እንዴት ላግባ

​​ነሐሴ 7 ቁጽረታ (ጽንሰታ)ለማርያም ይህችን ዕለት አበው ሊቃውንት "ጥንተ መድኃኒት፤ የድኅነት መነሻ ቀን" ሲሉ ይጠሯታል ምን ነው ቢሉ ለዓለም ድኅነት ምክንያት የሆነች የአምላክ እናቱ የተጸነሰችበት ዕለት በመሆኑ ነው። አንድም ከአዳም ስሕተት በኋላ ያለ ጥንተ አብሶ የተጸነሰች የመጀመሪያ ሰው እርሷ ናትና እንዲህ ይላሉ። "ለጽንሰትኪ በከርሥ: እንበለ አበሳ ወርኩስ: ወለልደትኪ እማኅጸን ቅዱስ።" "ድንግል ሆይ! መጸነስሽ ያለ በደል (ያለ ጥፋት) ነው: የተወለድሽበት ማኅጸንም ቅዱስ ነው።" (መጽሐፈ ሰዓታት, ኢሳ. 1:9, መኃ. 4) ይሕች ዕለት ለኢያቄምና ለሐና ብቻ ሳይሆን ለፍጥረት ሁሉ የተስፋ ድኅነት ቀን ናትና ሐሴትን ልናደርግ ይገባል። የእመቤታችን መጸነስስ እንደ ምን ነው ቢሉ ከነገደ ይሁዳ የሚወለድ ቅዱስ ኢያቄም የሚባል ደግ ሰው ከነገደ ሌዊ(አሮን) የተወለደች ሐና የምትባል ደግ ሴት አግብቶ በሕጉ ጸንተው በሥርዓቱ ተጠብቀው ይኖሩ ነበር። ነገር ግን በዘመኑ ሰዎች "ልጅ የላችሁም" በሚል ይናቁ ነበር። ኦሪታውያን ልጅ የሌለውን "ኅጡአ በረከት ከጸጋ እግዚአብሔር የራቀ" ነው ብለው ያምኑ ነበር። ኢያቄምና ሐና ልጅ እንዲሰጣቸው ሲያዝኑ ሲጸልዩ ዘመናቸው አልፎ አረጁ። እነሱ ግን የሚያመልኩት የአብርሃምና ሣራን አምላክ ነውና ተስፋ አልቆረጡም። የለመኑትን የማይነሳ ጌታ በስተእርጅናቸው ድንቅ ነገርን አደረገላቸው። አንድ ቀን ርግቦች ከጫጩቶቻቸው ጋር ሲጫወቱ የተመለከተች ቅድስት ሐና ፈጽማ አለቀሰች። "እንስሳትና አራዊትን እጽዋትን በተፈጥሯቸው እንዲያፈሩ የምታደርግ አምላክ ምነው ሐናን ድንጋይ አድርገህ ፈጥረሃታልን?" ብላ አዘነች። ይህን የተመለከተ ቅዱስ ኢያቄም ወደ ተራራ ወጥቶ ሱባኤ ያዘ። ለአርባ ቀናትም ሲጸልይና ሲማለል ቆየ። በአርባኛው ቀን ሁለቱም ሕልምን ያልማሉ:: እርሱ:- ነጭ ርግብ ሰማያትን ሰንጥቃ ወርዳ: በሐና ቀኝ ጆሮ ገብታ በማኅጸኗ ስትደርስ አየ። እርሷ ደግሞ የኢያቄም በትር አብቦ አፍርቶ ጣፋጭ ፍሬውን ሰው ሁሉ ሲመገበው ታያለች። ቅዱስ ኢያቄም ከሱባኤ እንደ ተመለሰ ያዩትን ተጨዋውተው "ፈቃደ እግዚአብሔር ይሁን" አሉ:: ለሰባት ቀናትም በጋራ እግዚአብሔርን ሲለምኑ ሰነበቱ። በሰባተኛው ቀን (ማለትም ነሐሴ 7) መልአከ ብሥራት ቅዱስ ገብርኤል ክንፉን እያማታ ወደ እነርሱ ወረደ:: "ዓለም የሚድንባት የፍጥረት ሁሉ መመኪያ የሆነች ልጅ ትወልዳላችሁ" ብሏቸው ተሠወራቸው። እነርሱም ደስ ብሏቸው እግዚአብሔርን አመሰገኑ። እንደ ሥርዓቱም በዚህች ቀን እመ ብርሃን ተጸነሰች። "ኦ ድንግል አኮ በፍትወተ ደነስ ዘተጸነስኪ" "ድንግል ሆይ! ኃጢአት ባለበት ሥጋዊ ፍትወት የተጸነስሽ አይደለም" እንዳለ ሊቁ። (ቅዳሴ ማርያም) https://t.me/flgqdsan

ኔትወርክ ማርኬቲንግ (Network Marketing) ወይም በአማራጭ ስሙ ባለብዙ ደረጃ ግብይት (Multi-Level Marketing - MLM)፣ አንድ ኩባንያ ምርቶቹን ወይም አገልግሎቶቹን በባህላዊ ማስታወቂያ ወይም መደብሮች ከመሸጥ ይልቅ፣ በግለሰቦች (አከፋፋዮች) አማካይነት በቀጥታ ለተጠቃሚዎች የሚያቀርብበት የንግድ ሞዴል ነው። ይህ የንግድ ስርዓት እንዴት እንደሚሰራ የሚያብራሩ ዋና ዋና ነጥቦች የሚከተሉት ናቸው፡ 1. የሥራው መሠረታዊ መዋቅር • የቀጥታ ሽያጭ: የኩባንያው አባላት (አከፋፋዮች) ምርቶችን በቀጥታ ለሚያውቋቸው ሰዎች ወይም ለሌሎች ደንበኞች ይሸጣሉ። • የኔትወርክ ግንባታ: አንድ አባል የሚያገኘው ገቢ ከራሱ ሽያጭ ብቻ ሳይሆን፣ እርሱ የጋበዛቸው ወይም ወደ ንግዱ ያስገባቸው ሌሎች አከፋፋዮች ከሚያደርጉት ሽያጭም ጭምር ነው። ይህ ሂደት "Downline" ወይም "Network" ተብሎ ይጠራል። 2. ገቢ የሚገኝባቸው መንገዶች • በምርት ሽያጭ: ምርቱን ከኩባንያው በቅናሽ ዋጋ ገዝተው ለደንበኛ ሲሸጡ በሚያገኙት የዋጋ ልዩነት (ትርፍ)። • በኮሚሽን: በአባልነት ባመጧቸው ሰዎች (አዲሶቹ አባላት) የሽያጭ መጠን ላይ ኩባንያው በሚሰጠው መቶኛ ወይም ኮሚሽን። 3. የዚህ ንግድ ገጽታዎች • ግለሰባዊነት: እያንዳንዱ አባል የራሱ ንግድ ባለቤት እንደሆነ ይታያል። • የአባልነት መግቢያ:  ወደ ንግዱ ለመቀላቀል  የተወሰነ መጠን ያለው ምርት አስቀድሞ መግዛት ይኖርባል። • የማስፋፊያ ስልት: የንግዱ እድገት የተመሰረተው አዳዲስ ሰዎችን ወደ ስርዓቱ በማምጣት (Recruiting) ላይ ነው። 4. ሊታሰብባቸው የሚገቡ ጥንቃቄዎች • የምርቱ እውነተኛ ዋጋ: ኩባንያው የሚሸጠው ምርት በእርግጥ ገበያ ላይ ተፈላጊ ነው? ወይስ ዋናው ትኩረት ሰዎችን በመመልመል ላይ ብቻ ነው? • ትርፋማነት: ከሽያጭ የሚገኘው ትርፍ ከሚወጣው የጊዜ፣ የገንዘብ እና የጥረት ወጪ አንጻር አዋጭ ነው ወይ? • ትኩረቱ ሙሉ በሙሉ አዲስ አባል በማምጣት ላይ ብቻ ከሆነ፣ ምርት ሳይኖር ክፍያ የሚፈጸም ከሆነ እና መግቢያ ክፍያው በጣም ከፍተኛ ከሆነ ጥንቃቄ ማድረግ ይገባል። ማንኛውንም የኔትወርክ ማርኬቲንግ ድርጅት ከመቀላቀልዎ በፊት ህጋዊ ፈቃድ እንዳለው፣ የምርቶቹን ጥራት እና የንግድ ሞዴሉን በደንብ መርምሮ መጀመር አስፈላጊ ነው።        ኔትወርክ ማርኬቲንግ መስራት ከፈለጉ ይደውሉ ያናግሩን 0922295097 @GETANEH1219

ጸጥታ እና ማስተዋል "ከብዙ ጩኸት ይልቅ የልብ ጸጥታ ይሻላል። እግዚአብሔር በነፋስ፣ በመሬት መሟንቀጥቀጥ ወይም በእሳት ውስጥ አልነበረም፤ ነገር ግን በሹክሹክታ (በጸጥታ) ነበር። መልስ የምታጣው የምትጠይቀው በጩኸት ስለሆነ ነው፤ መልስ የምታገኘው ግን በጸጥታ ስትጠብቅ ነው።

