𝗭 𝙀 𝑰 𝐍 •

لا حلم عايز يكمل ولا واقع راضي يرحم .

‏من أكتر الحاجات اللي بتسيب في نفسك أثر سيء هو فقدانك لموهبة كنت تمتلكها أو شغفك تجاه شيء معين ، زي حبك للقراءة ، قدرتك على الكتابة ، مهارتك في تكوين صداقات وعلاقات جديدة ، شطارتك في الحفظ وتعلم أي حاجة بسرعة ، إحساسك طول الوقت بإنك كنت شخص أحسن في الماضي ده إحساس وحش .

من أصعب المشاعر في الدنيا إن الإنسان يفتقد نفسه ، مش عمق والله ، بس يفتقد الحاجات اللي بتخليه هو هو ، مزاجه ، هواياته ، الحاجات اللي بتبسطه ، الناس اللي بيحبها ، الناس اللي ساهموا في تشكيل شخصيته ، الشوارع اللي مشي فيها مئات المرات ، والحتت اللي كان بيروحها وهو رايق واللي كان بيروحها وهو زعلان ، يحط نفسه في دايرة يرسمها بدقة بعيد عن كل دا ، لحد ما فجأة يحس إنه مفتقد مجموعة كبيرة من الحاجات مابيربطش بينها غير إنها نفسه .

كل ما تكبر كل ما هتتأكد إن مش بس فيه دموع التماسيح ، لأ دي فيه ضحك تماسيح ، أحضان تماسيح ، كلام التماسيح ، عتاب التماسيح ، وهتكتشف ناس طلعوا أصلاً تماسيح .

أكيد هتشوفني وانا بقول انه مش خير وكله نصيب بس مش هتشوفني وانا بعيط وبنهار على كل حاجة بتتمناها ومبتتحققش ، هتشوفني وانا في كامل شياكتي وبضحك بس مش هتشوفني وانا في اكتئابي ورافض إزاي إني أخرج أو أروح أي مكان ، هتشوف ناس بتحبني وجمبي بس مش هتشوف اللي خذلوني ووجعوني ، هتشوفني إزاي راضي وقوي ولسه بقاوم بس مش هتشوف محاولاتي اللي تعبت عقبال ما وصلت لظهوري بالثبات ده .

أنا نفسي أجرب شعور الحب من غير خوف إنك تحب وأنت مطمن القلق والخوف بيفسدوا كل المشاعر الجميلة وأنت مبسوط بتسأل نفسك " يا ترى الشعور دا هيستمر " لما تسمع كلام حلو بتسأل نفسك " يا ترى الكلام دا هيستمر ولا هيتحول لـ كلام مؤذي مع الوقت " كل وعد حد بيوعدك بيه بتسأل نفسك " يا ترى هيصدق في وعده "صوت القلق والخوف مزعجين جدًا جوايا بيفسدوا كل اللحظات الحلوة لأن محدش بيتبسط وهو قلقان وخايف .

عملت قناه واتساب من فتره لو حابب تيجوا هناك 💗 https://whatsapp.com/channel/0029Vaml7VG77qVZjYktNS35

كُنت فاكر الإنسان الطيب بيعدي كل أيامهُ بلين ويسر نابع من حُسن خلقهُ وقلبه ، إتضحلي إن الأنسان الطيب بيمشي بمشقّة بالغة بين البشر في محاولات صعبه لتفادي خُبثهم وأفعالهم القاسية طول الوقت وفي كل مكان .

⁦>> 3

‏كل ما الواحد بيكبر الحياة بتاخد من طاقته ومن روحه شويه لحد أما بيبطل يحلم ويبقى محتاج بس يومه يعدي على خير وبكل هدوء .

بقيت حاسس إن نفسي مسدودة ، لكن مش سدة النفس بتاعة الأكل والشرب لا ، أنا نفسي مسدودة عن الناس وعن حواراتهم ، وعن المُعافرة اللي بتبقى على الفاضي ، نفسي مسدودة من الروتين اللي بعيشه بشكل يومي ، حاجات كتير حصلت استنفزت طاقتي على الفاضي وخلتني فعلا ماليش نفس لأي حاجة ولا مستني حاجة .. فبقيت ساكت أغلب الوقت لإن اللي جوايا أكبر بكتير من إني احكيه .

في ناس مُعينة إتقفلت منهم لدرجة إني مش مُكتفي بالبعد عنهم ، لا دا أنا بتمنى لو في أوبشن يخليني ألغي فترتهم من حياتي وأمسحهم من ذاكرتي لإن مجرد ما أساميهم تتذكر قدامي بيجيلي ضيق تنفس اللي هو أنا إزاي كُنت أعرف الناس دي وإزاي دخلتهم حياتي أصلًا .

يحتاج الإنسان إلى ملاذٍ آمن ، إلى شخص يحكي له كم هو متعب ، كيف أنه عاجز عن المواصلة ، كيف أنه يخشى الاستسلام ، يحكي له فلا يلوم ضعفه ، ولا يعيره بلحظات وهنه ، بل يجده يؤمن به ، يؤمن أنه إنسان يسقط ويقف ، يضعف ويقوى ، إنسان بكل ما يتصف به الإنسان من نقص ، ولكن نقصه كإنسان لا ينقص من قدره في قلبه ، وذلك هو قمة الأمان في الملاذ .

- ‏إن ضَاقَ كونُكَ يا كوني ‏فذا كتفي!

يارب جهدي قليلٌ وكرمُك واسعٌ .

‏قبل ما هيسيبوك هيحاولوا يخلوك تشك في طبعك و شخصيتك وهيفضلوا يثبتوا ده علشان يشيلوك الذنب بتاعهم و عشان تحس ان العيب كان منك مش منهم .

‏الهدوء الي انت فيه ده مش نضج ولا حاجه انت بس عارف انك لو اتنططت واتمرمطت على الأرض مفيش حاجه بتتغير فبقيت بتحتفظ بردود أفعالك جواك وتعلي صوت ، الكاست على مشاعرك عشان متاخدش بالك .

لعبة الظهور والاختفاء اللي بعملها دي لما اكون زعلان ، اكتشفت اني بقعد اعملها عشان جوايا طفل يلعب الغميضة وحيدا املا ان يعثر عليه أحد ، وان حد يقوله انا هنا وشايفك ومهتم لحضورك وغيابك ، وكمان عشان بحس اني عاوز اختفي فعلا ، مش اموت لا ، اختفي اختفاء تام كأني لم اكن ، وكأني لسه متوجدتش ، بس في نفس الوقت بكون عايز حد يلاقيني ، بس كل مرة مفيش حد بيلاقيني .

‏انا عمري ما ندمت من اكتفائي بنفسي مُتقبل كوني شخص بيمارس ويعيش أغلب انفعالاته ومشاعره في الخفاء ويستوعب الهزائم والخيبات مهما كانت قسوتها لمِجرد إني بقدر أواسي نفسي ، أنا مشاكلي مع نفسي كبيرة جداً لكني ورغم طاقتي المنعدمة متقبل نفسي بكل ما فيها ، الندم الحقيقي لحظة تعاملي مع الناس .

‏اللي بيزعلني من نفسي اني مش تايه ، انا عارف كويس اوي ايه اللي المفروض يتعمل وبيتعمل ازاي بس انا شخص مُشتت وطاقته متبعزقه .