الملاية ام ريــام المحمداوية

قـــــصيدة فزاعية للرضيع ع شلون يون عبدالله لزغيرون يالتوه حله فدوة للعيون = = = = يمن فدوة لضحكتك يالولد يبني ماشبعانه منك لا تهدمني لهسة ريحتك مجلبه بحضني بحضاني // ارجع يمه اعيوني العمت من انضر لمهدك يكون ليله يمي معلمه ماهدك موتني وعذبني تره فكدك عذبني // فراك والله والله ليل مانمته بلياك غفل ها يالزغير فاركيناك تدري الروح من تسمع مناغاك ناغيني // كعد وياية اتذكر كعدته بتالي ليل وكماطك بديه هدم لحيل معلول لكلب ولمغرب يعيل بالغروب // وتذكر محاجيه كرهت ليل وبعدك ماانامه اريد وياك يل كلك وسامه تفرفح روحي فرفحت لحمامه ياروحي // اعليك تفرفح بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

نعـــي للرضيع ع بيدي ييمه كمطيته للمهد ابني حضريته ومن ثديي رضعيته كلساع افرح من يجيني العب وياه ويناغيني فدوة الك يابعد عيني ماحسبت بتالي تموت ويختفي ذاك الصوت اموت من مهده من افوت هزيت مهدك ماحلالي تعالي وشوف اجرالي مانايمه خلافك يغالي شميت هدمك كون انام وكلبي لضحكته احتام لخاطري يحلو لجهام زغير عميانه يعيني بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة مربعه للرضيع ع لولي للولد يبجي على امه حزو منحره وغارك بدمه = = = = جيبي ام الولد تبجي اعلى ابنها بعده زغير ويريد بحضنها تفرفح روحها وتعلي ونها بعدهي لوالده مشبيعت منه تصبر الكلب بيمن عكب لوليد اهزن بالمهد وماتعبت الايد امناغاك بذني لهسه اتعيد كلي شلون اصبر كلبي يمه الله كون ياخذ منهم الثار على لخلو زغيري بنبله النار عشطان الولد كتلو الاشرار خذاه حسين ورد سابح بدمه اشحال حسين يوم المات بيده تهدم حيله كله وصاح اريده ماعدكم رحم كطو وريده زاد امصاب عبدالله وهمه خذاه للخيمه وحاير بالجراله زغير الطف يذبحونه بنذاله اخر ماتبقه من لرساله يعبدالله الولد فركتك مره بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

نعـــي علي الاكبر ع يساعد الله امك يالاكبر بموتك كلبي تفطر اه لشباب شلون نصبر كثرت بمعاتب اوليدي كفي بعد روحي وهيدي لو شفت طولك يوم عيدي طول الولد فدوة رحتله بذاك الحليب انه طلبته الموت والله موش وكته مو مال يعيونك تربات بعدها كدامك حيات كلك محنه وطيب لذات اسم الله من لموت يبني طكني لدهر بيك وهضمني مره ليالي وحاربني تعال يايمه عليه بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قصــيدة لشجاعة علي الاكبر ع علي الاكبر عطوة ماينطينة الدنيا مطرت روس من طب لينه * * *** عاين على عمه وكفهن اردنه وين جيوشكم خل توكف هنانه احد بروسكم حد غير هذه انه هذه انه // اتكلب عالطف وحق عمي لخليها لجثث صفطة تحزم بالمراجل ولفلف لشطفة اخلي اجبيرهم هاليله مايغفة ساعه // ماخلي يغفه ادك نيشان بلحومة وضواحيها والاكبر تراني اعدل محاجيها تتختل الخيل الخيل اخليها الخيالة // لشردت مني علي الاكبر يدك صدره عالنيبه والخياله شردها عجيبه اله ولزود من عمه مصيبه ياعمه //معلك يحجي الغيرة الهاشمية اليوم من صعدت قفلنه احدودها والمعركة شدت اخليها سماها بالدمه رشكت سويناها // سهام ودم * ** *** بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة مربعة للقاسم ع يبني يجسام يبني يجسام مو هاي لك ضنيتها يبني يجسام آحا يجسام آحا يجسام جبت الكلة وحنه للعرس ومريتك جاسم منتضرة من امس كون ماتطلع على موتك شمس ضنتي أوهام ضنتي أوهام يبني يجاسم يبني يجاسم مو هاي ضنتي وياك يمه لاتموت بصوت اصيح ومااضن تسمع لصوت ماارهم بلياك ياجاسم اموت هيجت الألم هيجت الألم يبني يجاسم يبني يجاسم شلون أقنع گلبي وي گلبك يدك أمر الله ادري يمه الموت حك افز من نومي عليك وكوه اشهك مرني بحلام مرني بحلام يبني يجاسم يبني يجاسم اذكر ايام الربيتك بديه وتعبت وياك بالصبح ومسيه عكب كل ذاك دلالك كطعت بيه ذيج الايام ذيج الايام يبني يجاسم يبني يجاسم مكابله هدومك وليلي كوه مرني ناحله من فركتك ولمرض هدني شسوه وياي الدهر شيريد مني عليك محتام عليك محتام يبني يجاسم يبني يجاسم عين محتامه عليك تريد شوفك مشتاكه لطولك ومشتاكه لحروفك روحي جرعه شلون يوليدي اعوفك آه يضلام آه يضلام يبني يجاسم يبني يجاسم بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

