WEREAD

​​ជីវិតរបស់អ្នកនឹងទៅជាអស្ចារ្យកម្រិតណា ប្រសិនបើអ្នកមានសមត្ថភាពមើលធ្លុះរាល់ការគិតរបស់មនុស្សជុំវិញខ្លួន និងអាចបញ្ចុះបញ្ចូលពួកគេឱ្យធ្វើតាមអ្វីដែលអ្នកចង់បានដោយក្តីរីករាយ? សៀវភៅ "Read Your Mind" របស់កំពូលអ្នកលេងប៉ាហ៊ីផ្លូវចិត្តលោក Oz Pearlman នឹងនាំអ្នកទៅជួបនឹងបទពិសោធដ៏គួរឱ្យភ្ញាក់ផ្អើលមួយ។ ថ្វីត្បិតតែគាត់សារភាពថា គ្មានអ្នកណាអាចអានចិត្តមនុស្សបានពិតប្រាកដមែន ប៉ុន្តែយុទ្ធសាស្ត្រចិត្តវិទ្យាដ៏មានឥទ្ធិពលនៅក្នុងសៀវភៅនេះ នឹងបង្រៀនអ្នកឱ្យចេះប្រើប្រាស់អន្ទាក់ផ្លូវចិត្ត ដើម្បីបង្វែររាល់ការសម្រេចចិត្តរបស់ដៃគូចរចា និងគ្រប់គ្រងរាល់ស្ថានភាពសន្ទនាទាំងអស់ឱ្យមកនៅក្នុងដៃរបស់អ្នកបានយ៉ាងអស្ចារ្យ! មូលហេតុដែលអ្នកគួរអានសៀវភៅនេះ៖ 1. រៀនមើលក្រឡាចិត្តវិទ្យា ដើម្បីដើរមុន និងគ្រប់គ្រងស្ថានការណ៍ចរចា ១ ជំហានជានិច្ច 2. វិធីអានសញ្ញាក្បត់របស់រាងកាយ 3. យុទ្ធសាស្ត្រវាយលុកបំផ្លាញកំពែងការពារខ្លួនរបស់ដៃគូសហការ 4. ល្បិចបង្កើតជម្រើសសិប្បនិម្មិត ដើម្បីបង្ខំឱ្យគេឆ្លើយថា "ព្រម" ដោយក្តីរីករាយ 5. របៀបគ្រប់គ្រងហ្គេមចរចាទាំងស្រុង តាំងពីវិនាទីដំបូងដែលអ្នកមិនទាន់ហើបមាត់និយាយ។ ចំណងជើងដើម៖ Read Your Mind ចំណងជើងជាភាសាខ្មែរ៖ សិល្បៈអានចិត្ត និងបញ្ចុះបញ្ចូលមនុស្ស អ្នកនិពន្ធ៖ Oz Pearlman (អូស ភើលមែន) អ្នកអត្ថាធិប្បាយ៖ Moeurn Vannak

​​ពិភពលោកបច្ចុប្បន្នកំពុងរត់ទៅមុខក្នុងល្បឿនមួយដែលមិនរង់ចាំអ្នកណាទាំងអស់ ។ សៀវភៅ «តើឈីសរបស់ខ្ញុំបាត់ទៅណា?» គឺជាកញ្ចក់ឆ្លុះចិត្តសាស្ត្រដែលដាស់យើងឱ្យភ្ញាក់ពីការលង់លក់ក្នុងភាពស្រណុកសុខស្រួល ។ តាមរយៈសួនវង្វេងអាថ៌កំបាំងមួយ អ្នកនិពន្ធបានលាតត្រដាងពីសង្រ្គាមចិត្តគំនិតក្នុងការប្រឈមមុខនឹងវិបត្តិ និងការបាត់បង់ ។ សៀវភៅនេះនឹងបំផ្លាញរាល់ផ្នត់គំនិតចាស់គំរឹល ជម្រុះចោលនូវរាល់លេសដែលនាំឱ្យយើងដើរថយក្រោយ ហើយបំពាក់មកវិញនូវវិន័យនៃការសង្កេត ការហ៊ានលះបង់របស់ចាស់ ដើម្បីក្រសោបយកឱកាសថ្មីដែលល្អជាងមុនរាប់សិបដង ។ ប្រសិនបើជីវិតការងាររបស់អ្នកកំពុងជាប់គាំង មុខរបររកស៊ីចាប់ផ្តើមបាត់បង់ម៉ូយ ឬអ្នកកំពុងដេកភ័យខ្លាចមិនហ៊ានសាកល្បងរឿងថ្មីៗ អត្ថបទសង្ខេបមួយក្បាលនេះនឹងក្លាយជាកាតាលីករជម្រុញឱ្យអ្នកហ៊ានត្រៀមខ្លួនផ្លាស់ប្តូរជានិច្ច។ សៀវភៅនេះត្រូវបានចងក្រងឡើងសម្រាប់៖ 1. អ្នកដែលចង់ក្តោបក្តាប់និន្នាការទីផ្សារទាន់ពេល មិនចង់ឱ្យអាជីវកម្មខ្លួនត្រូវស្លាប់ទៅតាមសម័យកាល។ 2. អ្នកដែលចង់បំបែកជញ្ជាំងនៃការភ័យខ្លាច ដើម្បីអភិវឌ្ឍជំនាញថ្មីៗ និងត្រៀមខ្លួនជានិច្ចសម្រាប់កាផ្លាស់ប្តូរ។ 3. អ្នកដែលត្រូវការកម្លាំងចិត្ត និងយុទ្ធសាស្ត្រដកខ្លួនចេញពីវិបត្តិបន្ទាន់។ ចំណងជើងដើម៖ Who Moved My Cheese? ចំណងជើងជាភាសាខ្មែរ៖ ឈីសរបស់ខ្ញុំបាត់ទៅណា? អ្នកនិពន្ធ៖ Spencer Johnson (ស្ពេនសឺ ចនសាន់) អ្នកអត្ថាធិប្បាយ៖ Moeurn Vannak

