أوَّابَة.

شكلك من بتوع زوجي قرة عيني وأطفالي سر وجودي ومابتعمليش حاجة في حياتك إلا المطبخ والمواعين وعايمة في البامبرز وعاملالنا فيها مثقفة ج / لا والله أنا مش منهم وماقدرش أكون منهم عشان بيملكوا حاجة مش عندي، انتي عارفة محتاجة قد ايه شجاعة وانكار ذات عشان تحطي عمرك ووقتك وصحتك في شيء مش هايجيبلك عائد مادي ولا مجد شخصي وربما كمان محدش يحسسك بالامتنان ويقولك شكراً؟ في المعارك والثورات دايماً بيكون الجنود المغمورين أكثر شجاعة وإيمان.. وبيبذلوا مجهود أكبر، عشان بيقدموا أرواحهم وبيدفعوا بالناس اللي في الصورة وبيدعموهم، وبيمدوا الجسور بأجسادهم لمن سيخلفهم، بيبذلوا عشان اللي بعدهم يرتاحوا، وقابلين فكرة إن محدش هايفتكرهم ولا يعرف أساميهم ولا يسمع قصصهم، قابلين فنائهم وخلود عقيدتهم. دول الأبطال الحقيقيين مش الأسامي المنحوتة أسفل التماثيل اللي بنشوفها على الطرقات. واحنا بنشوف العالِم واقف على المنصة لابس عبائة المجد بس مانعرفش اسم امه اللي كانت بتشيله ف مرضه وف يأسه وكانت بتدعيله ومؤمنه بيه، وبنشوف رجل الأعمال الناجح بينعم بحياة الترف فنتغنى بذكاءه واجتهاده ومحدش فينا يعرف اسم الزوجة اللي كان بيروح يجري على حضنها كل ما لدنيا تتقفل في وشه فتمسح على راسه وتفكره بحلمه وتشجعه بعدها عشان يرجع للي كان بيعمله، فلا والله ماعنديش القدر ده من انكار الذات والتضحية اللي تخليني أقدم ناس تانية والغي نفسي، وادفع غيري للنور وأنا في الظلال، وأخلد أساميهم ومحدش يعرفني وينسوا أنا مين وينادوني ب"أم فلان". أوتدرين؟ هاتدرين إن شاء الله، وأنا بحاول أتغلب على مشكلة الاحتراق العكسي في خزان الوقود بتاع المحرك الهيدروجيني عشان انهي رسالة الماجستير، اكتشفت إني بحب الخلايا الهيدروجينية اوي بس الخلايا الهيدروجينية مش هاتحبني أبداً بالمقابل، وأنا واقفة تحت لهيب الشمس قدام الألواح الشمسية افتكرت الناس اللي أنا بحرق بشرتي وأعصابي عشان حساباتهم البنكية تتضخم ويرمولي الفتات، وموقنة اني لو مابقتش مُنتجة هايرموني.. ومع ذلك اللي بعمله لا يُذكر جنب اللي بتعمله الزوجة والأم اللي كل العالم بيحقر من المجهود اللي بتبذله، إنتي عارفه محتاجة تركيز وصبر وقوة احتمال قد ايه عشان تتعاملي مع عدة أشخاص بنفسيات مختلفة وكل واحد فيهم بيحب ياكل حاجة؟ أنا باخد أجازة وبستقيل دي مابتعرفش ترتاح دقيقة. عارفة كمية القلق والتوتر المُلازمين للأمومة؟ أنا معنديش أطفال وببكي الفقمات اللي ياحبايبي بيقعوا من الجبال اللي انحسر عنها الجليد في القطب الشمالي، وكنت برجع جري البيت عشان جارفيلد -القط- مايحسش بالوحدة أو بالجوع، وقلقة حد الموت على ناس ماعرفهمش أساساً ودايماً بمسك لساني دايماً قبل ما اقول لأي حد "دخل القميص ف البنطلون ياحبيبي.. فطرت؟ عايز تروح الحمام؟ كلمني عن قوام برازك جايز نحتاج نوديك للدكتور".. أمال اللي بتتعامل مع أجزاء منها بتحس بإيه؟ وأنا طول عمري عندي مشكلة مع الناس أمثالك -اسمحيلي أقولك أمثالك في وسط الكلام يعني- لما يحبوا يتفوقوا مابيشتغلوش على أنفسهم إنما بيحطوا طين على الآخرين عشان يبانوا حلوين، وبيستمدوا قيمتهم من تحقير كل مختلف، ومؤمنين بحرية كل حد وكل حاجة بس بيحاربوا حرية أي حد بيعمل أي حاجة بدافع ديني، ومزدوجي المعايير.. يعني الراجل اللي بيدعم امرأته من الظلال واو والعكس لو حصل يبقى يع، وآكلي أرواح بيعمدوا وسم الناس وإيغار صدورهم وتتفيه أفعالهم. هدير سعيد (بتصرف يسير)

