YULDUZ..

#ХАЗИЛШЕЪР SEMIRMAGIN. Atlas koʻylak kiygansan Qosh koʻzing chimirmagin Bitta gap koʻp ikkita kam Ortiqcha semirmagin. Chiroylisan shunday ham Koʻzlaringni qilma nam Tushun meniyam erkam Ortiqcha semirmagin Boshim koʻkka yetgancha Xayot xursand etgancha Beldan quvvat ketgancha Ortiqcha semirmagin Xar gapni boʻlmas aytib Men ham ketmayin daydib Bu kunlar kelmas qaytib Ortiqcha semirmagin Ikkimizga ham qulay She’rimga davom ulay Hazil emas har qalay Ortiqcha semirmagin Endi choʻzib yurmagin She’rim oʻqib kulmagin Sochlaringni yulmagin Ortiqcha semirmagin DONIYOR NAZAROV✍

✍AYLAR YUKSAL. 🎙 Shoiraginam Sevara. Bir baho beringlarchi.

Кўнгли очиқ, бағри доим кенг бўлганлар, Қадри буюк, осмонларга тенг бўлганлар, Кези келса ёқа билан енг бўлганлар, Эрта тонгдан айтайин хуш калом сизга, Гуллар юрти Намангандан салом сизга. Мехри дарё, оқибати бутунларим, Шеъриятга асир бўлган тутқунларим, Ака-ука, опа хамда сингилларим, Эрта тонгдан айтайин хуш калом сизга, Гуллар юрти Намангандан салом сизга. Юзларидан иймон нури балқиб турган, Юраклари мухаббатдан қалқиб турган, Зерикканда шеърим ўқиб чалғиб турган, Эрта тонгдан айтайин хуш калом сизга, Гуллар юрти Намангандан салом сизга. Сақламаган кўнглида хеч гина, кекни, Ўзларига яқин олган Расулбекни, Нима гаплар, хонадонлар омон, тинчми? Эрта тонгдан айтайин хуш калом сизга, Гуллар юрти Намангандан салом сизга. Расулбек

#𝙋𝙍𝙀𝙈𝙔𝙀𝙍𝘼. 📜SO'NIB BORAR ISHQIM QUYOSHI,....! So'nib borar ishqim quyoshi, Ko'nglimning qariga asta qorayib. Zulmatlarga ko'mildi dardlar, Bilmadim menda yo sendami ayb . Shamollarga uchirdim xatlar Kozim yoshi bilan satrlar yozdim Sen ketgan o'sha zulmatli kundan Bilmadim anglolmay aqldan ozdim. Ne derdim yakuni shu ekan ishqni, Dengizlar qariga otildi yurak Erkinligi qoʻldan ketgan qush kabi Endi yuraksiz yashasam kerak. E hayot so'zlarim kitobga yozsam, Ulkan bir qissaga aylanar balki Sen bir kun o'qisang osha kitobni Men qayta hayotga qaytarman yoki Sen ketding chorasiz qolgan men edim, Afsuslar zanjirga boylandi mangu Xatto tabassumlar tark etdi qara, Endi koʻrinmaydi yuzimda kulgu. Nogohon uyg'ondim bundayin tushdan. Yuragim og'riqqa bazo'r ko'nmoqda Ming shukur tush ekanku bari Og'riqli dardidan yurak yonmoqda Ammo hammasi haqiqat asli, Tongimga nur sochib kelmoqda quyosh. O'tmishim alvido qo'l siltab deyman, Seni deb aslo to'kmayman ko'z yosh. Tushlarim qariga ko'mdim alamim Men faqat nur tomon boraman endi Kulguga almashib armonlarimni Kelishin kutaman o'sha chin sevgi. Alvido o'tmishim xayr bevafo. © Shoiraginam Sevara....✍😒11/08/2026 00:20.

Унутаман бўлди дейману, Кетолмайман кўнглимни уза, Хотирангиз пастроқми сулув? Эсламасам, эсламайсиза?! Қўйгандайин эс-хушимни еб, Фақат ўзим йўқлайман хадеб, Бир телбароқ ошиғим бор деб, Эсламасам, эсламайсиза?! Бўш вақтингиз йўқдайин гўё, Ташламайсиз мен томон қиё, Бошқасини топдингизми ё, Эсламасам, эсламайсиза?! Соғинчимни кўз ёшга чайиб, Сўз кутаман сиздан мунғайиб, Қоласизми, айтинг, камайиб? Эсламасам, эсламайсиза?! Воой эсимдан чиқибди дейсиз, Қўясиз бир кўзингиз суза, Эсиз қурсин, эх эси йўқ қиз, Эсламасам, эсламайсиза?! Расулбек.