​​សៀវភៅ Confessions of an Advertising Man (មន្តស្នេហ៍ពាណិជ្ជកម្ម) និពន្ធដោយកំពូលមហាសេដ្ឋីជំនួញផ្សព្វផ្សាយលោក David Ogilvy សម្រាប់អ្នកលក់អនឡាញ និងអ្នកធ្វើ Content នាពេលបច្ចុប្បន្ននេះ។ សៀវភៅនេះគឺជា «គម្ពីរមាសពង្រីកទីផ្សារ» ដែលអ្នកមិនអាចរំលងបានឡើយ។ មនុស្សភាគច្រើនគិតថាវាហួសសម័យ ប៉ុន្តែការពិតទៅសៀវភៅនេះ គឺឆ្លុះបញ្ចាំងពី «ចិត្តសាស្ត្រមនុស្ស» ដែលជាស្នូលពិតប្រាកដនៃការផ្សព្វផ្សាយ។ លោក David Ogilvy នឹងមកលាតត្រដាងប្រាប់អ្នកចំៗពីវិធីវាយលុកទីផ្សារ និងទាញលុយពីហោប៉ៅអតិថិជនដោយប្រើ មន្តស្នេហ៍ពាណិជ្ជកម្ម។ អត្ថប្រយោជន៍ស្នូលដែលអ្នកនឹងទទួលបាន៖ • រូបមន្តធ្វើ Content ឱ្យ Viral និងលក់ដាច់៖ ចេះបង្កើត «គំនិតរួម» (Big Idea) ដើម្បីទាក់ខ្សែភ្នែកអតិថិជនឱ្យចូលមើលពាណិជ្ជកម្មរបស់អ្នក។ • សន្សំលុយ Ads បានរាប់ពាន់ដុល្លារ៖ យល់ដឹងពីវិធីធ្វើតេស្ត Content និងការសាង Brand រឹងមាំ • យុទ្ធសាស្ត្ររក្សាអតិថិជន របៀបសាងទំនុកចិត្តឱ្យអតិថិជនស្រឡាញ់ និងត្រឡប់មកទិញម្តងហើយម្តងទៀត។ ចំណងជើងដើម៖ Confessions of an Advertising Man ចំណងជើងជាភាសាខ្មែរ៖ មន្តស្នេហ៍ពាណិជ្ជកម្ម អ្នកនិពន្ធ៖ David Ogilvy (ដេវីដ អូហ្គីលវី) អ្នកអត្ថធិប្បាយ៖ Moeurn Vannak

​​តើអ្នកធ្លាប់ឆ្ងល់ទេថា ហេតុអ្វីបានជាមនុស្សខ្លះជួបវិបត្តិ និងការបដិសេធរាប់មិនអស់ តែពួកគេនៅតែអាចក្រោកឈរឡើងមកក្តោបក្តាប់ជោគវាសនា និងបង្កើតទ្រព្យសម្បត្តិរាប់លានបាន? សៀវភៅ "Success Through a Positive Mental Attitude" នឹងមកលាតត្រដាងថា ភាពខុសគ្នារវាងអ្នកជោគជ័យ និងអ្នកបរាជ័យ មិនមែនស្ថិតនៅលើសំណាងជើងលេខនោះទេ ប៉ុន្តែវាសម្រេចនៅលើវិធីគិតរបស់អ្នកគិតតែប៉ុណ្ណោះ។ មូលហេតុដែលអ្នកគួរអានសៀវភៅនេះ៖ 1. យល់ដឹងពីគោលការណ៍ PMA (ផ្នត់គំនិតវិជ្ជមាន) 2. វិធីប្តូរទម្លាប់អវិជ្ជមាន និងការប្រើពាក្យស្លោកបញ្ជាចិត្ត "ធ្វើភ្លាមៗទៅ!" 3. យុទ្ធសាស្ត្រប្រើប្រាស់ស្វ័យសញ្ញាកម្ម (Self-Suggestion) 4. របៀបកំណត់គោលដៅចម្បងដ៏ច្បាស់លាស់ រួមទាំងការចេះ allocate ធនធាន និងពេលវេលាឱ្យមានប្រសិទ្ធភាព។ 5. វិធីគ្រប់គ្រង "ទម្លាប់គិតក្នុងចិត្ត" ចំណងជើងដើម៖ Success Through a Positive Mental Attitude ចំណងជើងជាភាសាខ្មែរ៖ ជោគជ័យតាមរយៈផ្នត់គំនិតវិជ្ជមាន អ្នកនិពន្ធ៖ W. Clement Stone និង Napoleon Hill (វីលៀម ក្លេមិន ស្តូន និង ណាប៉ូលេអុង ហៀល) អ្នកអត្ថាធិប្បាយ៖ Moeurn Vannak