👉👉ክርስቲያኖች ከቅድስት ሥላሴ ጋር  እንደ አብርሃም በማዕድ መቀመጥ ትፈልጋላችሁ ???? እንግዲያውስ እግዚአብሔር ከካራን ውጡ ብሎ ሲጣራ እሸ ብሎ እንደ አብርሃም ከካራን ውጡ 👉ካራን ለእኛ ማናት ከአካባቢነት ወጥተን ካራንን ካራንን በግብር መግለጽ ያስፈልጋል  አሁን ላይ የምናየው ጥላቻው፡ መገፋፋቱ ፡ትችቱ፡ ዘረኝነቱ፡መንደርተኝነቱ፡ በቀሉ፡ ሥራት አልበኝነቱ ፡ከቤተመንግስት እስከቤተክህነትና ሰንበት ትምህርትቤት፣ማኅበራት የምናየው እና የምንሰማው ከሀገሪቱ የአቅም ጣራ በላይ የሆነው ሙስናው ጉቦው ወዘተ የመሳሰሉት ካራን ናቸው ያለምንም ቅድመ ሁኔታ ከዚህ መውጣት ያስፈልጋል 😭እኛ ከካራን ያልወጣነው ጥሪ ስላልደረሰን አይደለም የእግዚአብሔርን ጥሪ መቀበል ስላልቸልን፡ስላልፈለግ ሽንፈት መስሎ ስለተሰማን ነው ። ❤​የአብርሃም ጥሪ፡ ከካራን ወደ ከነዓን የመታዘዝ ጉዞ ​የአብርሃም የሕይወት ታሪክ የጀመረው እግዚአብሔርን በመታዘዝ “ካራንን በመውጣት” ነው። የክርስቲያን ሕይወትም እንዲሁ የቅድስና ጥሪ ነው። ለበረከት ባለቤትነት የምናልፍባቸው ሦስቱ ቁልፍ እርምጃዎች የሚከተሉት ናቸው፦ 👉👉​1. መታዘዝ፡ “እሸ” ማለት (የአዲስ ሕይወት መጀመሪያነው) ​እግዚአብሔር አብርሃምን “ከሀገርህ፣ ከዘመዶችህ ተለይተህ እኔ ወደማሳይህ ሀገር ና” አለው (ዘፍጥረት 12፡1)። እዚህ ላይ “መውጣት” ማለት ለራስ ምቾት፣ ለለመዱት አኗኗርና ለሥጋዊ ዝምድና መሞት ነው። አብርሃም ጥያቄ ሳያበዛ “እሸ” ብሎ በመነሳቱ የእግዚአብሔርን ተስፋ መውረስ ቻለ። እኛም ከዓለማዊ ልማዳችን ካልወጣን የእግዚአብሔርን “ከነዓን” (በረከት) ማግኘት አንችልም። 👉👉​2. መለየት፡ ጣዖታዊ ግብርን መተው ​አብርሃም ከአባቱ ቤት ሲወጣ ከጣዖት አምልኮም ወጥቷል። “አምላክ የሌላቸው፣ ተስፋም የሌላቸው” የነበሩበትን ሕይወት ትቶ ወደ እግዚአብሔር አምልኮ ተሸጋገረ። በሕይወታችን ውስጥ እግዚአብሔርን የሚያስቀድም ማንኛውም ነገር (ጣዖት) ካለ፣ ወደ ተስፋይቱ ምድር ለመግባት እነዚያን ነገሮች መጣል ግድ ይላል። 👉👉​3. እምነት፡ በቃሉ ላይ መደገፍ ​የአብርሃም ሕይወት ትልቁ ምስጢር በእግዚአብሔር ማመኑ ነው። መጽሐፍ ቅዱስ “አብርሃምም በእግዚአብሔር አመነ፥ ጽድቅም ሆኖ ተቆጠረለት” ይላል (ዘፍጥረት 15፡6፤ ገላትያ 3፡6)። የአብርሃም እምነት ዝም ብሎ ተስፋ ማግኘት ብቻ ሳይሆን፣ ፈተና ሲገጥመው (ለምሳሌ ይስሐቅን የመሠዋቱ ጉዳይ) እግዚአብሔር የገባውን ቃል ኪዳን መፈጸም እንደሚችል መተማመን ነበር። ​አብርሃም በከነዓን ምድር ከአምላኩ ጋር በማዕድ ተገናኘ። እኛም ዛሬ “ከነዓን” የምንላት የሰማያዊት መንግሥት ምሳሌ ከሆነችው ቤተ ክርስቲያን እና ከእግዚአብሔር ቃል ጋር ስንተሳሰር፣ የአብርሃምን በረከት እንካፈላለን።🙏 👉👉​በእምነት መመራት መታዘዝ: ካራንን (የድሮውን ሕይወት) ትቶ መውጣትና እርግፍ አድርጎ መተው ። 👉​ቅድስና: ጣዖት የሆነብንን መጥፎ ልማድን  መተው። 👉​እምነት: እግዚአብሔር በተናገረው ቃል ላይ ሙሉ በሙሉ መደገፍ። ​ ​እንደ አብርሃም በሃይማኖት ጸንተን ፈተናውን ድል ነስተን ከነዓን መንግሥተ ሰማያት ለመግባት ያብቃን 🙏🙏🙏

🎁 በየቀኑ እስከ 80,320 ብር ድረስ ያሸንፉ... 💵 ለእያንዳንዱ ሪፈራል 1,606 ብር ያግኙ። 💰 ሊንኩን ይጫኑ እና ማግኘት ጀምሩ!https://t.me/DailyCashsbot/win?startapp=17601655083627

