ـ أفـراط

عادي احاول مرة و مرتين و عشرة و الف مرة شنو ممكن يصير ؟ مصيري انجح بالاخير و مصيري اوصل ، مستحيل يجي يوم ابطل محاولات

راح تكتلني الحسرة إذا نهاية هذا التعب والمحاولة چان تعب آخر

-

ماكو ربط بس هي هاي الحياة ما بيها ربط

و بالأخير محد راح يحطلك السم بس اليگدر يوصل للصحن التاكل منه

اكو غزال كل يوم الصبح لازم يركض اسرع من الأسد حتى ما يموت و اكو اسد كل يوم الصبح لازم يركض اسرع من الغزال حتى ما يموت من الجوع ، ف أنت إذا چنت غزال او اسد لازم تركض يومياً من تطلع الشمس حتى تعيش

هالمرة بس هالمرة يارب ابقى ممنون عمري كله لهذا الشيء

اي شيء تخاف منه اركض بأتجاهه إذا ما تجرب و تعيش كل شيء تخاف منه ف راح تبقى عمرك كله خايف

تريد تنجح ؟ اختفي شگد ما تگدر و اگعد وحدك ابتعد عن معارفك قدر الأمكان

-

شايف من تگعد تاكل بعد يوم متعب و تشغل اغنية و تغص بس مو باللگمة

يوم من الأيام الأعديها بالگوه و محد يدري بيها و لا راح احچيها لاحد و تندفن مع غيرها

-

-

بس تصير هالمرة و يتغير كل شيء بحياتي ابقى ممنون للحياة لأخر عمري

فجوة مخيفة بين الرضا بالقدر المكتوبلي و بين جنون الاستمرارية العندي و بين مقاومة الواقع الخايس

اني الوحيد اليحقلي اسخر من تجاربي لأني ضگت مرارتها و عدت ، انت شنو حتى تسخر من مواقف چانت تاكل و تشرب بداخلي ؟

-

هذا التعب راح يجيب نتيجة يوماً ما ، اني متأكد

الحياة تبدأ عند نهاية منطقة راحتك