زَّٱدِ ٱلَحُفٱظُ

السلامُ عليكم .. أعلنَ مكتبُ سماحة السيد السيستاني (دام ظلّه) في النجف الأشرف أن يوم غدٍ الجمعة هو المكمّل لشهر صفر ، ويوم السبت الموافق (١٥-٨-٢٠٢٦ م) هو الأول من شهر ربيع الاول لعام ١٤٤٨ للهجرة، ونسألكم الدعاء .

‏"سَنُقْرِئُكَ فَلَا تَنْسَى" ‏تأمّلها جيــــــــدًا 🤎🍃 ‏إنه وعدٌ من الله لرسوله ، أما نحن فمن الطبيعي أن ‏نحفظ وننسى، فنتأرجح بين مُراجعةٍ وتثبيت ‏إلى أن تقوم الساعة، وهذا هو سرّ الشرف، فلو ضُمن لنا الحفظ كما ضُمن للنبي، لانقطع عنا أجر المجاهدة! 🤎 @zadhafd

ما ضاق صدرٌ لازم القرآن إلا اتسع، وما تاه قلبٌ في ظلمات الدنيا إلا هداه نور الآيات." "القرآن لا يبعدك عن الحياة، بل يعلمك كيف تعيشينها بقلبٍ مطمئن." "إذا أثقلتك الدنيا، فاعلمي أن صدرك جائعٌ لآية." @zadhafd

لا تقل: أخشى النسيان. قل: أُكرر فأُؤجر. فكل تكرارٍ لكتاب الله هو رفعةٌ في الدنيا ودرجةٌ في الجنة." "حفظ القرآن ليس سباقاً مع أحد، إنه سيرٌ إلى الله. ولو بخطوة آيةٍ كل يوم، ستصلين." "القليل الدائم يصنع منكِ حافظة، والكثير المنقطع يصنع منكِ نادمة." @zadhafd

"القرآن لا يسرق من وقتك، بل يمنحه بركة. اليوم الذي تصاحبه فيه آياتٌ، يتسع فيه اليوم، ويتسع فيه الصدر." "فوضى أيامك لن يرتبها إلا ترتيب آياته في صدرك. فالقرآن هو الذي يُهذّب الوقت لا الوقت هو الذي يُهذّب القرآن."♥️ @zadhafd

فقرة الاسئلة مشكلتي عندي فتور بالحفظ الفتور يجي لكل حافظ والفتور مو معناها الله ما يريدج بالعكس، معناها انتي ماشية بطريق صعب وعظيم ليش يجي الفتور؟ 1 :الذنوب → تثقل القلب 2 :الروتين: → نفس الطريقة كل يوم 3 :الاستعجال: → تريدين نتيجة سريعة 4: الوحدة → تحفظين وحدج بدون تشجيع علاج الفتور بـ 5 خطوات سريعة 1: لا توقفين اخطر شي من تجيج فترة فتور انو تتركين نهائياً. القاعدة: "قللي ولا تتركين" اذا ما تكدرين صفحة، احفظي آية وحدة. اذا ما تكدرين آية اقري صفحة ترتيل. المهم لا تخلين اليوم يمر بدون قرآن. 2: جددي النية وادعي الله يحب العبد اللي يرجعله وهو ضعيف. الدمعة وحدة بالسجود تغسل 10 ايام فتور. 3: غيري الجو والمكان اذا دا تحفظين بغرفتج وملّيتي، روحي للحديقة إذا ماكو حديقه غرفة ثانية. اسمعي قارئ تحبين صوته وشغلي للاجزاء الي حافظتها غيري المصحف. مخج يحتاج "تجديد" حتى يرجع الشوق. 4: تذكري "الثمرة اكتبي بورقة ليش بديتي؟ "اريد البس امي وابوي تاج الوقار" "اريد اكون من اهل الله" "اريد القرآن يشفعلي" علقيها كدامج. من تشوفينها يرجع الحماس. 5: صاحبِ القرآن لا تتعاملين وياه كواجب مدرسة. احجي وياه. من تقرين اية عذاب كولي "يارب اجرني" من تقرين اية جنة كولي "يارب ارزقني" خلي بينج وبينه سوالف. جدول انقاذ 7 ايام للفتور لا تفكرين بحفظ جديد ابداً هالاسبوع. المهمة: كل يوم 10 دقايق بس 1: دقيقتين: استغفار 100 مرة 2: 5 دقايق: ترتيل صفحتين من الـ اجزاء اللي حافظتها 3: 3 دقايق: دعاء "اللهم ردني اليك رداً جميلا  بس بعد 7 ايام راح تحسين كلبج رجع اهم شي الفتور يروح ويرجع.حتى بعض الحفاظ مروا الفرق انهم ما يتركون يصبرون لحد ما يرجع النشاط. انتي حفظتي يعني انتي قوية بس تعبانة هسه اخذي راحة محترمة مو هروب. وبالتوفيق ان شاء الله @zadhafd

