Gulchehra NUR ijodi

✍️Gulchehra Nurulloh qizi 🎤Charos Shodmonqulova 💻Husniddin Islom O‘g‘irlandi yozning gul isi, Oppoq qishning yaraqlashlari... O‘g‘irlandi yuzlar kulgusi, Nigohlarning charaqlashlari... O‘g‘irlandi mehrli so‘zlar, Mulozimat, salomlar xatto... Yetti yotga aylandik bizlar... O, bu - nechog‘ shaytoniy xato! Go‘zal edi, hayolar parda, Bir-biriga mehr tutishlar... Urf endi ko‘cha-ko‘ylarda Tanimasga o‘xshab o‘tishlar... Umidlarga yoprildi shira, Oluvlarga aylandi qo‘shuv... O‘rtanishdan naf yo‘q, Gulchehra, O‘g‘irlangan yurtning holi shu! 2005 yil @Gulchehra Nurullaeva Instagram YouTube Facebook

* * * УМР экан - ортга қайтмас Ҳар дақиқа, ҳар лаҳза... Умр экан сирин айтмас, Надир ёқмас, на ёқса... У ич-ичин совуқ уриб, Бир кун афсус еб қолди... “Роса тўкин суҳбат қуриб, “ФИКР олай”, - деб қолди... Қандай экан унга яқин Кимсаларнинг гап-сўзи? Улар ундан мамнунми, ё Ичин билгай ўз-ўзи? “Тинглай, - деди, - берай барҳам, Хатоларим бўлса гар... Суянайин уларга ҳам, Фидоларим бўлса гар...” УМР ТИЛни ҳузурига Эҳтиром-ла чорлади. Меҳмон тўлиб кўз нурига, Иззатлардан порлади... Сўз очилди йўғ-у бордан... ТИЛ дедики: “Минг қуллуқ... Биз хушнудмиз эътибордан... Сиз - авлиё... Сиз - улуғ... Мен-ку ТИЛман... Раҳбар - ОҒИЗ... Шундагина бор изн... Сўзлагайман, очилса гар, Ичимдаги бор сўзим... Чопар чопди... Келди ОҒИЗ... Етди гапнинг мағзига... Деди: “Лаблар мени ҳаргиз Солиб олган изнига. Ўшаларсиз мен - хўп ожиз, Мен - бенаво, юмуқман... Ўшаларсиз буткул беиз... Супраси ҳам қуруқман...” Очилса у, очилгайман... Юмуқ эса, мен жимман... Жилов - ўша, - деб билгайман, Ўшанга мен - надимман...” ЛАБЛАРни ҳам чопар тезда Чорлаб келди мажлисга. У дедики: “Мен шу кезда Айтай айтарим сизга... Деди: “Дўстим, сўзлайман, гар Рухсат тегса АҚЛдан... Мен - АҚЛнинг хасми ахир... Асрар у номаъқулдан Мажлисбоши уни маҳкам Қучди... Тутди даста гул... АҚЛ бўлсин ҳаммада ҳам, Олам бўлсин унга қул... 27.07.2020. @Gulchehra Nurullaeva Instagram YouTube Facebook

✍️Гулчехра Нуриллох қизи 🎙Зиннура ҚОТИЛЛИК (достон) Ажойибот, ғаройиботдан Ёза билмас митти қаламим. Оддийгина кулбали, зотан, Суз оламим, хаёл оламим. Буролмасман дарёлар сари Ярқираган ойли ирмоқни. Эплолмасман куплар сингари Қизиқ қилиб сузлаб бермоқни.... Билганларин, шундай булса хам, Айтмоққа уч хаёлкаш қалам... 1996 йил. @Gulchehra Nurullaeva Instagram YouTube Facebook