ҚАЙТМАЙМИЗ... Кӯришиб қолганда бир куни Ҳаяжон босганча титраймиз Ёшликни эслаймиз кулганча Афсус биз орқага қайтмаймиз Бахорнинг қайтиши аниқроқ Бирор хил янги сӯз айтмаймиз Ушалмас биз қилган орзулар Энди биз орқага қайтмаймиз Рост экан вақнинг ҳам чопиши Биз энди ташвишдан ортмаймиз Мухаббат эшигин ёпганча Энди биз орқага қайтмаймиз Солганча тақдир ӯз йӯлига Гоҳида ӯксиниб яшашмиз Иккимиз икки хил томонга Дард билан қадамлар ташлаймиз Юракдан ӯчганча исминг ҳам Балки мен қирқ ёшга тӯларман Ёкида қирқ ёшга етмасдан Ӯттиз беш ёшимда ӯларман Шу бӯлса қисматнинг ёзгани Уни ҳеч ӯчириб бӯлмайди Ӯлишим мумкиндир эртароқ Лек менинг шеърлари ӯлмайди ДОНИЁР НАЗАРОВ✍

Нега сендан кечиш муаммо? Нега сенга талпинар кўнглим? Унутаман дейману аммо, Шу ишга хеч бормайди қўлим. Хар сўзингга дегим келар хўп, Ғурур:-Кеч, деб доим қистайди, Билсанг асли ошиқларим кўп, Лекин юрак сени истайди. Қаерингга бўлганман ошиқ? Ниманг учун қўйганман ихлос? Ўйлаб кўрсам бировдан ортиқ, Биттагина холинг бор холос. Қачон тугар бу ғалати хис? Қачонгача севаман сени? Рахминг келсин бироз гўзал қиз, Қариганда қийнама мени. Ўйласам, сен ўзганинг хасми, Қисмат менга кўрмаган раво, Унутишим керакку асли, Лекин сендан кечиш муаммо. Расулбек

#𝙋𝙍𝙀𝙈𝙔𝙀𝙍𝘼. #to'rtlik So'zlasam qalbingga yo'limni topsam, Ishqim olovida beayov yoqsam, Noz bilan kipriklar ostidan boqsam, Ko'zlarimni rangi muhimmi senga. ✍Shoiraginam Sevara.... (Bir kun davom ettiraman)

Аёлларга. Таърифинг айтишга сўзлар кам, Лойиқсан хар қандай хурматга, Бошингда минг ташвиш бўлса хам, Жилмайиб тушасан суратга. Елкалаб сабрнинг тоғини, Билдирмай кўнглингнинг охини, Кўрсатиб тишларинг оқини, Жилмайиб тушасан суратга. Озгина қисгандек кўзингни, Кулгучин кўрсатиб юзингни, Бахтиёр хис қилиб ўзингни, Жилмайиб тушасан суратга. Бошингни сал ёнга эггандек, Лабларинг қулоққа теггандек, Дунёга шу учун келгандек, Жилмайиб тушасан суратга. Ортиқча ёзмадим ошириб, Йўқ ердан йўқ гаплар тошириб, Дардларинг кулгунгда яшириб, Жилмайиб тушасан суратга. Ёлғон йўқ, айтганим рост бари, Тобим йўқ ноўрин тухматга, Худди бир фаришта сингари, Жилмайиб тушасан суратга. Расулбек

Қопи тешик рўзғорнинг, Тўлмас эканда сира, Эх дўстим нима дединг, Тирикчилик қурсина. Хар кун янги-янги кам, Янги ташвиш, янги ғам, Қачон оларкинмиз дам, Тирикчилик қурсина Хох Бахору, хохи Қиш, Адо бўлмайди юмуш, Шу экан туриш-турмуш, Тирикчилик қурсина. Оқшом тушса қандай бахт, Ухлаб қоласан барвақт, Туш кўргани етмас вақт, Тирикчилик қурсина. Жанонлар гап отса шўх, Юрак ёниб бўлар чўғ, Хохиш бору, имкон йўқ, Тирикчилик қурсина. Яшаяпмиз хар тугул, Кўнгил бўлмасдан хира, Шунисига хам шукур, Тирикчилик қурсина. Расулбек

Кўп шеърларни ёзганман, Ёлғон севдим, ўлдим деб, Билганимни билмаган, Кўрмаганни кўрдим деб. Вақти келса билмасдан, Ёмонладим замонни, Фарқига бормасам хам, Яхши билан ёмонни. Билмам нечта шеърим бор, Ўқилмаган, ўқилган, Ўн фоизи хақиқат, Қолган қисми тўқилган. Хамма бирдек ростгўймас, Ёлғон бор хар кишида, Шоирлик хам шунақа, Ёлғончининг ишида. Ёзмай десанг бўлмайди, Қўққис илхом келганда, Қийналади виждоним, Қорани Оқ деганда. Қойилмисиз шеъримга, Мен хам сизга қойилман, Борни бордек ёзмаган, Афиристроқ шоирман. Расулбек

