زانت ءِ کاروان

📝 آزاد دستونک ، *جی اے سھار* ، 2026 ۔ 07 ۔ 28 دل سجیں درداں گوں خیالیں شپ گرامل ء ھند ء چوں ملا لیں شپ ترونگلیں ارس چہ دیدگاں پٹ انت دو پہ دو ننداں بے مثالیں شپ حمل ء شر طا نی پد ء گر د انت گوں مناں بنداں وھم ء گا لیں شپ مات نہ بنت بےھال براس ء گوھار بژنیگ اچ کئی کرداں غم گسا لیں شپ بیا *سھار* عھدی دیرو ئے ننداں بیت ودی ذند ء ماہ جلا لیں شپ *زانت ءِ کاروان ادبی دیوان👇* http://telegram.me/zantekarvan

*لچّه کار : نمیرانیں ڈاکٹر م ی دُرّا بلوچ* اگاں کائے مروچی بیا منی گاریں بلوچی بیا منی دُرّ ءُ گوهر گواریں زبان پیشی بلوچی بیا رَٹاں بے تو چو پَهوالاں تَچاں بے تو چو گوّالاں اگاں زان ئے مباں شیدا منی شَهدیں بلوچی بیا تئی دَرور نہ اِنت پارسی تئی همسر نہ اِنت اُردو تئی پیمیں نہ بیت پیدا منی کْوهنیں بلوچی بیا توئے سردار زبانانی توئے سر تاج بیانانی بیا گاروں منی دیم ءَ منی وشیں بلوچی بیا زبان وشّیں امیتانی زبان دود ءُ ربیدانی من ءَ مَیل کہ کپاں مین ءَ مَزن شانیں بلوچی بیا پہ دست ءِ ناکساں سِلّ ئے چو آدینک ءَ گوش ئے چِلّ ئے بیا او بیا همے هینّ ءَ زبان شریں بلوچی بیا مروچی ما نه ایں سار ءَ رُداَنت کیپُک چو سیہ مار ءَ جَن اَنت اِنت ڈَنگ چه هر دیم ءَ مَزن مَڑّیں بلوچی بیا تئی کُربان باں من وت منی بیل ءُ منی سَنگت بیا بال کن چو شاهین ءَ منی دُرّیں بلوچی بیا گوش اَنت دژمن هلاس ئے تو چی ءَ کہ بے کلاس ئے تو ترا یات اِنت اے اِزلیم ءَ مہ بے گَمگیں، بلوچی بیا بیا ما تو کنیں شَور ے پد ءَ کاریں دگہ دَور ے وت ءَ نَیلیں شکون دیم ءَ بیا ، مُهریں بلوچی بیا گوش ایت *دُرّا* تئی گالاں پَد ءَ اِش کَنت دپتراں تالاں گُڑایت دنیا چہ هر دیم ءَ اَجَب تهریں بلوچی بیا ـــــــــــــــــــــــــــــــــــــــــــــــ *شنگکار :میرین آسکانی* 🌴اشکستگ بلوچی ادبی دیوان🌴