* * * O‘kinchlarning sayronasi menmasman, Beimkonlik xayronasi menmasman, Tushkunliklar vayronasi menmasman... – Qora qalam, oppoq qog‘oz meniki! Tanholikning chindishlari menga yot... Afsuslarning tintishlari - menga yot... Bo‘sh fursatning tentishlari - menga yot... Fikr izlab yurgan ovoz meniki! Quvon, ko‘ngil! Uchaver, ruh! Yayra, jon! Har kimga ham nasib bo‘lmas bu in'om, - Hali-hanuz hayajonsan, hayajon! Qay shavqlardan ro‘yob parvoz meniki! Oldda qancha yo‘lim qoldi - bilmasman... Benaf o‘ylar ila bag‘rim tilmasman... Olloh bergan shu umrdan men mastman... Qirovli qish, quyoshli yoz meniki! Beimkonlik xayronasi menmasman! 2020 yil. @Gulchehra Nurullaeva Instagram YouTube Facebook

* * * Ўкинчларнинг сайронаси менмасман, Беимконлик хайронаси менмасман, Тушкунликлар вайронаси менмасман... – Қора қалам, оппоқ қоғоз меники! Танҳоликнинг чиндишлари менга ёт... Афсусларнинг тинтишлари - менга ёт... Бўш фурсатнинг тентишлари - менга ёт... Фикр излаб юрган овоз меники! Қувон, кўнгил! Учавер, руҳ! Яйра, жон! Ҳар кимга ҳам насиб бўлмас бу инъом, - Ҳали-ҳануз ҳаяжонсан, ҳаяжон! Қай шавқлардан рўёб парвоз меники! Олдда қанча йўлим қолди - билмасман... Бенаф ўйлар ила бағрим тилмасман... Оллоҳ берган шу умрдан мен мастман... Қировли қиш, қуёшли ёз меники! Беимконлик хайронаси менмасман! 2020 йил. @Gulchehra Nurullaeva Instagram YouTube Facebook

* * * Besuvoq uy, tang dasturxon, siznikiman... Uyib xirmon, ko‘rmas ehson, siznikiman... Borki topgan-tutganlari cho‘kib ketib, Suv yuzida qalqqan karvon, siznikiman... Gar yiroqman to‘kinlarning davrasidan, Ey kemtik jon, bori - armon, siznikiman... Tinim bilmay kecha-kunduz, bo‘lsangiz xor, Men ham xorman, men ham xorman... Siznikiman... Mungli singlim, “oh”li opam, siznikiman... Ey akajon - yirtiq chopon, siznikiman... 2020 yil. @Gulchehra Nurullaeva Instagram YouTube Facebook

* * * Бесувоқ уй, танг дастурхон, сизникиман... Уйиб хирмон, кўрмас эҳсон, сизникиман... Борки топган-тутганлари чўкиб кетиб, Сув юзида қалққан карвон, сизникиман... Гар йироқман тўкинларнинг даврасидан, Эй кемтик жон, бори - армон, сизникиман... Тиним билмай кеча-кундуз, бўлсангиз хор, Мен ҳам хорман, мен ҳам хорман... Сизникиман... Мунгли синглим, “оҳ”ли опам, сизникиман... Эй акажон - йиртиқ чопон, сизникиман... 2020 йил. @Gulchehra Nurullaeva Instagram YouTube Facebook

* * * Ko‘zni yumib, bir dam o‘yladim: To‘kilmoqda umr suvog‘i... Kuch yetarmi tutmoqqa qaddin? Qancha qoldi umrim bu yog‘i? Aql shunda dedi dashnom-la: “Kunlar emas, zahmatlar - umr. Xotirjamlik bastin achomla, Xotirjamlik zilolin simir! Axir HAQni bilding-ku tilak! Axir HAQ deb bo‘lding-ku xalak... Axir HAQ-ku Ollohning nomi, Axir HAQ-ku borki ahkomi...” Ko‘zni ochib, sevindim keyin... 2020 yil. @Gulchehra Nurullaeva Instagram YouTube Facebook

* * * Кўзни юмиб, бир дам ўйладим: Тўкилмоқда умр сувоғи... Куч етарми тутмоққа қаддин? Қанча қолди умрим бу ёғи? Ақл шунда деди дашном-ла: “Кунлар эмас, заҳматлар - умр. Хотиржамлик бастин ачомла, Хотиржамлик зилолин симир! Ахир ҲАҚни билдинг-ку тилак! Ахир ҲАҚ деб бўлдинг-ку халак... Ахир ҲАҚ-ку Оллоҳнинг номи, Ахир ҲАҚ-ку борки аҳкоми...” Кўзни очиб, севиндим кейин... 2020 йил. @Gulchehra Nurullaeva Instagram YouTube Facebook

