Mohammad Khayata Web dev

وجهة نظر : هل ال Ai رح ياخد شغلي ؟ وجهة نظري بهالموضوع انو ال Ai مارح ياخد شغلك ك "مطور فرونت اند" لكن يلي ممكن يصير بكل بساطة انو التيم ليدر تبع فريقك يتخلى عنك ويستبدلك بال Ai ! لانو المهام يلي بيعطيك ياها ال Team Leader بالفريق وبتاكل معك يومين او تلاتة رح يشتغلو ياها ال Ai ب 3 دقايق وبجودة افضل وهالشيء عانيت منو ب تجربة شخصية خلال عملي ب إحدى الشركات المحلية. كان في مهام اعطيها ل فريقي وكانت تستغرق المهمة ايام وبعدها استلمها بجودة منخفضة وفيها كتير مشاكل .. شو المطلوب مني بهالحالة ك مبرمج ؟! 1 - تعلم تستخدم ال Ai انت بدل ما يستخدمو الليدر : هيك انت بتكون عم تخفف ع الليدر مهمة استخدام ال Ai في حال كنت عضو بفريق برمجي وعم تقدملو فائدة حقيقية وفي حال كنت مستقل عم توفر ع حالك جهد كبير جدا 2- عمق خبرتك ضمن مجالك : دائما ال Ai بحل من 90% ل 99% من المهمة يلي عطيتو ياها وبتقنيات او ادوات قد تكون جديدة عليك لهيك حاول تتعلم منو بحيث تقدر تغطي الثغرات يلي ما حلها ال Ai 3 - لما يجيك مهمة بحاجة ل شي مو من اختصاصك جرب تعطيها ل Ai يشتغلك ياها قبل ماتعطيها ل شخص متخصص حتى تكسب مهارة التعامل مع الذكاء الاصطناعي بالمهام اليومية بشكل افضل وهيك ع كفالتي انت رح تكون من الناس الرائدين في مجال البرمجة ب عصر ال Ai بالمختصر .. المجال يلي انت فيه مارح ينقرض بسبب الAi بس رح يتفلتر لصالح الناس يلي بتقدر تستخدم ال Ai بشكل قوي 🚀🤖 تابعني لتعرف اكتر ❤️ t.me/MohammadKh4441Dev

🚀 ليش المونوريبو خيار قوي بمشاريع Next.js و Node.js؟ المونوريبو مو بس طريقة تنظيم… هي أسلوب شغل بيوفّر وقت، وبيكبر معك المشروع بدون وجع راس 👌 أهم فوائد المونوريبو 👇 🔹 تنظيم كل المشروع بمكان واحد فرونت إند، باك إند، وباكجات مشتركة كل شي واضح، ما في تشتت بين ريبوهات 🔹 مشاركة الكود والبيانات بسهولة فيك تشارك: Types و DTOs API contracts Utils مشتركة نفس الـ data structure بالفرونت والباك ✔️ 🔹 تقليل الأخطاء أثناء التطوير تعديل type واحد → الكل يتحدّث أقل mismatch بين API و UI refactor أسهل وأأمن 🔹 الـ AI بصير أذكى معك 🤖 لما كل الكود بنفس الريبو: الـ AI بيفهم العلاقة بين الملفات بيعطيك اقتراحات أدق بيكتب كود متناسق بين الفرونت والباك 🔹 تعاون أفضل بين الفريق نفس القوانين نفس الـ tooling نفس الـ standards الكل شغّال على نفس الصورة 🔹 نقطة انطلاق ممتازة نحو Microservices اليوم مونوريبو بكرا تفصل الخدمات بسهولة نفس الـ contracts نفس البنية كبر مشروعك بدون ما تعيد كل شي من الصفر ⚙️ إنشاء مشروع Monorepo باستخدام Turborepo (بسرعة) Turborepo من أفضل الأدوات لـ Next.js و Node.js npx create-turbo@latest مثال هيكلية: apps/ web/ → Next.js api/ → Node.js / NestJS packages/ contracts/ ui/ api-client/ ✔️ build أسرع ✔️ cache ذكي ✔️ إدارة dependencies أسهل ✨ الخلاصة المونوريبو: بتبسّط الشغل بتقوّي التكامل وبتخلّي مشروعك جاهز يكبر إذا شغلك Web و SaaS المونوريبو خيار احترافي 💪