‏"حفظك للقرآن لايُكلّفك شيء، ولا يُضيّق عليك وقتك الذي تظنه في فُسحه، ولا تظن أنّ حفظك للقرآن يعني أنّك ستبتعد وتنعزل ويزداد يومك مشقه.. لا والله! وقتك ودقائق يومك هي من تحتاج إلى القرآن، فوضويّة أيامك هي من تُريد أن تترتب بالقرآن". @zadhafd

لاتنسوني من الدعاء

توضيح لكلمة توهان🌷 الكلمة "توهان" معناها: الحيرة، التشتت، عدم التركيز. فـ "توهان الآيات" لها معنيين مشهورين: 1. توهان في حفظ ومراجعة القرآن يعني الواحد من يجي يراجع يصير عنده لخبطة بين الآيات المتشابهة. أمثلة: - وَسَارِعُوا إِلَىٰ مَغْفِرَةٍ في آل عمران - سَابِقُوا إِلَىٰ مَغْفِرَةٍ في سورة الحديد المخ يخلط بينهم وهذا اسمه "توهان الآيات المتشابهة" سببه: قلة المراجعة، او الحفظ السريع بدون ربط. حله: - ربط كل آية بقصة السورة - التكرار + السماع - كتابة المتشابهات بورقة 2. توهان عند قراءة القرآن - يعني الشرود تقرين ولسانج يقرأ بس عقلج بمكان ثاني. تخلصين الصفحة وتسألين نفسج "اني شنو قريت؟" هذا يصير لكل الناس. سببه التعب او الذنوب او الشيطان. حله : - الاستعاذة قبل القراءة - التدبر بمعنى آية آية - القراءة بصوت تسمعينه - مكان هادئ الايام القادمه ان شاء الله نوضح لكم طريقة المفاتيح والجسر لأن أكثر الاخوات رادوا اشرحلهم الطريقة وبالتوفيق لنا ولكم

فقرة الاسئلة اني مشكلتي من الأستاذة تسأل سؤال انسى هذه الآية وين صايره باي صفحه، خاصه اذا اختبار أكثر من جزء  اسمه "توهان الآيات" تحفظين الاية بس من الاستاذة تكولج "اين وردت" تصفنين ليش تنسين مكان الآية؟ لان حفظتي "النص" بس ما حفظتي "العنوان" ماله (بدايته) مثل كتاب عندج 30 فصل وحافظة الجمل بس ما تعرفين بأي فصل 4 طرق تخليج تجيبين مكان الآية 1. طريقة "علامات المصحف - الاهم كل صفحة بالقرآن الها بصمة. احفظي 3 اشياء لكل صفحة: اول كلمة بالصفحة اخر كلمة بالصفحة كلمة مميزة بالنص مثال: صفحة الم * ذلك الكتاب المفتاح: تبدي بـ الم وبنصها هدى للمتقين من تجيج الاية دوري ببالج على هاي المفاتيح. 2. اربطي الآية برقم الصفحة وقصتها لا تحفظين ارقام جامدة. اربطيها بقصة. مثال: واستعينوا بالصبر والصلاة هاي بصفحة 8 بسورة البقرة. ليش؟ لان بعدها اجه كلام عن بني اسرائيل. سوي قصة ببالج. 3. طريقة "الجزء والحزب" قسمي القرآن 60 حزب. من تحفظين آية اسألي نفسج: "هاي بأي جزء؟ بأي حزب؟ باول الحزب لو باخره؟" حتى لو ما جبتي الصفحة بالضبط، تقربينها كلش. 4. مصحف المراجعة + الالوان جيبي قلم رصاص. من تراجعين وتحسين هاي الآية تنسيها هواي، اشري عليها نقطة صغيرة مثل هاي تجي بالاختبار ركزي عليها. تمرين يومي 5 دقايق اسمه "اختبر نفسك بالعشوائي" افتحي المصحف على صفحة عشوائية غمضي واشري باصبعج على آية سدي المصحف وكولي: "هاي بيا سورة ويا جزء؟" وان شاء الله تضبط @zadhafd