​​មនុស្សភាគច្រើនតែងតែរអ៊ូថា «រវល់ខ្លាំងណាស់ គ្មានពេលទេ» ប៉ុន្តែជីវិតជាក់ស្តែងបែរជាវិលវល់នៅក្នុងទ្រុងវដ្តជីវិតបែប «រស់មួយថ្ងៃសម្រាប់មួយថ្ងៃ» ទៅវិញ។ យើងសុខចិត្តចំណាយពេលរាប់ម៉ោងទៅជួសជុលរបស់របរខាងក្រៅខ្លួន (ដូចជាម៉ូតូ ឡាន ឬ ទូរស័ព្ទ) តែបែរជាមិនព្រមចំណាយពេលសូម្បីតែ ២០ នាទីដើម្បីជួសជុល «ម៉ាស៊ីនខួរក្បាល» របស់ខ្លួនឯងឡើយ។ ការយល់ឃើញដ៏ធំបំផុតរបស់ខ្ញុំទៅលើសៀវភៅ “The Miracle Morning” គឺវាគ្មិន និងអ្នកនិពន្ធ Hal Elrod មិនមែនមកបង្ខំឱ្យយើង «ក្រោកពីដេកទាំងងងុយ» នោះទេ។ ប៉ុន្តែវា គឺជាអាវុធជួយយើងឱ្យវាយបំបែកភាពអសកម្មចោល ។ របៀបដែលយើងចាប់ផ្តើមនាទីដំបូងនៅពេលព្រឹក គឺជាអ្នកកំណត់ជោគវាសនានៃជីវិតរបស់យើងទាំងមូល ។ បើយើងភ្ញាក់មកទាំងគេចវេស ទាំងចុចពន្យារម៉ោងរោទិ៍ វាមានន័យថា យើងកំពុងតែបដិសេធថ្ងៃថ្មីរបស់ខ្លួនឯង។ អត្ថប្រយោជន៍ដែលសៀវភៅនេះនឹងជួយអ្នក៖ 1. ភ្ញាក់មកពេញដោយកម្លាំងកំហែង និងមានយុទ្ធសាស្ត្រច្បាស់លាស់ ដើម្បីឈានទៅរកកម្រិតកំពូល 2. ធ្វើការងារមានប្រសិទ្ធភាពខ្ពស់ និងចេះផ្ដល់អាទិភាពលើកិច្ចការសំខាន់ពិតប្រាកដ 3. កាត់បន្ថយការព្រួយបារម្ភ ងាកមកដឹងគុណនូវអ្វីដែលមាន ដែលជាកម្លាំងស្រូបទាញទ្រព្យសម្បត្តិ 4. លែងព្រួយបារម្ភ ចេះដឹងគុណ និងទាក់ទាញលុយកាក់ព្រមទាំងភាពរីកចម្រើនចូលក្នុងជីវិត 5. ឈប់រស់នៅបែប «បណ្តែតបណ្តោយ» ឬ «រស់មួយថ្ងៃសម្រាប់មួយថ្ងៃ» ហើយងាកមកសាងខ្សែជីវិតដ៏អស្ចារ្យដោយខ្លួនឯង ។ ចំណងជើងដើម៖ The Miracle Morning ចំណងជើងជាភាសាខ្មែរ៖ ពេលព្រឹកដ៏អស្ចារ្យ អ្នកនិពន្ធ៖ Hal Elrod (ហាល អែលរ៉ូដ) អ្នកអត្ថធិប្បាយ៖ Moeurn Vannak

​​តើអ្នកធ្លាប់ឆ្ងល់ទេថា ហេតុអ្វីបានជាគោលដៅរាប់រយដែលអ្នកបានសរសេរនៅដើមឆ្នាំតែងតែរលាយបាត់ទៅវិញនៅពាក់កណ្តាលឆ្នាំ? សៀវភៅ "Your Best Year Ever" មិនមែនគ្រាន់តែជាគន្លឹះនៃការគ្រប់គ្រងពេលវេលាធម្មតានោះទេ ប៉ុន្តែវាជាផែនទីបង្ហាញផ្លូវ ដើម្បីរំដោះខ្លួនចេញពីវដ្តជីវិតដែលគួរឱ្យធុញទ្រាន់ និងការបរាជ័យដដែលៗ ។ មូលហេតុដែលអ្នកគួរអានសៀវភៅនេះ៖ 1. ប្តូរពីផ្នត់គំនិតថេរមកជាការអភិវឌ្ឍ ដើម្បីប្រែក្លាយឧបសគ្គជាជណ្តើរជោគជ័យ ។ 2. បង្កើតគោលដៅដែលច្បាស់លាស់ និងមានភាពប្រឈម ដើម្បីជម្រុញទឹកចិត្តខ្លួនឯង ។ 3. ប្រើប្រាស់ហេតុផលខាងក្នុងមកជាកម្លាំងរុញច្រាននៅពេលអស់កម្លាំងចិត្ត ។ 4. ចាប់ផ្តើមដោយជំហានតូចៗភ្លាមៗ។ 5. ប្រើប្រាស់យុទ្ធសាស្ត្រ "ប្រសិនបើ... នោះខ្ញុំនឹង..." ដើម្បីការពារការបោះបង់ ។ ចំណងជើងដើម៖ Your Best Year Ever ចំណងជើងជាភាសាខ្មែរ៖ ឆ្នាំដ៏អស្ចារ្យបំផុត អ្នកនិពន្ធ៖ Michael Hyatt(ម៉ៃខល ហៃយ៉ាត) អ្នកអត្ថាធិប្បាយ៖ Moeurn Vannak

WEREAD pinned Deleted message

​​សៀវភៅ “ផ្នត់គំនិតអ្នកវិនិយោគ” បង្រៀនយើងពីរបៀបក្នុងការភ្នាល់ ដើម្បីទទួលបានផលប្រយោជន៍មហិមា តាមអ្នកវិនិយោគទំនាញដែលគេហៅថា «Venture Capitalist»។ ពួកគេធ្វើការវិនិយោគធំ និងមានការសម្រេចចិត្តត្រូវម្តងហើយម្តងទៀត ទៅលើក្រុមហ៊ុនធំៗក្នុងប្រវត្តិសាស្ត្រធុរកិច្ចសម័យថ្មី។ តើគេមានរូបមន្តធ្វើការសម្រេចចិត្តយ៉ាងណា? មុននឹងធ្វើការសម្រេចចិត្តគេត្រូវមានព័ត៌មានអ្វីខ្លះ? ទាំងនេះនឹងមានបកស្រាយនៅក្នុងសៀវភៅមួយក្បាលនេះ។ នៅក្នុងសៀវភៅនេះ អ្នកនឹងបានស្តាប់៖ 1- យន្តការក្នុងការសម្រេចចិត្តរបស់អ្នកវិនិយោគ 2- គោលការណ៍ជៀសនូវហានិភ័យសម្រាប់អាជីវកម្ម 3- អ្វីទៅជាបណ្តាសាអ្នកឈ្នះ? 4- ធ្វើយ៉ាងណា ដើម្បីធ្វើការសម្រេចចិត្តលឿន ហើយត្រូវ? ចំណងជើងដើម៖ The Venture Mindset “How to Make Smarter Bets and Achieve Extraordinary Growth” អ្នកនិពន្ធ៖ Alex Dang(អាលេចស៍ ដេង) ចំណងជើងភាសាខ្មែរ៖ ផ្នត់គំនិតអ្នកវិនិយោគ អ្នកអត្ថាធិប្បាយ៖ Bun Park