*لچّہ کار : هدامرزی هاجی کریمداد کزوری*    *گُشنده : میرین آسکانی* مروچاں  مَکُراں   باگ  ءُ   بهار  اِنت رگاماں  گْورتگ  هر جا  مَلگُزار اِنت کُلیاں  نالگ   ءُ  سیسیگ    توار اِنت چلول ءُ چاهیان ءَ شور ءُ  شار اِنت ـــــــــــــــــــــــــــــــــــــــــــــــ مروچاں  مَکُراں   باگ   ءُ   بهار اِنت رگاماں  گْورتگ  هر جا   مَلگُزار اِنت کُلیاں  نالگ  ءُ  سیسیگ   توار  اِنت چلول ءُ  چاهیان ءَ شور ءُ  شار اِنت بڑُک  ءُ   کُمری  ءُ  کبگ  ءُ  کٹار اِنت کپوتاں    کوکو    بانزاں    شکار  اِنت ازابیں   شاتُلان   ءَ   وا  ءُ    زار اِنت *بیا   کہ  لائک  ءِ  سیل  ءُ  ندار اِنت* بهارگاه  دْرنز   دات   عطر  ءُ  گُلاباں گل   ءُ   پُلّانی   سر مستیں   شراباں سر  ءِ  مهنا  ءُ  سبز  رنگیں  گُشاناں سپهدار     ءُ      کهیبی      کَلکشاناں تمامیں   کوه    ءُ     کوچگ    گُلفشاناں تهاریں   شپ   ءُ   آتک    ماه    تاباں زهیراں جهجتگ  زرد  بـے کرار اِنت *بیا   کہ  لائک  ءِ  سیل  ءُ  ندار اِنت* بهارگاه   پُل     کنت     کلپورگان   ءَ یلیں  گلدّر   ءُ   مورت  ءُ  زامران  ءَ زراَنت بودهگ گوں عطر ءُ عنبران ءَ سداپ  تالان  کنت   وشیں   بوان  ءَ بهارگاه   آتکگ   دنیا    لالہ   زار  اِنت *بیا   کہ  لائک  ءِ  سیل  ءُ  ندار اِنت* بهارگاه  آتکگ    نوں   ڈَناں   بهار اَنت تمامیں  سدّ   ءُ  بَند  پرّ  ءُ  چَکار اَنت یلیں   دهکاں    گلائش   ءِ   پَکار  اَنت بلوچاں گوں پَساں سلوات ءُ جار اَنت شلنگ پادیں  بُز  ءُ  میشاں  هوار اَنت چہ هر دیم بَگّ ءُ گْورُم بار  ءُ  بار اَنت ڈگار ءُ دشت ءُ کوچگ سبز ءُ  زار اَنت *بیا   کہ  لائک  ءِ  سیل  ءُ  ندار اِنت* دلون شات اِنت پہ ماهتاکیں "بهارگاه" یلانی   مجلس   ءُ   دیوان    ءُ     درگاه بلوچی   منگہ     ءُ     براتی    مراگاه کلم   کارانی   نَکش    ءُ  پُر گُلیں  بْراه کبیهیں     شاعرانی     شعر    ءُ   بارگاه مُلوکیں    همبلانی     شاده     ءِ      جاه کزوری  شعر   ءُ    گالانی   شعار  اِنت *بیا   کہ  لائک  ءِ  سیل  ءُ  ندار اِنت* ـــــــــــــــــــــــــــــــــــــــــــــ *شنگکار : 🌴اِشکستگ بلوچی ادبی دیوان🌴*

*لچّه کار : شهگپتار استاد عابد آسکانی* درداں کہ تئی آ ماه کت دوریں دل ءَ مئے آه کت ما چو مرید ءَ مکہّ ءَ اومان تئی پیژگاه کت من پہ گدارے تئی گنوک تو سهب کت بیگاه کت زهت اش چہ تو تئی گلزمین جوراں ترا ناڈاه کت ما را تو رمبینت شت ئے دیوان مئے بے بْراه کت *درگُل* نہ زاناں من کہ من چون تئی دل ءَ جاگاه کت بیماریں دوشی *عابد* ءَ کسّو وتی کوتاه کت ــــــــــــــــــــــــــــــــــــــــــــــــــ *شنگکار : اِشکستگ بلوچی ادبی دیوان*

*لچّہ کار : استاد عابد آسکانی* بہ جن بہ جن بہ جن بِکُش ماں زلم ءِ جنتر ءَ بہ دْرش بگوار تو آس ءُ انگراں چو هاراں بیمدهیں بہ پرْش بسوچ مئے کُڈکاں لُڑیں بہ کن ڈگاراں مئے تو بُش گوں " گنگدامیں لشکر" ءَ تو سد بر ءَ بہ کن اُرش چو مستیں لیڑواں بہ دْریپّ چو پیلّاں توری تو بہ جُش هر پیمیں ناموں پِر بہ بند "بـے دین "ءُ "روسیوں" بگُش بہ کن هزار رِنگ ءُ ریس سْیاهوکّ ءُ دیم ءَ پُر بہ مُش نہ منّاں واجهی ءَ تئی! نہ منّاں واجهی ءَ تئی! ــــــــــــــــــــــــــــــــــــــــــــــــــــــــــــ 🌴اشکستگ بلوچی ادبی دیوان🌴

