عودة رجل 𝕭𝖆𝖗𝖆𝖆🔻

"غادر مجتمع الشواذ، ومستقبلًا مجتمع المتعافين؛ فلا يمكنك الشفاء في نفس البيئة التي جعلتك مريضًا." مصطفى.✍️

"ادفن أحلامك بإيدك" الاندماج في المجتمع، واللي بنسميه في لغة التعافي "الاندماج الصحي بعالم الرجال"، هيخليك تتفاجئ إن بعض تصوراتك عن الناس كانت مجرد تصورات خيالية اتبنت في دماغك، واللي بالغ في رفع قيمتها المثالية و/أو الغموض. الواقع ممكن يكون قاسي فعلًا، لكنه بيعرفك الحقيقة زي ما هي... بعكس الخيال اللي ممكن يعيشّك في عالم مثالي من تأليفك أنت، عالم لا يمت للواقع بصلة، ويعزلك عن الناس، وعن نفسك، وعن الحياة، ويصعّب عليك إنك تعيش الحياة على الأقل بشكل طبيعي. للأسف، أغلبنا مفتقد "قيم جمالية"، وبيفضل يدور عليها في الآخرين، سواء رجال أو نساء. القيم دي ممكن تتلخص في حاجات زي: الحب الصادق غير المشروط، والشعور بالقيمة، والانتماء، والأمان، والاستقرار، والاحتواء... إلخ. والمشكلة الأكبر كمان إنك ممكن تتخيل إن القيم دي كلها هتكون موجودة في شخص معين، أو إن فيه إنسان مثالي هيقدر يحقق لك كل اللي أنت مفتقده. والحقيقة إن القيم الجمالية اللي بتبحث عنها في الأشخاص، سواء رجال أو نساء، هي قيم أخلاقية وإنسانية نادرة جدًا، وقلّما تجتمع كاملة في إنسان... وحتى لو لاقيت بعض جوانبها في شخص، فغالبًا هتلاقي عنده جوانب أخرى وعيوب تنقص من الصورة المثالية اللي رسمتها له في خيالك. عشان كده، لازم تتعلم تتخلى عن بعض أحلامك القديمة اللي أنت لسه متشبث بيها. مش لأنها كانت بلا قيمة بالنسبة لك، ولكن لأنها في الغالب أحلام غير واقعية، ومش هتجني من التعلق بيها غير وجع القلب، وتأخيرك عن جوانب مهمة جدًا في حياتك. أنا اكتشفت إن التعافي مش معناه إنك تحقق كل اللي كنت بتحلم بيه... التعافي معناه إنك تتقبل إن بعض أحلامك القديمة، اللي أنت لسه متعلق ومتشبث بيها، لازم تموت عشان أنت تقدر تعيش. فـ ادفن بعض أحلامك القديمة بإيدك، حتى لو كانت غالية عليك، قبل ما التعلق بيها يتحول لسجن يدفنك حي، ويمنعك إنك تعيش حياتك بشكل طبيعي، وتبني علاقات واقعية، وتشوف الناس على حقيقتهم، وتكتشف إن الحياة أكبر بكتير من العالم اللي رسمته في خيالك.

لَنْ تَبْلُغَ الْمَجْدَ حَتَّى تَلْعَقَ الصَّبِرَا دَبِبْتَ لِلْمَجْدِ وَالسَّاعُونَ قَدْ بَلَغُوا حَـدَّ النُّفُوسِ وَأَلْقَوا دُونَهُ الأزرا وَكَابَدُوا المَجْدَ حَتَّى مَلَّ أَكْثَرُهُمْ وَعَانَقَ المَجْد مَنْ وَفى وَمَنْ صَبَرَا لاَتَحْسِب المَجْدَ تَمْراً أَنْتَ آكِلَـهُ لَنْ تَبْلُغَ المَجْدَ حَتَّى تَلْعِقَ الصَّبِرَا 🧏🏻‍♂معلومة جانبية: تلعقَ الصبِرا وليس الصبر. والصَّبِرُ: هو عُصَارَةُ شَجَرٍ مُرٍّ تُسْتَعْمَلُ فِي الطِّبِّ والمعنى أنك لن تنال المجد حتى تتجرع المرارات.