✝ ሰኔ 12 ቅዱስ ሚካኤል ቅድስት አፎምያ ያዳነበት ዕለት ፡- ታሪኩ እንዲህ ነው ቅድስት አፎምያ ሀገሯ ኪልቅያ ነው ፡፡ ባለቤቷ አስተራኒቆስ መስፍነ ኪልቅያ ነበረ ፡፡ እርሷም በትዳር በነበረችባቸው ዘመናት እግዚአብሔርን ከሚወድ ባለቤቷ ጋር እግዚአብሔርን ስታገለግለው የኖረች ሴት ደገኛ ሴት ናት ፡፡ በየወሩ በ29 ቀን የጌታችንን የልደቱን ፣ ወር በገባ በ21 የእመቤታችንንና ወር በገባ በ12 የቅዱስ ሚካኤልን መታሰቢያ እያደረጉ ነዳያንን ይጎበኙ ነበር ፡፡ ባለቤቷ አስተራኒቆስ ከዚህ ዓለም የሚያርፍበት ጊዜ እንደ ደረሰ ባወቀ ጊዜ ይሰጡት የነበረውን ምጽዋት እና የሦስቱን በዓላት መታሰቢያ ማድረግ እንዳታስታጉል ከአደራ ጋር አዘዛት ፡፡ እርሷም የመልአኩን የቅዱስ ሚካኤልን ሥዕል ያሥልላት ዘንድ ባለቤቷን ጠይቃ አሠርቶ ሰጣት ፡፡ በከበረ ቦታም አኖረችው ፡፡ ባሏ ካረፈ በኋላ ያዘዛትን መንፈሳዊ ሥራ ከወትሮው አስበልጣ መሥራት ቀጠለች ፡፡ ባሏም ታሞ ሞቶ ከሀብቷ ከንብረቷ እየሰጠች እየመጸወተች በጾም በጸሎት ተወስና ትኖር ነበር ፡፡ ሰይጣን ለምቀኝነት አያርፍምና ደግ መነኩሴ መስሎ አጋንንትን መነኮሳይያት አስመስሎ መጥቶ ከደጅ ሆኖ አስጠራት ፡፡ እርሷም "ከቤት ገብታችሁ በቅዱስ ሚካኤል ሥዕል ፊት ጸልዩልኝ" አለቻቸው ፡፡ ሰይጣናቱም "እኛማ በነግህ ጸልየናል?" አሏት፡፡ ቀጥሎም ሰይጣን "እንደው አንቺ ግን ይህ ሁሉ ጾም ጸሎት ምን ያደርገልሻል? ሀብትሽን ሰጥተሸ መጨረስሽስ ስለምንድን ነው? በዚያ ላይ አንቺ ስትደክሚ የሚደግፍሽ ስታረጂ የሚጦርሽ ልጅ የለሽም ሁለተኛ ማግባት ኃጢአት መስሎሻልን? እነ አብርሃም እነ ዳዊት ከብዙ ሴቶች ብዙ ልጆች ወልደው የለምን? አሁንም ቤት ሰሪ ጎመን ዘሪ ልጅ ያስፈልግሻልና ባል አግቢ እሺ በይኝ" አላት ፡፡ ቅድስት አፎምያም "አባ ቆብህ መልካም ነበር ንግግርህ ግን ክፉ ነው ፣ አትጹሚ አትጸልዩ ያልከኝ ጌታ ምጽዋት አበድር እመስዋዕት ብሎ የለምን? ሁለተኛ ባል አግቢ ማለትንስ ከምን አገኘኸው? እርግቦች እንኳን ባሎቻቸው ከሞቱባቸው ከሌላ ወንድ አይቀርቡም ታዲያ ጥንት በንጽሕና ሊኖር የተፈጠረ ሰው ሁለተኛ አላገባም ቢል ዕዳ ፍዳ ሊሆንበት ነውን?" ብላ ሞገተችው፡ የሰው ልጆች ጠላት የሆነው ሰይጣንም በመልካም አገልግሎት ስትበረታ አይቷታልና ዝም ብሎ ሊተዋት አልወደደም ፡፡ ከላይ እንዳየነው በመጀመሪያ ባል ሳታገባ ማገልገሏን ትታ ሌላ ባል አግብታ ልጅ ወልዳ እንድትኖር በብዙ ማባበል ጠየቃት ፡፡ ባሏ መንግሥተ ሰማያትን ስለወረሰ ምንም ምጽዋት እንደማይሻ አስመስሎ ነገራት ፡፡ ቅድስት አፎምያ ግን ዳግመኛ ትዳር ላለመመሥረት ቃል ኪዳን እንደገባች ርግብንና ዖፈ መንጢጥን አብነት አድርጋ እነርሱ እንኳ በሕይወት ዘመናቸው ከአንድ ባል ውጪ ሌላ ባል እንደማያውቁ በመጥቀስ አሳቡን እንደማትቀበለው ገለጸችለት ፡፡ ሰይጣንም አስመሳይ መሆኑ አላዋጣ ሲለው ማንነቱን ቀይሮ ሊያንቃት ቢሞክር የእግዚአብሔርንና የቅዱስ ሚካኤልን ስም ጠርታ አባረረችው ፡፡ እርሱም ተመልሶ መጥቶ እንደሚያጠፋት ዝቶባት እንደ አቧራ በኖ እንደ ጢስም ተኖ ጠፋ ፡፡ በሰኔ 12 ቀን የቅዱስ ሚካኤልን መታሰቢያ እያዘጋጀች ሳለች ሰይጣን ብርሃናዊ መልአክ መስሎ መጣ ፡፡ የመላእክት አለቃ ቅዱስ ሚካኤል እንደሆነ ገልጾ የመጀመሪያውን የመሰለ ከንቱ ምክሩን አሰማምሮ አቀረበላት ፡፡ አሳቡንም የእግዚአብሔር ፈቃድና አሳብ እንደሆነ አድርጎ ለማሳመን ሞከረ ፡፡ ሰይጣን አስቀድሞ ጌታችን መድኀኒታችን ኢየሱስ ክርስቶስን በገዳመ ቆሮንቶስ መጻሕፍትን እየጠቀሰ እንደተፈታተነው ሁሉ ቅድስት አፎምያንም ለማሳመንም አብርሃምን፣ ይስሐቅን፣ ያዕቆብን፣ ዳዊትን የመሳሰሉ ደጋግ አባቶችን ታሪክ እየጠቀሰ ወደ ትዳር እንድትገባ ደጋግሞ ወተወታት ፡፡ ቅድስት አፎምያም በእግዚአብሔር ኃይል ጸንታ በቅዱስ ሚካኤልም ተራዳኢነት ታምና "የእግዚአብሔር መልአክ ከሆንክ መንፈሳዊ ማረጋገጫህ የሆነው የመስቀል ምልክት የታለ?" በማለት በምድራዊ ንጉሥና በጭፍራው መካከል የሚኖርን የጋራ መግባቢያ መንገድ ዋቢ አድርጋ ጠየቀችው ፡፡ ለጊዜው "በእኛ በመላእክት ዘንድ እንዲህ አይደለም" ብሎ ሊሸነግላትና አቋሟን ሊያስቀይራት ሞከረ ። ከቤቷ ያለ የቅዱስ ሚካኤል ሥዕል ላይ ያለውን ምልክት አብራርታ የእርሱ ግን ከዛ ጋር አንድነት እንደሌለው አረጋገጠችበት ፡፡ በመቀጠልም ከቤቷ ላለው ለቅዱስ ሚካኤል ሥዕል እጅ እንዲነሣ ጠየቀችው ፡፡ በዚህ ጊዜ መልኩ ወደ ትክክለኛ ሰይጣናዊ ማንነቱ ተለወጠና ጨለማ ለብሶ እየዛተ አነቃት ፡፡ ቅድስት አፎምያም የከበረ መልአክ ቅዱስ ሚካኤልን "ድረስልኝ" እያለች በጠራችው ጊዜ መልአኩም ፈጥኖ በመድረስ ከሰይጣን እጅ አዳናት ፡፡ የመላእክት አለቃ ቅዱስ ሚካኤልም ለሰይጣኑ ተገቢውን ቅጣት ሰጥቶ ቅድስት አፎምያን ባረካት ፡፡ የዕረፍት ቀኗ በዚህ ቀን መሆኑን ነግሮ ቤቷን እንድታዘጋጅ አዘዛት ፡፡ የበዓሉን ዝግጅት አከናውና ሥጋ ወደሙን ተቀብላ ኤጲስ ቆጶሱንና ካህናቱን እንደ የመዓርጋቸው ጠርታ በቤቷ አክብራ ተቀበለቻቸው፡፡ ለነዳያንና ለጾም አዳሪዎች በኤጲስ ቆጶሱና በካህናቱ እጅ ገንዘቧን መጽውታ መንገዷን አሳመረች ፡፡ ስለ ኃጢአቷ እንዲጸልዩላት ተማፅና በፊታቸው ተንበርክካ ጸለየች ፡፡ ባሏ ያሠራላትን የቅዱስ ሚካኤልን ሥዕል አቅፋ ስማ ከተማጸነች በኋላ ሰኔ 12 ቀን በሰላም ዐረፈች ። የቅዱስ ሚካኤል በረከቱ ትድረሰን በአማላጅነቱ አይለየን ። አሜን ፫