​​តើការហាត់ប្រាណមានប្រយោជន៍អ្វីខ្លះដល់ខួរក្បាល? យើងគួរហាត់ប្រាណរយៈពេលប៉ុន្មានក្នុងមួយថ្ងៃ ប៉ុន្មានថ្ងៃក្នុងមួយសប្តាហ៍ទើបល្អ? ហេតុអ្វីបានជាអ្នកគួរតែចាប់ផ្តើមហាត់ប្រាណឱ្យបានកាន់តែឆាប់កាន់តែល្អ? គ្រប់គ្នាសុទ្ធតែដឹងថាការហាត់ប្រាណមានប្រយោជន៍ចំពោះសុខភាព តែមិនសូវមានអ្នកលើកឡើងទេថា ការហាត់ប្រាណមានប្រយោជន៍ចំពោះខួរក្បាល ជាងសាច់ដុំរបស់អ្នកទៅទៀត។ ខួរក្បាលរបស់យើងប្រហែលជាវត្ថុដ៏អច្ឆរិយៈមួយនៅលើលោក។ វាមានទំហំប៉ុនកណ្តាប់ដៃទាំងពីររបស់យើងតែប៉ុណ្ណោះ និងមានទម្ងន់តែ១គីឡូ 3 ខាំ ប៉ុណ្ណោះ តែអាចផ្ទុកកោសិកាណឺរ៉ូនបានជាង 100 ពាន់លានកោសិកា ប្រហែលជាស្មើនឹងចំនួនភពផ្កាយដែលមាននៅក្នុងចក្រវាលទាំងមូល។ តាំងពីពេលដែលយើងចាប់កំណើតមករហូតមកដល់ពេលនេះ រឿងរ៉ាវដែលអ្នកបានឆ្លងកាត់ ទម្លាប់ដែលអ្នកមាន បទពិសោធល្អ អាក្រក់តែអ្នកបានជួប ចំណេះដឹង និងការចងចាំ មេរៀនដែលអ្នករៀន សៀវភៅដែលអ្នកបានអាន និងស្តាប់ គឺសុទ្ធតែរក្សាទុកនៅក្នុងខួរក្បាលរបស់យើងទាំងអស់។ នៅក្នុងសៀវភៅនេះអ្នកនឹងបានស្តាប់៖ 1- តើការហាត់ប្រាណមានប្រយោជន៍យ៉ាងណាខ្លះដល់ខួរក្បាល? 2- ហេតុអ្វីបានជាសម័យថ្មីនេះមនុស្សកាន់តែច្រើនទៅៗចាប់ផ្តើមមានសម្ពាធផ្លូវចិត្ត? ធ្វើយ៉ាងម៉េចទើបអាចដោះស្រាយបញ្ហាទាំងនេះ? 3- វិធីក្នុងការកាត់បន្ថយស្ត្រេស និងបង្កើនការចងចាំ 4- វិធីធ្វើឱ្យខួរក្បាលកាន់តែក្មេងទៅៗ 5- វិធីបង្កើនការផ្តោតអារម្មណ៍ទៅលើរឿងដែលអ្នកមិនចូលចិត្ត។ ចំណងជើងដើម៖ The Mind-Body Methods អ្នកនិពន្ធ៖ Anders Hansson (អេនដឺស៍ ហេនសាន់) ចំណងជើងជាភាសាខ្មែរ៖ តិចនិចហ្វឹកហាត់ខួរក្បាល អ្នកអត្ថាធិប្បាយ៖ Bun Park

​​“ភាសាកាយវិការ- គ្រាន់តែកម្រើក ក៏ខ្ញុំអាចយល់ពីអ្នក”ជាសៀវភៅមួយក្បាលដែលបង្រៀនយើងឱ្យចេះអង្កេតមើល និងវាយតម្លៃគំនិតរបស់អ្នកដទៃតាមរយៈកាយវិការរបស់មនុស្ស។ តើយើងពិតជាអាចអានដាច់ពីចិត្តរបស់អ្នកដទៃ តាមរយៈកាយវិការរបស់គេបានមែនឬទេ? សម្តីអាចកុហកបាន កាយវិការខ្លះក៏អាចកុហកមនុស្សបានដែរ តែកាយវិការដែលបង្ហាញចេញមកដោយមិនដឹងខ្លួន ពិតជាពិបាកនឹងលាក់បាំងណាស់ ហើយបើយើងចេះអានភាសាកាយវិការទាំងនេះ ប្រាកដណាស់ វានឹងធ្វើឱ្យយើងក្លាយជាមនុស្សពូកែទំនាក់ទំនង និងទាញយកផលប្រយោជន៍ជាច្រើននៅក្នុងសន្ទនា ឬការចរចា ដែលតិចនិចទាំងនេះមានសរសេរនៅក្នុងសៀវភៅមួយក្បាលនេះឯង។ ភាសាកាយវិការសំដៅទៅលើទិដ្ឋភាពទាំងមូលដែលសម្តែងចេញតាមរយៈកាយវិការ ពាក្យសម្តី ក្រសែភ្នែក សំឡេង និងខ្លួនប្រាណទាំងមូល ឬអាចនិយាយថាភាសាកាយវិការ គឺជារូបភាពមួយផ្ទាំងដែលអ្នកមើលឃើញទាំងមូល មិនមែនសំដៅតែទៅលើកាយវិការនោះទេ តែទៅលើអារម្មណ៍ទាំងមូលដែលផ្តល់ឱ្យទៅអ្នកដទៃ។ ហើយសៀវភៅមួយក្បាលនេះ នឹងប្រាប់យើងពីរបៀបប្រើប្រាស់ភាសាកាយវិការ ដើម្បីបញ្ជូនព័ត៌មានឱ្យបានត្រឹមត្រូវ។ នៅក្នុងសៀវភៅនេះ អ្នកនឹងបានស្តាប់៖ 1- អ្វីទៅជាភាសាកាយវិការ? តើវាមានធាតុសំខាន់ៗអ្វីខ្លះ? 2- ជ្រុង 5 យ៉ាងក្នុងការវិភាគភាសាកាយវិការ 3- ភាសាកាយវិការរបស់មនុស្សម្នាក់អាចរំលេចឡើងតាមវិធីណាខ្លះ? 4- ឧទាហរណ៍ជាក់ស្តែងពីការប្រើប្រាស់ភាសាកាយវិការនៅក្នុងទំនាក់ទំនង របស់បុគ្គលល្បីៗទាំងក្នុងវិស័យជំនួញ និងនយោបាយ។ ចំណងជើងដើម៖ Body-language and Nonverbal Communication អ្នកនិពន្ធ៖ Ulrich Sollmann ចំណងជើងជាភាសាខ្មែរ៖ “ភាសាកាយវិការ” គ្រាន់តែកម្រើក ក៏ខ្ញុំអាចយល់ពីអ្នក អ្នកអត្ថាធិប្បាយ៖ Bun Park

