ប្រព័ន្ធស្បៀងបម្រុងកម្ពុជា (ប.ស.ប.ក.)

លេខាធិការដ្ឋាននៃគណៈកម្មាធិការគ្រប់គ្រងប្រព័ន្ធស្បៀងបម្រុងកម្ពុជាបានចែកស្រូវពូជ, គ្រាប់ពូជបន្លែ និងឧបករណ៍ដាំគ្រាប់ស្រូវ ជូនប្រជាកសិករ និងគ្រួសារកងទ័ពនៅស្រុកជាំក្សាន្ត ខេត្តព្រះវិហារ   តាមការណែនាំ​ដ៏ខ្ពង់ខ្ពស់បំផុតរបស់សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា និងសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី ឲ្យក្រសួងស្ថាប័នពាក់ព័ន្ធ រួមទាំងក្រមការងារនៃគណ:កម្មាធិការគ្រប់គ្រងប្រព័ន្ធស្បៀងបម្រុងកម្ពុជា (ប.ស.ប.ក.) ឲ្យយកចិត្តទុកដាក់ជួយពលរដ្ឋភៀសសឹក​ ជាពិសេសគ្រួសារវីរ:យុទ្ធជន ទាំងនៅមណ្ឌលភៀស​សឹក ទាំងនៅពេលពួកគាត់ត្រឡប់ទៅលំនៅដ្ឋានវិញ។ ដោយអនុលោមតាមការណែនាំដ៏ខ្ពង់ខ្ពស់របស់ ឯកឧត្តមអគ្គបណ្ឌិតសភាចារ្យ អូន ព័ន្ធមុនីរ័ត្ន ឧបនាយករដ្ឋមន្ត្រី រដ្ឋមន្ត្រីក្រសួងសេដ្ឋកិច្ច និងហិរញ្ញវត្ថុ កាលពីពាក់កណ្ដាលខែមេសា ដល់ពាក់កណ្ដាលខែឧសភា ឆ្នាំ២០២៦ លេខាធិការដ្ឋាននៃគណៈកម្មាធិការគ្រប់គ្រងប្រព័ន្ធស្បៀងបម្រុងកម្ពុជា (ប.ស.ប.ក.)បានសហការជាមួយនឹងរដ្ឋបាលថ្នាក់ក្រោមជាតិពាក់ព័ន្ធ ដើម្បីផ្ដល់ជូនគ្រាប់ពូជស្រូវដល់ប្រជាកសិករ និងគ្រួសារទ័ព ចំនួន ៧ ៨១០គ្រួសារ នៅឃុំទាំង៨ នៃស្រុកជាំក្សាន្ត ខេត្តព្រះវិហារ ស្របទៅនឹងវិធានការគោលនយោបាយចំពោះមុខរបស់រាជរដ្ឋាភិបាលក្នុងការស្តារ​ជីវភាព​ប្រជាជនតាមទីតាំងរងការឈ្លានពានពីភាគីថៃ ដើម្បីពង្រឹងសន្តិសុខស្បៀង និងស្តារសកម្មភាពសេដ្ឋកិច្ចឱ្យប្រក្រតីឡើងវិញ។ គួរបញ្ជាក់ផងដែរថា លេខាធិការដ្ឋាននៃគណៈកម្មាធិការគ្រប់គ្រងប្រព័ន្ធស្បៀងបម្រុងកម្ពុជា (ប.ស.ប.ក.) បានចែកនូវគ្រាប់ពូជស្រូវសរុបចំនូន៧៨១តោន ដោយក្នុងនោះរួមមាន ពូជផ្ការំដួល ចំនួន    ៥៨៩.៨តោន និងពូជស្រងែក្រអូប ចំនួន ១៩១.២តោន និង គ្រាប់ពូជបន្លែដល់គ្រួសារកងទ័ព សរុបប្រមាណ ១ ៥៤០គ្រួសារ ព្រមទាំងបានផ្ដល់ជូននូវឧបករណ៍ដាំគ្រាប់ស្រូវសម្រាប់ឧបករណ៍ដាំគ្រាប់ស្រូវ ក្នុង១ឃុំ​ចំនួន ១គ្រឿង សរុប ៨គ្រឿង។ 👉 ទំព័រហ្វេសបុក|Facebook 👉 ប.ស.ប.ក.|JOIN US #CambodiaFoodReserveSystem

សារលិខិតជូនពរ ថ្នាក់ដឹកនាំ និងមន្ត្រីរាជការនៃក្រសួងសេដ្ឋកិច្ចនិងហិរញ្ញវត្ថុ និងឧត្តមក្រុមប្រឹក្សាសេដ្ឋកិច្ចជាតិ នៅក្នុងឱកាសពិធីបុណ្យចូលឆ្នាំថ្មី ប្រពៃណីជាតិ ឆ្នាំមមី អដ្ឋស័ក ព.ស.២៥៧០