የሰማዕታት ሕይወት ለኦርቶዶክስ ተዋሕዶ ቤተክርስቲያን እምነት መሠረት ነው። ሰማዕታት በአህዛብና በከሃዲ ነገሥታት መናቃቸውንና መከራ መቀበላቸውን እንደ ትልቅ መታደል ይቆጥሩት ነበር። በገድላት ውስጥ የምናገኛቸው ጥቂት የታወቁ ሰማዕታትና የደረሰባቸው መከራ እንደሚከተለው ይቀርባል፦ 1. ቅዱስ ጊዮርጊስ (ልዳዊው) በክርስትና ታሪክ ውስጥ መከራን እንደ ደስታ የተቀበለ ታላቅ ሰማዕት ነው። የደረሰበት መከራ፦ በንጉሥ ዲዮቅልጥያኖስ ዘመን ለሰባት ዓመታት የተለያዩ ማሰቃያዎች ደርሰውበታል። በብረት መጋዝ ተተልትሏል፣ በኖራ ተቀቅሏል፣ በብረት ጫማ ተረግጧል። የመናቅ ሁኔታ፦ ንጉሡና አገልጋዮቹ "የምትታመንበት አምላክ የት አለ? ለምን አትገዛም?" እያሉ ይዘብቱበት ነበር። የጽናት ምስጢር፦ ቅዱስ ጊዮርጊስ ግን "ክርስቶስን እወዳለሁ፣ የገነትን ክብር አይቻለሁ" በማለት መናቁን እንደ ክብር ወሰደው። መጨረሻ ላይ በሰማዕትነት አክሊል ተቀዳጀ። 2. ቅዱስ መርቆሬዎስ (አቡ ሰይፍ) የንጉሠ ነገሥት ደቅዮስ ወታደር የነበረ ሲሆን፣ የክርስቶስን አምላክነት በመመስከሩ መከራ ደረሰበት።https://t.me/flgqdsan የደረሰበት መከራ፦ የጦር መሣሪያውን በመፍታት፣ አካሉን በችንካር በመቸንከርና በሹል ብረት በመገረፍ አሰቃይተውታል። የመናቅ ሁኔታ፦ "አንተ የጦር አዛዥ የነበርክ ሰው፣ አሁን ግን ተራ እስረኛ ሆነሃል" ተብሎ ይነቀፍ ነበር። የጽናት ምስጢር፦ ለዓለም ሥልጣን ሳይሳሳ፣ የሰማያዊውን ንጉሥ መንግሥት በመሻት ሰማዕትነቱን ፈጸመ። 3. ቅዱስ ፋሲለደስ (የአንጾኪያው) የንጉሥ ዲዮቅልጥያኖስ የቅርብ ሰው የነበረ ዲዮቅልጥያኖስም ይፈራው የነበር ቢሆንም፣ የክርስቶስን መንገድ በመከተሉ መከራ ደረሰበት። የደረሰበት መከራ፦ በደሴት ላይ ተጥሎ በረሃብና በጥማት ተፈትኗል፣ በአደባባይ በጅራፍ ተገርፏል። የመናቅ ሁኔታ፦ የክብር ቦታውን ትቶ ስለ ክርስቶስ መከራ መቀበሉ በቤተ መንግሥቱ ሰዎች ዘንድ እንደ "እብደት" ይቆጠር ነበር። 4. ቅዱስ አባ ኪሮስና ቅዱስ ዮሐንስ (ሰማዕታተ እስክንድርያ) እነዚህ ቅዱሳን አህዛብ ክርስቲያኖችን በሚንቁበትና በሚያሳድዱበት ጊዜ፣ የተቸገሩትን በማጽናናትና በመደገፍ መከራን የተቀበሉ ናቸው።https://t.me/flgqdsan የደረሰበት መከራ፦ በመንፈሳዊ አገልግሎታቸው ምክንያት ተይዘው በአደባባይ እንዲሳለቁባቸው ተደርጓል። የጽናት ምስጢር፦ "ለክርስቶስ መከራ መቀበል የአማኝ ሁሉ ግዴታ ነው" በማለት የሰማዕትነትን ዋጋ በዝምታ ተቀበሉ። 5. ቅዱስ ፊልጶስ (የሰማዕታት አባት) በግብፅ የተሰማራው ይህ ቅዱስ፣ በአህዛብ ዘንድ እንደ "አታላይ" ይቆጠር ነበር። የመናቅ ሁኔታ፦ አህዛብ "ጣዖታትን እንድትሰግድላቸው ብንነግርህ እምቢ ትላለህ" በማለት ይንቁት ነበር። የጽናት ምስጢር፦ የቤተክርስቲያን አባቶች እንደሚያስተምሩት፣ ሰማዕታት መናቃቸውን የሚያውቁት "ከክርስቶስ ጋር መገናኛ ድልድይ" መሆኑን ስለሚያውቁ ነው። ሰማዕታቱ በአህዛብ መናቅና መከራ መቀበልን እንዴት እንደተመለከቱት ለማጠቃለል፦ የክርስቶስን መንገድ መከተል፦ "ጌታዬ በመስቀል ላይ ተንቆ፣ ተሰድቦና ተገረፎ ለእኔ መዳን ከሞተ፣ እኔ የእርሱ ደቀ መዝሙር ሆኜ እንዴት መከራን እፈራለሁ?" የሚል እምነት ነበራቸው። ማንነትን ማወቅ፦ ሰማዕታት አህዛብ የሚንቁት "የክርስቲያን ማንነትን" መሆኑን ያውቁ ነበር። ስለዚህ መናቁን እንደ "ባለቤትነት ማረጋገጫ" ይወስዱት ነበር። የፍርድ ቀን መተማመን፦ መናቃቸው ጊዜያዊ፣ ክብራቸው ግን ዘላለማዊ መሆኑን በተግባር አሳይተዋል። ፍቅርን መምረጥ፦ የሚያሰቃዩአቸውን አህዛብ በቁጣ ሳይሆን "እግዚአብሔር ሆይ አያውቁምና ይቅር በላቸው" ብለው በመጸለይ ነው ድል የነሱት።https://t.me/flgqdsan ሰማዕታቱ መከራን የተቀበሉት "ስለ ክርስቶስ ስም" ብቻ ነበር። እኛም በአሁኑ ጊዜ በአህዛብ ወይም በዓለማውያን ስንናቅ፣ እነዚህን የሰማዕታት ታሪኮች በማሰብ "መናቅ በክርስቶስ መንገድ ላይ የመኖራችን ማረጋገጫ" መሆኑን መገንዘብ ይኖርብናል።https://t.me/flgqdsan

1. የዓለምና የቤተክርስቲያን መንፈሳዊ ግጭት (የማንነት ልዩነት) ቤተክርስቲያን በአካል በምድር ብትኖርም፣ በአኗኗርና በዓላማ ግን የሰማያዊት መንግሥት ነች። በአህዛብ መናቅ የሚመጣው የዓለምና የቤተክርስቲያን "የእሴት ስርዓት" ስለሚጋጭ ነው። የማስረጃ ነጥብ፦ ዓለም የሚገዛው በስልጣን፣ በገንዘብና በግል ጥቅማጥቅም ነው። የቤተክርስቲያን አስተምህሮ ግን መውደድ፣ ይቅርታ፣ ራስን ዝቅ ማድረግና ለሌሎች መኖርን ይሰብካል። ይህ አኗኗር ዓለማዊውን ሰው ግራ ያጋባል፤ በውጤቱም "እንደ እኛ ያልሆነን" በሚል ስሜት ያሳድዱታል። መጽሐፍ ቅዱሳዊ ማሳያ፦ "ዓለም የራሱ የሆነውን ይወድ ነበር፤ ነገር ግን እኔ ከዓለም መረጥኳችሁ እንጂ የዓለም አይደላችሁም ስለዚህ ዓለም ይጠላችኋል" (ዮሐንስ 15፡19)። 2. "የመስቀሉ ቃል" ማሰናከያ መሆኑ የክርስትና ማዕከል የሆነው የመስቀል ምስጢር (የክርስቶስ ሞትና ትንሣኤ)፣ ለመንፈሳዊ ሰው የመዳን መንገድ ሲሆን፣ ለአህዛብ ግን እንደ ሞኝነት ይቆጠራል። የማስረጃ ነጥብ፦ ቅዱስ ጳውሎስ እንደገለጸው፣ እውነትን ከምክንያታዊነት ብቻ በሚያዩ ሰዎች ዘንድ የክርስቶስ መሰቀል "ዕብደት" (ሞኝነት) ሆኖ ይታያል። ይህ መናቅ ወይም "እናንተ የሞተ አምላክ የምታመልኩ" የሚለው መሳለቂያ የሚመነጨው ከመንፈሳዊ እይታ ማጣት ነው። መጽሐፍ ቅዱሳዊ ማሳያ፦ "የመስቀሉ ቃል ለሚጠፉት ሞኝነት፥ ለእኛ ለምንድን ግን የእግዚአብሔር ኃይል ነውና" (1ኛ ቆሮንቶስ 1፡18)። 3. ምሥጢረ ቁርባንና የቤተክርስቲያን ቅድስና (ምቀኝነት) ቤተክርስቲያን በውስጧ የምትጠብቃቸው ምሥጢራት (ለምሳሌ ምሥጢረ ቁርባን፣ ጾም፣ ጸሎት) ለአማኞች ኃይል ሲሆኑ፣ ለውጪ ሰዎች ግን እንቆቅልሽ ናቸው። የማስረጃ ነጥብ፦ ታላቁ አባት ቅዱስ ዮሐንስ አፈወርቅ እንደሚያስተምሩት፣ ቤተክርስቲያን ለዓለም የማይገዛ "የቅድስና ደሴት" ስትሆን፣ በውስጧ የሚፈጸመው ሕይወት ከዓለም ጨለማ ጋር ስለማይስማማ ጨለማው በብርሃኑ ላይ ይነሳል። ይህ "የማይስማሙን" የሚል ጥላቻን ይወልዳል። 4. በሃይማኖት ላይ የሚነሳ "የዘመን መጨረሻ" ተጽዕኖ ቤተክርስቲያን የምታስተምረው ስለ ሰው ልጅ ፍጻሜ፣ ስለ ፍርድና ስለ ዘላለም ሕይወት ነው። የማስረጃ ነጥብ፦ ዓለም በጊዜያዊ ደስታ ላይ ስታተኩር፣ ቤተክርስቲያን ስለ ዘላለም ሕይወት ስትሰብክ፣ ዓለም ትረበሻለች። ይህ ረብሻ ወደ ስደትና ወደ ማሳደድ ይቀየራል። የመጨረሻው ዘመን ምልክትም "የብዙዎች ፍቅር ትቀዘቅዛለች" የሚል ነው። መጽሐፍ ቅዱሳዊ ማሳያ፦ "የዓመጻ ምንዝር ስለሚበዛ የብዙዎች ፍቅር ትቀዘቅዛለች" (ማቴዎስ 24፡12)። እውነትን የሚወድ አማኝ፣ የዓመጻውን መንገድ ለመከተል ስለማይስማማ መከራ ይበዛበታል። 5. የነፍስና የሥጋ ትግል አማኝ በውስጡ የሚፈጸም የነፍስና የሥጋ ትግል አለው። አህዛብ የሚሳለቁትና መከራ የሚያበዙት ደግሞ አማኙ ከወደቀ፣ "እናንተስ የት ሄዳችሁ?" ብለው ለመውቀስና ለማሳፈር ነው። አስፈላጊ ነጥብ፦ አንዳንዴ አማኞች ለሚያደርጉት ስህተት መላዋ ቤተክርስቲያን ትሰደባለች። ይህ መከራ "የገዛ ድካማችን" የሚፈጥረው ነው። በቤተክርስቲያን አስተምህሮ፣ ይህ መከራ አማኙን ወደ ንስሐና ወደ ትጋት የሚመልስ "የገሠጻችን" ዓይነት ነው። ለማጠቃለል፦ ቤተክርስቲያንና አማኞች የሚደርስባቸው መከራ በሦስት ይከፈላል፡- የክብር መከራ፦ ስለ እምነትና ስለ ክርስቶስ ስም የሚመጣ (ይህ አክሊል ያስገኛል)። የፈተና መከራ፦ እምነትን ለማጽናት የሚመጣ (እንደ ወርቅ በእሳት ይፈተናሉ)። የገሰጻ መከራ፦ እኛ በስህተት ስንመላለስ እግዚአብሔር ለንስሐ የሚልክልን። አማኙ በአህዛብ ሲናቅ፣ በክርስቶስ ትምህርት መሠረት ማከናወን ያለበት፦ መታገስ፦ "በመከራችሁ ታግሳችሁ ጸንታችሁ ኑሩ"። መጸለይ፦ "የሚያሳድዷችሁን መርቁ"። መመሥከር፦ በሕይወት ዘይቤው (በፍቅርና በሰላም) የክርስቶስን እውነት ማሳየት።