នៅក្នុងសៀវភៅនេះ អ្នកនឹងបានរៀនសូត្រពីព្រឹទ្ធិបុរសវ័យ 90 ឆ្នាំមួយរូប ពីរបៀបគ្រប់គ្រង និងទស្សនៈវិទ្យារបស់លោកជុំវិញការគ្រប់គ្រង និងភាពជាអ្នកដឹកនាំ។ 1- អាមីបាជាអ្វី? នៅក្នុងអាជីវកម្ម តើវាមានអត្ថប្រយោជន៍អ្វីខ្លះ? 2- ធ្វើបែបណាទើបអាចលើកទឹកចិត្តឱ្យបុគ្គលិកមានភាពសកម្មនឹងការងារ និងមានទំនួលខុសត្រូវរៀងៗខ្លួន? 3- វិធីក្នុងការគណនាចំណូលចំណាយដែលសាមញ្ញ និងងាយយល់បំផុត 4- របៀបពង្រីក និងគ្រប់គ្រងអាជីវកម្មខ្នាតធំ ឱ្យមានតម្លាភាព និងមានភាពបត់បែនរហ័សតាមតម្រូវការទីផ្សារ ចំណងជើងដើម៖ Amoeba Management អ្នកនិពន្ធ៖ Kazuo Inamori (កាស៊ូអូ អ៊ីណាម៉ូរី) ចំណងជើងជាភាសាខ្មែរ៖ អាមីបា អ្នកអត្ថាធិប្បាយ៖ Bun Park

សម្រាប់សមាជិក VIP ដែលបានចុះឈ្មោះហើយ ស្តាប់ WERead បានតែ 2 នាទី គឺដោយសារតែគណនីបាន Log out! បញ្ហានេះកើតឡើងក្រោយពេលដែលយើងប្តូរមកប្រើប្រាស់ Server ថ្មី។ សូមបងប្អូនធ្វើការ Log in ចូលគណនីម្តងទៀតដោយប្រើលេខទូរស័ព្ទដែលបានចុះឈ្មោះ នឹងអាចស្តាប់បានវិញហើយ។ អរគុណសម្រាប់គាំទ្រកន្លងមក 🙏

​​បច្ចេកវិទ្យា និងបណ្តាញទំនាក់ទំនងសង្គមសព្វថ្ងៃនេះ អាចធ្វើឱ្យយើងងាយស្រួលក្នុងការធ្វើទំនាក់ទំនងជាមួយមិត្តភក្តិ បងប្អូន ក្រុមការងារ និងមនុស្សជុំវិញខ្លួន។ កាលពីម្ភៃឆ្នាំមុនការធ្វើទំនាក់ទំនងឆ្លងប្រទេសនៅតែជាបញ្ហានៅឡើយ តែពេលនេះវាមិនមែនជាឧបសគ្គសម្រាប់យើងទៀតនោះទេ។ ប៉ុន្តែជាមួយគ្នានេះដែររបស់ទាំងនេះក៏ធ្វើឱ្យយើងកាន់តែឃ្លាតឆ្ងាយពីគ្នាដែរ វាអាចធ្វើឱ្យយើងទំនាក់ទំនងជាមួយនឹងអ្នកដទៃឆ្លងទ្វីប តែអ្នកដែលនៅផ្ទះជាមួយគ្នាបែរជាហៅមិនចង់ឮទៅវិញ។ ឯអ្នកខ្លះវិញនៅតាមអ៊ីនធឺណេត នៅលើបណ្តាញសង្គមអាចនិយាយគ្នាបានជាហូរហែ តែពេលជួបគ្នានៅខាងក្រៅវិញ បែរជារកអ្វីនិយាយមិនចេញ មិនត្រឹមតែប៉ុណ្ណោះបច្ចេកវិទ្យាកាន់តែរីកចម្រើនទៅ បែរជាធ្វើឱ្យមនុស្សមួយចំនួនក្លាយជាមនុស្សខ្លាចសង្គមទៅវិញ។ ដូច្នេះហើយ បានជាសប្តាហ៍នេះយើងលើកយកសៀវភៅល្អមួយក្បាលមកធ្វើការសង្ខេបជូនអ្នកទាំងអស់គ្នា ដើម្បីឱ្យអ្នកទាំងអស់គ្នាក្លាយជាមនុស្សពូកែទំនាក់ទំនង និងមិនមានអារម្មណ៍ចាញ់ច្រាបគេទៀតនោះទេនៅក្នុងការរស់នៅ និងការងារជាក់ស្តែងក្នុងសង្គម។ នៅក្នុងសៀវភៅនេះ អ្នកនឹងបានស្តាប់៖ 1- របៀបវិភាគដៃគូសន្ទនា និងស្វែងយល់ពីអ្វីដែលគេចង់ស្តាប់ 2- វិធីរៀបចំពាក្យពេចន៍និយាយឱ្យបានត្រឹមត្រូវ 3- ធ្វើយ៉ាងណាឱ្យគេចងចាំនូវអ្វីដែលយើងនិយាយ 4- តិចនិចជៀសវាងជម្លោះ និងវិធីដោះស្រាយពេលជួបបញ្ហាក្នុងពេលសន្ទនា ចំណងជើងដើម៖ Loud & Clear, 5 Steps to Say What You Mean and Get What You Want អ្នកនិពន្ធ៖ Karen Berg(ខារ៉េន ប៊ឺគ) ចំណងជើងជាភាសាខ្មែរ៖ និយាយឮ ហើយច្បាស់ អ្នកអត្ថាធិប្បាយ៖ Bun Park