﴿إِنِّي لِعَمَلِكُم مِّنَ الْقَالِينَ﴾

"أفكلما خلوت عصيت!"

﴿وَمَا آمَنَ مَعَهُ إِلَّا قَلِيلٌ﴾

🧏🏻‍♂امشي على خطة تعافي شاملة وخطواتها محددة... حتى لو أنت اللي عاملها بنفسك. تعافي بدون خطة... تعافي بلا هدف. مصطفى.✍️

"المثلية بديل غير مُرضي لحلم ضائع." مصطفى.✍️

"البدائل الصحية" من أهم العوامل اللي ساعدتني على مدار رحلة التعافي، وساعدتني أدخل بقوة في مرحلة النقاهة –بعد توفيق الله–، كانت "البدائل الصحية". من خلال تجربتي في الحياة، بقى عندي قناعة إن البديل الصحي القوي للسلوك الخاطئ قادر يساعدك تتعافى منه... ويمكن أحيانًا من غير خطة علاجية معقدة أو غوص في تفاصيل وتحليل عميق. أول تجربة عشتها مع البدائل الصحية كانت مع "التعافي من سماع الأغاني"... كان البديل القوي بالنسبة لي للتخلص منها هو سماع القرآن الكريم، ولقيت نفسي – من غير ما أشعر – تخلصت من الأغاني بعد ما كنت مدمن عليها (تعبير مجازي)، وكنت بسمع عربي وأجنبي، وقديم وجديد، ورومانسي وشعبي، ومدح، ومازيكا... مخلتش (الحمد لله الذي عافانا). ومن هنا عرفت إن التعافي من السلوكيات والممارسات الجنسية، وبخاصة المثلية، محتاج هو كمان بديل صحي قوي يساعدني أمشي في طريق التعافي. وعشان كده، طول الفترة اللي فاتت كنت ببحث عن البدائل دي، بالتوازي مع بحثي عن سبل التعافي. وعملت منشور مخصوص عن الموضوع ده، وخد مني وقت وجهد لا يعلمه إلا الله، كتبت فيه مجموعة من البدائل المقترحة اللي ممكن تساعدك بإذن الله. تقدر تتطلع عليه من خلال الرابط ده. https://t.me/Baraa_Channell/1327 أما بالنسبة لمرحلة النقاهة... فاللي ساعدني أدخل فيها وبقوة –بعد توفيق الله–، هو إني عملت محتوى جديد بقدمه داخل جروب القرية على الفيسبوك، عشان يكون بديل صحي عن محتوى التعافي، والتركيز المستمر على المثلية، ومجتمع المثليين، ومجتمع المتعافين. والحمد لله، ربنا كتب للمحتوى ده القبول والرواج، وكان سبب في إنه يساعدني أصرف انتباهي عن المجتمع ده، وأرجع أنتمي للمجتمع العام بشكل طبيعي. وفي النهاية، أحب أكرر حاجة مهمة ذكرتها في المنشور اللي أشرت إليه... كل واحد احتياجاته مختلفة عن الآخر، والبديل اللي ينفع مع غيرك مش شرط ينفع معاك. عشان كده، من أهم خطوات التعافي إنك تكتشف بنفسك إيه هو البديل الصحي اللي يناسب شخصيتك، واهتماماتك، واحتياجاتك... لأن ده ممكن يكون واحد من أكبر أسباب نجاح رحلتك في التعافي بإذن الله.

"اسلُك سُبُل الهُدَى ولا يضُرُّك قِلَّة السَالِكين، وتَجَنَّب سُبُل الضَلالة ولا يغُرُّك كثرة الهَالِكين."