#ከሕሊና_የማይጠፉ_ተወዳጆች "ሰማዕትነት ስር ነው፡፡ ክርስቲያኖች ደግሞ ከዚኽ ስር የሚያቆጠቁጡ ምርጥ ዘሮች ናቸው፡፡ ብዙ ዛፍ የሚያቆጠቁጥበት ስር በለም አፈር ስለሚሸፈን አይታይም፡፡ ከዚያ በሚያቆጠቁጡ ዛፎች ግን ስሩ እንዴት እንደተመቸው ይታወቃል፡፡ ሰማዕታትም በግዙፉ ዓይናችን እንደምን ያለ አክሊል ሽልማት እንደተቀበሉ አይታየንም፡፡ ፍሬያቸው ግን እነርሱን መስለው እነርሱን አኽለው በሚጋደሉ ምርጥ ዘሮች ይታወቃል፡፡ ሰማዕታት አክብሩን ብለው አይናገሩም፡፡ ነገር ግን በክርስቲያኖች ልብ የሚዘሩት ፍሬ ምእመናንን በፍቅር ያስገድዳል፡፡ እነርሱን እንዲመስሉ ያሳስባል፡፡ ሰማዕታት እንደ ፍቅረኛ ናቸው፡፡ አንድ ሰው የፍቅረኛውን ስም በየአጋጣሚው ያነሣል፡፡ በዓይነ ሕሊናው ያስባል፡፡ በተለያየ መልኩ ያያል፡፡ ሰማዕታትም ለክርስቲያኖች እንደዚያ ናቸው፡፡ እጅግ የተወደዱና በፍጹም ከሕሊና የማይጠፉ ተወዳጆች ናቸው፡፡ የልጆቻችንን ስም በነርሱ ስም የምንሰይመው፣ ሥዕላቸውን ሥለን የምንተሻሸው የምንስመው ለሰማዕታቱ ያለንን ጥልቅ ፍቅር የምንገልጽበት መንገድ ስለኾነ ነው፡፡"

በኦርቶዶክሳዊት ተዋሕዶ ቤተክርስቲያን አስተምህሮ፣ ንስሐ የምህረት እና የይቅርታ ደጅ ነው። ሆኖም አንዳንድ ሁኔታዎች እና አመለካከቶች በንስሐ የማይመለሱ፣ ማለትም ንስሐን ውጤት አልባ የሚያደርጉ ወይም ንስሐ ለመግባት የሚያግዱ አሉ። እነሱም የሚከተሉት ናቸው፡ 1. በምህረት ላይ መታበይ አንድ ሰው "ኃጢአት ብሠራ እግዚአብሔር ይቅር ይለኛል" ብሎ ኃጢአቱን እንደቀላል በመቁጠር ወይም ኃጢአቱን በስልታዊ መንገድ እየደጋገመ "ምህረት የለውም ወይ?" በማለት እግዚአብሔርን መፈታተን። ይህ ንስሐ አይደለም፤ ይልቁንም እግዚአብሔርን መናቅ ነው። ንስሐ ያለ እውነተኛ ጸጸት እና ለውጥ ከተደረገ ዋጋ የለውም። 2. ተስፋ መቁረጥ ይህ የይሁዳ ስህተት ነው። አንድ ሰው "ኃጢአቴ ከእግዚአብሔር ምህረት በላይ ነው" ብሎ ተስፋ መቁረጥ። ይህ በእግዚአብሔር ምህረት ላይ የተፈጸመ ታላቅ ኃጢአት ነው። እግዚአብሔር የማይምረው ኃጢአት ቢኖር፣ የንስሐን በር ዘግቶ ተስፋ መቁረጥ ብቻ ነው። 3. በአንጻራዊነት የማይመለሱ ኃጢአቶች (በስምምነት/ቀኖና መሠረት) በቤተክርስቲያን ቀኖና መሠረት፣ በንስሐ አባት ሳያልፉ ወይም ኃጢአቱ ለቤተክርስቲያን ህግ እና ለአካባቢው ህብረተሰብ ህልውና አስጊ በሚሆንበት ጊዜ፣ በተለመደው መንገድ ብቻ የሚታለፉ አይደሉም። ለምሳሌ፡ ሃይማኖትን መካድ (ክህደት): እምነትን በይፋ የካደ ሰው፣ ንስሐው ከባድ የሆነ የምዕመናን ምስክርነት እና የረጅም ጊዜ መንፈሳዊ ቅጣት (ቀኖና) ይጠይቃል። የማይመለስ መብት በሰዎች ላይ የደረሰውን ግፍ (ለምሳሌ፡ የሰው ነፍስ ማጥፋት፣ የሰው ንብረት መሰረቅ/ማጭበርበር)። ኃጢአቱን መናዘዝ ብቻ በቂ አይደለም፤ የተሰረቀውን መመለስ፣ የገደለውን/የጎዳውን ማካካስ/ይቅርታ መጠየቅ አለበት። እነዚህን ነገሮች ሳያስተካክሉ ንስሐ መግባት ውጤት የለውም። 4. በሌሎች ላይ ጣት መጠቆም ንስሐ ማለት የራስን ኃጢአት መሸከም ነው። አንድ ሰው "አንቺ/አንተ ስላስቀየምሽኝ ነው የሰደብኩት" በማለት ጥፋቱን በሌሎች ላይ ካሳበበ፣ ንስሐው ዋጋ የለውም። የሌላውን ሰው በደል መጥቀስ፣ የራስን ኃጢአት መሸፈኛ ማድረግ ንስሐን የማይመልስ/የማይቀበል ድርጊት ነው። 5. በኑዛዜ ላይ ውሸት መናገር አንድ ሰው ኃጢአቱን በንስሐ አባት ፊት ሲናዘዝ ኃጢአቱን ከቀነሰ፣ ከደበቀ ወይም ሁኔታዎችን ካጣመመ (እውነትን ከካደ)፣ ያ ንስሐ አይሆንም። ንስሐ ማለት እውነትን መናገር ነው። ራሱን ያታለለ ሰው ከእግዚአብሔር ይቅርታ አያገኝም። "የንስሐ በር ለሁላችንም ክፍት ነው፤ ነገር ግን ንስሐ መግባት ማለት ኃጢአትን እንደ አዲስ ልብስ አውልቆ መጣል ነው። እግዚአብሔር የልብን ቅንነት እንጂ የቃላትን ብዛት አይመለከትም። ንስሐ የማይመልሰው ኃጢአት የለም፤ ነገር ግን ቅንነት የሌለው ንስሐ ነፍስን አያድንም። ኃጢአታችንን ስንናዘዝ በቅንነት፣ ከልብ በሆነ ጸጸት፣ እና ከወደፊቱ ክፋት ለመራቅ ቁርጠኝነት ይሁን። የተበደሉትን ሰዎች ካካሱ፣ የታለሙትን እውነት ከተናዘዙ፣ ተስፋ ካልቆረጡ - የእግዚአብሔር ምህረት ከባህር አሸዋ በላይ ሰፊ ነው

በዚህ ቻናል መንፈሳዊ መረጃ ትምህርት መዝሙር ግጥም ይገኝበታል በተጨማሪም ✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️ 🙏1) የመዝሙር ግጥምና ዜማ ለምትፈልጉ በፈለጉት አይነት እና ቋንቋ እንዲሁም ከመጀመሪያው እስከመጨረሻው ፕሮሰስ ድረስ ይቱብ እስከመልቀቅ ድርስ እኛ ጋ አለን ✍️✍️✍️✍️✍️✍️✍️✍️✍️✍️✍️✍️✍️✍️✍️✍️✍️ ድምጽ ቀረጻ እና ቅንብርም አለን 2) ቪዲዮ ክሊፕም በተጨማሪ መስራት ለምትፈልጉ አናግሩን።    ከርሶ እሚጠበቀው ማናገር ብቻ ነው 0922295097 @GETANEH1219