لا تُعلِّقْ قلبَكَ بأحد، ولا تجعلْ رزقَكَ، أو فرجَكَ، أو سعادتَكَ رهينةً ببابٍ من أبوابِ الخلق. ارفعْ حاجتَكَ إلى اللهِ أولًا، فإن فتحَ لك بابًا فبفضلِه، وإن أغلقَه فبحكمتِه. أمَّا الناسُ، فقلوبُهم تتقلَّب، وأيديهم تملكُ اليومَ ما قد لا تملكُه غدًا. تقولُ العرب: «إنَّ عِزَّةَ النفسِ تُضاهي جاهَ الملوك»؛ لأنَّ صاحبَها لا يُذلُّ نفسَه لطمع، ولا يبيعُ كرامتَه لأجلِ مصلحة، ولا ينحني إلا لربِّه. فاجعل فقرَكَ إلى اللهِ وحدَه، واستغنِ به عمَّن سواه؛ فمَن عرفَ بابَ الله، استغنى عن الوقوفِ طويلًا على أبوابِ الناس.

واحدة جايبة امتياز. واحدة عندها فلوس. واحدة اجتماعية جدًا. واحدة بتشتغل. واحدة عندها علاقات كتير. وواحدة هادية ومركزة في دراستها. كل واحدة ليها ظروفها. قارني نفسك بنفسك من سنة لسنة. 2️⃣3️⃣ اتعلمي تديري فلوسك مش لازم كل حاجة جديدة تشتريها عشان صاحبتك اشترتها. اعملي ميزانية بسيطة. واتعلمي تفرقي بين "أنا محتاجاه" و"أنا نفسي فيه". دي مهارة هتحتاجيها طول حياتك. 2️⃣4️⃣ متحكيش كل حاجة عن حياتك مش كل الناس أهل للثقة. خصوصًا أسرارك، مشاكل بيتك، علاقاتك، صورك الخاصة، ومشاكلك الشخصية. خلي عندك مساحة خاصة محدش يدخلها. 2️⃣5️⃣ متدخليش نفسك في مشاكل الناس مش كل خناقة لازم تدخلي فيها. ومش كل مشكلة لازم يبقى ليكي رأي فيها. أوقات كتير الحكمة إنك تعرفي إمتى تتكلمي وإمتى تسكتي. 2️⃣6️⃣ خلي بالك من أمانك خصوصًا وإنتِ راجعة متأخر أو رايحة مكان مش عارفاه. خلي أهلك عارفين مكانك، وخلي موبايلك مشحون، ومتروحيش مقابلات أو أماكن مش مطمنة لها لمجرد إن أصحابك رايحين. 2️⃣7️⃣ اهتمي بصحتك نامي كويس على قد ما تقدري. كلي كويس. اشربي مياه. اتحركي. ومتهمليش نفسك عشان المذاكرة. مش منطقي تكسبي مادة وتخسري صحتك. 2️⃣8️⃣ لو وقعتِ في مادة أو قل تقديرك.. متنهاريش درجة وحشة مش معناها إنك فاشلة. مشكلة مع صاحبة مش معناها إن حياتك انتهت. رفض في تدريب مش معناه إنك مش نافعة. الجامعة فيها نجاح وفشل وتجارب. المهم تتعلمي وتكملي. 2️⃣9️⃣ متخليش الجامعة تغير أخلاقك اتعلمي، اتطوري، كوني علاقات، شاركي، اضحكي، افرحي... لكن متخسريش مبادئك عشان تبقي مقبولة عند حد. والأهم من كل ده: خلي علاقتك بربنا ثابتة وسط كل دوشة الجامعة. الصلاة، الحياء، الأدب، غض البصر، واحترام نفسك وأهلك... دي مش حاجات بتوقفيها لما تدخلي الجامعة. 3️⃣0️⃣ وأهم نصيحة فيهم كلهم... ادخلي الجامعة عشان تخرجي منها إنسانة أحسن. مش بس معاكي شهادة. عايزك يوم التخرج تبصي وراكي وتقولي: أنا اتعلمت. كبرت. غلطت واتعلمت من غلطي. عرفت ناس كويسة. بعدت عن ناس كانت هتأذيني. اتعلمت مهارات. بنيت شخصيتي. وحافظت على نفسي وأخلاقي. الجامعة مش كام سنة بتعدي وخلاص... دي مرحلة من أهم مراحل تكوين شخصيتك. فاستمتعي بيها، واتعلمي منها، واعملي ذكريات حلوة، وخدي منها كل حاجة تنفعك... لكن أوعي تخرجي منها خسرانة نفسك. وفي الآخر... مش أهم حاجة الجامعة هتديكي شهادة إيه، الأهم إنتِ هتخرجي منها إنسانة عاملة إزاي. آخر حاجة على الهامش ابعدي عن صحوبية الولاد والله بنصحك لله. — د/ محمد سلامة

