᷂قصيّد

شرهه مليئه بالاحباط زي شرهه أبو نوره يوم قال (( تنشد عن الحال حالي كيف ماشفته )) وختمها بنبرة يأس (( وأنا أحسب أنك قبل الوقت تدري به ))

‏أي والله إن ودي أحاكيه وأبعث له ‏لكن بعض الرسايل تبث أوجاعي ‏هو خايف إني معاد أرجع وأنا مثله ‏خايف من الرجعة اللي مالها داعي ‏— علي الدعيّه

‏كيف برجع بأول الدرب و أكون الغريب ‏دام ربعي عادي تموت ماترجع ورى

‏لاتعود لي تبكي ندم حيل مجروح ‏مشطوب من قلبي وعقلي وخيالي ‏بساير الدنيا على .. وين ماروح ‏اضحك وانا بضحك والندم فيك تالي

تعبت أسقي عذق قلبي ومايثمر سوى الغياب ‏تعبت أرثي مغيّب الشمّس ولا به فيّ يرثيني

‏احبك حسبي الله ليت مالك في سماي بروج ‏ولا لك في البسيطة كود شيٍ بينك وبيني ‏دخيلك لا تلفت رح بفالك واترك المرجوج ‏تغانم ما بقى لك ولا انا ما عاد يمديني ‏فمان الله سق ركبك على درب السنين العوج ‏ولكن طالبك لا اقفيت عني .. لا تخليني

‏عليك السلام الوافر بكل وقت وحين ‏يامن غاب عن عيني ولا غابت أطيوفه ‏يقولون لابد اللقاء يجمع الحيين ‏وأنا أقول لولا الوقت ما شانت ظروفه ‏سقى الله يوم المواجه شبة روتين ‏وجلساتنا بالود والشوق محفوفه ‏قبل دمعة الحسره تبل الجفن وتبين ‏وتستوطن الاحزان في جوفي وجوفه

لقيت إن القصيد أبلغ لغة وأحلى من الميعاد ‏ على قلبٍ يشوف العافية في شوف معشوقه

‏« لم أبُحْ بالوداعِ جَهرًا ‏ولكنْ كان جَفنِي فمِي — ودمعي كلامي» ‏—أبو فراس الحمداني ‏وعن رهبة الوداع يقول ضيدان : ‏ ‏« قالت فمان الله لي سبع مرات ‏وأنتي بحفظه ما نطقها لساني »

يا مرحبا عقب البطا يا مرحبا بعد الغياب ترحيبةٍ تروي الضما ترحيبةٍ تملا الفضا يا أعزّ وأغلى من وطت أقدامها فوق التراب خلنا نواصل ما تبقى وانتناسى ما مضى اي والله اني في غيابك عايش بضيق وعذاب ايام عمري كنها تمضي على جمرة غضا لو صيّب وصالك همى اضماك يا عذوق السحاب ابرتوي حد الثماله .. ماهو بحد الرضا - مروان بن صالح

‏يطول الوقت بـ غيابك بدون قياس ‏يا ليت الوقت يقصر مثل تقصيرك ‏على درب المحبه .. معلن الافلاس ‏ و آخاف إن قلّ وصلك قلّ تقديرك ‏تركت القلب عايش بين همّ وياس ‏ولا تقدر .. تبرّر لي معاذيرك ؟ ‏لا تجبرني أشوفك مثل كلّ الناس ‏ و أنا ماودي أشوفك .. مثل غيرك _ تركي بن جويعد

أنا على ما تشتهي نفسي ووين ألقى هواي محدٍ يحرك وجهة شراعي على السبع البحور إليا رضيت أطيّر الحاجة وأوصلها سماي وإليا زعلت أخلي الحاجة دبورٍ في دبور

‏علامه صار يجّـزاني بـ تاليها هجر و غياب ‏و أنا أشفق عليه من الفراق و لوعـة غيابي ‏علامه ليـه خـلاني كذا و يَّا الحنين أصحاب ؟ ‏وخلا وحشة غيابه تصير من أصدّق أصحابي ‏عقب ما غاب نجمه صرت أدوَّر فـ سّماي شهاب ‏غيابه صار موال الجروح اللي تـغنى بي

‏عليك أخاف من جرح الكلام و لوعة التدقيق ‏و أحنك من قساي و من قسى الأيام و آوي لك ‏لك اللّٰه ما قدرت آسلى بعدك ولا قدرت أطيق ‏تفاصيل الحياة اللي ما فيها من تفاصيلك

‏تعاملت بـ وفاي و لا دريت إن الوفا مجحود ‏انا اللي طيب ظنّه فالليالْ السُود ما سَرّه ‏تراختْ من يديك حبال وصلك و الهجر مشدود ‏اجي لك ضاميٍ يسحب خِطاه و قَلبه يجرّه ‏ماعاد آعرْف وين القى هواي و يومي الموعود ‏وصلت لمرحلة ما عاد اشوف لـ ناظري قرّه

‏سلام يابيرق يضم الشهـادة ‏ماينتكس في يوم تنكيس الاعلام 🇸🇦

1448 : ‏نطوي سنه مرت بها ضيق وأفراح ‏ونبدا سنه فيها العلوم السعيدة ‏يالله تجعل مامضى العام ينزاح ‏ونلقى السعاده في سنتنا الجديدة

‏على وين مدري لكن اقفو ولا ادري وين ‏تناحـو وقفـو عادلـي فيهـم اطلابـه ‏بغت كبدي من افراقهم تنقسم نصفين ‏وسمها الحزن و ظروف الايام غلابـه ‏وجودي على ساعة لقاء عاد حن حيـن ‏وجودي عليه وبري حالي مـن غيابـه ‏ياصعب المفارق بين الاحباب والغاليـن ‏خصوص ليا صرت واحد من اسبابـه