snurmedia سنورمیدیا

مژدە مەحمود هێرشى توند ده‌كاته‌سه‌ر مه‌سرور بارزانى مژده‌ مه‌حمود: سەرۆکی حکومەت مەبەستی ئەوە بوو بەگرتنەوەی بەنزین لە بەنزینخانەکان و نەبوونی بەنزین وا لە خەڵک بکات بڵێ: با گرانبێت و هیچ کێشە نیە بەس بەنزین هەبێت (واتە خەڵک مەمنون بێت بەنزین گرانیش بێت بەس هەبێت) دواتر بەمەمنونی بەگرانی بەخەڵکی بفرۆشن!

کوشتنی هاوڵاتیەک و بریندارکردنی باوکیش  لەناو بازاڕی زەڕەنگەرانی هەولێر

دکتۆر ئارام محمد وەزیری خوێندی باڵا بڕیاری دا بە پەسەندکردنی ڕاپۆرتی لیژنەکەی زانکۆی سلێمانی، بڕیاری عزل کردن (دورخستنەوەی هەتا هەتایی) دکتۆر عبدلەتیف سەلەفی

كۆتایی خۆشەویستی‌و جیابونەوە دوای نزیكەی سێ ساڵ لەهاوسەرگیری نێوانیان، كەلێن دەكەوێتە نێوان خۆشەویستیەكەیان‌و ئۆرڤان ئاراس‌و چاوان سۆران خەسرەو، لەڕۆژی 3ی ئەم مانگە لەداگای سلێمانی كۆتایی بەهاوسەرگیریەكەیان دەهێنن‌و جیادەبنەوە هەر هەمان شەویش، د.عەبدول لەتیف چاوان لەخۆی مارەدەكات‌و دەیبات بۆ ماڵی خۆی. ئۆرڤان بەهیچ شێوەیەك ئامادە نییە قسە لەسەر تێكچونی پەیوەندیەكانیان بكات، وەك خۆی دەڵێت مەترسی لەسەر ژیانی هەیە. قسە بكەیت‌و نەكەیت هەر دەتكوژین" ئۆرڤان دەڵێت لەڕێی تەلەفونەوە هەڕەشەی كوشتنی لێدەكرێت لەحاڵەتی دركاندنی چۆنیەتی تێكچونی پەیوەندییەكانی لەگەڵ چاوان، یان باسكردنی پەیوەندی نێوان چاوان‌و عەبدول لەتیف. ئەو وتی "ئەوان دەڵێن خۆت‌و خێزانەكەت دەكوژین"، زیاتر وتی "بۆیە من هیچ قسەیەك لەو بارەیەوە ناكەم، تەنانەت هەندێك جاریش پێم دەڵێن قسە بكەیت‌و نەشیكەیت هەر دەتكوژین". ئۆرڤان ئامادە نییە تەنانەت ناوی ئەوانەش بڵاوبێتەوە كەهەڕەشەی لێدەكەن. ئۆرڤان لەبارەی ئەوتۆمارە دەنگیانەی لە تۆڕی كۆمەڵایەتیەكان بڵاوكراوەتەوە ئامادەنییە قسە بكات‌و تەنها دەڵێت "من هیچ شتێكی چاوانم لانەماوەو ماڵی باوكی چاوانیش ئاگادارن". وتیشی "دوای ئەوەی لەچاوان جیابوومەوە لەبەرچاوی ئاوەڵزاواكەم، ئەلبومی وێنەكانی خۆمانم سوتاند، هەروەها هەموو ئەو رەسم‌و دەنگ‌و ڤیدیۆیانەشم رەشكردەوە كەلای من بوو، هەر لەبەر چاوی ئەوان". "دایك‌و باوكی چاوان دایك‌و باوكی منن" ئۆرڤان، دەڵێت كاتێك لەگەڵ چاوان هاوسەرگیری كردوە زۆر رێزی دایك‌و باوكی گرتوەو هیچ كات كێشەی لەگەڵدا نەبون. ئەو وتی "خەسوو و خەزوورم وەكو دایك‌و باوكم وابوون، لەگەڵ باوكی خەسرەو وەك دوو هاوڕێ‌ وابووین، ئێستاش دەستیان ماچ دەكەم‌و پێڵاوەكانیان دەخەمە سەر سەرم". ئۆرڤان هیوای ژیانێكی بەختەوەر بۆ چاوان دەخوازێت‌و دەڵێت كە زۆر ئاسودەیە لەوەی لەگەڵ چاوان جیابووەتەوە. "لای من چاوان رابردووەو هیچ پەیوەندیەكی بەمنەوەنەماوە، وەك ئەوەیە نەمناسیبێت". "بیر لەژیانێكی تر دەكاتەوە" ئۆرڤان ئامادەیە جارێكی تر هاوسەرگیری بكات‌و وتی "نایشارمەوە دوای ئەو روداوە كچێك داوای خۆشەویستی لێكردوم، بەڵام ئێستا بڕیارمنەداوە خۆشەویستی بكەم، بەڵام رەنگە لەئایندەدا دوبارە ژیانی هاوسەری پێكبهێنمەوە". لەئێستا لەتۆڕی كۆمەڵایەتی فەیسبوك جۆرێك لەهاوسۆزی بۆ ئۆرڤان دەردەبڕدرێت، ئەو وتی "سوپاسی هەموو ئەو گەنجانە دەكەم كە لەڕێگەی تۆڕی كۆمەڵایەتییەوە پشتگیریم دەكەن، ئەوانی وەك خوشك‌و برای خۆی لەقەڵەمدا". خەندان یەكەم كەناڵی راگەیاندنە كە ئۆرڤان قسەی بۆ دەكات، "جگە لەم قسانەی ئێستا كەدەیكەم هیچ قسەیەكی دیكەم نەكردووە، تەنانەت فەیسبووكەكەشم داخستووە‌و ژمارەی مۆبایلەكەشم گۆڕیوە". خەندان پەیوەندی بە د.عەبدول لەتیف ئەحمەدەوە كرد و ناوبراو بەڵێنیدا كە قسە بۆ خەندان بكات، بەڵام پاش دوو رۆژ بەبیانووی ئەوەی لە دادگا كێشەی بۆ دروست دەكرێت و چاوانی لێ مارەناكرێت چاوپێكەوتنەكەی هەڵوەشاندەوە. ئەم چاوپێککەوتنە 10ساڵ پێش ئێستا و لە 10-5-2016، لە ماڵپەڕی خەندان بڵاوکراوەتەوە