البنات اللي داخلة الجامعة 30 حاجة لو عرفتيهم من أول يوم هيوفروا عليكي حاجات كتير جدًا كنت أتمنى حد يقولهملي وهما الخلاصة. لو داخلة الجامعة لأول مرة، فالبوست ده ليكي.. هقولك 30 حاجة من اللي اتعلمتهم من الجامعة، ومن اللي شوفته حواليا، ومن أخطاء ناس كتير عملوها، عشان تدخلي الجامعة وأنتِ فاهمة الدنيا شوية. 1️⃣ متحاوليش تعملي شخصية مش شخصيتك وتعيشي دور مش دورك أول ما تدخلي الجامعة هتقابلي ناس كتير جدًا، وكل واحد له طريقة وشخصية ولبس وكلام. متقوليش: "لازم أبقى زيهم عشان أندمج." خليكي زي ما انتي وصاحبي اللي شبهك. 2️⃣ اختاري صاحبتك بعناية جدا جدا. مش كل واحدة تضحك معاكي وتخرج معاكي تبقى صاحبتك. الصاحبة الحقيقية هي اللي تخاف عليكي، وتحترمك في غيابك، وتشدك لطريق ربنا مش لطريق الصحوبية بتاع الشباب والشلل. 3️⃣ خلي عندك حدود دي من أهم الحاجات في الجامعة. خليكي ذوق ومحترمة مع كل الناس، لكن مش معنى إنك محترمة إنك تسمحي لأي حد يتجاوز معاكي. فيه فرق بين الطيبة وبين إن مفيش حدود. 4️⃣ متدخليش الجامعة وأنتِ مستنية قصة حب الجامعة مكان هتتعلمي فيه وتبني مستقبلك. ولو حصل إعجاب أو ارتباط، خليه في إطار محترم وواضح وأوله مش الواتس ولا الفيس أوله باب البيت، ومتخليش علاقة تسرق منك دينك، دراستك، أهلك ومستقبلك. ( شرفك وسمعتك ). 5️⃣ حافظي على سمعتك مش معنى كده تعيشي مرعوبة من كلام الناس. لكن برضه متديش حد فرصة يمسك عليكي حاجة. وفي زمن الموبايلات والسوشيال ميديا، حاجة صغيرة ممكن تتصور وتفضل موجودة سنين. 6️⃣ لبسك خليه مناسب للمكان الجامعة مش حفلة، وفي نفس الوقت مش معنى كده إنك تهملّي شكلك. خلي لبسك محترم، مريح، ونضيف، ومناسب لطبيعة المكان. 7️⃣ متصوريش حياتك كلها مش كل خروجة محتاجة ستوري. مش كل صاحبة محتاجة صورة. مش كل مشكلة محتاجة بوست. فيه حاجات جمالها إنها تفضل بينك وبين الناس اللي بتحبيهم. 8️⃣ الموبايل ممكن يضيع الجامعة من إيدك تدخلي تشوفي ريل واحد... تلاقي ساعة راحت. وبعدين ساعتين. وبعدين تقولي: "أنا مش عارفة أذاكر." المشكلة ساعات مش في صعوبة المنهج، المشكلة إن وقتك بيتسرق منك. 9️⃣ متستنيش ليلة الامتحان أكبر غلطة ممكن تعمليها إنك تفضلي طول الترم مأجلة، ولما الامتحان يقرب تبدأي منهج كامل من الصفر. ذاكري أول بأول حتى لو قليل. القليل المستمر بيكسب الكتير المتقطع. 