የማይመጣው "ነገ" እና የእግዚአብሔር "አሁን" በህይወታችን ውስጥ ብዙ ጊዜ የምንጠቀምበት እና ሰይጣን ለእኛ ትልቅ ማጥመጃ አድርጎ የሚጠቀምበት ቃል አለ። እርሱም "ነገ" ነው። "ነገ እለወጣለሁ፣ ነገ ወደ ቤተክርስቲያን እሄዳለሁ፣ ነገ ንስሐ እገባለሁ፣ ነገ ከዚህ መጥፎ ልማድ እወጣለሁ" እንላለን። ነገር ግን መጽሐፍ ቅዱስ ሲኦል "ነገ እለወጣለሁ" ባሉ ሰዎች የተሞላች ናት ይለናል። ለምን "ነገ" አደገኛ ነው? ጊዜ የእኛ አይደለም: መጽሐፍ ቅዱስ "የነገን ቀን አትመካ፣ አንድ ቀን ምን እንደሚያመጣ አታውቅምና" (ምሳሌ 27፥1) ይላል። ጊዜን ማራዘም የመንፈሳዊ ህይወታችንን እድገት ማቀዝቀዝ ብቻ ሳይሆን፣ ወደ ዘላለማዊ ሞት የሚወስደን አደገኛ መንገድ ነው። ስንፍናን ያበረታታል: ነገን መጠባበቅ የሰነፎች መገለጫ ነው። ዛሬ መደረግ ያለበትን ነገር ለነገ ማስተላለፍ በህይወት አላማ ላይ መደናቀፍ ይፈጥራል። የእግዚአብሔር ጊዜ "አሁን" ነው! ቅዱስ ጳውሎስ ለቆሮንቶስ ሰዎች በጻፈው መልእክት እንዲህ ይለናል፦ “እነሆ የተወደደው ሰዓት አሁን ነው፤ እነሆ የመዳን ቀን አሁን ነው።” (2ኛ ቆሮ 6፥2) የመዳን ቀን: እግዚአብሔር የሚጠብቀን ዛሬ ነው። ለውጥ የሚጀምረው ነገ ሳይሆን አሁን ነው። ቆራጥነት: ህይወትህ በዓለም ላይ ካለው ነገር ሁሉ በላይ ውድ ነው። ስለዚህ በውስጥህ ያለውን ታላቅ አቅም እና ለውጥ ለማምጣት የሚያስችልህን ኃይል ዛሬ ተጠቀምበት። ዛሬ ምን ማድረግ አለብህ? ግልጽ የሆነ ውሳኔ: ለውጥን ለነገ አታስተላልፍ። የዛሬን ተግባር ዛሬ ፈጽም። በተግባር ማሳየት: "ማወቅ ብቻ በቂ አይደለም፣ ማድረግም ያስፈልጋል"። የተማርከውን ነገር ወዲያውኑ ወደ ተግባር በመቀየር የለውጥ ሰው ሁን። የአሁን አጠቃቀም: የምትኖረው በዚህ ቅጽበት ነው። ስለዚህ በአሁኑ ሰዓትህ ለራዕይህ ስኬት እና ለነፍስህ መዳን ቅድሚያ ስጥ። ማሳሰቢያ፦ አይዘግዩ! ለውጥ የሚመጣው ለነገ ሳይሆን ዛሬ ለወሰኑ ሰዎች ነው። ዛሬውኑ ውሳኔ ይውሰዱ፣ ለለውጥም ይዘጋጁ! እግዚአብሔር በዘመናችን ሁሉ እንዲረዳን መልካም ፈቃዱ ይሁን

📅 የ30ኡ ቀናት በዓላት ስያሜ መጽሐፍ ቅዱሳዊና ሥነ-መለኮታዊ ማብራሪያ 1. መጽሐፍ ቅዱሳዊ መሠረቱ ይህ ሥርዓት በዋናነት የተመሠረተው እግዚአብሔር አምላክ ለቅዱሳኑና ለስማቸው በሰጠው ታላቅ የክብር ቃል ኪዳን ላይ ነው። መጽሐፍ ቅዱስ ቅዱሳንን ማሰብና ቀናቸውን መጠበቅ እንደሚገባ በግልጽ ያዛል፦ የጻድቅ መታሰቢያ ለዘላለም ነው (መዝሙር 111፥6)፦ መጽሐፍ ቅዱስ የጻድቃን ሰዎች ታሪክና መታሰቢያ በምድር ላይ ተለይቶ እንዲታወስ በግልጽ ይናገራል። የቅዱሳን ሞት በእግዚአብሔር ፊት የከበረ ነው (መዝሙር 115፥15)፦ ቅዱሳን ያረፉበት (የሰማዕትነት አክሊል የተቀበሉበት) ቀን በሰማይም በምድርም የተከበረ በመሆኑ ያንን ቀን ለይቶ ማሰብ መጽሐፍ ቅዱሳዊ ነው። የስም ቃል ኪዳን (ኢሳይያስ 56፥5)፦ "በቤቴና በቅጽሬ ውስጥ ከወንዶችና ከሴቶች ልጆች ይልቅ የሚበልጥ መታሰቢያና ስም እሰጣቸዋለሁ፤ የማይጠፋም የዘላለም ስም እሰጣቸዋለሁ" ይላል። እግዚአብሔር ለቅዱሳኑ የሰጠው የዘላለም ስም በየወሩ እየተጠራ እንዲመሰገንበት ያደርጋል። 2. የ30ኡ ቀናት ስያሜ በምን ምሳሌነት የተሠራ ነው? የ30ኡ ቀናት በዓላት አወሳሰን በሁለት ዋና ዋና ታሪካዊና ስልታዊ ምሳሌዎች ላይ የተመሠረተ ነው፦ ሀ. የሰማያውያንና የምድራውያን አንድነት ምሳሌ (ቅዳሴ ማርያም) ምስጢሩ፦ ቤተክርስቲያን በየቀኑ የአንዱን ቅዱስ ስም ስታነሳ፣ የምድር አማንያንና በሰማይ ያሉ ቅዱሳን (መላእክት፣ ጻድቃን፣ ሰማዕታት) በአንድ የጸሎትና የምስጋና ሰንሰለት መገናኘታቸውን ታሳያለች። ምሳሌው፦ ይህ ያዕቆብ በሕልሙ ያያትና መላእክት ሲወጡባትና ሲወርዱባት የነበረችው "የሰማይ መሰላል" ምሳሌ ነው (ዘፍጥረት 28፥12)። 30ኡ ቀናት በየቀኑ ከቅዱሳን ጋር የምንገናኝባቸው ሰማያዊ መሰላሎቻችን ናቸው። ለ. የእስራኤል አወራረድና የታሪክ ማስታወሻ ምሳሌ ምስጢሩ፦ በብሉይ ኪዳን እስራኤላውያን እግዚአብሔር ካደረገላቸው ታላቅ ድንቅ ነገር የተነሳ ቀናትን ለይተው ያከብሩ ነበር (ለምሳሌ ፋሲካን፣ የዳስ በዓልን፣ ሰንበትን)። ምሳሌው፦ በሐዲስ ኪዳን ደግሞ እግዚአብሔር በቅዱሳኑ ላይ አድሮ የሠራውን ድንቅ ተጋድሎ፣ ድል መንሳትና ረድኤት ለማሰብ እያንዳንዱ ቀን ታሪካዊ ማስታወሻ (Memorial) ሆኖ ተቀርጿል። 3. ቀናቱ የተወሰኑበት ታሪካዊ መነሻ ብዙ ጊዜ ምእመናን የሚጠይቁት "ለመሆኑ ቅዱሳኑ ሁሉ የሞቱት ወይም ያረፉት ልክ ከቀን 1 እስከ 30 ባሉት ቀናት ነው ወይ?" የሚል ነው። አወሳሰኑ በሚከተሉት 3 መንገዶች ነው፦ ቀጥተኛ የእረፍት ቀን (ሊቀበሩበት ወይም የሞቱበት ቀን)፦ ለምሳሌ እመቤታችን ያረፈችው ጥር 21 ቀን ስለሆነ 21 ቁጥር የእመቤታችን መታሰቢያ ሆኗል። ቅዱስ ሚካኤል ሕዝበ እስራኤልን ካባሕር ያወጣበትና የተሾመበት ቀን ኅዳር 12 ስለሆነ 12 ቁጥር የሚካኤል ሆኗል። ቤተክርስቲያን የተቀደሰችበት ቀን፦ አንድ ቅዱስ ያረፈበት ቀን ባይታወቅ እንኳ፣ ለእርሱ ስም መታሰቢያ የተሠራችው የመጀመሪያዋ ቤተክርስቲያን የባረከችበት (የቅዳሴ ቤት ክብር) ቀን ተወስዶ በየወሩ እንዲታሰብ ይደረጋል። ታሪካዊ ውሳኔ የቤተክርስቲያን አባቶች (ሊቃውንት) ታሪካቸውና ገድላቸው በዓመት አንድ ጊዜ ብቻ ተነስቶ እንዳይረሳ፣ በየወሩ የምእመናን አእምሮ በቅዱሳን አርአያነት እንዲታነጽ ቀናቱን በ30 ቀናት ውስጥ በመከፋፈል ሥርዓት ሰርተውለታል። 4. ይህ ሥርዓት በየትኛው መጽሐፍ ላይ ተጽፎ ይገኛል? ይህ የ30ኡ ቀናት የቅዱሳን ስም ዝርዝርና ታሪክ በዝርዝር ተጽፎ የሚገኝባቸው 3 ዋና ዋና የቤተክርስቲያን መጻሕፍት እነዚህ ናቸው፦ 1. መጽሐፈ ስንክሳር ይህ መጽሐፍ የቤተክርስቲያን የታሪክ ማደሪያ ነው። ከቀን 1 እስከ 30 ባሉት ቀናት ውስጥ ያረፉ፣ የተጋደሉ፣ ድንቅ ተአምር ያደረጉ ቅዱሳንና መላእክትን ታሪክ በየቀኑ እየገለጠ የሚያነብ ታላቅ መጽሐፍ ነው። 2. መጽሐፈ ግጻዌ ፦ በየቀኑ በዓሉን መሠረት አድርጎ የትኛው የመጽሐፍ ቅዱስ ክፍል (ወንጌል፣ መልእክት፣ የሐዋርያት ሥራ) መነበብ እንዳለበት በ30ኡ ቀናት ሥርዓት ከፋፍሎ የያዘ መጽሐፍ ነው። 3. የቅዱስ ያሬድ ድጓ፦ ቅዱስ ያሬድ ከቀን 1 እስከ 30 ባሉት ቀናት ለሚከበሩት ቅዱሳን ሁሉ፣ ከመጽሐፍ ቅዱስ ጥቅሶችን እየመዘዘ በየቀኑ የሚዘመር ልዩ መንፈሳዊ ዜማና ምስጋና አዘጋጅቶባቸዋል። 5. በዓላቱን ማክበር ማለት ምን ማለት ነው? አባቶች ይህንን ሥርዓት የሠሩበት ዋና ዓላማ አማንያን በዓላቱን ሲያከብሩ 3 ትልልቅ ጥቅሞችን እንዲያገኙ ነው፦ አርአያነትን መከተል፦ የቅዱሳኑን ታሪክ ሰምቶ በነሱ እምነትና ሥነ-ምግባር መጽናት። ፈጣሪን ማመስገን፦ በሰው ላይ አድሮ ያንን ሁሉ ድንቅ ሥራ ለሠራው ለእግዚአብሔር ክብር መስጠት። በረከትን መካፈል፦ የቅዱሳኑ ጸሎትና አማላጅነት እንዲረዳን በቅንነት መለመን። ከቀን 1-30 ያሉት በዓላት ዝም ብለው የመጡ ሳይሆኑ፣ "የቅዱሳንን ታሪክ በየቀኑ በማሰብ ምእመናን በቅዱስ ሥነ-ምግባርና በሃይማኖት እንዲታነጹ" መጽሐፈ ስንክሳርና መጽሐፍ ቅዱሳዊ ቃል ኪዳንን መሠረት አድርገው በሊቃውንት የተዘጋጁ የሕይወት መማሪያ ትምህርቶች ናቸው።

