثيرة جدا وصُقل بفعل التجارب وأكيد معه زوجة قدرت تدبر وتساند وتصبر الرجل ده لو افترضنا إنه زمان قبل التعويم كان بيقبض راتب كويس، الراتب الكويس ده كان ممكن يقدر يحوش منه ويدخل جمعية ويشتري حتة أرض صغيرة كده يبني عليها بيت وممكن هتلاقيه مجهز بنته مثلا كمان، تغير الزمن واستفحال الغلاء خلى سعر الفلوس اللي في إيدك تعتبر مالهاش قيمة فأنت مينفعش تقارن نفسك به، لأنه اكتسب خبرة وتدبير وخلافه لو سألتك ال ٨.٠٠٠ جنيه دول اللي في ايدك يكفوا إيه أو هتدبرهم إزاي؟ هتوه ومش هتعرف تتصرف بنسبة كبيرة طبعا أنا حاطت رقم تقريبي ومش بقول لازم يبقى معاك كذا علشان تتزوج، الموضوع واسع جدا وفيه ناس بتتزوج بمرتبات متصنفة أنها تحت خط الفقر حرفيا وأمورها الحمد لله بتمشي لكن الفكرة إنك لازم كراجل تشتغل على نفسك حتى لو مرتبك قليل ومتخافش تاخد مجازفة لتعلم شيء هيفيدك حتى لو الفلوس دي تعبت فيها وممكن متجنيش ثمارها دلوقتي كل قرش هتدفعه في تعلم خبرة أو استزادة من شيء في مجالك هيعود عليك إن شاء الله فيما بعد والسلام .