🔟 افهمي نظام كليتك من أول سنة اعرفي نظام الحضور والغياب، أعمال السنة، العملي، الامتحانات، التخصصات، التدريب، التسجيل وكل التفاصيل المهمة. متفضليش معتمدة على "سمعت إن..." اسألي من مصدر موثوق. 1️⃣1️⃣ شنطتك لازم تبقى عملية قلم، نوتة، زجاجة مياه، شاحن، مناديل، أدوات شخصية، وأي حاجة تخص كليتك، مزيل عرق 😀 مش لازم تشيلي شنطة وزنها 15 كيلو، بس برضه متروحيش الجامعة كأنك خارجة تتمشى ساعتين. 1️⃣2️⃣ اكتبي كل حاجة مواعيد المحاضرات. التكليفات. الامتحانات. المواعيد المهمة. أرقام الناس اللي محتاجاها. اعتمدي على نوتة أو Calendar أو أي تطبيق يناسبك. 1️⃣3️⃣ متتكسفيش تسألي لو مش فاهمة حاجة اسألي. مفيش حد اتولد فاهم كل حاجة. السؤال مش بيقلل منك، بالعكس. 1️⃣4️⃣ احترمي الدكتور والمعيد اتعاملي بأدب واحترام، حتى لو اختلفتي معاهم. وفي نفس الوقت الاحترام مش معناه نفاق ولا تملق. خلي علاقتك بيهم مبنية على الأدب والاجتهاد. 1️⃣5️⃣ متحاوليش تكسبي الدكتور على حساب مستواكي خلي الدكتور يعرفك من شغلك وأخلاقك واجتهادك. مش من الهدايا ولا المجاملات ولا محاولة التقرب بطريقة غلط. 1️⃣6️⃣ ابعدي عن أي نشاط جامعي ملهاش لازمة وما أكثرهم. اتحاد طلاب، أسرة، نشاط ثقافي، تطوعي، رياضي، إعلامي... جربي حاجة واحدة على الأقل. الجامعة مش محاضرات وامتحانات بس. 1️⃣7️⃣ بس متبقيش بتجري ورا الشهادات مش كل شهادة هتفرق في الـCV. اعملي النشاط اللي فعلًا هتتعلمي منه حاجة. المهم اللي اتعلمتيه، مش عدد الشهادات اللي في درجك. 1️⃣8️⃣ اتعلمي مهارة جنب كليتك إنجليزي. Computer skills. Presentation. Communication. Research. Design. أي مهارة تخدم مجال دراستك ومستقبلك. الشهادة لوحدها مش كفاية. 1️⃣9️⃣ ابدئي الـCV بدري متستنيش آخر سنة وتفتحي الـCV وتقولي: "أنا عملت إيه في الجامعة؟" من أول سنة احتفظي بأي تدريب أو نشاط أو كورس أو إنجاز مهم. 2️⃣0️⃣ استغلي الإجازة مش لازم كل إجازة تبقى نوم وخروج وموبايل. خدي تدريب. اتعلمي مهارة. اقري. اشتغلي لو مناسب ليكي. اعملي أي حاجة ترجعي منها أحسن من قبلها. 2️⃣1️⃣ كل سنة لازم يكون ليها هدف مش لازم تعرفي كل مستقبلك من أول سنة. لكن لازم كل سنة تكوني أحسن من السنة اللي قبلها. سنة تأسيس. سنة مهارات. سنة تدريب. سنة تجهيز لسوق العمل. وهكذا حسب طبيعة كليتك. 2️⃣2️⃣ متقارنيش نفسك بحد