هەڕەشەی كوشتنم لێدەكرێت‌و لەگەڵ چاوان هیچ كێشەیەكمان نەبوو ئۆرڤان ئاراس، هاوسەری پێشوی چاوان سۆران خەسرەو، ئاشكرایدەكات كەهەڕەشەی كوشتن لەخۆی‌و خێزانەكەی دەكرێت ئەگەر بێت‌و باسی پەیوەندی نێوان چاوان‌و د. عەبدول لەتیف سەلەفی بكات، دانبەوەشدا دەنێت كە ئەو لەگەڵ هاوسەری پێشوی "زۆر" دڵخۆشبوەو هیچ كێشەكیان نەبووە. بۆیەكەمجار لەدوای ئاشكرابونی پەیوەندی نێوان چاوان‌و رابەری سەلەفییەكانی كوردستان، ئۆرڤان ئاراس هاوسەری پێشوی چاوان، لەڕێی ماڵپەڕی خەندانەوە قسە بۆ میدیا دەكات‌و تیشكده‌خاته‌سه‌ر سەرەتای ناسینی چاوان‌و چۆنیەتی هاوسەرگیری‌و ژیانیان لەو سێ ساڵەی كە پێكەوە بوون، دەشڵێت "زۆر یەكتریان خۆشویستوە". ناوەڕاستی مانگی رابردوو پرسی پەیوەندی نێوان عەبدولەتیف ئەحمەدو ژنە خوێندكارێكی لەتۆڕە كۆمەڵایەتیەكان وەكو دەنگۆ بڵاوبوەوە، دوای چەند رۆژێك ژمارەیەك بەڵگەی دەنگی لەسەر ئەو پەیوەندیە بڵاوكرانەوە، بەڵام عەبدولەتیف لەڕونكردنەوەیەكدا بونی پەیوەندی لەگەڵ ئەو خوێندكارەدا رەتكردەوەو وتی ئەوانە بۆ لێدانە لەئیسلام. سەرەتای ئەم هەفتەیە بۆ یەكەمجار مامی ئەو كچە پەردەی لەسەر هاوسەرگیریی چاوانی برازایی‌و عەبدول لەتیف هەڵماڵی، لەو رۆژەشەوە بۆتە باسێكی گەرمی میدیاكان، لەماوەی دوو رۆژی رابردوشدا چەندین وێنەی هەردوكیان كە پێكەوەبون لەتۆڕە كۆمەڵایەتیەكان بڵاوكرانەوە. فەیسبوك ئۆرڤان‌ و چاوانی بەیەكتر ناساند سەرەتای ئاشنابونی ئۆرڤان‌و چاوان بەیەكتر، دەگەڕێتەوە بۆ یەكترناسینیان لەڕێی تۆڕی كۆمەڵایەتی فەیسبوكەوە، لەسەرەتای ساڵی 2013. ئەوكات چاوان 19 ساڵ دەبێت‌و ئۆرڤانیش 22 ساڵ. دوای ماوەیەك قسەكردن لەو تۆڕە، هەردولا ژمارەی مۆبایلەكانیان دەگۆڕنەوەو لێرەشەوە پەیوەندییەكانیان قۆناغێك دەچێتە پێشەوە، بەپێی گیڕانەوەكانی ئۆرڤان بۆ خەندان. ئۆرڤان‌و چاوان لەڕێی تەلەفونەوە بەردەوام‌و بەتایبەت شەوان قسە لەگەڵ یەكتر دەكەن، ئۆرڤان دەڵێت "هەموو شەوێك تا بەیانی بەمۆبایل بەیەكەوە قسەمان دەكرد، جاری واهەبوو نزیكەی سەعاتێك بەگریانەوە قسەمان لەگەڵ یەكتر دەكرد"، وەك ئاماژەیەك بۆ بەتینی خۆشەویستییەكەیان، زیاتر وتی "ئێمە زۆر یەكترمان خۆشدەویست‌و هەموو وشەكانمان خۆ فیداكردن بوو بۆ یەكتری". درێژەكێشانی ئەو قسەكردنەیان لەڕێی تەلەفونەوە، وادەكات دایكی چاوان