Xunta pola Defensa de la Llingua Asturiana

N'alcordanza d'Igor y Carlos. Venti años. #oficialidá

Un casu claru de manipulación y intoxicación informativa de LNE: en nengún momentu de la noticia espliquen que la plaza ye pa Normalización Llingüística.

LA XUNTA ÉNTE LA CREACIÓN DE LA ESPECIALIDÁ DOCENTE Ayeri tuviemos nuna reunión coles conseyeres d’Educación y de Cultura onde nos informaron del alcuerdu ente’l Principáu d’Asturies y el Ministeriu d’Educación pa reformar los decretos d’especialidaes docentes y facer posible la creación de les especialidaes d’Asturianu y de Gallego-Asturianu. Dende la Xunta pola Defensa de la Llingua Asturiana recibimos esta noticia con satisfacción. Felicitamos a los equipos del Gobiernu asturianu y del Ministeriu que fixeron posible esti alcuerdu y compartimos l’allegría del profesoráu, que ve reconocida una reivindicación histórica. La creación d’estes especialidaes va dexar da-y estabilidá y reconocimientu al profesoráu y supón un avance importante pa la enseñanza de les nuestres llingües. Ye una mui bona noticia que pronto vaya haber profesoráu estable d'eses especialidaes en tolos claustros docentes d'Asturies. Esti pasu nun pue facenos perder de vista l’oxetivu fundamental. La creación de les especialidaes docentes ye una midida necesaria, pero nun remplaza el reconocimientu xurídicu que namás garantiza la oficialidá. Namás cola oficialidá van poder asegurase unos derechos llingüísticos plenos, una presencia normalizada del asturianu y del gallego-asturianu nel sistema educativu y nel conxuntu de les Alministraciones públiques, y unes condiciones equiparables a les de les demás llingües oficiales del Estáu. Esti avance demuestra, una vegada más, que cuando hai voluntá política ye posible siguir dando pasos na dignificación de les nuestres llingües. Pero tamién confirma que la oficialidá sigue siendo’l camín imprescindible pa garantizar la igualdá de derechos de la comunidá asturfalante y gallego-asturianofalante.

Usái la llingua con #arguyu!

Va unes selmanes, la sidrería Canteli de Xixón anunciaba que pesllaba. Dende la XDLA queremos agradece-yos tol sofitu y ciñu que tuvieron, toos estos años, con nós. Foron delles espiches de los Premios Andrés Solar, foi un espaciu pa vender entraes del Conciertu pola Oficialidá, banderes, pañuelos, llotería... y siempre foi un sitiu d’alcuentru de la nuestra militancia. Sí, un sitiu pa la folixa, pero tamién pa la reivindicación. Gracies, salú y oficialidá.

https://7dies.org/noticia_detalle.php?id=6881 Xosé Candel: "Les manifestaciones pola oficialidá lleva habiéndoles dende 1987"

Dexónos Delfina Flórez. Hai xente que pasa pela vida y namás dexa bonos recuerdos. Como ella. Recuerdos de ciñu, de bon tratu, de remangu cuando yera menester, de compromisu con toles causes. Y ente elles taba la del asturianu y el gallego-asturianu, participando nes actividaes de la XDLA. Siempre modesta y en segundu planu, ye'l momentu de dicir equí que foi de Delfina la idea de les Pandereteres pola Oficialidá. Escribió la lletra del ramu n'hospital y aquel añu 2009 nun pudo cantalu. Depués nunca faltó cola so pandereta a les cites reivindicatives, tamién a les marches feministes cuando éstes garraron la mesma idea pa la so causa. Namás faltó anguaño, cuando'l cáncer nun-y dexó volver salir a la cai, "que yá ye hora" , como diz el so cantar. Delfa, tu, que tanto te gustaba la música tradicional, yá formes parte de la tradición coles tos cuartetes. Cuando les panderetes empiecen a ruxir nuna manifestación, el to recuerdu va tar presente.

Channel photo updated

https://7dies.org/noticia_detalle.php?id=5945

https://www.nortes.me/2026/05/09/4000-persones-claman-en-les-cais-de-uvieu-pola-oficiliada-del-asturianu/

https://www.elsaltodiario.com/asturias/movimiento-oficialida-del-asturiano-vuelve-valles

https://www.rtpa.es/noticias-sociedad/2026-05-09/Manifestacion-pola-oficialida-en-Oviedo_111778329468.html

https://mioviedo.com/miles-de-personas-toman-oviedo-al-grito-de-ya-ya-ya-oficialida-en-una-multitudinaria-marcha-por-la-llingua/

Esti ye'l discursu de la mani!!