نعـــي القاسم ع عن لسان الوالدة عوف لولد لا مامعرس كتلو وانه كلبي هييس جاني لخبر ولساني ييبس جانو الولد خاضب بدمه ميته عساها لوالده امه ولا شافت ابنها بطرك هدمه جبت العروس هاي هيه ربعك محضرتلك هديه لتموت يمه منهو ليه ردت افرح بعرسك يجسام وكسرت كلبي كسرت لجام بعد امك الغالي يوهام امك تحن وتريدك اليوم وليل كله مفاركه نوم انوبه اكعد نوبه اكوم بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة فزاعية للقاسم ع بعده مامعرس لادفنونه أمك صبحت اعليك محزونه كلبي اعليك ياجاسم مرمرني شلون تروح مااحمل تفارگني وين اليرحم بحال الولد يبني يوليدي // ارحم حال أمك حلو طولك حلو يمه يالمدلل عليك امدوهنه ولحال متبهذل ابد مانايمه متعلعله تعلعل مانامه // خلافك ليلي مفجوعات ويونن يعماته امه مكدر وتذكر حچاياته نوم الكبر وتخوف ترباته بالنومه// شعاجبك ياجسام متحضره وعرسه حساب حاسبته وليله العرس هدمك معلگته ماضنيت جاسم للكبر زفته زفيته // الحد المضلم كون الموت ليه وانته تدفني ماحمل تره لفركه لولد يبني هايه نومتك عالكاع موتتني عميانه // العين بفكدك بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة فزاعية لأولاد مسلم ع شحال گلب ام الولد من ذبحو ويلادها شلون من جاج الخبر ينطيج من الله الصبر بدونهم شيسوه العمر حزنانه // امك ياطاهر حزنانه تبجي وتنتحب فراكهم كلش صعب يوم الولد حز بالگلب يوليدي // امك تعبانه ثنين ضاعولي تره النار بيه موجره گلبي عليكم صبره ياگلبي // اعليكم ينحب شسكتها عيني اعليكم تخافون ادريكم منهو الي يلحك ليكم عميانه // امك يوليدي ماحسبت هيج حساب الكمر من عيني لغاب بس انتو اليه أحباب بعز روحي // ثنين الشالو بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