سُبْحانَكَ لا مَطْلَبَ لي إلَّا رِضاك!

تتزوج فلانة... وتبدأ أول تجربة حقيقية للمعايشة تحت سقف واحد مع رجل كان غريبًا عنها، فتتفاجأ ببعض تصرفاته؛ من ناحية عادات النوم، والأكل، وطريقة التفكير، والإدارة، والاستيعاب... إلخ. ثم تكتب على صفحتها، معبرة عن دهشتها أو استنكارها لعالم الرجال، تحت مسمى: "هما الرجالة ليه بجد !؟" فيمر المنشور على عدد لا حصر له من النساء، فيتخطينه وتتفاعل معه كل من مرت بتجربة مشابهة مع زوجها، متحدثات بثقة وجزم: "كل الرجالة كده... الله يعيننا عليهم... مش عارفة مالهم... الأمور سهلة... الستات أفضل منهم في كذا وكذا..." فتقرأ إحدى المقبلات على الزواج هذه المنشورات، ويترسخ في ذهنها أن الرجال جميعًا بشخصية واحدة، وطباع واحدة. فتتفاعل مع ذلك، إما بقبول أو بنفور شديد من فكرة الزواج نفسها... لأن هذه الطباع تنفرها، ولم تعتد عليها. وما لم يطرأ على بالها... أن في بيتها أبًا، أو أخًا، أو أعمامًا، أو أخوالًا... وأنهم جميعًا رجال أيضًا. بل قد يكون بينهم من يختلف في طباعه اختلافًا كبيرًا، ومع ذلك لم تجد يومًا صعوبة في معاشرتهم، أو نفورًا منهم. فتكتشف - إن انتبهت - أن مشكلتها لم تكن مع الرجال أصلًا... بل مع طباع معينة، صادفت أنها اجتمعت في رجل، ثم تكررت أمامها في عدد من المنشورات، فتحولت في ذهنها إلى "طبيعة الرجال". ولا ننكر بالطبع أن بين الرجال والنساء فروقًا عامة في بعض الطباع والاستعدادات...لكن المشكلة تبدأ حين نأخذ تجربة فردية، أو حتى عشرات التجارب المتشابهة، فنحولها إلى قانون يحكم نصف المجتمع. وماهي - غالبًا - إلا تجربة شخصية، أو تفريغًا عاطفيًا، قُدم للناس في صورة حقيقة عامة، دون مراعاة للضبط العلمي، أو الواقعي، أو لاختلاف الشخصيات والبيئات. لنؤكد في النهاية على حقيقة أن الزواج لا يكون مع "الرجل" بوصفه رجلًا عامة... وإنما إنسان له طبع، وشخصية، وتربية، وقيم، تميزه خاصة و لا يمثل بها نصف سكان الأرض كاملًا. ويحدث الأمر كذلك مع الرجال في حديثهم عن النساء.. مما يشكل وعيهم عن جنس النساء كاملًا، من بضع تجارب فردية من المحيط أو على مواقع التواصل الاجتماعي. فانتبهوا لهذا.. - من وحي الاستشارات #إضاءات_واستشارات ✨