هەست بەپەیوەندیی كچەكەی بكات، لێرەشەوە ئەو پەیوەندییە تەنها لەنێوان ئەو دوو خۆشەویستە بەنهێنی نامێنێتەوە. ئۆرڤان وتی "شەوێك دایكی چاوان بەپەیوەندی نێوان ئێمەی زانی‌و قسەی لەگەڵ كردم". بەوتەی ئۆرڤان، دایكی چاوان داوای لێكردوە بچێتە داوای كچەكەی، "منیش لەپاش ئەوە بەباوك‌و دایكی خۆمم وت‌و ئەوانیش رازی بون‌و چوینە خوازبێنیكردنی چاوان". لە6ی حوزەیرانی 2013، ئۆرڤان‌و چاوان ئەڵقەی هاوسەرگیری دەگۆڕنەوەو لەمانگی 9ی هەمان ساڵدا زەماوەند دەكەن. ئۆرڤان ئاراس دەڵێت بەرلەوەی مارەی چاوان ببڕێت بەچوار مانگ، پەیوەندیەكی بەهێزی خۆشەویستی لەنێوانیاندا هەبوە. خۆشەویستی ئەو دووانە ئیتر سنوری قسەكردن بەمۆبایل كۆتایی پێدەهێنێت‌و پێكەوە لەماڵێكدا دەژین. ئۆرڤان بەخەندانی وت "من‌و چاوان بەخۆشەویستی هاوسەرگیریمان كرد، چوار مانگ خۆشەویستی یەك بووین، لەو ماوەیەدا تەنها یەكجار لەدوورەوە یەكترمان بینی". ئۆرڤان ئاراس لەدایكبوی ساڵی 1991ەو پەیمانگای هونەرە جوانەكانی سلێمانی تەواو كردووە. باوكی ئۆرڤان لەكیمیابارانی هەڵەبجەدا 24 كەسی خێزانەكەی لەدەستداوە لەنێویاندا دایك‌و باوكی، كە بەدەستی خۆی دایك‌و باوك‌و چەند براو خوشكێكی ناشتوە. چاوان سۆران خەسرەو لەدایكبوی ساڵی 1994ەولەخێزانێكی شیوعی لەدایك بووە. ژیانی هاوسەرییان بەوتەی گێڕانەوەكانی هاوسەری پێشوی چاوان بێت، ئەو دوو خۆشەویستە كاتێك هاوسەرگیریشیان كردوە بەختەوەر بون‌و "ڕۆژ بەڕۆژ" خۆشەویستیەكەیان زیادی كردوە. "لەسەرەتای ژیانماندا ئێمە بەیەكەوە بەختەوەر بوون‌و رۆژ بەڕۆژ خۆشەویستیەكەمان زیادی كردووە"، ئۆرڤان دەڵێت كە لەڕووی ئابووریشەوە هیچ كێشەیەكیان نەبووە، بەڵام دانبەوەدا دەنێت هەندێك كێشەی بچوكییان هەبووە وەك هەر ژن‌و مێردێكی تر. دایك‌و باوكی ئۆرڤان، كرێی خانویان بۆ داوە، لەگەڵ پێدانی خەرجیەكانی ماڵەوەیان، خۆیشی مانگانەكەی 800 دۆلار بووە‌و بەشی بژێوەی ژیانی خۆیی‌و چاوانی كردوە. كاتێك قسەی بۆ خەندان دەكرد، ئۆرڤان زوو زوو تەئكیدی دەكردەوە "زۆر خۆش دەژییاین". بەهەندێك لەپاشەكەوتی كرێی مانگانەكەیی‌و یارمەتی دایكی، ئۆرڤان وەك خۆی دەڵێت دەتوانێت ئۆتۆمبێلێكی جۆری هۆندا بۆ چاوان بكڕێت "لەوەشدا دایكم هاوكاری زۆری كردم، هێندە باری دارایم باش بوو مانگی چەند لیرەیەكی ئاڵتونم بۆ چاوان دەكڕی".

