النادي الدينيّ - الدَواسِق ٩٨

"أحتسب على الله أن يكفّر السنة التي قبله" #صيام_عاشوراء #العاشر_من_محرم #النادي_الديني_للدواسق

رابط البث الاسفيري https://t.me/+SyyoMmqjTL03OWE8

﴿وَأَقِمِ الصَّلَاةَ لِذِكْرِي﴾ في الوقت الذي ينام فيه الكثيرون، هناك من يختار أن يبدأ يومه بالقرب من الله، فيمشي إلى المسجد في ظلمة الليل، يرجو نورًا عظيمًا يوم القيامة. ✨ ندعوكم لحضور جلسة شبابية مميزة عن صلاة الفجر، نتحدث فيها عن: • أسرار المحافظة على…

﴿وَأَقِمِ الصَّلَاةَ لِذِكْرِي﴾ في الوقت الذي ينام فيه الكثيرون، هناك من يختار أن يبدأ يومه بالقرب من الله، فيمشي إلى المسجد في ظلمة الليل، يرجو نورًا عظيمًا يوم القيامة. ✨ ندعوكم لحضور جلسة شبابية مميزة عن صلاة الفجر، نتحدث فيها عن: • أسرار المحافظة على الفجر. • كيف يكون الفجر بدايةً للتغيير والنجاح. • وسائل عملية للاستيقاظ والثبات. • أثر الفجر على الإيمان والدراسة والحياة اليومية. قال رسول الله ﷺ: «بشِّر المشَّائين في الظُّلَم إلى المساجد بالنور التام يوم القيامة». 📅 الزمان: السبت ٦ / ٦ / ٢٠٢٦ بعد صلاة المغرب إلى صلاة العشاء 📍 المكان: مصلى الجامعة 🎙️ المقدمون: أحمد أبوبكر محمد مختار ☕ يوجد ضيافة للحضور 🕌 لجنة المسجد موعدٌ نجتمع فيه على الذكر والقرآن والفائدة، فاحرص على الحضور وادعُ زملاءك، فلعلها تكون بداية عهد جديد مع صلاة الفجر. 🌙 ننتظركم، فطريق النور يبدأ بخطوة إلى المسجد.

من سنن يوم الجمعة.. 🍂 عن أبي هريرة رضي الله عنه عن النبي ﷺ قال: « نَحنُ الآخِرونَ الأوَّلون السَّابِقون يومَ القِيامةِ، بَيْدَ أنَّهم أُوتوا الكتابَ مِن قَبلِنا، ثمَّ هذا يومُهم الذي فَرَضَ اللهُ عليهم، فاخْتَلفوا فيه، فهَدَانا اللهُ له، والنَّاسُ لنا فيه تَبَعٌ؛ اليهودُ غدًا، والنَّصارَى بعدَ غدٍ » حديث صحيح | أخرجه البخاري ومسلم #سنن_الجمعة #النادي_الديني_للدواسق

"لم يضرّه في ذلك اليوم سمّ ولا سحر" #سنن_مهجورة #النادي_الديني_للدواسق

« ذهب السخاء والكرم والجود والمواساة، فمن لم يواس الناس بماله وطعامه وشرابه، فليواسهم ببسط الوجه والخُلُق الحسَن » - إبراهيم بن أدهم #أقوال_علماء #النادي_الديني_للدواسق

الله أكبر، الله أكبر، الله أكبر، لا إله إلا الله، الله أكبر، الله أكبر، ولله الحمد.. كل عام وأنتم بخير. نسأل الله في هذه الأيام المباركة أن يمنّ على بلادنا وبلاد المسلمين بعظيم نعمه، ويرزقنا السلامة والأمن والعافية. عيد أضحى مبارك 🍁 #عيد_أضحى_مبارك #النادي_الديني_للدواسق

خير الدعاء دعاء يوم عرفة❤️ اجعلوا لإخوانكم نصيباً من دعاءكم #يوم_عرفة #دعاء_يوم_عرفة #النادي_الديني_للدواسق

