طلاب جامعة الأزهر ▪️ Al-Azhar University students

🔴 أسعار السكن الجامعي في جامعة الأزهر. 📌 بمناسبة فتح التقديم للمدينة الآن فكتير منكم بيسأل عن أسعار السكن في المدينة الجامعية وخصوصا الطلاب الجدد الملتحقين بجامعة الأزهر، فتعالوا نعرفها مع بعض. 🟢 عندنا 4 أنواع للسكن في المدينة الجامعية: 1️⃣سكن عادي 2️⃣سكن اقتصادي 3️⃣سكن مشروط 4️⃣سكن مميز 🔹كل الأنواع الأربعة بيتفقوا في رسوم التسجيل 153جـ كانت مش عارف كام دلوقتي ودى كلكم هتدفعوها عشان التسجيل على الموقع. 🔹كل الأنواع الأربعة بيتفقوا في رسوم التقديم اللي هتدفعوها لما تتقبلوا إن شاء الله. الكلام 🔹كل الأنواع الأربعة بيتفقوا في الأكل والشرب. 🔹كل الأنواع الأربعة بيتفقوا في الغرامات والإنذارات والعقاب على المخالفات. 🔴 تعالوا نعرف كل نوع منهم تفصيليًا... 1️⃣السكن العادي ودا سكن قديم نوعًا ما وبيتوفر فيه مياه ساخنة 3 أيام كل أسبوع، وكل طالب بيكون ليه سرير وكرسي خاص، أما المكتب ممكن يشترك فيه طالبين وكذلك الدولاب، وعدد الطلاب في الغرفة بيبدأ من 2 وحتى 6 على حسب حجم الغرفة أما الصالونات بيوصل العدد فيها لـ 16 طالب، وكل غرفة بيكون متوفر ليها بلكونة، وطبعا كل أوضة بيكون فيها مروحة غالبًا، والسكن دا بتدفع ليه 410جـ كل شهر 2️⃣السكن الاقتصادي (القاهرة فقط) ودا سكن جديد نسبيًا والأثاث اللي فيه أحدث من السكن العادي، وبيتوفر فيه المياه الساخنة طوال أيام الأسبوع وكل غرفة بيكون فيها تلاجة وكل طالب بيكون ليه مكتب وكرسي وسرير ودولاب خاص بيه، وعدد الطلاب في الغرفة (في مدينة البنين) بيتراوح من 3 لـ 4 أفراد، وكل غرفة بيكون فيها مروحة، والسكن دا بتدفع ليه 610جـ كل شهر يعني في اليوم حوالي 20جـ 3️⃣السكن المشروط ودا بيكون للطلاب القريبين من المحافظة اللي فيها المدينة الجامعية أو الطلاب الحاصلين على تقدير مقبول أو المنقولين بمادة أو مادتين ودا بيكون فيه نفس الخدمات المتوفرة في السكن العادي. 4️⃣ السكن المميز ودا بيكون في القاهرة فقط ويعتبر أعلى وأجمل وأحدث وبيكون فيه خدمات أكتر ومتوفر مياه ساخنه دائما دون انقطاع، وبيكون كل طالب ليه سرير وكرسي ومكتب ودولاب خاص بيه وطبعا متوفر تلاجة ومروحة وبلكونة في كل أوضة وبالنسبة للسعر بيختلف على حسب العدد في الأوضة غرفة فرد واحد 1300 جـ كل شهر غرفة 2 أفراد 1100 جـ كل شهر غرفة 3 أفراد 960 جـ كل شهر غرفة 4 أفراد 860 جـ كل شهر 📌 ملحوظة: يتم خصم 150 جنيه من سعر السكن إذا لم يرغب الطالب في تناول الوجبات، أو كان في السكن المشروط. 📌ملحوظة: في بعض الاختلافات البسيطة في تفاصيل أنواع السكن بين البنين والبنات ومن محافظة للتانيه، لكن بالنسبة للأسعار موحدة. ودى اسعار زي مقولتلكم كانت ف الأعوام الماضيه معرفش دلوقتي الأسعار دى كام 🔴 ملحوظة: تعليق صفحة الإدارة المركزية للمدينة على هذا الكلام بأن الأسعار غير مضبوطة، فيرجى العلم أن هذه أسعار العام الماضي. أيضا بحسب كلام الإدارة المركزية للمدن الجامعية سابقًا فإن هذا العام سيكون أسعاره مقاربة للعام الماضي.

﴿ رَّبُّكُمْ أَعْلَمُ بِكُمْ ﴾ الآية دي بتغمرني بالسَّكِينة والطُمأنينة دايمًا يقول السعدي فِي تفسيرها: "هو أعلمُ بكمْ مِن أنفسِكُم، فلذلك لا يريد لكم إلا ما هو خير لكم، ولا يأمركم إلا بما فيه مصلحة لكم وقد تريدون شيئًا والخير في عكسه" فيه حاجة ممكن تخلينا نطمئن أكتر من كدة؟ :))

كل عام وحضراتكم جميعًا بكل خير بعد غد الجمعة بإذن الله، أول أيام شهر ربيع الأول 1448 هـ - صلى الله على سيدنا محمد وعلى آله وصحبه وسلم تسليما كثيرا طيبا طاهرا مباركا فيه

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

من حوار أ.د محمود صديق رئيس جامعة الأزهر: - مصاريف الكليات بإذن الله كما هي في العام الدراسي الجديد، ولا توجد زيادة

⬅️ جامعة الأزهر تعلن مد فترة تسجيل اختبارات القدرات بكليات الجامعة حتى الجمعة المقبلة أعلنت جامعة الأزهر برئاسة الأستاذ الدكتور محمود صديق، مد فترة تسجيل اختبارات القدرات للالتحاق بكليات البنين والبنات اعتبارًا من اليوم الاثنين حتى يوم الجمعة المقبل الموافق ٢٠٢٦/٨/١٤م. من جانبه صرح الدكتور سيد بكري، نائب رئيس الجامعة لشئون التعليم والطلاب أن قرار مد فترة التسجيل لاختبارات القبول؛ جاء حرصًا على مصلحة الطلاب الراغبين في الالتحاق بكليات الجامعة التي تشترط اجتياز اختبارات القدرات الخاصة بها، بما يضمن عدم تفويت الفرصة على أي طالب أو طالبة مستوفٍ لشروط التقديم، ويعكس اهتمام الجامعة بتيسير الإجراءات أمام الطلاب وإتاحة الفرص التعليمية أمامهم وفقًا للضوابط والقواعد المنظمة. #جامعة_الأزهر #المركز_الإعلامي #أخبار_الأزهر #تنسيق #طلاب #طالبات #اختبارات #قدرات https://www.azu.edu.eg/azharsr/Facs/FacTest

🟥 عاجل: فتح التسجيل في اختبارات القدرات مرة أخرى، وذلك حتى يوم الجمعة المقبل، حرصًا على إتاحة الفرصة لجميع طلاب وطالبات الشهادة الثانوية الأزهرية الراغبين في الالتحاق بالكليات التي تتطلب اختبار قدرات.

نظام بكالوريا بالأزهر: - عودة التشعيب مرة أخرى بالمرحلة الثانوية، "علمي - أدبي" - التشعيب هيكون بداية من الصف الأول الثانوي، وهيكون عبارة عن 3 أقسام "الشعبة الأدبية - علمي علوم - علمي رياضة". - انتظروا التفاصيل بإذن الله تعالى، وكل التوفيق للجميع