* * * BOLALIKNI ESLAB... Ne kunlarni ko‘rdim, shippak neligin Bilmagan yalang‘och oyog‘im bilan... Lek o‘zdan haydadim tushkun fe'lligim Qo‘ylarni xaydagan tayog‘im bilan... Chorladim, samoviy so‘zni chorladim... Ajabo, she'r keldi ilk javob bo‘lib... Uni og‘ushimga bosdim... Porladim - “Men baxtliman” degan bir xitob bo‘lib... Shu asno tik bo‘ldim murodimga xos... Qay bir o‘kinishlar bergani yo‘q pand. “Gulchehra” nomimga bo‘lmasam-da mos, “Gulruh” ismin bildim o‘zimga monand... Shukur... Mana endi ruhimda gullar... 2020 yil. @Gulchehra Nurullaeva Instagram YouTube Facebook

* * * БОЛАЛИКНИ ЭСЛАБ... Не кунларни кўрдим, шиппак нелигин Билмаган яланғоч оёғим билан... Лек ўздан ҳайдадим тушкун феъллигим Қўйларни хайдаган таёғим билан... Чорладим, самовий сўзни чорладим... Ажабо, шеър келди илк жавоб бўлиб... Уни оғушимга босдим... Порладим - “Мен бахтлиман” деган бир хитоб бўлиб... Шу асно тик бўлдим муродимга хос... Қай бир ўкинишлар бергани йўқ панд. “Гулчеҳра” номимга бўлмасам-да мос, “Гулруҳ” исмин билдим ўзимга монанд... Шукур... Мана энди руҳимда гуллар... 2020 йил. @Gulchehra Nurullaeva Instagram YouTube Facebook

* * * Har kuni tafakkur bir hikmatni mudom anglar: Ertalab hamon o‘sha tong degani otmoqda... Va lekin o‘ylaymizmi, ey biz - ko‘pni ko‘rganlar, Kundan-kunga dunyoning tozaligi ortmoqda... Kundan-kunga birma-bir qay firib bo‘lmoqda fosh... Qaygadir ko‘milgan sir chiqmoqdadir yuzaga... HAQIQAT - misli konchi... HAQIQAT - misli farrosh... Suvlar to‘lib bormoqda bo‘m-bo‘sh turgan ko‘zaga... Bolaligim, hozirim - misoli tun bilan kun... Bolaligim, hozirim - misoli ardob-u bol... Birida ko‘zyosh bo‘lsa, birida shavqlar to‘kin... Yuzimni silar iqbol, boshimni silar iqbol... O‘z baxtimga jarchiman, O‘z shavqimga posbonman... Shu charog‘on kunimning zavqi bilan osmonman... Har kuni tafakkur bir hikmatni mudom anglar... 2020 yil. @Gulchehra Nurullaeva Instagram YouTube Facebook

* * * Ҳар куни тафаккур бир ҳикматни мудом англар: Эрталаб ҳамон ўша тонг дегани отмоқда... Ва лекин ўйлаймизми, эй биз - кўпни кўрганлар, Кундан-кунга дунёнинг тозалиги ортмоқда... Кундан-кунга бирма-бир қай фириб бўлмоқда фош... Қайгадир кўмилган сир чиқмоқдадир юзага... ҲАҚИҚАТ - мисли кончи... ҲАҚИҚАТ - мисли фаррош... Сувлар тўлиб бормоқда бўм-бўш турган кўзага... Болалигим, ҳозирим - мисоли тун билан кун... Болалигим, ҳозирим - мисоли ардоб-у бол... Бирида кўзёш бўлса, бирида шавқлар тўкин... Юзимни силар иқбол, бошимни силар иқбол... Ўз бахтимга жарчиман, Ўз шавқимга посбонман... Шу чароғон кунимнинг завқи билан осмонман... Ҳар куни тафаккур бир ҳикматни мудом англар... 2020 йил. @Gulchehra Nurullaeva Instagram YouTube Facebook