تضخيم النجاحات الشخصية الجزئية العادية في مسيرة الإنسان -النجاح في المرحلة الثانوية أو التخرج في الجامعة مثلا- وجعلها قمة الإنجاز، وغاية ما يحصله المرء في حياته؛ يظهر جناية نظام الدولة الحديث على الإنسان في التصورات والأفكار، وحشره في دوامة الآلة اليومية التي تجعله لا يفكر في غير سبيل العيش. ويبين من جهة أخرى إلى أي حد وصلت فيه أمتنا / مجتمعاتنا من قلة الفاعلية في الواقع إلى درجة رفع هذه الأمور إلى هرم الإنجازات الكبيرة المسؤولية في إعادة الأمور والأفكار والتصورات إلى موضعها الصحيح مهمة شاقة ملقاة على عاتق المصلحين والمربين.. مددك يا رب. - العماد.

- إنّما النّوافل معراجُ العبدِ إلى منزلةِ المحبّة

إخواتنا البنات، الله يستر عرضكم في الدنيا والآخرة.. - جزء الرقبة ده اللي بيظهر من الطرحة الموضة اللي عاملة زي الكوفية؛ لازم يتغطى.. - البسي فضلا حاجة تغطي جزء الساعد ده لحد منطقة الرسغ لو أمكن، إحنا مش في مسلسل " لن نعيش في جلباب أبي" كل شوية نلاقي الكم نازل لحد كوعك! - أنا عارف إن اللبس الساتر بقى غالي ويمكن أغلى من اللبس المعتاد اللي بنشوفه حاليا، فلو أمكن تبدأي تبدلي الحاجة الضيقة اللي بتلبسيها بحاجة أوسع كل شوية لحد ما ربنا يثبتك وتلبسي حاجات واسعة على طول. - ابتدوا تناصحوا فيما بينكم، اللي تشوف صاحبتها لابسة بشكل لافت تنصحها لوجه الله، تقنين الأمر وتأكيده خوفا من زعل صاحبتك أو علشان تقرري في نفسك شيء إنك بتعملي زيها ومش هينفع تنصحيها، ده مش هيغفرلك قدام ربنا سبحانه وتعالى.. يتناصح المخطئون فيما بينهم عادي، واللبيب من رزق البصيرة ورجع للحق. إحنا مش بنكسر تابوهات جامدة ولا بنقول إن الموضوع صعب للغاية.. امتهان الكثير لفعل ما بيجعله زي العرف، فللأسف أنتِ وغيرك بيطلعوا يقلدوا الحاصل مش أكتر. لكن التقليد ده مش هيرضي ربنا سبحانه وتعالى، أنتِ امرأة مسلمة موحدة بالله سبحانه، تعبدك لله وتسليمك لأوامره واجتنابك لنواهيه هو سقف الحرية اللي ممكن العبد يوصلها. الكلام ده لا جاي نتيجة فكر ذكوري ولا هو استبداد برأي على مستضعف ولا هو انشغال فكر بالنساء دونا عن الرجال وإننا حاطينهم في دماغنا وبتاع.. انزلوا الشوارع وشوفوا كيف أصبح الآمر! والنساء دي هي بيوتنا وعرضنا مش حد غريب علشان نبطل نتكلم عنه، والمحافظة عليها هو أساس بناء المجتمع. وآه والله العظيم، اللبس ومظهره من أسس بناء المجتمعات، الحشمة لها وقار وتضبط القلب وفكره رويدا.. افعلوا ذلك ديانة لله سبحانه وصيانة لأنفسكم وإن كان المجتمع كله يدفعكم نحو الفساد دفعا، فكونوا أنتم وجهة الخير وسباقين له.. يرزقكم الله من حيث لا تحتسبوا، ويؤويكم ويحفظكم؛ والآخرة خير وأبقى. -اسلام منصور