فقرة الاسئلة أحفظ بطريقة ٢٠ كل أية اكررها وادمج الآيات وهكذا أحفظ صفحة باليوم بس من اريد اراجع أنسى بدايات الآيات هاي المشكلة اسمه "نسيان رأس الآية" طبيعي لان طريقة 20 مرة ممتازة للحفظ اول مرة، بس للمراجعة نحتاج طريقة ثانية. ليش تنسين بدايات الايات؟ لان حفظتي "وسط الآية" زين، بس ما سويتي "علامة" لبداية كل آية. من تردين تبدين ما تعرفين منين تبدين الحل: طريقة "المفاتيح" للمراجعة 1. استخرجي "مفتاح" لكل آية قبل ما تراجعين، اقري الصفحة مرة وحدة واكتبي اول كلمتين من كل آية بورقة: آية 1: الم ذلك آية 2: هدى للمتقين آية 3: الذين يؤمنون هاي الورقة صارت "خارطة" للصفحة. من تنسي البداية باوعي للمفتاح وكملي. 2. طريقة الربط العكسي بالمراجعة بدل ما تراجعين من الاول للاخير راجعي من الاخير للاول يعني ابدي بآخر آية بالصفحة واحفظيها، بعدين اللي قبلها واربطيها بيها. هيج غصبن عنج راح تحفظين البدايات لان صارت هي النهاية مال الآية القبلها. 3. قانون "3 ثواني" من تراجعين ووقفتي عند بداية آية لا تنتظرين اكثر من 3 ثواني. اذا ما تذكرتي افتحي المصحف فوراً وشوفي اول كلمة. وسويها "جسر" مثل : اخر كلمة من القبلها + اول كلمة من هاي. طريقة "الجسر" بين الايات لا تحفظين اية اية وتوقفين. احفظي الاية الاولى + اول كلمتين من الاية الثانية سوا. مثال: ...غفور رحيم * ومن الناس من... هيج مخج يربطهم بجسر. @zadhafd

غاليات الروح اكو ببدايات القناة كل مايخص القرآن من طرق وحلول وهذه الفهرس لكم للوصول بسهولة إليهم🌷

زَّٱدِ ٱلَحُفٱظُ pinned «فَهَرَسَت الْقَنَاة :- البداية بداية القناة قصة. علاج نسيان القرآن كيف أبدأ بحفظ القرآن خطوات عملية لكل من يجد صعوبة في حفظ القرآن 📖 طرق تساعد على حفظ القران طرق إبداعية لحفظ القرآن الكريم الى من بدأ بحفظ القرآن أساسيات حفظ كتاب الله . التفسير…»

للذين يعانون نسيان بالحفظ 👆🏻الضغظ هنا🌷

فقرة الاسئلة جاي اقرأ اهواي بس ما احفظ هاي اسمها "مشكلة القراءة بدون ترسيخ" تقرين وتقرين بس من تسدين المصحف كأنو ما حافظة شي طبيعي جداً، لان القراءة شي والحفظ شي ثاني. ليش ما تحفظين رغم القراءة؟ لان مخج دا يقرا "للمرور" مو "للتخزين". مثل اللي يشرب مي بسرعة وما يرتوي. الحل: بدلي القراءة الكثيرة بـ "التكرار القليل المركز" طريقة 3×3×3 الذهبية للحفظ بدل ما تقرين الصفحة 20 مرة، سويها هيج: 3 مرات نظر: اقري الصفحة من المصحف بتركيز وتدبر المعنى 3 مرات تسميع: سدي المصحف اللي تنسيه افتحي وباوعي وكملي 3 مرات غيباً: صلي بيها او سمعيها لنفسج وانتي تشتغلين بس 9 مرات بتركيز = احسن من 50 مرة سرعة. 4 اخطاء دا تخليج ما تحفظين: تقرين بسرعة → بطئي. كلمة كلمة تحفظين وانتي مشتته → اختاري وقت الفجر او بعد الفجر. 10 دقايق تركيز = ساعة تشتيت تحفظين كمية كبيرة → قسمي الصفحة 3 اسطر اسطر. احفظي 3 اسطر واثبتيها يلا انتقلي ما تراجعين → الحفظ القديم اهم من الجديد. قاعدة: المراجعة 70% والجديد 30% @zadhafd