📄uzdiplomat иқтибоси: 🖍 "Ҳар қадамда муаммо, муаммо… Ҳар қадамда кураш, кураш… Кимлар билан курашмоқ лозим? Аввало ичимиздаги душманлар бўлган сохталик билан, ёлғон билан…”. ГУЛЧЕҲРА НУРУЛЛАЕВА (1938-15.01.2021) Умр бўйи ҳақ ва ҳақиқат йўлида курашиб ўтган шоира. 30 йил давомида таъқиқларда бўлган. Унинг сўнгги китоби 1988 йили чоп этилган эди. Орадан 35 йил ўтиб, 2023 йили унинг уч жилдли шеърлар тўплами нашр этилди, аммо бу воқеани унинг ўзи кўролмаган. Telegram | Instagram | You Tube | Facebook | X

Бугун шоира Гулчеҳра Нуриллоҳ қизининг вафот этган кунлари. Агар ҳаёт бўлганларида, 88 ёшни қарши олган бўлардилар. Шоира умр бўйи ҳақ ва ҳақиқат йўлида курашиб ўтди, шу заминни, шу халқни жонидан ортиқ севди. Сўзни омонат деб билган, қаламини виждонига бўйсундирган шоирани дуоларингизда эслаб қўйинг. Руҳлари шод, манзиллари жаннат бўлсин. * * * Men o‘zimni anduhlarga ko‘niktirdim... Malomatlar, chandiqlarga ko‘niktirdim... Qalbga uchar qay o‘qlarga ko‘niktirdim... Ko‘p yiqildim... Lekin “oh”ni ichga yutdim... Mazah to‘la qay nigohni ichga yutdim... Men o‘zimni ne do‘qlarga ko‘niktirdim... Boshim uzra malomatlar seli bo‘ldi... Qalbim uzra zalolatlar keli bo‘ldi... Men o‘zimni tosh turqlarga ko‘niktirdim... Qay majlislar yuzlarimga balchiq surdi... Gazetalar yerdan olib, yerga urdi... Men o‘zimni “yo‘q-yo‘q”larga ko‘niktirdim... Garchi erta ne ko‘rardan ogohim yo‘q, Tuyardimki, haq oldida gunohim yo‘q... Men o‘zimni mantiqlarga ko‘niktirdim... Yursam, menga o‘shal mantiq oyoq bo‘ldi, Mador bo‘ldi, go‘yo qo‘ltiqtayoq bo‘ldi... Shunday... O‘zni anduhlarga ko‘niktirdim... “Bor bo‘l!” - deyman bukun endi g‘olibimga, Fidolig-u adolikka tolibimga... 2020 yil. @Gulchehra Nurullaeva Instagram YouTube Facebook

* * * Ko‘z bo‘lib, sen ko‘zni topa olmasang, Do‘st bo‘lib, sen do‘stni topa olmasang, Ikkinchi bir o‘zni topa olmasang, O‘kinma, odam. Men birga, Sen o‘nga, U - yuzga qodir... Axir har kimsada ming xislat jodir... Har dil shundayin bir sirli dunyodir... O‘kinma, odam... Do‘stlikka qay dovlar tegmasin, desang, Rostlikka aldovlar tegmasin, desang, Ishonchga olovlar tegmasin, desang, Sinab yur, odam. Tunli olamdir bu! Tunab yashaymiz... Kunli olamdir bu! Unnab yashaymiz... Mudom bir-birimiz sinab yashaymiz... Sinab ko‘r, odam. Sina, omad seni o‘pgunga qadar, Ikkinchi o‘zingni topgunga qadar, O‘lim ko‘zlaringni yopgunga qadar Sinayver, odam... 2020 yil. @Gulchehra Nurullaeva Instagram YouTube Facebook