نعـــي لولاد مسلم ع شلون المضيعه ثنين زغار يالويلاد حلوين وعلى النهر مذبحين طاهر ومطهر ذابحيهم وامه الولد تنعى عليهم والنذل يمه شسوه بيهم زغار ماحملو لسيوف ويفرفح الدلال ملهوف ياكون ابوكم يلحك يشوف يعين كلبي فاركتكم من بين اديه ضيعتكم بالون صفت يهاي أمكم حك الربه وذاك دلالي رجعولي فدوة ياجهالي غالي الولد ياناس غالي بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة مربعه لولاد مسلم ع أبوذيه شحلات الأم لمن يڪبر بزرها مثل زرعه سگت روحي بزرها انه لماشفت مثلي بزرها ذبحوهم سوه وبعدو عليه = = = = ثنين يمه ذبحاكم وروحي تتهدم وراكم آه يمه آه يمه طاهر ومطهر شگلتو يمه وينچ لون شفتي لموقف انتي تعمه عينچ يمه لحگي بأاخر أنفاس وبچينه رايدينچ يمه لحگي راح اموت الذبح ماخله صوت آه يمه آه يمه ڪون شفتي حالنه من جابنه سحول انه واخوي نخاف ماندري شنگول خلي يلحك بينه ابوي ولا يطول صحت بويه لحكو شسوه بينه العدو آه يمه آه يمه زغار مانعرف ضرب والسيف بيده ويكول منين ابدي الاگطعله وريده جابنه وشگد فرح چن يوم عيده نخاف من عنده يجي عمت عيني من البچي آه يمه آه يمه توسلتله عوف اخوي أذبحني أنه زغير يأذي الذبح حطني بمكانه يباوع اعليكم ويبجي نخطف لونه خلي اخوي بحاله فدوة حطني بداله آه يمه آه يمه بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيده مربعه لمسلم ع مسلم وكع من القصر وسفه وندامه بس الغرب ماجو هله ولاجو عمامه = = = = مسلم وكع من القصر ويلي عليه كفار ماعدهم رحم ويه الحميه اذال وشسوو بحاله هالمسيه سوده عليه من وكع ضل بمكانه = = = = سوده عليه شلون وليه اعلي صارت لعدوان من كثر الضرب بلسيف حارت ماصدكو شمرو ولكفار دارت دارت علي من كل كتر اه ياندامه = = = = ياكون يدري حسين ويخبر العباس چاخلو العدوان تترجه بالناس نعرف بعد لو يسمع ويلحك لنوماس طايح ابن العم الكفو ايا حرامه = = = = ندري ليموت اهله وعمامه يشيعونه مشمور ابنهم بلقصر مالاحكوله طوله على لكاع ولسبع غمض عيونه خبرو عمامه معدلين اهل لكرامه = = = = اهل الفخر واهل الكرامه مايلحكون يشوفن مسلم بلقصر ويجرجرون ديره ولا بيها رحم ياربي اشلون تفرفح يروحه ضل مثل روح لحمامه = = = = بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

نعي عن لسان بنت مسلم ع وسفه يبوية شلون غدروك محد لحك من عذبوك من لقصر للكاع شمروك حنين يابوية واعتبك ترضاها كلي تعوف بتك من ضيمها هل حشمتك فلت عشرتك هاي هيه ماتنشد اعليها لبنيه فكدك اريد لقابليه وسفه لسبع عالكاع طايح صحت اعليك وانه لصوت رايح ضليت بعدك بل منايح من كل كتر دارو عليك ولقدر بالكوفه يوازيك هدو فرد هده عليك بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة فزاعية لمسلم ع هلا بمسلم هلا بيهم لعب جوله ولعدوان كلهم مايكدروله = = = = شال السيف بيده وصاح هذه انه وبقصر الاماره خله عنوانه انا من الهواشم ولفخر انه ابن الساده// معرب انه احنه اهل لكرامه ولمعاجز من هداتي حتى لميت يفز ياسيفك يمسلم بركابهم حز شمحلاته // السيف ابئيده معدل من هله لا مايكحمونه جده لو حجه يفرض بقانونه شجاع وزود حكهم مايكدروله صطاره // ايدك عالعايل بيهم صاح هذه ابن لهيابه شد علكوفه مثل شدت نكابه نارك العرك ضلت بي لهابه لهابه // لنار بعينه ابد ماهاب مسلم على جره بي يهذه الحيد ستار الله اعليه يالتعجب الهده ولمحاجي حيوله // مخوف الكوفه بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

نعـــي للعـليـله ع اخذوني يهلي لخاطر الله يفراكم مابيه احمله وعلى لزغيره هلله هلله تعرفوني بوية عليله ولمرض خلانه نحيله انه ادري يسفرتهم طويله الغيبه ييمه خافن طول ولكلب عاليرحون معلول بعازته الينشد وليكول تروحون ولغيبة طويله وضيم لعيله مالي حيله عيله شلون لو جتني لعيله من يومهم مانايمه ليل ونات كلبي تهدم لحيل اعتب على لشالو محاميل بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