قال ابن القيم - رحمه اللَّـه تعالى " إذا أرَدتَ أنْ تعْرِف مَدىٰ إيمَانك فَراقِب نفْسَك فِي الخَلواَت؛ إنَّ الإيمَان لاَ يظهَرُ فِي صَلاة ركْعَتَينِ ، أوْ صِيام نهَار؛ بلْ يظهَرُ فِي مُجاهَدة النَّفس وَ الهوَىٰ " مدارج السالكين(١٦٤/٨٢)

- سماع الموسيقى ، والجهر بيها - الجنية الباقي لصحاب السوبر ماركت ومش بنرجعه مع إننا قولنا هنرجعه - التبزير ف استعمال المياة - تأخير الصلاة عن وقتها - الميكب السميبل بتاع كل يوم الصبح الي الرجالة الأجانب عنك بتشوفه - الهزار مع الرجالة سواء ف الشغل أو المواصلات أو حتي البائعين - الصُحوبيه بين الولد والبنت - القاعدة بشعرك قدام ابن خالتك ، ابن عمك .. ألخ - استوري فيها موسيقى علي صورتك - الفساتين السوارية فالافراح المختلطة - الافراح المختلطة - الريبوست بتاع التيك توك أو الانستا -ترشيح المسلسلات والأفلام -ذنوب جاريه -البنت اللي بتبين أخر حته في رجليها -خصله الشعر اللي بتبان من الطرحه ، الرقبه ، نص الدراع ال بيبان عشان الاكسسوارات تبان -الڪلام البذيء -ڪسر الخواطر ، التنمر ، التريقة والسخرية -الرقص في الأفراح قدام الشباب عادي -السجاير -تأخير الصلاة لسبب بسيط -السڪوت على خطأ بيعمله صديق ليك ومش بتنصحه -الريأڪت والشير لناس بتشير حاجات حرام -الميمز اللي أغلبنا بيشارڪها على العام ويڪون فيها ست بشعرها أو ڪاشفة جسدها. -التقليل من الغير حتى لو في سبيل المزاح -تصديق المُنجمين والإيمان بالأبراج -منقول

الاستسلام شعور صعب.. لما تفضل تحاول أكتر من مرة، وتبذل كل اللي تقدر عليه، وفي الآخر تحس إن مفيش نتيجة، وإن كل الأبواب مقفولة! وفي اللحظات دي الإنسان ممكن يحس إنه خلاص مش قادر يكمل، وإن مفيش فايدة من المحاولة من الأساس؛ وساعتها تلقائي هيتوقف عن السعي ومحاولات الإصلاح! ولكن من رحمة ربنا بينا إنه حكى لنا على نماذج عاشت ظروف صعبة جدًا، وتعرضت لضغوط من كل ناحية، ولكنها صبرت واحتسبت ولم تستسلم أبدًا.. نبي الله نوح عليه السلام.. استمر 950 سنة يدعو قومه إلى الله، ليلًا ونهارًا، سرًا وجهرًا! ورغم إن اللي آمن به عدد قليل، وكان نصيبه من غالب قومه السخرية والإعراض، إلا إنه لم يستسلم عليه السلام وفضل مكمل دعوة معاهم السنين دي كلها! لحد ما وصل للحظة شعر فيها إنه مبقاش في إيده حاجة تاني يعملها مع قومه؛ {فَدَعَا رَبَّهُ أَنِّي مَغْلُوبٌ فَانتَصِرْ}.. وده مش استسلام لليأس! ده تسليم لله عز وجل بعد ما بذل كل ما يستطيع.. فجاءه الفرج من حيث لا يحتسب، ونجّاه الله ومن آمن معه، وجعل قصته آية للعالمين. فلما تحس إنك عملت كل اللي عليك، ومش قادر تكمل لوحدك؛ دي مش نهاية الطريق! دي أحيانًا بتكون بداية الفرج.. فإياك أن تستسلم لليأس، وسلّم أمرك لله، واستمر فيما تقدر عليه؛ فإن الله لا يضيع سعيًا بُذِل بإخلاص، ولا يترك عبدًا لجأ إليه صادقًا.. {فَدَعَا رَبَّهُ أَنِّي مَغْلُوبٌ فَانتَصِرْ * فَفَتَحْنَا أَبْوَابَ السَّمَاءِ بِمَاءٍ مُّنْهَمِرٍ * وَفَجَّرْنَا الْأَرْضَ عُيُونًا فَالْتَقَى الْمَاءُ عَلَىٰ أَمْرٍ قَدْ قُدِرَ} #الاستسلام #مش_لوحدك t.me/moh_elghaleez