​​“ច្បាប់ទាំង 48 នៃអំណាច”គឺជាការគាស់កកាយឡើងវិញនៃការកសាងអំណាច និងឥទ្ធិពលរបស់ឥស្សរជន អ្នកនយោបាយ និងបុគ្គលល្បីៗក្នុងលោកជាង 3000 ឆ្នាំមកនេះ។ អ្នកនិពន្ធបានបង្ហាញប្រាប់យើងពីគោលការណ៍ក្នុងការកសាងអំណាច និងប្រការគួរប្រយ័ត្នដើម្បីរក្សាឥទ្ធិពលរបស់អ្នកទៅលើអ្នកដទៃ។ លឺគេនិយាយថា នេះគឺជាសៀវភៅមួយក្បាលដែលគេហាមឃាត់មិនឱ្យអ្នកទោសអាននៅក្នុងគុក។ សៀវភៅនេះប្រៀបដូចជាគម្ពីនាំផ្លូវមួយក្បាលដែលបានចែងពីច្បាប់ទាំងឡាយដែលអ្នកគួរដឹងទាំងពីការធ្វើទំនាក់ទំនងសង្គម ការដឹកនាំ ការប្រាស្រ័យទាក់ទងជាមួយមនុស្សជុំវិញខ្លួន ការកសាងកេរ្តិ៍ឈ្មោះ និងទំនុកចិត្ត ការដុសខាត់ផ្នត់គំនិត ចំណេះដឹងចិត្តសាស្ត្រ និងមនុស្សសាស្ត្រជាដើម អមមកជាមួយនឹងឧទាហរណ៍ជាក់ស្តែងដែលមានក្នុងប្រវត្តិសាស្ត្រ ដែលអាចឱ្យយើងមកមកធ្វើការអនុវត្តបាននៅក្នុងការរស់នៅសម័យទំនើបនេះ។ ចំណងជើងដើម៖ “The 48 Laws of Power” អ្នកនិពន្ធ៖ Robert Greene (រ៉ូប៊ឺត គ្រីន) ចំណងជើងជាភាសាខ្មែរ៖ ច្បាប់នៃអំណាចទាំង 48 អ្នកអត្ថាធិប្បាយ៖ Bun Park

​​“ស្តេចចុងក្រោយនៅសៀងហៃ” ជាសៀវភៅមួយក្បាលដែលនិយាយពីការប្រកួតប្រជែងរវាងគ្រួសារត្រកូលអភិជនជនជាតិជ្វីបពីរក្រុមនៅលើទឹកដីក្រុងសៀងហៃកាលពីជាង 100 ឆ្នាំមុន។ សៀងហៃមានសន្ទុះនៃការរីកចម្រើនខ្លាំងតាំងពីឆ្នាំ 1990 មក តែវប្បធម៌របស់ទីក្រុងនេះ បានសាយភាយទៅកាន់ពិភពលោកតាំងពីជាង 100 ឆ្នាំមុនមកម៉្លេះ។ សៀងហៃជាទីក្រុងដ៏ស៊ីវីល័យ ជាតំណាងឱ្យសាកលភាវូបនីយកម្មប្រទេសចិនសម័យទំនើប មានក្រឡាផ្ទៃប្រមាណតែជាង 6000 គីឡូម៉ែត្រការ៉េប៉ុណ្ណោះ តែមានប្រជាជនរហូតដល់ជាង 30លាននាក់ 2 ដងច្រើនជាងប្រជាជនប្រទេសកម្ពុជាទាំងមូល។ វាមានវប្បធម៌ប្លែក និងលេចធ្លោជាងគេ ក្នុងចំណោមទីក្រុងខ្លាំងៗផ្សេងទៀតរបស់ចិនដូចជាប៉េកាំង ស៊ិនជិន និងក្វាងទុងជាដើម។ សៀងហៃមានប្រព័ន្ធរថភ្លើង និងប្រព័ន្ធគ្រប់គ្រងហ្គាសតាំងពីឆ្នាំ 1895 មកប្រហែលគ្នានឹងទីក្រុងឡុងដ៍ប្រទេសអង់គ្លេសដែរ។ កាលពីជាង 100 ឆ្នាំមុនមកម៉្លេះ នៅទីនេះគេឃើញមានការលេចឡើងនូវអាគារខ្ពស់ៗរីកស្គុះស្គាយរួចទៅហើយ ដែលគេហៅទីក្រុងនេះថាជាគ្រាប់គុជនៅអាស៊ី។ មានគេនិយាយថាជ្វីប គឺជាជនជាតិដ៏ឈ្លាសវៃជាងគេ និងពូកែខាងរកស៊ី ហើយបើនិយាយពីប្រវត្តិនៃការបើកចំហរសេដ្ឋកិច្ចរបស់ទីក្រុងសៀងហៃជាង 180ឆ្នាំមកនេះ គេមិនអាចបំភ្លេចបានទេពីដានជើងដែលជនជាតិជ្វីបបន្សល់ទុកនៅលើទឹកដីដ៏ក្មេងខ្ចីមួយនេះ គឺជម្លោះរវាងគ្រួសារអភិជនពីរគឺ គ្រួសារត្រកូល Sassoon និងគ្រួសារត្រកូល Kadoories នៅលើទឹកដីសៀងហៃ ដែលបង្កើតបានជាចំណងជើងសៀវភៅនេះ “ស្តេចចុងក្រោយនៅសៀងហៃ”។ នៅក្នុងសៀវភៅនេះ អ្នកនឹងបានស្តាប់៖ 1- អ្នកណាជាស្តេចចុងក្រោយនៅសៀងហៃ តើគេមានប្រវត្តិមកពីណា? 2- កាលពីជាង 100 ឆ្នាំមុន តើវិស័យអ្វីដែលមានការរីកចម្រើនខ្លាំង ដែលអាចធ្វើឱ្យសៀងហៃ ហុងកុងជាដើម ក្លាយជាទីក្រុងដែលមានសេដ្ឋកិច្ចរីកចម្រើនយ៉ាងនេះ? 3- ត្រកូលអភិជនជំនាន់មុនមានយន្តការក្នុងការបន្តវេនបែបណា ដើម្បីបន្តគ្រប់គ្រងអាណាចក្រជំនួញបានច្រើនជំនាន់? 4- តើសមត្ថភាពអ្វីទៅ ដែលធ្វើឱ្យជនជាតិជ្វីបចំណាកស្រុកមួយក្រុម អាចកាន់កាប់អាណាចក្រជំនួញពីមជ្ឈឹមបូព៌ា ដល់អាស៊ីខាងកើតបានយ៉ាងរឹងមាំយ៉ាងនេះ? ចំណងជើងសៀវភៅដើម៖ The Last Kind of Shanghai អ្នកនិពន្ធ៖ Jonathan Kaufman(ចូណាថាន់ ខូហ្វមេន) ចំណងជើងជាភាសាខ្មែរ៖ ស្តេចចុងក្រោយនៅសៀងហៃ អ្នកអត្ថាធិប្បាយ៖ Bun Park

