Nursing With Ahmed Bakry

رسمياً بيان صادر عن وزارة الصحة:_ مدة السماح لأستلام التكليف بقت شهرين فقط من تاريخ صدور تاريخ قرار التكليف.. واللي هيتخلف ممكن الموضوع يوصل ان تكليفه يتلغي بشكل رسمي.. #التكليف #وزارة_الصحة

مساء الخير الزلزال اللي حصل من كام يوم كان مجرد تذكير بسيط إن الدنيا مش مضمونة، وإنها فانية، وإن كل حاجة ممكن تتّغير ف أقل لحظة.. يمكن دي رسالة لينا كلنا عشان نسامح، ونعتذر للي غلطنا ف حقهم، ونبدأ نصلح اللي بينا وبين الناس، لأن مفيش حد عارف عمره قد إيه؟! متشيلش ف قلبك من حد، ومتأجلش كلمة (أنا مسامحك أو حقك عليا) ، الدنيا أقصر من الخصام، وأغلى حاجة فيها راحة القلب... ربنا يحفظنا جميعًا، ويجعل أيامنا كلها أمان وسكينة، ويرزقنا حسن الخاتمة❤

رسمياً فتح باب تسجيل رغبات للتكليف لكليات التمريض خريجيي 2024 (امتياز 2025) http://mhealthmobasn.cu.edu.eg/

كلّ واحد ف المستشفى هتلاقيه شايفك بصورة غير التاني: فيه اللى يشوف فيك الخير، وفي اللي يشوف العكس، فيه اللى يرتاح لك من أول مره، وفيه اللى مهما حاولت معاه، عمره ما هيقتنع بيك وانك إنسان كويس.. وده شيء طبيعي، لأن كلّ إنسان بيشوف الناس بعين تجربته، وطريقة تفكيره، وانطباعاته، مش بعين الحقيقة الكاملة.. متشغلش نفسك إنك ترضي كلّ الناس، ولا تحاول تغيّر صورتك في عيون كلّ واحد، اللى يهم فعلًا إن تبقي نيّتك صافية، وتعاملك محترم، وضميرك مرتاح. في الآخر، أنت مش مسئول عن الصورة اللى كلّ شخص رسمها عنك، لكن مسئول عن أخلاقك، وصدقك، وحقيقتك.. ولو رضيت عن نفسك بعد ما ترضي ربّنا، هتعيش مرتاح، مهما اختلفت نظرة الناس ليك.❤

مهما كان قلبك نضيف ف المستشفى وحاولت تقرب من الناس وتساعدهم، ومهما كانت نيّتك صافية ليهم ف الشغل، هيفضل في ناس تشوفك بعين مختلفة.. ف اللى هيفسّر طِيبتك ضعف.. وجدعنتك حبّ للظهور.. وتلقائيتك تصنّع.. وحتى نيتك الحسنة هيشُك فيها.. وده مش لأن فيك مشكلة، لكن لأن كلّ واحد بيشوف الناس من زاوية أفكاره، وتجربته، وطريقة نظرته للحياة.. متستهلكش نفسك في محاولة إنك تثبت حقيقتك لكلّ الناس، اللى عايز يعرفك بجد، هيشوف معدنك مع الوقت، واللى قرر يحكم عليك من غير إنصاف، مش هتغيّر رأيه بكتر التبرير... خليك على طبيعتك، وأصلح نيّتك، واعمل اللى يرضي ربّنا. لأن في الآخر، قيمة الإنسان مش في نظرة كلّ الناس ليه، لكن في صدقه مع ربّه، ومع نفسه، ومع اللى يستحقّ فعلًا يعرفه.

حتى لو معرفتش تكمل كلية بعد المعهد ودي الحاجة اللى انت مرعوب منها لو لقدر الله حصلت!! هتتفاجأ إن مواجهة الموضوع وقبوله أسهل بكتير من الخوف والوهم اللى أنت معذب بيه نفسك وتفكيرك ودماغك هتفرتك.. والموضوع لما ينتهي، ربنا بينزل معاه لطفه ورحمته اللى بيهونوا الوجع والتعب، إنما الخوف من المصيبة قبل ما تحصل بيبقي خالي من اللطف ده، ومبيبقاش فيه غير تهاويل الشيطان ووساوسه وهو عمال يضخم في المخاوف ويسود السلبيات في عينك...زي لو مكملتش كليه هتبقى شخص قليل والناس هتقلل منك وغيره وغيره.. ف هونها على نفسك، وخلي ظنك بربنا كبير، وعيش متطمن برحمته ولطفه اللى دايمًا محاوطينك...وسيبها ع الله♥

من اول يوم اشتغلت فيه ف المستشفى وعرفت ان السواد والغل اللى جوا القلوب مبيستخباش مهما صاحبه حاول يمثل الطيبة ويبان حنين.. بيبان علطول من نغزة قلبك وإحساسك اللى مبيكدبش، من نظرة العين اللى بتخون صاحبها ومبتريحكش، وحتى من الإفيهات والرمي بالكلام اللى بيستخبى ورا قناع الهزار النفوس المريضة دي ف مجالنا بالذات بتعشق الشماتة اول ما يحصلك مشكلة ولا يتعمل فيك مذكرة وبتغليّ من غيظها لما تلاقيك محبوب والناس ملمومة حواليك، بيبقوا مركزين في تفاصيل حياتك أكتر منك، ونفسهم بس يشوفوك بتُقع علشان يحسوا إنهم بقوا فوقك وأحسن منك.. ومع ذلك عمرهم ما بيتقدموا خطوة ولا بينوبهم غير التعب والغل اللى بياكل فيهم.. ربنا يبعد عنا أصحاب الوشين، واللى عاملين انهم صحابنا وبيحبونا، ويكفينا شر القلوب الصفرا وغلها، ويحمينا من شر خلقه...

اللهم لك الحمد 😂❤ الف مبروك لمستر / إسلام سيد انه كسب قضية فصل بدل مخاطر المهن الطبية عن المرتب ف مستشفى جامعة بني سويف😂❤❤