[معاني مغفولٌ عنها] طبعاً فضل زي ٤ أيام فالواحد زي ما بنقول كل مرة يعني مااا يكسل وبقدر قدرتك؛ كلامنا الليلة أصلاً عن النية وما ادراك ما النية 🤍 .. " إِنَّا لَا نُضِیعُ أَجۡرَ مَنۡ أَحۡسَنَ عَمَلًا " دي من سورة الكهف صح؟ أحسن عملا ما أكثر عملا، الأهم ما إكثار العمل الأهم تحسن العمل الكترة مهمة طبعاً لو داير تكون من السابقون السابقون لكن النية؟ أبلغ وطبعاً لو حاولت تجمع بين الاتنين فانت مبدع عديل 🤍 .. القرآن جمبك ولسانك شغال لو داير تذكر ربنا والصلاة بابها مفتوح والطاعات كتيرة زي ما ذكرنا في آخر بوست أنو العمل الصالح في الأيام دي أفضل من الجهاد!! إن شاء الله كان تبتسم في وجه الحوالينك ساي ياخ مش دي صدقة في معنى الحديث ؟ ولا تجيب كباية موية لابوك.. الأهم نيتك أنو يا رب اقبل عملي يا رب بلغني الفردوس بالحاجة دي .. ممكن نتذكر في الختام فقرة من البوست القبل الفات؛ لأنها متعلقة جداً بالفكرة حقتنا دي وأنو ما تستخسر شي .. كما حكينا في قصة سليمان عليه السلام لمن الراجل من تحت وهو شايف سليمان من بعيد تمنّى ملك زي حقو، فالريح ساقت كلامو دة لسليمان وقال جملة عظيمة " تسبيحةٌ خيرٌ من ملكِ سليمان" لييه؟ التسبيحة تبقى وملك سليمان يفند 🤍 فالواحد ما يكسل من ذرة طاعة وأنو هتفرق؟ ااااي بتفرق وبقدر قدرتو يحاول يسعى في الأيام دي والله يضاعف لمن يشاء في الأجر وكما قال النبي في معنى الحديث اتقوا النار ولو بشق تمرة 🤍 .. #وليال_عشر #النادي_الديني_للدواسق

طبعا أي إنسان نيتو يجاهد في سبيل الله واي مسلم بيقول ليك ياريتني كنت مع ناس غزة أجاهد معاهم عشان أنال عظيم الأجر والثواب. انت متخيل انو العمل الصالح في الايام دي أفضل من الجهاد !! العمل الصالح دا ما الا صلاة وصيام .. " تبسمك في وجه أخيك صدقة" قال رسول الله صلى الله عليه وسلم " أحب الأعمال الى الله سرور تدخله على قلب مسلم سبحان الله وبحمده سبحان الله العظيم الله اكبر الله اكبر لا اله الا الله الله أكبر. #وليال_عشر #النادي_الديني_للدواسق

من سنن يوم الجمعة.. 🍂 عن ابن عمر رضي الله عنه قال النبي ﷺ: « أفضل الصلوات عند الله صلاة الصبح يوم الجمعة في جماعة » حديث صحيح | أخرجه أبو نعيم في الحلية #سنن_الجمعة #النادي_الديني_للدواسق

وعندنا سورة العصر على قصرها لكنها من أتقل ما يكون في قضية الوقت #وليال_عشر #النادي_الديني_للدواسق

