BMC_TV

وەزارەتی سامانە سرووشتییەکان نرخی بەنزینی نۆرماڵی بە 750 دینار جێگیر کرد وەزارەتی سامانە سرووشتییەکانی حکومەتی هەرێمی کوردستان بڕیاری دا پشتگیریی دارایی بۆ بەنزینی بازرگانی دابین بکات، بەمەرجێک نرخی هەر لیترێک بەنزینی جۆری نۆرماڵ لە بەنزینخانەکاندا بە 750 دینار جێگیر بکرێت. راگەیەندراوی فەرمی وەزارەتی سامانە سروشتییەکان بەپێی فەرمانێکی وەزاری کە ئەمڕۆ پێنجشەممە، 13 ئاب، 2026، بە واژۆی کەمال محەممەد ساڵح، وەزیری سامانە سرووشتییەکان بە وەکالەت دەرچووە، جیاوازیی نێوان ئەم نرخە دیاریکراوە و نرخی ڕاستەقینەی بازاڕ لەلایەن حکومەتی هەرێمی کوردستانەوە ئهستۆ دەگیرێت و پاڵپشتی دەکرێت. میکانیزمی دابەشکردن و کوالێتی ئاماژە بەوەشکراوە، دابەشکردنی بەنزینەکە بە هاوئاهەنگی ڕاستەوخۆ لەگەڵ پارێزگاکان، ئیدارە سەربەخۆکان و بەڕێوەبەرایەتییەکانی نەوت و کانزاکانی ناوچەکە ئەنجام دەدرێت. جەخت کراوەتەو کە دەبێت کوالێتیی بەنزینە پاڵپشتیکراوەکە بە تەواوی بەپێی رێنمایی و ستانداردە تەندروستی و ژینگەییە پەسەندکراوەکان بێت. چوونە بواری جێبەجێکردن بە گوێرەی بڕیارەکە، ئەم فەرمانە لە ڕۆژی دەرچوونییەوە (13-08-2026) دەچێتە بواری جێبەجێکردن

لەسەر داواى پەرلەمانتارێكی فراكسیۆنی یەكێتی لە ئەنجومەنی نوێنەرانی عێراق وەزیرى تەندروستى رەزامەندى دابینکردنى چوار ئامێرى پێویست و گرنگى بۆ "سەنتەرى گورچیلەی دەستکرد"ى قەزای چەمچەماڵ دەربڕى. رەزامەندی وەزیری تەندروستی لەسەر داواکارییەکە پۆڵا شەهید سیروان دێڕ‌ەشەیی، ئەندامی ئەنجومەنی نوێنەرانی عێراق لە فراكسیۆنی یەكێتیی نیشتمانیی كوردستان رایگەیاند:''دواى ئەوەى لە 28ى 7ى 2026 نوسراوى داواکاریم بۆ وەزیرى تەندروستى عیراق بەرزکردەوە بەمەبەستى دابینکردنى چوار ئامێری نوێی شۆردنی گورچیلە لە جۆری (Fresenius 5008)بۆ سەنتەرى گورچیلەی دەستکرد لە قەزای چەمچەماڵ، ئەمڕۆ پێنج شەممە 13ى8ى2026  وەزیرى تەندروستى رەزامەندى دەربڕى و ئەو چوار ئامێرەى داوامان کردبوو دابینی بکات.'' خستنەناوەوەی سەنتەرەکە بۆ ناو پڕۆژەی نیشتمانی ئاماژەى بە ئەوەش کرد: وەزیری تەندروستی عێراق رەزامەندی بۆ داواکاریەکى دیکەشم دەربڕى کە مەڵبەندەکە بخرێتە ناو پڕۆژەی نیشتمانی بۆ شۆردنی گورچیلە. کێشەی پێشتری نەخۆشانی گورچیلە لە چەمچەماڵ جێگای ئاماژەیە، نەخۆشانی گورچیلە لە قەزای چەمچەماڵ بۆ دابینکردنی پێداویستییەکانیان ناچار دەبوون بۆ کەرکوک و سلێمانی بچن،

🔴ئاژانسی فرانس پرێس لە زاری دوو سەرچاوەی حکومەتی عێراق بڵاویکردووەتەوە کە عەلی زەیدی، سەرۆک وەزیرانی عێراق جەختی لەوە کردووەتەوە، ئامادەن بۆ رووبەڕووبوونەوە و پێکدادان لەگەڵ ئەو گروپانەی ئامادەنین چەکەکانیان رادەست بکەن.