📌 ሰው ኔጌቲቭ እና መጥፎ እንዳይሆን ምን ይይዘዋል? “የያዘ ይያዝ እንጂ ስንት አፉን የምናዘጋው ሰው ነበር…” ይህንን ጥቅስ ስናነብ በውስጣችን ትልቅ ጥያቄ ይነሳል፦ እጃችን ላይ ሙሉ አቅም፣ የመናገር፣ የመከራከር አልፎ ተርፎም የበቀል ጉልበት እያለን፣ እራሳችንን ገትተን መጥፎና ኔጌቲቭ ሰው እንዳንሆን የሚይዘን ትልቁ ሚስጥር ምንድነው? አንድ ሰው በሰዎች ክፋት፣ አሉታዊ ወሬና ስም ማጥፋት ውስጥ አልፎ እንኳ ማንነቱ ሳይበላሽ ጸንቶ እንዲቆም የሚያደርጉት እነዚህ 5 መሰረታዊ መርሆች ናቸው፦ 1. የውስጥ ማንነት እና የእሴት ጥንካሬ ደካማ ሰዎች ሁልጊዜ የሚመሩት በሰዎች ባህሪ ነው። ሰው ሲያከብራቸው ያከብራሉ፣ ሰው ሲያማቸው ያማሉ። ጠንካራ ሰው ግን የሚመራው በራሱ መልካም እሴት ነው። የሰዎች ክፋት ላንተ መጥፎ መሆን ሰበብ ሊሆን አይችልም። "እነሱ የፈለጉትን ቢሆኑ፣ እኔ ግን ጨዋነቴንና ክብሬን አላረክስም" ማለት የትልቅነት መገለጫ ነው። 2. እግዚአብሔርን መፍራት ከሰው ጩኸት በላይ ሁሉን የሚያይ፣ የሚሰማና በጊዜው እውነተኛውን ፍርድ የሚሰጥ አምላክ መኖሩን ማመን ትልቅ የውስጥ መረጋጋትን ይሰጣል። መጽሐፍ ቅዱስ "በክፉ አትሸነፍ፣ ክፉውን በመልካም አሸንፍ እንጂ" (ሮሜ 12፥21) ይላል። እግዚአብሔርን መፍራት በውስጣችን ሲኖር፣ አቅማችንን ሰዎችን ለማጥቃት ሳይሆን ራሳችንን ለመግዛት እንጠቀምበታለን። 3. የህይወት ዘርና ምርት ህግ በህይወት ውስጥ የዘራነውን ነው የምናጭደው። ዛሬ በጥላቻ ላይ ጥላቻ፣ በክፋት ላይ ክፋት ከዘራን ነገ የምናጭደው ውድመት ነው። ክፉዎች ክፋትን እየዘሩ ከሆነ፣ በህይወት ህግ መሠረት ውድቀትን የሚያጩዱት ራሳቸው ናቸው። እኛ ግን መልካምነትንና ታማኝነትን ከዘራን፣ ዛሬ ፈተና ቢበዛም ነገ የምናጭደው ክብርና ሰላም ነው። 4. የትልቁ ራዕይ ታላቅነት በጉዟችን ላይ የሚጮሁ ትናንሽ ዝንቦች ሁልጊዜ አሉ። ከዝንቦቹ ጋር ለመጣላትና አፋቸውን ለመዝጋት ቆም ካልን፣ የምንሄድበት ትልቁ የተራራ ጫፍ (ራዕይ) ይረዝማል። መጥፎ እንዳንሆን የሚይዘን የራዕያችን ታላቅነት ነው። ለትልቅ አላማ የተፈጠረ አእምሮ በትናንሽ ወሬዎች ላይ አይባክንም። 5. ስሜታዊ ብልህነት የሰዎችን አፍ በመዝጋትና በመበቀል ውስጥ የሚገኘው ድል የጥቂት ደቂቃ ጊዜያዊ ስሜት ሲሆን ኋላው ግን ፀጸት ነው። እውነተኛ ኃይልና ብልህነት ማለት ምላሽ የመስጠት አቅም እያለህ፣ ስሜትህን ተቆጣጥረህ በዝምታና በስራህ ማሸነፍ መቻል ነው። ዝምታ ራሱ ትልቅነቱ የላቀ "አፍ መዝጊያ" ነው። 💡 ማጠቃለያ ሀሳብ፦ ክፉዎች ክፋታቸውን ቢቀጥሉ እንኳ፣ እግዚአብሔርና ያንተ መንፈሳዊ ሞራልህ አጥብቀው ይያዙህ። መጥፎ ላለመሆን ራስን መግዛት ትልቁ የባህሪ ድል ነው!