روچے ترا شادا‌ن کناں، روچے پَتؤ جنجالے آں قـربان باں پـر تـو وطـن، مـن پر تـرا ابـدالے آں بِلّے ھلاھوشءَمِراں، شپ نمبءِچمدار بِھ نباں انچو گروناکاں گُش‌ئے، گلبرگءِ سبزیں ٹالے آں بیگواہ‌ وتی براتاں مکن، پرچا بلوچ ناسرپدئے روچےپَرے براتاں زَرئے،وھدے کَپ‌ئے بدحالیاں تو پہ منی کِرّینَگ ءَ، اسـکندر ءِ درور نہ بئے من پہ دپے بَکشاں دلے، یک انچُشیں اوبالے آں رحمن نثار اے شاعری، اللّٰه ءِ داد ءُ بـھـرَوے تو شاعری پھر ءَ مکن، گوں دئے دَلے ءُ دالیاں ✍🏻 *رحــمٰــن نـثـــار* *زانت ءِ کاروان👇👇👇* http://telegram.me/zantekarvan

دل بستہ پہ تئی مھراں، چمدار مکن مارا سـرمست ءُ گنوک اِں دل، بازار مکن مارا من عشقءِ ھلاھوشءَ، گپتگ چہ گُلءَ واسے دنیا پہ دپی بوسے، سـنگسار مکن مارا اے ڈیھ چو بھشتءَاِں، ناپَگ مئے اِدا کَلَ اِنت ظالـم تـو درانـڈیھ ءُ، آوار مکن مارا بے علمی ءُ نیـزگاری، تئی داد اَں سپھداریں بسّ اِنت نی چِد ءُ گیشتر، وامدار مکن مارا پہ شاباش رموز دابیں،مئے زِرد نہ بیت ساکُم صد رند ءَ نثار گوشتگ، ڈالچار مکن مارا ✍🏻 *رحــمٰــن نـثــار* *زانت ءِ کاروان👇👇👇* http://telegram.me/zantekarvan

آ په وطن دست دراج کنت کُـل ھـسـتـیـاں تـاراج کنت گوں دشمن ءَ ھور ءَ مہ وَر تــاوان پـدا تـئـی راج کنت بـدواه پتـؤ دوسـتے نہ اِنت گوں دوستاں ترا حرّاج کنت چَنکے پُر ءَ لوگ ءَ مہ سوچ کـے وانـڈو ءَ سـرتـاج کنت؟ یل دئیت پسـات ءُ شدّت ءَ ظلم مردم ءَ سامـراج کنت مــھــر ءُ تپـاک ءُ ھــمــدلی دنیـا ءَ مئے مـحـتــاج کنت عـلـم‌ ءُ قـلـم ءِ قـدرت اِنت واراں پہ تخـت ءُ تاج کنت راجدوست نہ اَنت آ کس نثار ھـر کار پہ لَـبّ ءُ بـاج کنت ✍🏻 *رحــمٰــن نـثـــار* *زانت ءِ کاروان* http://telegram.me/zantekarvan