العمل دون AI يشبه محاولة حفر بئر بملعقة؛ مجهود هائل ونتيجة متأخرة قبل فترة بسيطة، كنت أعمل ريفاكتور لعدة ملفات… العملية اللي كانت ممكن تأخذ ساعات من التركيز والتعديل اليدوي. اليوم؟ ال Ai خلّصها في دقائق، وبشكل أنظف ومرتب أكثر مما كنت رح أكتبه بنفسي. الذكاء الاصطناعي صار يختصر علينا المهام اللي تستهلك وقت وجهد دون قيمة إبداعية حقيقية: refactoring كتابة boilerplate code تحسين performance كتابة documentation اقتراح حلول أثناء الـ development وحتى اكتشاف الأخطاء قبل ما ترجع تطاردك بالساعات صار عندنا مساحة نركّز فيها على المنطق، الإبداع، وتجربة المستخدم بدل الشغل الروتيني اللي ما كان له داعي أصلاً. ومو بس كذا… اليوم، مع أدوات الـ AI، أصبح من الطبيعي جدًا إن مطور Frontend يقدر: يبني API ينشئ بنية مشروع Backend يربط قواعد بيانات ويعمل علاقات معقدة تحتاج دراسة شهور يكتب Queries معقدة ويطلق تطبيق Fullstack كامل بدون الحاجة يضيع شهور يتعلم كل شيء من الصفر مش لأن التعلم مش مهم—لكن لأن الذكاء الاصطناعي صار يختصر الطريق، ويعطيك فهم عملي بسرعة، ويخليك تنفّذ قبل ما تتعثر. الحقيقة؟ اللي يستخدم AI اليوم مو أسرع بس… هو أكثر إنتاجية، أكثر مرونة، وأكثر قدرة على دخول مجالات جديدة بدون خوف أو تردد. إحنا في زمن مو مطلوب فيه إنك تعرف كل شيء… المطلوب إنك تعرف كيف تسخّر الأدوات الذكية لمصلحتك. وإذا كنت مطوّر وما بدأت تعتمد على AI في شغلك… فأنت فعليًا تعمل بيدٍ واحدة، بينما الآخرين يعملون بعشر أيادٍ.

اكتر من الف سطر من الكود اختصرها ال Ai لاجزاء صغيرة وجمعها رجع بملف واحد منظم ✨

الحمد لله الاخبار الجيدة تتواصل بغزارة وهي خبر مباشر من gitHub كرمال المطورين السوريين https://github.blog/company/github-is-enabling-broader-access-for-developers-in-syria-following-new-government-trade-rules/

واخيرا ... هرمنا من اجل هاللحظة

رجاء يلي بيقدر يدخل يرفع المنشور عسى فريق غيت هاب يردو علينا https://github.com/orgs/community/discussions/171974

بحسب وزير الاتصالات ، غيت هاب قريبا في سوريا 💚

منذ انطلاق ChatGPT ، انحدر العدد الشهري للاسئلة المطروحة على منصة StackOverflow بشكل كبير جدا ! خبرونا عم تعتمدو على الذكاء الاصطناعي بشكل رئيسي لحل مشاكلكم ؟ ولا بتعتمدو البحث على غوغل لسا ؟

مشاريع جديدة كمان بمجال الانترنت ! 🚀 مشروع "سيلك لينك": ثورة إنترنت في سوريا! أعلنت وزارة الاتصالات عن إطلاق مشروع ضخم للألياف الضوئية يربط سوريا إقليمياً وعالمياً! 🔹 المواصفات: سعة 100 تيرابت/ثانية (أسرع بـ 1000 مرة من السرعات الحالية!) شبكة تمتد 4500 كم، تربط دمشق وحلب وتدمر والمناطق الشرقية والجنوبية. نقاط اتصال مع العراق، الأردن، لبنان، تركيا، لتصبح سوريا جسراً بين أوروبا وآسيا. 🔹 الأهداف: ✔️ تحسين جودة الإنترنت محلياً. ✔️ تحويل سوريا لـ مركز إقليمي للبيانات. ✔️ تمويل المشروع عبر شراكة حكومية-خاصة (PPP). 📅 القادم: مفاوضات مع شركات عالمية خلال الأسابيع المقبلة. #سيلك_لينك 🌐 منقول من صفحة الاستاذ محمد حبش

الناس بتتعذب وبتتعلم Prompt Engineering انا و ChatGPT 😆:

#نصيحة زميلك بنفس الفريق بالشغل او بالشركة او بالمجال بشكل عام ، ماتشوفه منافس ولا عدو لالك ولا الشخص يلي رح ياخد مكانك ، بالعكس تماما ، حاول تكسبه وتشاركو افكارك ويشاركك افكارو ولو كنت اشطر ومبلش قبله وعندك خبرة اكتر منه ، دوما مهما كان عندك خبرة رح تلاقي ناس رغم انها جديدة لكن بتعرف امور انت ماكانت ع زمانك او غابت عنك لسبب ما ولا تحتكر معلومة ، لو عندك معلومة قدمها للقدامك مارح تخسر شي ولا رح يصير احسن منك ، حلاوة هالمجال انو بيعتمد بشكل كبير عالامور المجانية ومفتوحة المصدر ، معلوماتك مارح تغني حدا ، لكن رح تعملك شخص نافع ويعطيك قيمة كبيرة مع اي شركة او شخص رح يشتغل معك

بدك تختبر قدراتك بال Css flex-box ? العب هي اللعبة 👇🏻 https://flexboxfroggy.com/

اليوم بدء تشغيل أول برج 5G سيريتل في دمشق

جنون دوري الانترنت في سوريا 🔥

هالحكومة بتنحب 👌🏻❤️ - باقات بأسعار مناسبة قريبا - وصول مجاني للمواقع والمنصات السورية ( قريبا ممكن يكون في وصول لتطبيقات البنوك والدفع الالكتروني دون الحاجة لتفعيل باقة او حتى انو يكون معك رصيد مما رح يسهل الدفع الالكتروني المحلي) - باقات جديدة للطلاب ولعناصر الأمن الداخلي ❤️

مكتبة GSAP ، اقوى مكتبة انيميشن لل Javascript صارت مجانية بشكل كامل بعد ما كانت معظم ال plugins مدفوعة 🥳🎉

مبدئيا .. , ال Ai بلش يتعامل معي وكأني موظف عندو ومتدايق مني كمان 🙃

اذا عم تستخدم npm وعم تعاني من النت البطيء ، الانقطاعات المستمرة وهو عم يحمل الباكجات ف صار لازم تنتقل ل PNPM 🚀 👌🏻 🌟 مميزات pnpm عن npm و yarn: 💡 1) السرعة الخارقة بالتثبيت pnpm سريع جدًا مقارنة بـ npm وحتى أسرع من yarn بسبب طريقة إدارة الكاش الذكية. pnpm ما بينسخ نفس الحزمة مليون مرة بكل مشروع. لما تنزّل مكتبة، pnpm يخزنها بمكان مركزي (cache) ويعمل symlink للـ node_modules. هذا بيوفر وقت ومساحة ضخمة جدًا. 🗃 2) ال node_modules أنظف وأخف pnpm بيعمل node_modules على شكل روابط بدل نسخ مكررة. لو عندك 10 مشاريع بيستخدموا نفس الإصدار من react، رح يستهلك: npm → 10 نسخ. pnpm → نسخة وحدة بالكاش وارتباطات فقط! 🔥 3) منع تعارض الإصدارات تلقائيًا pnpm صارم جدًا! لو مكتبتين بيطلبوا نسخ مختلفة من نفس الحزمة، ما بيسمح بوجود أكثر من نسخة بنفس المكان. بعكس npm يلي أحيانًا يتراكم فيه نسخ مخفية داخل بعض (nested dependencies). هالشي: يقلل المشاكل وقت النشر. يخليك تكتشف مشاكل التوافقية بوقت أبكر. 🧠 4) الـ Monorepo جاهز ومدعوم رسميًا لو شغال على مشروع كبير (مثلاً: backend + frontend بنفس repo) pnpm بيدعم workspaces من غير ما تحتاج أدوات إضافية مثل Lerna. 💪 5) pnpm fetch — التحميل بدون تثبيت ميزة رهيبة لو عندك CI/CD. يسمحلك تنزل كل الحزم وتخزنها بالكاش بدون تثبيت مباشر، وبعدها تثبت بسرعة وقت الـ build. 💾 6) أمان أعلى بسبب طريقته في إدارة الـ node_modules، مستحيل تحصل على حالات: "لماذا الكود شغال عندي لكن مش عند غيري؟" أو "ملف package-lock.json مختلف لكن الكود ما تغيّر". pnpm بيجبر الكل يكون عنده نفس الشكل، فبيمنع أخطاء الاختلاف بين الأجهزة.