[معاني مغفولٌ عنها] الوقت.. طبعاً دي ممكن تكون مرت على الواحد دشلمية مرة كدة، لكن الدايرين نلفت ليهو واللي بالرغم من أنو بدهي لينا إلا أننا بننساهو أو ما بنركز معاهو؛ وهو أنك انت كل يوم بمشي دة ما يوم بتعيشو بل خلينا نقول يوم قربت فيهو من الموت أكتر يعني تاني اليوم دة ما هيرجع.. خلاص الصلى الفجر في وقتو خلاص والعكس، القرا أذكار الصباح خلاص والعكس برضو! وإلخ كما ذكر الحسن البصري أنو " ما من يومٍ يمر إلا وينادي: يا ابن آدم، أنا خلقٌ جديد وعلى عملك شهيد، فاغتنمني فإني لا أعود إلى يوم القيامة ". فالوقت غير انو مااااشي ما بقيف فهو مورد غريب؛ يعني غير أنو ما ينفع تعيدو زي ما أسلفنا.. فبرضو ما ينفع تدخرو؛ تجي تقول اوف خلاص خليني اخلي الساعة الأخيرة من عصر الجمعة هسه واستغلها بعدين أو أفضل أيام الدنيا أيام العشر اركنهم بجاي كدة وارجع ليها بعدين! يعني قروشك؟ بتجيب غيرها.. تلفونك اتسرق ؟ اشتري تاني.. صحتك؟ اتعالج ورجعت.. وقتك؟؟ ... .. ﴿ أَفَأَمِنَ أَهْلُ الْقُرَىٰ أَن يَأْتِيَهُم بَأْسُنَا بَيَاتًا وَهُمْ نَائِمُونَ ۝ أَوَأَمِنَ أَهْلُ الْقُرَىٰ أَن يَأْتِيَهُم بَأْسُنَا ضُحًى وَهُمْ يَلْعَبُونَ ۝ ﴾ [الأعراف] العجيب يعني هو كلو بخوف لكن المدهش أكتر كلمة يلعبون دي، يعني شنو يعني ؟ بنططوا مثلاً؟؟ لا لا دة هم في شغلهم؛ يعني جامعتك ولا دوامك ولا الحاجات دي.. يعني قصدك ديل كلام فاضي؟ لا لا لكن إذا وصل بيهم الحال أنو انت يعني مقدمهم على أمور آخرتك فربنا وصف الكلام دة باللعب.. دي حالتو الأمور الجادة زي الشغل فما بالك بالبقضيها أمور فارغة وفي مقياسنا هي لعب جد جد.. .. الواحد بنسى وبغفل الأمر البدهي حق أنو كل يوم بتعيشو هو يوم انت فاهم؟ قربت من السما دي تكّة زيادة.. بس طوالي الواحد بحسبها بِفَهَمْ أنو هو ماشي يزيد، وأنو كدي الاسبوع الجاي اعمل كدة، والشهر الجاي اسوّي كدة.. فبننسى نحسبها أنو نحنا ماشين ننقص.. عشان كدة حتى في أذكار الاستيقاظ بتقول شنو؟ الحمد لله الذي أحيانا بعد ما أماتنا وإليه النشور واتذكر أنو يومك دة منحة جديدة من ربنا كونو أحياك فيهو فاسعى أنك تكون أحسن من امبارح في أمور آخرتك أولاً ودنياك ثانياً! .. وشدّ العزم فيهو والمقدرو ليك ربنا في يومك دة فهو الخير 🤍 .. وزي مافي قصة سليمان عليه السلام لمن الراجل من تحت وهو شايف سليمان من بعيد تمنّى ملك زي حقو، فالريح ساقت كلامو دة لسليمان وقال جملة عظيمة " تسبيحة خيرٌ من ملك سليمان" لييه؟ قال: " التسبيحة تبقى وملكُ سليمان يفندْ" 🤍 فالواحد ما يكسل من ذرة طاعة وأنو هتفرق؟ ااااي بتفرق وبقدر قدرتو يحاول يسعى في الأيام دي والله يضاعف لمن يشاء في الأجر 🤍 #وليال_عشر #النادي_الديني_للدواسق

بسم الله الرحمن الرحيم “يَأَيَّتُهَا النَّفْسُ الْمُطْمَئِنَّةُ * ارْجِعِي إِلَى رَبِّكِ رَاضِيَةً مَرْضِيَّةً * فَادْخُلِي فِي عِبَادِي * وَادْخُلِي جَنَّتِي” بكامل الحزن و الأسى تنعي أسرة الدفعة ٩٨ فرداً من أفرادها وروحاً من أرواحهاً الزميل والصديق نادر صديق إن العين لتدمع وإن القلب ليحزن وإنا على فراقك يا نادر لمحزونون لله ما أعطى وله ما أخذ ولا نقول إلا ما يرضي الله التعازي لنا ولكم  ولأسرته سائلين المولى عز وجل أن يتقبله قبولاً حسناً وأن يتغمده بواسع رحمته ويحشره مع الصديقين والشهداء والصالحين ويربط على قلب أهله ويلهمهم الصبر والسلوان ويجبر كسرهم ويجمعهم به ويجمعنا جميعاً في جناته جنات النعيم. إنا لله وإنا إليه راجعون.