سپید دەڵێت رۆناڵدۆ و پۆرتوگال نازناوی مۆندیال دەبەنەوە زلاتان ئیبراهیمۆڤیچ لە ستۆدیۆکە دەریدەکات 😅😅

کەشتییە جەنگییەکانی ئێران لە دورگەی لارک کرانە ئامانج

یەکەی دەریایی سوپای ئێران: دوو کەشتی کە دەیانویست گەرووی هورموز تێبپەڕێنن نوقم کران

میدیاکانی ئێران: سوپای ئێران لەژێر ناوی لەبەیکە یا سەید مجتبا، وەڵامدانەو هێرشەکانی ئەمریکایان دەستپێکرد

قەرارگای خاتەمول ئەنبیا: گەروی هورموز بەتەواوی داخرا

سەدا و سیما: دەنگی سێ تەقینەوەی بەهێز لە بەندەر عەباس بیسراوە

فڕۆکەی سەربازی گەیاندنی سووتەمەنی ئەمریکی لە جۆری Boeing KC-135R Stratotanker لە سەر گەرووی هورمز دەسوڕێتەوە.

🔴ئاژانسی تەسنیم: کۆمەڵگەی گازی پارسی باشوور هێرشی نەکراوەتە سەر.

ئەمریکا: هێرشەکانمان بۆسەر ئێران بەردەوام دەبێت