Бирам тиниқ юзларингни оппоқ ранги, Қулоғингга меникисан деб қўйсамда, Ишонавер шунақанги ширинсанки, Имкон бўлса тишлаб-тишлаб еб қўйсамда. Бир боқишда сехрлайсан кўзинг билан, Нозга тўла хушомадли сўзинг билан, Жоним сени қанд, шакаринг ўзинг билан, Имкон бўлса тишлаб-тишлаб еб қўйсамда. Кўрган сари кетаверар севгим жўшиб, Хисларим хам қирғоғидан сакраб, тошиб, Қани эди бир пиёла чойга қўшиб, Имкон бўлса тишлаб-тишлаб еб қўйсамда. Ўзгадами хаёлларинг, бизлар қолиб, Йўлинг пойлаб, кечалари дил ўйсамда, Бирор куни билдирмасдан ушлаб олиб, Имкон топиб тишлаб-тишлаб еб қўйсамда. Расулбек

Яна бир хазил шеър. Хафа бўлиш йўқми мендан? Хазил қилсам сал акалар, Чиройлисиз асли чиндан, Тепа сочи кал акалар. Чимирилиб қошларингиз, Оқмасин кўз ёшларингиз, Қизиб кетмас бошларингиз, Тепа сочи кал акалар. Сиз мехрибон, сиз ювошсиз, Хар жабхада илдам, бошсиз, Франклинга қариндошсиз, Тепа сочи кал акалар. Ботмасин хеч дилга оғриқ, Биров сиздан эмас ортиқ, Мардлик сочга эмас боғлиқ, Тепа сочи кал акалар. Ўйлаб кўриб, бош қашлангиз, Кўпдир сизнинг дўст-ошнангиз, Ярқираган пешонангиз, Тепа сочи кал акалар. Хафа бўлиш йўқми айтинг, Хазил қилдим сал акалар, Тунда эҳтиёт бўлиб ётинг, Тепа сочи кал акалар. Расулбек

Шайтон нағма чалиб турганда, Қўлингизга шароб тутганда. Бу юракни дардлар ютганда, Нафсга қул, бўлманг одамлар. Достон қилиб бировнинг дардин, Ерга уриб энг баланд қадрин. Унутинг сиз унинг бор айбин, Нафсга қул бўлманг одамлар. Давлатингиз кўпайиб кетса, Макp қилиб шайтон йўл урса. Ҳалолингиз ёнингизда турса, Нафсга қул бўлманг одамлар. Кечиринг сиз бўлсангиз ҳам хақ, Ҳақ инсонга жаннат бўлар нақт. Адашиб гар бўлсангиз нохақ, Нафсга қул бўлманг одамлар. Кўнгил уйи вайрон бўлмасин, Чин мўминнинг кўнгли синмасин. Аллоҳ жаннат ваъда қилганда, Бизни шайтон йўлдан урмасин. ✍ ПАХЛАВОН ШОДИЕВИЧ https://t.me/Pahlavon_navo

Энди севмайман шеъримни бир ажойиб акамиз сунъий интеллект орқали қўшиққа айлантирибтилар, насиб бўлса ўз ижроларида хам эшитамиз яқин кунларда насиб қилса

Мумкиндир умуман кўришмай, Соғинчга, хижронга кўникиш, Лек яшаш қийиндир ўйламай, Оғирроқ бўларкан унутиш. Жисмимку хис қилмас жисмингни, Эслолмай қоларман хуснингни, Юракда қолдирган исмингни, Оғирроқ бўларкан унутиш. Келай деб бироз эс-хушимга, Шўнғийман бел боғлаб ишимга, Барибир кирасан тушимга, Оғирроқ бўларкан унутиш. Севги бу ўткинчи, дайди хис, Ортидан қолдирар чандиқ, из, Сен бўлиб кўринар хамма қиз, Оғирроқ бўларкан унутиш. Билмайман қандайин шахд керак? Ўз-ўзга ваъдаю, ахд керак? Манимча хали кўўп вақт керак. Оғирроқ бўларкан унутиш. Расулбек

Энди бу кўнгилга бегона Бахор, Энди бу кўзларга ётдир табассум, Энди севаман деб айтмайман такрор, Энди яшамоқнинг ўзи хам мавхум. Энди хаёлларим банд этмас хеч ким, Энди қирғоғидан тошмайди хислар. Энди ақлим етди, энди тушундим, Алдамчи бўларкан чиройли қизлар. Энди хиёнатни кўрмайди кўзим, Тўғриси, ёлғонлар жонимга тегди, Севолсам ўзимни севаман ўзим, Лекин бошқаларни севмайман энди. Энди бировларни кутмайман асло, Энди зор эмасман ишвага, нозга, Кимнидир ёқтиргим келса мободо, Изхорим тўкаман фақат қоғозга. Лекин бу ваъдамас, ахдим хам эмас, Ёки қатъийроқ хам қарор қилмадим. Шунчаки қизлардан қилгим келди арз, Қайтиб севмасдирман??... Яна билмадим.... Расулбек