واپَسی بیاتکـیں دوبارَہ نوجـوانی دْریگتیں یا میاتکـیں ھچ ھیالے اچ کسـانی دْریگتیں جوسَرانی سَیلءُگردش مئے مراد اَت بیگہاں وھد ءُ گردون تو بداشتیں بیگہانی دْریگتیں پیـرُکـانی گپ ءُ دیوان بادشـاھی درگـہ اَت پَش بکپتـیں نوں پہ مارا آ نشانی دْریگتیں بَلُّکانی قصّہاں گوں دل گنوکـیں وپتگ اَت گوش بِداشـتیں ما دمانے دُربیانی دْریگتیں نوجوانی مئے کسانی مثلءِوابے گ٘وستءُ شُت ھو ! نثار ما قدر بہ زانتیں موسمانی دْریتگیں ✍🏻 *رحــمٰــن نـثـــار* *زانت ءِ کاروان👇👇* http://telegram.me/zantekarvan

پر تـرا مـن چے نبـشـتـگ! اے مناں ءُ اے توئے چوں ترا اے دل شَمُشتگ؟ اے مناں ءُ اے توئے زندمانءِچستءُایراں، راهءُرھبند ھست وتءَ وھد چہ‌دستءَمئےلگُشتگ،اے مناںءُ اے توئے سرنگون‌اَنت شاه،برےءُ، بادشاہ اَنت پادشپاد انچیں‌قصّو باز شگْوستگ،اے مناںءُ اے توئے اوستءُامّیت‌زندءِنام اِنت،مھرءِلَمبءَیل مدئے نُکتہ‌سَنجاں‌چےنگُوشتگ؟اے مناں ءُ اے توئے لَبزءِ ھارءَچوں کَمایاں، عقلءِھورکیں بُکچَہے؟ ھَؤ ! نثارءَدُرّ نہ سُپتگ، نہ اے مناں ءُ اے توئے ✍🏻 *رحــمٰــن نـثـــار* *زانت ءِ کاروان 👇👇👇* http://telegram.me/zantekarvan

گْـرمچہے گیمـرتگ گُلاں گْریتگ گلـشن ءُ بـاغ ءِ بـلبـلاں گْریتگ آسُــمـی پُــلّ ءِ بـے بـقـــائـی ءَ سرشَم ءُ دْرنگاں ماھلاں گْریتگ تبد کَیْت سُھبانی سمین سارتیں پہ زھیـرنـالی شـانتـلاں گْریتگ کوہ منی ڈیھ‌ئے اچ غماں ژند اَنت سْریمگیں وڈّ ءُ سر تَلاں گْریتگ کُل بلوچ راج مئے کُھتءُبژنیگِں شْـوانگی نُھ بوگیں نَلاں گْریتگ خالقی طفلءُ پاکءُ معصوم اَت محمد ءِ کوش ءَ ھمبلاں گْریتگ من نثار لَبزاں چوں بہ سینگاراں؟ دیـدگاں ارسـانی شَـلاں گْریتگ ✍🏻 *رحــمٰــن نـثـــار* *زانت ءِ کاروان👇👇👇* http://telegram.me/zantekarvan

لَبز لبز ءَ کماتگ شعـر، چو ھار جنکّانی ھـجـبر من نہ نازینتگ، گیوّار جنکّانی اپسوزیں پَتو شاعر،ھچ کِرد نگندئے تو دیستگ تو فقط تھنا، سینگار جنکّانی؟ آجوئی مِڑءُ جنگءَ،دنیا ءِ دلءَنشتگ مرچی پہ وطن ماتیں، گفتار جنکّانی پھرے پہ بلوچ‌راجءَ، تاریخ‌ءِبچار تاکاں نقش اَنت مں ھمُک دَؤرءَپیکار جنکّانی دنیاءِدگہ راجاں،اے پیمیں ھنر نیستیں سِچکان ءُ گُلیں موری، جالار جنکّانی سک کُھتیں مَرو مارا،زندانءِتھا بندیں مھرنگ پہ وتی راج ءَ، سردار جنکّانی ✍🏻 *رحــمٰــن نـثـــار* *زانت ءِ کاروان ءِ ادبی محفل👇👇👇👇* http://telegram.me/zantekarvan

