نافِذة

‏• مسّيتوا بكل خير يا أصدقاء، ومساءً مخصوص لمحبوب اعتاد البال مروره في هذه الأوقات❣️، ‏وفي كل مرة نقول ؛ ذكرتك يالحبيب اللي عسى الله يذكرك بالخير.

‏يلومون الصبور إن ملّ من صبره و أنا ما ألوم ‏من اشقاه الثبات و هدّت ظروف الزمن حيله ‏سواءً منتصر في معركة الأيام أو مهزوم ‏لا زال بحاجة الإنسان لـ أي إنسان يشكي له ‏متاهة صدرك أولى و الليالي غيبها معلوم ‏مع اللي بـ أمره يساق السحاب و يندرج سيله ‏عن أسرار…

‏يلومون الصبور إن ملّ من صبره و أنا ما ألوم ‏من اشقاه الثبات و هدّت ظروف الزمن حيله ‏سواءً منتصر في معركة الأيام أو مهزوم ‏لا زال بحاجة الإنسان لـ أي إنسان يشكي له ‏متاهة صدرك أولى و الليالي غيبها معلوم ‏مع اللي بـ أمره يساق السحاب و يندرج سيله ‏عن أسرار العباد تضج الألسن و العزيز يشوم ‏و أنا أكثر ما ابغضه فـ الحكي تحريفه و تأويله ‏ما عرّضنا مغاليق الضماير بيعة أول سوم ‏لها الله لا أستضاقت من غثا الوقت و غرابيله ‏لو إن أحيان تصعب وقفة الخاطر على الحلقوم ‏( عسى ما فات من عمرٍ مضى فدوة مقابيله ) ‏وعسانا لا عطينا السر أحد .. ينساه ثاني يوم ‏ماهو بـ ينساه لا من حبّنا وأن عاف يطري له ‏• عبدالعزيز العبلان

‏مرحبا والساعة اللي تجيبك « راس مال » ‏في دقايقها " نعيم القلوب " الشاقيه ❣️.

من باب المناجاة؛ يالله يا مروي ضما يابس العود من السحاب اللي مزونه تناشى تروي ضما قلبٍ من الوقت ملهود لين الهموم اللي بـ صدري تلاشى ذكرك كما غيثٍ معه برق ورعود وقلوبنا مثل الصحاري ‏« ‏عطاااشى »

‏اللهم ارحم جميع موتانا وموتى المسلمين

‏غريب ان الوداع اول دروس الطفل بالتلويح ‏وكنّ الناس بـ الفطرة تهيأ نفسها توادع ‏نعيش فراق لكنّا نكابر والأماني تصيح ‏وننكر واقع نعيشه ونبكي والأمل ضايع ‏على درب البعاد اقفيت وكنّ الموت له تلميح ‏تزايد بعد خطواتك وتنقص هقوتي بـ راجع ‏ويبقى لي أمل ترجع كثر ما باقيٍ لك ريح ‏اشمّه مع نسيم الصبح، نسيمك انت يا موادع ..

‏قد نظن أننا طوينا الماضي، لكن ملامح وجه، أو نبرة صوت، قد تختصر المسافات وتُعيدنا إلى البدايات.

‏طوتك السنين الجرد يالشارع المهجور ‏حتيت الشجر ما حط بك للخطى معبر ‏تلوم الغصن لو تكسره وقفة العصفور ‏واعذره ليا شح المطر والزمان أغبر ‏تعبنا على الارض الوسيعه وساع صدور ‏لو اللي شمال صدورنا ملّ واستكبر ‏يا نور المساء من غبت فاقد مساء النور ‏أردك ملام . . وتطلع بنظرتي مجبر ‏أنا عفواً اللي ما لقت بالعطا مشكور ‏عن اللي تركت أخبّرك ليه؟ و انت أخبَر ‏إلى أن قال؛ ‏يعلمك عن طول انتظاري ظلال السور ‏لا مرّ الهدوء بشارعك والضجيج أدبر ‏الأعبر من غيابك؟ حضورك بدون شعور ‏تخيل يكون حضورك من الغياب أعبر ! ‏كثر ما يجي مع عذرك الدمع شاهد زور ‏كثر ما تروح . . و تترك كسور ما تجبر ‏معك هقوتي مثل الصور في رفوف الدور ‏تمر السنين بعمرها بس ! . . ما تكبر

‏ما كلُّ ما في النَّفْسِ يُحْسَنُ قَوْلُهُ

‏كنت اقول صباح النور لما كان فعلاً في مقابلك نور، ولكن الان نكتفي بـ صباحٍ نرجوا الخير منه مودعه النور لمقابلك المحبوب ❣️. ‏ ‏لو اقدر ارجّع من العمر لحظات ؟ ‏رجّعت صبحٍ مرّ ... و انا قبالك

‏«مرّت الأيام والسنين ولكنك باقي ولازلت حاضر في كل مرة تجتاح القلب وتداهم البال .» ‏لذلك ؛ ‏بالضلوع أسرح ، وبالخاطر تفيَّا ‏لا غَلا عمري عليك .. ولا سنيني ‏قد نهيت القلب من يمك وعيَّا ‏الهوى ماهو بشيٍ في يديني ‏أنت من كثرك على الدنيا محيَّا ‏وين مالديت ، لا أنت اللي بعيني ‏إن بقى للشوق .. وصلٍ ماتهيَّا ‏"مرّني يا أعز وأغلى من يجيني"

‏حرّر خيالك ما على الفكر حرّاس

‏الافتراضات والأوهام قد تكون علاج المحبوب. ‏« أرسل رسالة فاضية و انا أفترض ‏انك كتبت أشياء منك أحتا ا ا ا جها »

‏« موطن الإنسان مشاعره، وأنت كُل المشاعر ❣️»

‏صباح الخير يا اصدقاء، مهما تظاهر الإنسان بالنسيان والقسوة و أصبح خالياً من العواطف الإيجابية، لا بد في يومٍ ما أن تنسكب عليه مشاعره الجياشة وكل ما تظاهر بنسيانه. ‏« عادي تناسى ضحكتي، شعري، ظروفي، بيتي،الريان ‏ و لكن لا تناسى وجهي، وتاريخ ميلادي ! ‏يهون اللي يصير أن عاد لي وسط الوطن عنوان ‏يجدّد سيرتي صبح الحنين أن غطرف الشادي ‏أنا مهما تحجَّر قلبي بـ ليلة؛ ( أظَلّ إنسان ) ‏أكيد أنّي بـ أحسّ بـ لوعتي، و أشتاق لـ بلادي »

‏فجرٍ على بابه سَهارى وأجاويد .

‏﴿ رَبِّ اجعَل هَذَا البَلد آمِناً ﴾ 🇰🇼