YURISTKADR

#одил_судлов_2030 Ишни хозирданоқ бошлаб юборамиз Президентнинг «Одил судлов – 2030»: Янги Узбекистонда инсон ҳуқуқларини ишончли ҳимоя қилувчи халқчил ва адолатли суд тизимини барпо этиш стратегияси тўғрисида»ги Фармонидаги энг мухим жойлардан бири: «2027 йил 1 августдан бошлаб ягона суд амалиётини шакллантирувчи Олий суд Раёсати қарорларини белгиланган тартибда очиқ эълон қилиш ва янгилаб бориш амалиётини («Прецедентлар» реестри) жорий этсин». Бемалол айта оламанки, мазкур вазифанинг ижроси суд ишларининг меҳнатга оид низолар қисмида сифатлироқ ва тезроқ бажарилади. Бундай дейишга асосларим бор. Биринчидан, Олий суддан тортиб, ўрта ва қуйи бўғин судларигача меҳнат низоларига ихтисослашган судьялар фаолият юритишни бошлади. Кейин, суддан ташқарида ҳам меҳнат низоларига ихтисослашган адвокатлар гуруҳи шаклланиб бўлган. Қолаверса, бизда назариётчилар ва амалиётчилар ўртасида узвий ҳамкорлик ҳозирда юқори даражада. Айниқса, Юридик университетнинг Меҳнат ҳуқуқи кафедраси ўқитувчилари билан. Бу дегани, биз масалани судьялар корпусининг ўзига ташлаб қўймаймиз. Ишни ҳозирданоқ бошлаб юборамиз. 👉@yuristkadr

Мансаб тугаса ҳам, иммунитет сақланиб қолади... 2026 йил 14 августда "Ўзбекистон Республикаси Президенти Администрацияси тўғрисида"ги ЎРҚ–1166-сонли Конституциявий қонун кучга кирди. Қонуннинг 25-моддаси эса эътиборни тортмасдан қўймайди. Чунки унда Администрациянинг мансабдор шахслари ва бошқарув ходимларига алоҳида дахлсизлик ҳамда иммунитет берилган. Содда қилиб айтганда, Администрациянинг мансабдор шахсига нисбатан жиноят иши қўзғатиш, уни жиноий жавобгарликка тортиш, процессуал мажбурлов чораларини қўллаш, тезкор-қидирув, суриштирув ва тергов ҳаракатларини ўтказишга йўл қўйилмайди. Бошқарув ходими хизмат вазифаси билан боғлиқ бўлмаган қилмиш содир этган тақдирда ҳам, Президентнинг ёзма розилигисиз унга нисбатан жиноят иши қўзғатиш ёки тергов ҳаракатларини ўтказиш мумкин эмас. Бундай бошқарув ходимига нисбатан жиноят ишини фақат Бош прокурор қўзғатиши мумкин. Иш эса Олий судда кўрилади. Энг эътиборли томони шундаки, иммунитет мансаб билан бирга тугамайди. Мансабдор шахсларнинг дахлсизлиги лавозимидан кетганидан кейин ҳам умрбод, бошқарув ходимлариники эса беш йил давомида сақланади. Агар ушбу тартибларга риоя қилинмасдан далил олинса, у қонунга хилоф олинган ва номақбул далил деб ҳисобланади. @Advokat_Abdullayev

Одил судлов - 2030 стратегияси Veb-sayt | Telegram | Facebook | Instagram | YouTube

“Одил судлов – 2030 стратегияси” – бу байрам тухфаси! Олий суд раҳбарияти ва Президент Админстрацияси томонидан бугун Давлат раҳбарига «Одил судлов — 2030 стратегияси” лойиҳаси тақдим этилди. Бошқалар қатори биз таклиф қилган ташаббуслар ҳам эътиборга олинибди. Яъни, судларда алоҳида минтақавий тафтиш инстанциялари ташкил қилиш орқали, ўрта бўғин судларидаги “қарға қарғанинг кўзини чўқимайдиган” тизимга барҳам берилади. Яна бир муҳим ислоҳот, 2027-2030 йиллар давомида бошқа туман ва шаҳарларда босқичма-босқич фуқаролик судларини ташкил қилинади. Бу мавзулардаги постларимиз ва таклифларимиз эсингиздами? Умуман олганда, одил судлов фаолиятига доир бу тақдимотда қонуний ҳақ-ҳуқуқлари учун судларга борадиган фуқаролар учун жуда манфаатли ташаббуслар илгари сурилган. Жуда ҳурсандман. Тақдимот натижаси бўйича қабул қилинадиган Президент фармони биз учун ҳақиқий байрам тухфаси бўлади. 👉@yuristkadr