فقرة الاسئلة اني من تقدمت بالحفظ صار عندي مشكلة ماعرف اربط بين الايات مال الصفحة الي احفظها جديد الجواب : هاي المشكلة تصير ويه هواي ناس من يتقدمون بالحفظ ❤️ اسمه تفلت الربط يعني تحفظين كل اية وحدها بس من توصلين لاخر الصفحة تتلخبطين. طبيعي جداً لا تتوترين. الحل بسيط بس يرادله شوية تركيز. خطوات حتى تربطين ايات الصفحة الجديدة 1. فهم المعنى قبل الحفظ قبل لا تحفظين اقري الصفحة كاملة مرة وحدة بالتفسير المبسط. اسألي نفسج شنو القصة؟ عن شنو دا يحجي؟ من تفهمين التسلسل، مخج راح يربط وحده. القرآن اله قصة. 2. طريقة "الجسر" بين الايات لا تحفظين اية اية وتوقفين. احفظي الاية الاولى + اول كلمتين من الاية الثانية سوا. مثال: ...غفور رحيم * ومن الناس من... هيج مخج يربطهم بجسر. 3. اربطيها بالنهايات والبدايات اكثر شي يلخبط هو اخر كلمة بالاية + اول كلمة بالاية اللي بعدها. اكتبيهم بورقة: ...عليم حكيم → يا أيها الناس احفظي هذا الربط وحده @zadhafd

ضعوا نصب أعيُنكم. أنّ مشاغل الحياة لا تنتهي، والظروف ليست عائقًا لمن صدق وأخلص! ولأن الطريق إلى الله لايبلغه أيّ وارِد! بل هو إصطفاء وإجتباء. أنّ يُوفقك الله لطريق القُرآن ويفتح عليك بتعلّمه وحفظه هو ليس بجهدك ولم تكُن أسباب سخرتها أنتِ لِنفسك . إنّما الله قد اصطفاك و رأى بِك خيرًا فاستخدمكِ لأجلِه واطّلع على محلّ لا يراهُ الناس ألا وهو قلبُ واللهُ لا يصطفي أحدًا من عباده إلا من كان أهلًا لذلك🤍. @zadhafd

‏"إذا فتح الله عليك في القرآن حفظًا وفهمًا ومراجعةً فذلك من فضله وكرمه، وإذا ابطأ عنك الفتح أو وجدت مشقةً وتعثرًا فلعله يختبر صدقك وصبرك وثباتك على طريق القرآن، فامض ولا تيأس، فإن مع الصبر فتحًا وتوفيقًا".🌱🌷 @zadhafd

قنواتُنا القُرآنية التابعة إلى زاد الحفاظ للنصائح والتحفيز القرآني @zadhafd زاد الحفاظ @ouran_313 الإنسان يسأل والقُرآن يُجيب @Hafiza313 زِهرُ قُرآنِي للتصويرات القرآنية وبالتوفيق لنا ولكم في خدمة القرآن وتعلمه وتعليمه 🌷

تلاوة القرآن ليست مجرد قراءة حروفه أو حفظ آياته وسوره، وإنمَّا حقيقة التلاوة: قراءة وفهم وعمل، فمن لا يعمل بالقرآن لا يكون من أهله بمجرد حفظه لحروفه، بل لا يكون من أهله حتى يُرى فيه القرآن عبادةً وخُلقًا وتجنبًا لما يسخط اللّه". @zadhafd