​​បណ្តុំទិន្នន័យ Big Data បញ្ញាសិប្បនិម្មិត Ai និងការគណនាស្វ័យប្រវតិ្ត Machine Learning គឺជាអ្វីដែលមនុស្សគ្រប់គ្នាយកចិត្តទុកដាក់នៅក្នុងយុគសម័យអ៊ីនធឺណេតនេះ។ ទោះបីជាអ្នកមិនទាន់យល់ច្បាស់ថាវាជាអ្វីក៏ដោយ តែនៅពេលណាដែលមានបច្ចេកវិទ្យាថ្មីៗចូលមកម្តងៗ វាចាំបាច់ណាស់ដែលអ្នកត្រូវស្វែងយល់ពីវា ទោះអ្នកមិនមានឱកាស ឬចំណូលចិត្តរៀនពីវា ប្រើប្រាស់វា ដើម្បីសម្រួលដល់ការរស់នៅរបស់អ្នកក៏ដោយ តែអ្នកត្រូវតែយល់ពីវាខ្លះ ដើម្បីការពារខ្លួន កុំឱ្យគេគេងចំណេញលើអ្នកបាន។ សៀវភៅ “Everybody Lies” មួយក្បាលនេះ នឹងបកស្រាយប្រាប់យើងថា សម្តីរបស់អ្នកជំនាញ អ្នកស្រាវជ្រាវទាំងនោះមិនប្រាកដថាជាពាក្យពិតដែលអ្នកត្រូវជឿនោះទេ ព្រោះឱ្យតែមនុស្សសុទ្ធតែអាចនិយាយកុហក មានតែ Big Data ប៉ុណ្ណោះ ដែលអាចជឿទុកចិត្តបាន អាចយកធ្វើជាមូលដ្ឋានក្នុងការសម្រេចចិត្តរបស់អ្នក។ នៅក្នុងសៀវភៅនេះ អ្នកនឹងបានស្តាប់៖ 1- អ្វីទៅជា Big Data ហើយវាមានអត្ថប្រយោជន៍អ្វីខ្លះ? 2- ហេតុអ្វីបានជាគេនិយាយថា មនុស្សគ្រប់គ្នាសុទ្ធតែកុហក? 3- អ្វីទៅជាបណ្តុំទិន្នន័យដែលមានប្រយោជន៍? 4- តើ Big Data មានផលល្អ និងផលអាក្រក់ដល់យើងយ៉ាងណាខ្លះ? ចំណងជើងដើម៖ Everybody Lies អ្នកនិពន្ធ៖ Seth Stephens-Davidowitz(សេធ ស្ទេហ្វេនស៍-ដេវីដូវីតហ្ស៍) ចំណងជើងជាភាសាខ្មែរ៖ គ្រប់គ្នាសុទ្ធតែកុហក អ្នកអត្ថាធិប្បាយ៖ Bun Park

​​យើងមានដែលឆ្ងល់ទេថា ហេតុអ្វីបានជាពេលខ្លះយើងអានអត្ថបទមួយ គ្រាន់តែអានខ្សឹបៗក្នុងចិត្តក៏អាចយល់បានយ៉ាងងាយ តែពេលខ្លះទៀតទាល់តែអានឮៗម្តងមួយអក្សរៗយ៉ាងយកចិត្តទុកដាក់ ទើបអាចយល់ពីអត្ថន័យរបស់វាបាន? ហេតុអ្វីបានជាពាក្យខ្លះគ្រាន់តែឃើញ គឺអាចដឹងពីអត្ថន័យរបស់វាភ្លាម ឯពាក្យខ្លះទៀតជួបច្រើនដងមកហើយ តែនៅតែមិនចាំ? នៅសប្តាហ៍នេះ យើងសូមលើកយកសៀវភៅមួយក្បាលមកធ្វើការសង្ខេបជូនដែលមានចំណងជើងថា “ខួរក្បាលដ៏អស្ចារ្យ” ដែលនឹងបកស្រាយប្រាប់យើងថា តើខួរក្បាលរបស់យើងដំណើរការយ៉ាងម៉េច ហើយវាមានទំនាក់ទំនងអ្វីខ្លះទៅនឹងការអាន? ហេតុអ្វីបានជាមនុស្សចេះនិយាយពីធម្មជាតិ តែចំពោះការអានវិញ ទាល់តែឆ្លងកាត់ការសិក្សារៀនសូត្រ? អ្នកនិពន្ធសៀវភៅនេះជាអ្នកវិទ្យាសាស្ត្រផ្នែកប្រព័ន្ធប្រសាទដែលជាសាស្ត្រាចារ្យនៃសាកលវិទ្យាល័យបារាំង College De France និងបានបោះពុម្ពទស្សនាវដ្តីជាង 300 ច្បាប់ពាក់ព័ន្ធនឹងធម្មជាតិ និងវិទ្យាសាស្ត្រខួរក្បាល និងបានទទួលពានរង្វាន់ណូបែលពិភពលោកផ្នែកប្រព័ន្ធប្រសាទកាលពីឆ្នាំ 2014។ នៅក្នុងសៀវភៅនេះអ្នកនឹងបានស្តាប់ខ្លឹមសារសំខាន់ៗដូចខាងក្រោម៖ 1- តើកត្តាអ្វីខ្លះដែលជះឥទ្ធិពលដល់ល្បឿននៃការអានរបស់យើង? 2- តើគួរហ្វឹកហាត់ខួរក្បាលបែបណាឱ្យចងចាំពាក្យដែលយើងបានរៀនហើយ? 3- តើភ្នែក ខួរក្បាល និងការអាន មានទំនាក់ទំនងនឹងគ្នាយ៉ាងណាខ្លះ? 4- ដើម្បីអានឱ្យមានប្រសិទ្ធភាព តើគួរអានខ្សឹបៗ ឬអានឮៗ? 5- សិក្សាពីបីដំណាក់កាលនៃការវិវឌ្ឍខួរក្បាលរបស់មនុស្ស។ ចំណងជើងដើម៖ Reading in the Brain “The New Science of How to Read” អ្នកនិពន្ធ៖ Stanislas Deheane (ស្ទេនីសឡាស់ ឌីហេណេ) ចំណងជើងជាភាសាខ្មែរ៖ ខួរក្បាលដ៏អស្ចារ្យ អ្នកអត្ថាធិប្បាយ៖ Bun Par