الموضوع أكبر من إن العريس يوافق على مبادئك ويعملك اللي إنتِ عايزاه من ضوابط الخطوبة وفرح إسلامي والخ الخ.. الموضوع إن لازم دي تكون مبادئه من الأول وهوّ حابب ده وبيدوّر على حد شبه، مش يوافق على اللي إنتِ عايزاه علشان يمشي الجوازة! لإن لو مزهقش في فترة الخطوبة هيزهق بعد الزواج، الدين محتاج شخص قوي يشيله وجو هاخد بإيده ده بيعصّبني لإن ببساطة مش كل الرجال بتحب إن الست تكون أذكي منّه وأعلم منّه، ومن أول صدام بين الحلال والحرام هيتخنق منّك.. اللهمّ لا تبتلينا بأزواجٍ لا تحمل همّ الدين :"))

24 #كتاب_تأملات_قصيرة

‏عندما نتجاهل أذكارنا ونعتقد أنها شيء غير مهم وننسى انها تحفظنا وربما تقلب الأقدار يقول ابن القيم - رحمه الله -: حاجة العبد للمعوذات أشد من حاجته للطعام والشراب واللباس، داوم على أذكارك لتدرك معنى احفظ الله يحفظكَ. #أذكار_الصباح ⛅️✨

"وما المرءُ إلّا حيثُ يجعل نَفسَه ففي صالحِ الأعمال نفسك فاجعَلِ!" ـ المقنع الكندي.

23 #كتاب_تأملات_قصيرة

🔹نتيجتك حال من أربعة. 1)إما رزق نتيجة تعب واجتهاد والتعب والاجتهاد دا مش شرط يبقى مذاكرة بس ممكن أنتِ مبتلاه في جوانب أخرى وربنا جبر خاطرك في الجانب دا وهنا هتتعلمي ان فعلا مع العسر يسر وان ربك رحيم ويخلق من قلب الإبتلاء، رحمة ..♡ 2)إما ابتلاء فممكن تكوني ذاكرتي ونتيجتك أقل من اللي ذاكرتيه فدا درس من ربنا، هتتعلمي فيه بعدين إن اختيارات ربنا لكِ دايما هي الصح وهتتعلمي ان الدنيا دي دار ابتلاء، ومش كل اللي عايزينه فيها بناخده 3)إما استدراج فهتلاقي شوية مجرمين، معندهمش دين بيغشوا بأي طريقة من الطرق وبيجيبو مجاميع عالية في الآخر .. فدا استدراج من ربنا، وهيشوفو الخراب في الدنيا قبل الآخرة وهيبقي في رقبتهم ذنب نص مليون طالب ليوم الدين، ومظلمة الحقوق بتتكفر عن طريق التوبة +انك تروح لكل شخص ظلمته وتطلب منه يسامحك شوفي بقا هيكفروا عن الذنب دا ويستسمحوا ٥٠٠ الف طالب ازاي! فدا هيعلمك ان مش كل قوانين الدنيا 1+1=2 وهتتعلمي فيه إني كمسلمة في مقاييس أخروية بقيس بيها الأمور وأن عادي جدا الشر ينتصر في الدنيا 4)وإما عقاب بسبب تقصير قصرتيه في المذاكرة فالنتيجة هتعلمك، ان التسويف عاقبته سيئة وهتتعلمي تتكيفي مع الحلول البديلة وتسلكي طريق جديدة ما كنتيش مرتبالها وهتتعلمي ان الحياة مش سهلة، وإنها لازمها معافرة -حياء