📌 የሰው ልጅ ምንም ቢጸልይ ጸሎቱ የማይሰማው ለምንድን ነው? ብዙዎቻችን እንጸልያለን፤ ነገር ግን አንዳንድ ጊዜ ጸሎታችን መልስ ያጣና ሰማዩ ዝም ያለ ይመስለናል። መጽሐፍ ቅዱስና ቅዱሳን አባቶች እንደሚነግሩን፣ ጸሎታችን ወደ ፈጣሪ እንዳይደርስ የሚጋርዱ ግልጽ የሆኑ መንፈሳዊ ምክንያቶች አሉ። ምንም ብንጸልይ ጸሎታችን እንዳይሰማ የሚያደርጉ 5 ዋና ዋና ምክንያቶች፦ 1. በልብ ውስጥ ቂምና ሰውን ያለይቅርታ መያዝ ይህ ትልቁ የጸሎት ጋሬጣ ነው። በውስጣችን ለአንድ ሰው ክፉ አሳብ፣ ቂም ወይም ጥላቻ ይዘን ወደ ፈጣሪ ብንጮኽ ጸሎታችን አይሰማም። ጌታችን በወንጌል “ለሰዎች ኃጢአታቸውን ይቅር ባትሉ፥ አባታችሁም ኃጢአታችሁን ይቅር አይላችሁም” (ማቴ 6፡15) ብሏል። እኛ ለበደሉን ሰዎች መሐሪ ካልሆንን፣ የፈጣሪን ምሕረት መለመን አንችልም። 2. ኃጢአትን ሳይናዘዙ በውስጥ ደብቆ መያዝ በንስሐ ያልታጠበና ሆን ተብሎ የተሸሸገ ኃጢአት በሰውና በእግዚአብሔር መካከል ትልቅ የብረት ግድግዳ ይሠራል። ነቢዩ ዳዊት በመዝሙሩ “በልቤስ ዓመፅን አይቼ ቢሆን ጌታ አይሰማኝም ነበር” (መዝ 65፡18) ይላል። የጸሎት መሠረቱ ንጹሕና የተሰበረ ልብ በመሆኑ፣ ያለ ንስሐ የሚደረግ ጸሎት ፍሬ አይኖረውም። 3. ለራስ ወዳድነትና ለሥጋዊ ምኞት ብቻ መጸለይ አንዳንድ ጊዜ የምንጸልየው ለነፍሳችን በሚጠቅም ወይም ፈጣሪን በሚያከብር መንገድ ሳይሆን፣ ለሥጋዊ ጥቅማችንና ከሌሎች ለመበለጥ ሊሆን ይችላል። ሐዋርያው ቅዱስ ያዕቆብ “ትለምናላችሁ፥ በምኞቶቻችሁም ትከፍሉ ዘንድ በክፉ ትለምናላችሁና አትቀበሉም” (ያዕ 4፡3) በማለት ምላሽ የማይገኝበትን የራስ ወዳድነት ጸሎት ይገልጸዋል። 4. ያለ እምነትና በጥርጣሬ መጸለይ “ይሰማኝ ይሆን? አይሰማኝም?” እያሉ በሁለት ልብ መጸለይ የጸሎትን ኃይል ያጠፋዋል። ስንጸልይ ፈጣሪ ሰሚና መሐሪ መሆኑን ሙሉ በሙሉ አምነን መሆን አለበት። “በማናቸውም ነገር ሳይጠራጠር በእምነት ይለምን፤ የሚጠራጠር ሰው በነፋስ የተገፋና የተናወጠ የባሕርን ማዕበል ይመስላልና” (ያዕ 1፡6)። 5. የእግዚአብሔርን ፈቃድ አለመጠየቅ እኛ የምንፈልገው ነገር ሁሉ ለእኛ ጠቃሚ ላይሆን ይችላል። እግዚአብሔር አርቆ አሳቢ ስለሆነ፣ የሚጎዳንን ነገር ስንለምነው በፍቅር ዝም ይለናል። ጸሎታችን ሊሰማ የሚችለው “እንደ ፈቃዱ አንዳች ብንለምን ይሰማናል” (1ዮሐ 5፡14) በሚለው መሠረት “የእኔ ሳይሆን ያንተ ፈቃድ ይሁን” ብለን ራሳችንን ስናስገዛ ነው። 💡 ማጠቃለያ ጸሎት እግዚአብሔርን የምናዝዝበት ሳይሆን፣ እኛ ለእግዚአብሔር ፈቃድ የምንገዛበት መንፈሳዊ ድልድይ ነው። ጸሎታችን እንዲሰማ መጀመሪያ ልባችንን ከቂም እናጽዳ፤ በንስሐ እንዘጋጅ፤ ከዚያም በሙሉ እምነት ለፈጣሪ ፈቃድ አሳልፈን እንስጠው። 👉 ጽሑፉ ከተመቻችሁ ለወዳጅዎ SHARE በማድረግ መንፈሳዊ ግዴታችሁን ተወጡ!

የኦርቶዶክሳዊት ሚስት ባህሪያትና ተግባራት እንደ ኦርቶዶክሳዊት ክርስቲያን፣ አንዲት ሚስት በቤተሰብና በትዳር ህይወት ውስጥ ያላት ሚና በቅዱሳት መጻሕፍት ትምህርት ላይ የተመሰረተ ነው። ዋና ዋናዎቹም የሚከተሉት ናቸው፡ መታዘዝ፡ ኦርቶዶክሳዊት ሚስት ለባሏ መታዘዝ ይኖርባታል። ይህ መታዘዝ ግን በእግዚአብሔር ቃልና በጌታ ፈቃድ መሆን አለበት። የትብብር መንፈስ፡ መታዘዝ ማለት የባሪያና የጌታ ግንኙነት ሳይሆን፣ በትዳር ጉዞ ውስጥ ለመዳንና ለጋራ ስኬት በትብብርና በፍቅር መንፈስ አብሮ መጓዝ ማለት ነው። ቤት ማስተዳደር፡ ሴቶች በቤተክርስቲያን መድረክ ላይ ባያስተምሩም፣ በትንሿ ቤተክርስቲያን (በቤታቸው) ግን ዋነኛ አስተማሪዎች ናቸው። ልጆቻቸውን በስነ-ስርዓት ማሳደግና ቤታቸውን በአግባቡ ማስተዳደር ይጠበቅባቸዋል። ለባል ረዳት መሆን፡ ባሏ በትዳር ጉዞ ውስጥ በትክክለኛ መንገድ እንዲመራ ታግዘዋለች፤ ሲሳሳት ታርመዋለች፤ ሲደክም ትረዳዋለች፤ እንዲሁም ሲያዝን ታጽናናዋለች። አርአያ መሆን፡ በባህሪዋ፣ በአለባበሷና በንግግሯ ራሷን በመግዛት ለሌሎች አርአያ ትሆናለች። መጽሐፍ ቅዱሳዊ ጥቅሶች ስለ ሚስት ተግባራትና ባህሪያት የሚገልጹ ዋና ዋና ጥቅሶች የሚከተሉት ናቸው፡ "ሚስቶች ሆይ፥ ለጌታ እንደምትገዙ ለባሎቻችሁ ተገዙ።" (ኤፌሶን 5፡22) "ቆንጆዎች ሴቶች ባሎቻቸውንና ልጆቻቸውን እንዲወዱ፥ ራሳቸውን እንዲገዙ፥ ንጹሖች እንዲሆኑ፥ በቤት እንዲሠሩ፥ በጎዎች እንዲሆኑ፥ የእግዚአብሔር ቃል እንዳይሰደብ ለባሎቻቸው እንዲታዘዙ ይምከሩ።" (ቲቶ 2፡4-5) ጥያቄ፡ ደግና ልባም ሚስት ለመሆን በአሁኑ ወቅት በህይወትሽ ውስጥ ምን ማሻሻል ያለብሽ ይመስልሻል።

የሥነ-ልቦና እና የግል ዕድገት ተመራማሪ፣ አንዲት ልባም ሴት እና አንድ ጠንካራ ወንድ ሊኖራቸው የሚገባውን ተጨማሪ መንፈሳዊና ማህበራዊ እሴቶች እንደሚከተለው__ የልባም ሴት እና የወንድ መስተጋብር በጽኑ መሠረት ላይ የእርስ በርስ መከባበርና ነፃነት፦ እውነተኛ ጥምረት የሚገነባው አንዱ ሌላውን በመቆጣጠር ሳይሆን፣ ለሌላኛው ወገን ማህበራዊ ነፃነትና ምርጫ እውቅና በመስጠት ነው። የባህሪ እና የሥነ-ምግባር ደንብ፦ በማንኛውም ግንኙነት ውስጥ ተጠያቂነትና ግልጽ የሆነ የሥነ-ምግባር መመሪያ መኖር ለዘላቂ ሰላም ወሳኝ ነው። አርቆ አሳቢነት እና ዕቅድ፦ ለወደፊት ግቦች በጋራ ማቀድ እና ለነዚያ ግቦች በዲሲፕሊን መሥራት የልባምነት መገለጫ ነው። መንፈሳዊ ጥንካሬ እና የግል ዕድገት የውስጥ ማንነትን መገንባት፦ በውጫዊ ገጽታ ላይ ብቻ ሳይሆን፣ በውስጣዊ ጥንካሬ እና በባህሪ መታነጽ ላይ ትኩረት ማድረግ ይገባል። ተቋቋሚነት (Resilience)፦ በሕይወት ውስጥ የሚያጋጥሙ ፈተናዎችን በጽናት ማለፍ እና ካለፉ ታሪኮች ትምህርት በመቅሰም ለተሻለ ሕይወት መዘጋጀት ያስፈልጋል። የአመራር ጥበብ፦ ወንድ ልጅ በቤተሰቡም ሆነ በሥራው መስክ በትሕትና እና በኃላፊነት ስሜት መምራት የሚችልበትን አቅም ማዳበር ይኖርበታል። የማህበረሰብ እና የቤተሰብ ሚና የቤተሰብ ትስስር፦ ከቤተሰብ አባላት ጋር ያለን ግንኙነት እና ለእነሱ የምንሰጠው ክብር የማንነታችን ነጸብራቅ ነው። ለቀጣዩ ትውልድ አርአያ መሆን፦ ወጣቶችን በስነ-ምግባር እና በአስተሳሰብ በማነጽ ረገድ ልባም ሴቶች እና ወንዶች ከፍተኛ ሚና አላቸው። እነዚህን እሴቶች በሕይወትህ ውስጥ ተግባራዊ በማድረግ፣ በመንፈሳዊም ሆነ በማህበራዊ ሕይወትህ የተቃና ጉዞ እንዲኖርህ ይረዳሃል