نعـــي للعـليـله ع وين الاهل ياروحي شالو شدو حملهم عيب دارو مافكرو بيه حتارو بيه مافكرو جاليش بيه عليه ولمرض هالزايد عليه شبيه خذوني وياكم شبيه ونيت شدو ضعنهم وانه ونيت ماحجيت تانيت ابوي وماحجيت ناديت يحسين خذني وياك ناديت خذوني يهلي وياكم خذوني تعذروني بس انه اهلنه تعذروني فاركوني طاهم كلبهم فاركوني مايمرون ادري بعد لامايمرون ماينشدون عن حالي لا لا ماينشدون يسألون غير المريض اعليه يسألون من يومهم روحي مريضة بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة ثگيله للعليله ع مرو علية روحي مريضه معلعلة مرو علية وصار بية محد درة بضيم العلي وصار بية ●°●°●°●°●°●°●°● ولا واحد المر واجه العد بابي غافين بتراب الكَبر يحبابي ياهو الاسئله وماصح جوابي هم بيهم يردون لو هاي هية طاحن رمش وعيون مني سوية غمك ياوكتي مني خذيت احنان غمك ياوكتي مسلوبة صحتي لمن مشو لليوم مسلوبة صحتي ●°●°●°●°●°●°●°● كَبل جنت شكبرني هسة مسلولة ومو بأسمي الخلكَ سموني معلولة تربه بماي احسن روحي محلولة كَطره بحر ضليت ماميزوني من راحتي اتبريت لمن جفوني شلي بحياتي عكَب المشو لبعيد شلي بحياتي ساعة مماتي كل يوم اكَول اليوم ساعة مماتي ●°●°●°●°●°●°●°● وحشه الدار وحجرها خلية جفوها اهل الكرم واهل الحمية بعد مانلتم ونكَعد سوية وكت العصر لو صار يم ياهو نكَعد لمن يجي الخطار يفر وجهة ويرد نترجة جية منهم ترة بكل يوم نترجة جية اصفكَ بدية ع المالهم تذكار اصفكَ بدية بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة فزاعية للعليله ع ضلي لوحدج اهلج مشو وين مريضه وتركوج اهل الميامين سرو لبعيد اهل الكرم شالو ونوو عالرحيل بضعن حادو تركوها تون ماحسبو كالو خلوها // تون اعليهم الف ياحيف بتكم لاتخلوها بت حسين ولوادم يعرفها ماتكدر على لفركه دحملوها حملوها // تريد وياكم عزلتو ضعونها وتترجه بالحادي فدوة اخذوني وياكم يهل حادي انه عندي خبر ابكربله شسادي متردولي // انه ادريكم مترجعون هالسفره طويله لتخلوني تدروني عليله هدمي من المرض مابيه اشيله تموتني // الفركه والله يلجمني الكلب وطول الفرگه من ترحون خلي يوكف أوحگه يانار بدليلي تشتعل ماتطفه يعزازي // النار بكلبي بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيده لنزل حماسيه ابوذيه بيارغ بس ترف ليهم أولهم وعباس الشهم يمشي اول هم القياده ماتلوك الاحد بس الهم اهلا بلقاده // حيوهم بيرغهم يرف وتزلزل الحومه هلا بولاد حيدر لعبو لجوله ــــــــــــــــــــــــــــــــــــــــــــ من بعيد رف بيرغ لسادات يرجال البخت واهل لكلافات ولتاريخ خلوله علامات يشهد تاريخه // ابوك وجدك اليله افعالنه تبرز عليهم يتشردون من عدنه لخليهم بس بالسيف لو تحاجيهم السيف يسولف // وياهم نسويها سنينه ولزلم فنها ماجنهم زلم نسوان اعرفنها روس اكبار جوه لكاع ادفنها اكضيها // وجوه لصلفه بنص ساعه تره اكضيها لكلفه ولرايد ينام بكبره خل يغفه شكد صعبه لزلم من تنهزم وسفه ياوسفه // ازلام وتشرد ــــــــــــــــــــــــــــــــــــــــــــ بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19

قـــــصيدة فزاعيه لنزول نزلنه اليوم بيها صارت ترابه حسين الواكف وعباس يايابه = = = = مو سبعين يالچنكم سبع ميه واحدهم اسد ويعارك الميه لبوهم يشهد التاريخ يوميه ولدك ذوله // ياداحي الباب = = = = واحدهم تحزم كال مكضيه شنهي كربله وشنهيه أميه شراع وبالمعارك زلم حربيه حربيه // اليوم لطبو = = = = ياستار طبينه بمحاملنه رايات الفخر هليله أرفعنه نصبحه حدودها وياهلا صحنه خليناه // الحد بس يمنه = = = = رفعو روسهم رفعت الرايات نهم وليله اسويها عراضات تزلزل كاعها ارجال الكلافات زلزال // الحومه نخليها = = = شحلات المه من دخلو اراضيهم دكوها الخيم وتمركزو بيهم دهريه هذوله ولفخر ليهم دهريه // وزلم النيبه = = = = بقلم خادمة أهل البيت ع الحجية ام ريام المحمداوية غير مبري الذمة من يحذف الاسم ويتلاعب بكلام القصيدة 📝 https://t.me/zsara19