"QAMCHIQ" Maxsus qutqaruv boshqarmasi

Joriy yilning 14-avgust kuni boshqarma boshlig‘i rahbarligida Avariya-qutqaruv, Qidiruv-qutqaruv hamda Qutqaruv otryadlarining harbiy xizmatchilari va xizmatchi-qutqaruvchilaridan jismoniy tayyorgarlik mashg‘ulotlari bo‘yicha sinov imtihonlari qabul qilindi. Sinovlar davomida qutqaruvchilarning jismoniy tayyorgarlik darajasi, kuch, chaqqonlik, tezkorlik va chidamlilik kabi ko‘nikmalari amaldagi belgilangan me’yorlar asosida baholandi. Mazkur mashg‘ulotlar qutqaruvchilarning jismoniy tayyorgarligini yanada mustahkamlash, favqulodda vaziyatlarda tezkor va samarali harakat qilish ko‘nikmalarini oshirish hamda xizmat vazifalarini yuqori saviyada bajarishga tayyorgarligini ta’minlashga qaratildi. Sohaga oid barcha yangiliklar bizning kanalda 👇 👉 @FVVQamchiq 👈

"Qamchiq" Maxsus qutqaruv boshqarmasining malakali xodimlari tomonidan "Olmaliq kon-metallurgiya kombinati" AJning Fuqaro muhofazasi tuzilma a’zolari bilan dars mashg‘ulotlari o‘tkazildi. "Olmaliq kon-metallurgiya kombinati" AJda ishchi-xizmatchilarning favqulodda vaziyatlarga tayyorgarligini oshirish, aholi va hududlarni favqulodda vaziyatlardan muhofaza qilish, shuningdek, yuzaga kelishi mumkin bo‘lgan xavflarning oldini olish maqsadida Fuqaro muhofazasi tuzilma a’zolari bilan navbatdagi dars mashg‘ulotlari o‘tkazildi. Mashg‘ulotlar davomida Fuqaro muhofazasi tuzilmalarining asosiy vazifalari, favqulodda vaziyatlar sodir bo‘lganda harakatlanish tartibi, maxsus qutaqruv asbob-anjomlaridan to'g'ri foydalanish, ishchi-xizmatchilarning xavfsizligini ta’minlash hamda yuzaga kelishi mumkin bo‘lgan favqulodda vaziyatlarning oqibatlarini bartaraf etishda tuzilmalarning o‘rni haqida tushuntirishlar berildi. Mashg‘ulot yakunida ishtirokchilarning bilim va ko‘nikmalari sinovdan o‘tkazilib, sertifikatlar tarqatildi.