​​អាមីបាគឺជាអ្វី? នៅក្នុងភាសាគីមីវិទ្យា អាមីបា គឺជាកោសិកាមួយប្រភេទដែលមានទំហំតូច និងមានរូបរាងមិនប្រាកដប្រជា វាអាចកែប្រែរូបរាងរបស់ខ្លួនទៅជាអ្វីក៏បានទៅតាមកាលៈទេសៈ និងបរិបទជុំវិញខ្លួនវា។ ពាក្យនេះមានអ្វីពាក់ព័ន្ធនឹងការដឹកនាំអាជីវកម្មទៅ? បិតាស្ថាបនិកជនជាតិជប៉ុនលោក Kazuo Inamori បានប្រើពាក្យ “អាមីបា” នេះមកជំនួសឱ្យវិធីសាស្រ្តគ្រប់គ្រងមួយប្រភេទដែលសំដៅទៅលើក្រុមការងារតូចៗ ឬដេប៉ាត់ម៉ង់មួយដែលអាចប្រតិបត្តិដោយឯករាជ្យ ដំណើរការដោយខ្លួនឯង និងអាចអភិវឌ្ឍន៍ខ្លួនឥតដែនកំណត់។ ការរៀបចំរចនាសម្ព័ន្ធបែបនេះអាចធ្វើឱ្យអាជីវកម្មមានការបត់បែនរហ័ស ប្រៀបដូចជាកោសិកាអាមីបាអ៊ីចឹង ប្តូររូបរាងបានគ្រប់យ៉ាងតាមកាលៈទេសៈ។ របៀបគ្រប់គ្រង ឬការរៀបចំរចនាសម្ព័ន្ធបែបអាមីបានេះ អស្ចារ្យប៉ុនណាទៅ? Kazuo Inamori ប្រើប្រាស់របៀបគ្រប់គ្រងនេះដឹកនាំក្រុមហ៊ុនធំៗពីរឱ្យក្លាយជាក្រុមហ៊ុនដែលរកប្រាក់ចំណេញបានច្រើនជាងគេបំផុតក្នុងលោកគឺ ក្រុមហ៊ុនប៉សឺឡែន Kyocera & ក្រុមហ៊ុនទូរគមនាគមន៍ KDDI។ មិនត្រឹមតែប៉ុណ្ណោះគាត់ក៏បានដាក់បញ្ចូលរបៀបគ្រប់គ្រងនេះទៅក្នុងក្រុមហ៊ុនអាកាសចរណ៍ស៊ីវិល Japan Airlines ដែលធ្វើឱ្យក្រុមហ៊ុននេះក្លាយពីក្រុមហ៊ុនដែលស្ទើរនឹងក្ស័យធនទៅហើយ ទៅជាក្រុមហ៊ុនដែលអាចសាងប្រាក់ចំណេញឡើងវិញ រហូតដល់ឡើង IPO បានជោគជ័យនៅឆ្នាំ 2012។   នៅក្នុងសៀវភៅនេះ អ្នកនឹងបានរៀនសូត្រពីព្រឹទ្ធិបុរសវ័យ 90 ឆ្នាំមួយរូប ពីរបៀបគ្រប់គ្រង និងទស្សនៈវិទ្យារបស់លោកជុំវិញការគ្រប់គ្រង និងភាពជាអ្នកដឹកនាំ។ 1- អាមីបាជាអ្វី? នៅក្នុងអាជីវកម្ម តើវាមានអត្ថប្រយោជន៍អ្វីខ្លះ? 2- ធ្វើបែបណាទើបអាចលើកទឹកចិត្តឱ្យបុគ្គលិកមានភាពសកម្មនឹងការងារ និងមានទំនួលខុសត្រូវរៀងៗខ្លួន? 3- វិធីក្នុងការគណនាចំណូលចំណាយដែលសាមញ្ញ និងងាយយល់បំផុត 4- របៀបពង្រីក និងគ្រប់គ្រងអាជីវកម្មខ្នាតធំ ឱ្យមានតម្លាភាព និងមានភាពបត់បែនរហ័សតាមតម្រូវការទីផ្សារ ចំណងជើងដើម៖ Amoeba Management អ្នកនិពន្ធ៖ Kazuo Inamori (កាស៊ូអូ អ៊ីណាម៉ូរី) ចំណងជើងជាភាសាខ្មែរ៖ អាមីបា អ្នកអត្ថាធិប្បាយ៖ Bun Park