شاعـر پہ‌ بچکندے مکَپ گَٹّ ءَ پہ دپـارے ءُ لُـنــکَـــھـے بَــٹّ ءَ بےوفایاں پہ شعر مہ نازین اِت بےوفا ھچکسّ ءَ نہ دات کَٹّ‌ ءَ شعر کدی نامرد ءَ نکنت نامدار زرگــری ھــارے مولـد ءِ گُـٹّ ءَ شر وتی شعر ءِ پَردگ ءَ دار اِت سُـھـر گْونا کوُڑا ءَ نئیت سَٹّ ءَ روک مکن روچءَ تو شَمَع ھجبر آپ بیت مومءُ زیان کنت وَٹّ ءَ کُکُّڑ پہ شبدرنگے نہ بیت شاھین ھر نہ بیت بـور ءِ درورے پَٹّ ءَ گْوھریں‌گالاں سْیہ جگر کَرز اَنت لایق اِنت شعر پہ طائی ءِ مَٹّ ءَ آ سخن سنج اَنت شاعر ءَ زاننت نیست میار بازیں جاھل ءُ جَٹّ ءَ ھو ! نـثــار شـاعــر بـزّگـیں ٹَکّے چو کُـنر دائم وارت سر ءَ لَٹّ ءَ ✍🏻 *رحــمٰــن نـثـــار* *زانت ءِ کاروان ادبی دیوان👇👇* http://telegram.me/zantekarvan

ھر کجـا کہ زور ءِ جــاہ اِیں ذات ءُ بیھ ءِ دیم سیاه اِیں وتــگَــــلا ءِ ذات ءُ زُریـــات‌ زور ءِ دیم ءَ درست تباہ اِیں رستـمے پہ جِـند ءِ بـرات ءَ بیـر ءِ گار اِنت بےسماہ اِیں وت عـدو ءِ زیـر ءِ بار اِنت بے وسـانـی، بـادشـــاہ اِیں چوں بہ بند اَنت سَنّتءَکہ حلوتءَ اوں شورءُڈاہ اِیں منصب ءُ ذات ءَ نہ مَنّ اَنت شـاعـرانی کِشک جتاہ اِیں ✍🏻 *رحــمٰــن نـثــار* *زانت ءِ کاروان👇👇* http://telegram.me/zantekarvan

دل نہ داتـگ مـن مـاه ءُ مـھـرنـگ ءَ رَکّ اِتاں شُگرے عشق چہ تئی جنگ ءَ بے سریں سـودا نیست ابید عشق ءَ قیس کتگ مجنون گْوپتگیں پَنگ ءَ دل دوارجاہ ءُ مـھـر ءِ ھنکین اِنت اے دل ءَ مَـیْـل اِت کینگ ءُ زنگ ءَ مـن کجـام درد ءِ قـصّـو ءَ بیـاراں؟ ھنچُشیں بار اَنت پیم نہ بنت تَنگ ءَ بـے وفـائـی ءِ، درد، دگـہ دردے دل سَتَر تیار اِنت مثل ءِ چو سنگ ءَ وشّیاں گون اَنت سکّیاں دْروہ اَنت دل گُشئے مرغـے کَـپتہ شَـبـدرنگ ء٘ ھؤ نثـار انگت نئیں بلـوچ بیـگواہ در کًـپ اِیـت تـا تـایے بلـوچ اَنـگـہ ✍🏻 *رحــمٰــن نـثــار* *زانت ءِ کاروان👇👇👇* http://telegram.me/zantekarvan

*⚡️پیگمبر ﷺ جست کت ئے : جنینے هست روچ ءَ روچگ بیت شپ ءَ تهجّد کنت بلے گوں دپ ءَ پہ همسایگاں هچ پَشت نہ دات آئی یے حال چُتور اِنت ؟* *⚡️ رسول الله ﷺ ءَ فرمائینت : «لَا خَيرَ فِيهَا هِيَ مِن أَهلِ النَّارِ»* *« هچ شرّی آئی ءَ نیست ، دوزهی یے»* *رجانک : ناصر نصیب* *زانت کاروان ءِ ادبی دیوان* http://telegram.me/zantekarvan