٤٠ معلومة عن عشر ذي الحجة في ١٥٠ ثانية | ياسر ممدوح #وليال_عشر #عشر_ذي_الحجة #النادي_الديني_للدواسق

[معاني مغفولٌ عنها] طبعاً الواحد ما جاي ينبه على أنو أيام العشر وبتاع والكلام الكتير دة؛ لأنو أقل شي بكون لاقى الزول زي ٤ مرات in a raw في حالات الواتس ساي 🤣 لكن محور الكلام شي تاني خالص ومعنى بنغفل عنو واللي هو أنك داير تحاول تمشي لربنا، تقّرب من ربنا؛ ذاهبٌ إلى الله يعني.. والذهاب إلى الله منه وبه؛ وهو دة الكلام هنا !! يا اخوانا ابن تيمية بقول دة أجمع الدعاء؛ أنك تقول " اللهم أعني " .. " التوفيق الرباني" ليه لازم تُوَفَّق؟ بقول ليك الطاعة من ربنا، أما المعصية فمنك ومن الشيطان. ليه؟ لأنك لو ما يَسِّر ليك ربنا الأسباب، فما هتقدر تعمل شي؛ انت ايوة بتخت النية وتبدأ تتحرك لكن كل شي بيد ربنا... و وممكن نقول كتسهيل مصطلحات ساي - يعني ما أظن هي موجودة في الدين بالأسماء دي - تسهيل داخلي وخارجي.. فمثلاً الوضوء، بدايةً من أنو يسهل ليك داخلياً بأنو يبعد عنك وساوس الشيطان البتكسلك وحتى وساوس نفسك البتجرّك تكسر حنك.. والتيسير للأسباب الخارجية كذلك بأنك تصل للوضاية والمسجد بدون عوارض في الشارع أو حادث مثلاً يحصل ليك، أنو تلقى الموية موجودة، الموية في نفسها تكون طاهرة وحقت وضوء، ياخ زول في بيئتك كصاحب أو فرد من البيت أو حتى مجرد فيديو يلاقيك أو بوست ساي يذكّرك تعمل شي مفيد أو طاعة إلخ من الأمثلة .. وكل الحاجات كدة حاجات دنيا على آخرة؛ لازم توفيق .. وكذلك الثبات لحظة الضعف حتى لو انت عامل طاعات كتيرة قبلها وزول صلّاي يا زول من بداية السنة دي لحدي هسه، ورمضان زاتو كنت مقطّعها وربنا ما وَفّقَك حالياً فما هتثبت بل الحقيقة أنو الطاعات دي في نفسها توفيق زي ما قلنا بنفس فكرة الوضوء ! عشان كدة زاتو بنقول: " لا حول ولا قوة إلا بالله"، فهي من كنوز الجنة كما جاء في الحديث. ... ونختم بما قلنا في البداية الواحد فينا ما ينسى طلب العون والهداية للصح سواءً أمور الدنيا ولا الآخرة عموماً.. وعلى وجه الخصوص يعينا نستغل عشر ذي الحجة.. اللهم اهدنا و سددنا 🤍 #وليال_عشر #النادي_الديني_للدواسق

« العجب كل العجب لمن عرف الله ثم عصاه بعد المعرفة » - الفضيل بن عياض #أقوال_علماء #النادي_الديني_للدواسق

من سنن يوم الجمعة.. 🍂 روى السائب بن يزيد: « أنَّ التَّأْذِينَ الثَّانِيَ يَومَ الجُمُعَةِ، أمَرَ به عُثْمَانُ بنُ عَفَّانَ رَضِيَ اللَّهُ عنْه، حِينَ كَثُرَ أهْلُ المَسْجِدِ، وكانَ التَّأْذِينُ يَومَ الجُمُعَةِ حِينَ يَجْلِسُ الإمَامُ » حديث صحيح | أخرجه البخاري #سنن_الجمعة #النادي_الديني_للدواسق

الأثر عن علي بن أبي طالب أنه روى حديثاً عن النبي صلى الله عليه وسلم ومنه ما ذكره عن القرآن أنه: "كتاب الله فيه نبأ ما كان قبلكم، وخبر ما بعدكم وحكم ما بينكم، وهو الفصل ليس بالهزل. من تركه من جبار قصمه الله. ومن ابتغى الهدى في غيره أضله الله، وهو حبل الله المتين وهو الذكر الحكيم، وهو الصراط المستقيم هو الذي لا تزيغ به الأهواء، ولا تلتبس به الألسنة ولا يشبع منه العلماء ولا يخلق على كثرة الرد ولا تنقضي عجائبه هو الذي لم تنته الجن إذ سمعته حتى قالوا: ﴿... إِنَّا سَمِعْنَا قُرْآَنًا عَجَبًا * يَهْدِي إِلَى الرُّشْدِ فَآَمَنَّا بِهِ ﴾ [الجن: 1-2]، من قال به صدق ومن عمل به أجر ومن حكم به عدل ومن دعا إليه هدى إلى صراط مستقيم"