"البدايات للجميع، والاستمرار للصادقين... فالبقاء ليس للأقوى، بل للأصدق." مصطفى.✍️

"التعافي اعتقاد؛ فإن اعتقدت أنه ممكن، أصبح ممكنًا... وإن حكمت عليه بالمستحيل، فقد انتهت المحاولة قبل أن تبدأ." مصطفى.✍️

"بعد توفيق ربنا؛ أنت المسؤول الأول والأخير عن تعافيك... خلص الكلام."

"لا تُلْقِ سِلاحَك!" لو أن رجلًا مشى في طريقه لملاقاة عدوه، • فأثقله درعه.. فخلعه!! • وأثقله سيفه.. فرماه!! • وأثقله طعامه وشرابه.. فتركهما!! ثم لاقى عدوه حاسرًا، أعزلَ، جائعًا... فأنى له أن ينتصر؟! كذلك حال من استثقل الطاعات... • ثقل عليه الذِّكر... فتركه!! • وثقلت عليه السنن الرواتب... ففرَّط فيها!! • وثقل عليه أداء الفرائض... فأخَّرها عن وقتها!! • وثقلت عليه أوامر الله ونواهيه... فهانت عليه!! ثم يشتكي ضيق معيشته، وقسوة القلب، وتسلُّط الشيطان! لقد صرع نفسه قبل أن يصرعه عدوه... 📖 قال الله تعالى: ﴿وَمَنْ أَعْرَضَ عَن ذِكْرِي فَإِنَّ لَهُ مَعِيشَةً ضَنكًا وَنَحْشُرُهُ يَوْمَ الْقِيَامَةِ أَعْمَىٰ﴾ [طه : 124] فلا تُلقِ سلاحك؛ فإن أعظم أسلحة المؤمن في هذه الحياة بعد توفيق الله: الصلاة، والذِّكر، وقراءة القرآن، والدعاء، والاستغفار. نسأل الله أن يرزقنا وإياكم الثبات على طاعته، وألا يكلنا إلى أنفسنا طرفة عين. 🤲

"الانفصال الواعي" من أهم العوامل اللي ساعدتني أتخطى مرحلة التعافي وأدخل في مرحلة النقاهة، كانت مهارة علاجية مهمة جدًا اسمها الانفصال الواعي. أنا اتكلمت عنها قبل كده في منشور "التعافي وأزمة الهوية الوجودية"، واللي بالمناسبة بيتناول جانب مهم جدًا في رحلة التعافي، وهو الجانب الوجودي... وده من الجوانب اللي المفروض نهتم بعلاجها خلال رحلة التعافي، ونادراً لما تلاقي حد أتكلم عنها حتى لو من بعيد. طيب إيه هو الانفصال الواعي؟ باختصار، دي آلية علاجية بتبدأ معاك من أول يوم في رحلة التعافي (اللي هو أول يوم في خطوة هجر أرض المعصية)، وبتستمر معاك لحــــــــد نهايتها... بل وبتمتد معاك خلال مرحلة النقاهة كمان. في البداية، بتنفصل بشكل كامل عن مجتمع المثليين، وبتستبدله بالاندماج بمجتمع المتعافين (قنوات التعافي، وجروبات الدعم إن وجدت)؛ لأن البيئة اللي حواليك ليها تأثير كبير على طريقة تفكيرك وسلوكك... وكمان لها تأثير على تعافيك. وبتفضل طول رحلة التعافي تدرب نفسك يوم بعد يوم، لحد ما الانفصال ده يبقى حقيقي ومستقر... وتثبت هوية "المتعافي" في عقلك الواعي واللاواعي. وبعد ما تقطع شوط لا بأس به في التعافي (سنة أو سنتين مثلًا)، بتبدأ مرحلة جديدة، وهي الانفصال التدريجي عن مجتمع المتعافين هو كمان، وبتبدأ تندمج بالمجتمع العام بصورة متوازنة وتدريجية. أما خلال مرحلة النقاهة، فبيكون تدريبك اليومي هو تأكيد الانفصال التام عن عالم المثليين (لو لسه فاضل شوائب في النفس) وعن عالم المتعافين اللي مريت من خلاله مؤخرًا، والتأقلم مع المجتمع العام، وفهم طبيعته، وتعلُّم العيش فيه بحلوه ومرّه. لأن الهدف النهائي من رحلة التعافي مش إنك تتخلص من هوية "مثلي"، وتفضل متعلق بهوية "متعافي"... وإنما الهدف إنك تعيش حياتك بصورة طبيعية ومتوازنة، دون أن تظل أسيرًا لهوية الماضي أو حتى لمرحلة التعافي نفسها.