باریں بلـوچ کد ھوش کنت گـمـواریـاں دلـگــوش کنت بوتّ مادنیں کِشک ءَ گِسـر گَٹّ ءُ گَراں شیمّـوش کنت تودے نہ بُرت کسّءَچُشیں راجے مـزاریں چـوش کنت رَؤت دشــمـنـانی سَـنَّـت ءَ جنتءُوتا سْرین‌پْروش‌کنت ھوشءَنہ اِنت ڈیھ کت بھا مرد ایمن‌اِنت بنگ‌نوش کنت گار ءِ کتگ ھـاک ءُ جَـسـاں نشتگ پُـراں دَزمـوش کنت وت بْرات ءِ اُنڈالاں مہ‌گْوج وت بانزُلاں کَے دْروش کنت؟ ھرچے کِش ئے روچے رُن ئےِ گـردون تـرا ھنچـوش کنت مُرتءُشُت‌اَنت راجی‌سٔروک کے فتـنـھـاں ھاموش کنت؟ شـاعـر مـدام رازاں، نـثــار پاشکءُ برے سرپوش کنت ✍🏻 *رحــمٰــن نـثـــار* *زانت ءِ کاروان👇👇👇👇* http://telegram.me/zantekarvan

حاتم نہ ئے بے دروریں، تو قیمتی داداں مدئے بِل کہ شموشاں‌من وتءَ،آ گوستگیں یاداں مدئے پؤرءُسھیلءُکھکشان،گوں شینکےءَاندیم بنت بنیادمءِ بستار چے اِنت؟پھرءَ پہ بنیاداں مدئے جی پہ ھما موجیں‌دلاں، مھرانی‌نیلبوئیں زِر اَنت مھرءَ زبھرءِ تو اگاں، رنجءَ جگر کاداں مدئے دنیاءِدودے انچُشیں، ھرکس پہ زادبومءَزَر اِیت تو پہ ھمے عشق ءِپدءَ، سانکل کسی پاداں مدئے راجدپترءَ اے شاعری، اچ قیدءُبندءَ آجو اِنت رحمن نثار اے پیشَگءَ،تو یل پہ ایراداں مدئے ✍🏻 *رحــمٰــن نـثــار* *زانت ءِ کاروان👇👇👇* http://telegram.me/zantekarvan

مئے وتی دود ءُ تئی وتی رھبندے دگہ پروشتگیں دل مئے نی نہ وارت پیوندے دگہ دریا پہ لاکوٹّے شَکَر شیرین نہ بیت مئے دلی مھر ءُ تئی دپی بچکندے دگہ من چتو پیشی واھگاں ن٘زّار آں دوبر بے وفائی ءِ درد گُش ئے اشکندے دگہ من نیاں شیھ کہ ھانل ءِ اوماناں وت ءَ ت٘رُکُّلاں داراں، در کَپاں آبندے دگہ تو نثار لَبزانی زِر ءَ اُژناگ ئے مدام پہ بلوچ‌ راجءَ بکش اِتگ یک پندے دگہ ✍🏻 *رحــمٰــن نـثــار* *زانت ءِ کاروان ءِ چینل* ‌‌♥️وتی سنگتاں سهیگ کن اِت♥️ ادمین: @MirHamonti ‌ تلگرام چینل: telegram.me/zantekarvan

*من وتی جند ءِ سر زمین ءِ سر ءَ* *پتکگاں مثل ءِ نان ءَ تین ءِ سر ءَ* *براتی ءُ سنگتی ءِ جنت گپّ ءَ* *نشتگ واجہ منی جبین ءِ سر ءَ* *جی پَما روچ ءَ زار پما روچ ءَ* *گورتگ اَت تیراں یاسمین ءَ سر ءَ* *شعر قاضی من باز پِر بستگ* *زینت ءُ ناز ءُ مہ جبین ءِ سر ءَ*