* * * Кўз бўлиб, сен кўзни топа олмасанг, Дўст бўлиб, сен дўстни топа олмасанг, Иккинчи бир ўзни топа олмасанг, Ўкинма, одам. Мен бирга, Сен ўнга, У - юзга қодир... Ахир ҳар кимсада минг хислат жодир... Ҳар дил шундайин бир сирли дунёдир... Ўкинма, одам... Дўстликка қай довлар тегмасин, десанг, Ростликка алдовлар тегмасин, десанг, Ишончга оловлар тегмасин, десанг, Синаб юр, одам. Тунли оламдир бу! Тунаб яшаймиз... Кунли оламдир бу! Уннаб яшаймиз... Мудом бир-биримиз синаб яшаймиз... Синаб кўр, одам. Сина, омад сени ўпгунга қадар, Иккинчи ўзингни топгунга қадар, Ўлим кўзларингни ёпгунга қадар Синайвер, одам... 2020 йил. @Gulchehra Nurullaeva Instagram YouTube Facebook

* * * She'rlarim ko‘z yoshin artishga tushdi... So‘zlar jarang topdi, o‘zgacha jo‘shdi... Hech yerda qora yo‘q... Hammayoq pushti... – Siz meni topgach... Paydo bo‘ldi menda qaydandir qanot... Birdan tillarimda sayradi bayot... Birdan chiroy ochdi benavo hayot, - Siz meni topgach... Yarim asr umrim gulga ko‘mildi... Nadomatlar olis cho‘lga ko‘mildi... Borim “mehr” nomli dilga ko‘mildi, - Siz meni topgach... Nogohda ayriliq... Suratim qoldi... Dilda na olov, na jur'atim qoldi... Tilimda “oh” degan g‘urbatim qoldi, Sizni yo‘qotgach... Endi ne ham derman... Nolishlar abas... Behisht bog‘larida bo‘lsangiz, shu - bas... 2020 yil. @Gulchehra Nurullaeva Instagram YouTube Facebook

* * * Шеърларим кўз ёшин артишга тушди... Сўзлар жаранг топди, ўзгача жўшди... Ҳеч ерда қора йўқ... Ҳаммаёқ пушти... – Сиз мени топгач... Пайдо бўлди менда қайдандир қанот... Бирдан тилларимда сайради баёт... Бирдан чирой очди бенаво ҳаёт, - Сиз мени топгач... Ярим аср умрим гулга кўмилди... Надоматлар олис чўлга кўмилди... Борим “меҳр” номли дилга кўмилди, - Сиз мени топгач... Ногоҳда айрилиқ... Суратим қолди... Дилда на олов, на журъатим қолди... Тилимда “оҳ” деган ғурбатим қолди, Сизни йўқотгач... Энди не ҳам дерман... Нолишлар абас... Беҳишт боғларида бўлсангиз, шу - бас... 2020 йил. @Gulchehra Nurullaeva Instagram YouTube Facebook

* * * QAYTAR DUNYО Cho‘qqi manmanligi botdi ko‘zimga, Yo‘lim boshidayoq qaytdim izimga... “Yo‘q, menga haybatlar kerakmas”, - dedim... Axir kamsuqumlik shaydosi edim... Cho‘qqi g‘azabini sochdi yuzimga... “Qani, kelib ko‘r-chi, - dedi, - o‘zingga...” “Berkitaman, - dedi, - borki yo‘lingni...” “Qirqib tashlagayman, - dedi, - qo‘lingni...” Shunda men uyimni bor-yo‘g‘im bildim, SO‘Zni ham quvonchim, ham yig‘im bildim... Borim to‘kib soldim faqat o‘shanga... O‘xshagim kelmasdi nochor-bo‘shangga... Insoniy g‘ururim tog‘ edi axir... She'riyat - himmatli bog‘ edi axir... “Seni xo‘rliklarga bermasmiz”, - dedi... Do‘stginam shundayin jonkuyar edi... Ming shukur, osoyish yashamoqdaman Bir nafis, bir shinam, chaman bog‘da man... Kunlardan bir kuni qo‘pdi zilzila... Zaminning bor-yo‘g‘in to‘kdi zilzila... Cho‘qqi ham cho‘kmish-a yerning ostiga... Ajab, qaytar dunyo olmish dastiga... 2020 yil. @Gulchehra Nurullaeva Instagram YouTube Facebook