"الرجوع إلى الله بصدق" أول عامل من العوامل اللي ساعدتني أتخطى تعثري الكبير في نهاية رحلة التعافي (كان ليه أسباب منها إني حملت نفسي فوق طاقتها في محتوى براء)، وكمان خلاني أرجع تاني لطريق التعافي والدخول كمان في مرحلة النقاهة... كان "الرجوع إلي الله بصدق". وقلت قبل كده إن خطوة تقوية الجانب الديني دي تعتبر هي الأساس اللي هنبني عليها كل اللي جاي بعد كده في رحلة التعافي، سواء أثناء الرحلة أو بعد ما تخلص بإذن الله. ربنا سبحانه وتعالى مَنَّ عليَّ بالرجوع إليه مرة تانية، وأسأل الله الثبات وألا يحرمني من قربه أبدًا... ودي كانت البداية الحقيقية للمرحلة الجديدة. وعشان كده بنصح كل واحد بيسعى للتعافي بجد إنه يتمسك بحبل الله، لأن النجاة الحقيقية مش في أي سبب من أسباب الدنيا، وإنما في الطريق إلى الله. علمي، وعقلي، وثقتي بنفسي... كل ده ما أنقذنيش وقت انتكاستي الكبيرة في آخر الرحلة. اللي أنقذني هو الرجوع إلي الله بصدق.🎯

"مقدمة عن مرحلة النقاهة" رحلة التعافي رحلة صعبة وقوية، ومش بقولك كده عشان أحبطك، بالعكس... بقولك كده عشان وأنت مقبل عليها تبقى عارف حجمها، وتستعدلها كويس. بس اللي أقدر أأكدهولك، إن الطريق يستحق كل مجهود هتبذله فيه إن شاء الله. المهم... بعد ما تعبر مراحل التعافي المختلفة اللي اتكلمنا عنها في قناة براء، هتوصل بإذن الله لمرحلة هتحس فيها إنك انفصلت بشكل شبه تام عن العالم القديم (عالم الشواذ)، وإن شخصيتك وطريقة تفكيرك وحياتك اتغيروا بشكل كبير. وهنا بيبدأ فصل جديد من الرحلة وهو: "مرحلة النقاهة". مرحلة النقاهة ممكن نعتبرها مرحلة إعادة اتزان، واستعادة الرجولة الحقيقية بشكل تدريجي، وبناء حياة أكثر استقرارًا ونضجًا بإذن الله. الجميل في المرحلة دي إنها مش معقدة، ومش محتاجة غوص مستمر في التحليلات النفسية العميقة أو استنزاف في تفكيك كل التفاصيل القديمة... الفكرة ببساطة إنك تعيش حياتك الجديدة بقلبك وعقلك، وتبحث عن العوامل والمقومات اللي تساعدك تثَبت أقدامك في التعافي، وتكمل طريقك للفطرة السليمة بأمان واتزان. مرحلة النقاهة هي مرحلة بناء أكثر منها مرحلة صراع، ومرحلة ترميم أكثر منها مرحلة مواجهة. وإن شاء الله، هشارك معاكم خلال الفترة الجاية أهم العوامل اللي ساعدتني أحط رجلي على أول طريق المرحلة دي، وهنتكلم عن طبيعتها بشكل عملي وواقعي، بكل ما فيها من تحديات، وتجارب، ونتائج إيجابية. أسأل الله أن يجعلها رحلة مباركة لكل من يسعى للتغيير والإصلاح، وأن يرزقنا جميعًا الثبات وحسن العاقبة. 🤲🤍

.

.